نداء إلى كل معلمى الازهر الشريف المتوجهون لاعمال التصحيح الخاصة بالثانوية والاعدادية الازهرية عمل اضراب عن اعمال التصحيح حتى يتم مساواتنا بالتربية والتعليم فى الاجور وحافز الاثابة وحافز الاداء لاننا معلمون مثلهم و نقل عنهم فى شئ بل نزيد عليهم فى التعب والارهاق
كذلك حساب اجر اليوم بيومين فى المراقبة اسوة بهم فى امتحان الشهادة الثانوية

خلاص كفاية بقة خلونا نشوف البلد شوية ونطلب حقوقنا بطريقة غير تعطيل العمل بنقول يا رب نحط ايدنا فى ايد بعض وحضرتك بتقول اضراب

كلما قلنا عمل قالوا اضراب . وانا عايز اقول لكم حاجة القرش اللى بيجى بسبب الاضراب قرش انت واخده بسيف الحياء حرام ولا يبارك لك الله فيه. وهذا رأيى الشخصى والله اعلم

http://up.arab-x.com/Sep11/33E05646.gif

لازم اضراب معاكم فى الاضراب

الى الاخ المفتى الى بيقول ان القرش الى بيجى عن طريق الاضراب قرش اخذ بحد الحياء تاخد حقك حرام والله محنش محتاجين مفتييينمن امثالك

عمل ايه انته وانا محصلناش عامل فى الصرف الصحى اسف مرتبنا معا

اللى معترض على الاضضراب
اكيد مش محتاج لمرتبه واكيد له عمل تانى
فمش فارقه معاه
مش حاسس بحاجه
الحياه صعبه جدا والمصاريف وبعدين مش بنطلب حاجه مش من حقا احنا بنطلب المساواه
هوه احنا مش مصريين زى بتوع التربيه والتعليم
اتقى الله يا اخى وحس بينا شويه

إضراب لعزل شيخ الأزهر أولا ً
ثم من أجل المساواه
************

اضراب من اجل كرامه معلم الازهر المهان

معلمين الازهر سلبية لا تنتهى

الاخ الى معترض على الاضراب خليك واقعى وبلاش مثاليه مشحتانا احنا شحاين والله انت يبيه مش محصل مرتب عامل فى الصرف الصحى

طول مافيه ناس بتاعة اتقوا الله ف الاضراب طول ماحنفضل دايما متخلفين يا ازهرية

اللة المستعان

الله الله
انا معاكم
هو ده الكلام الواحد بقي بيطاطي في الارضلما بيشوف المدرسين التانيين

العيب في الرئيس المالي والاداري العام هو لازم يتغير وكل من يرؤسهم لانهم مش موجدين في عالمنا الاضراب هو الحل

انا معاكوا وايكش تولع يا نعيش زي الفل يا تخرب علي الكل

إضراب لعزل شيخ الأزهر أولا

الاخوة اللى عايزين يعملو اضراب يتفضلو كان غيركم اشطر

الى جميع من ينادون بالاضراب والمساواة بالتربية والتعليم
كفانا مغالاة الحمد لله حالنا افضل من التربية والتعليم فى كل شئ هل تعلم مثلا انهم صرفوا 50 % فقط اثابه ( مناطق نائية وزملاءما يصرفوا 150% هل تعلم انهم يحضروا الى مدارسهم من بداية اليوم الدراسى حتى نهايته ونحن بشوات كلنا يحضر على حصته كفانا نظر الى الاخرين نحن لا نعمل مثلهم
مع العلم انى ازهرى منذ عام 91

الازهر عودنا اننا لا ناخذ حقنا الا بالاضراب ودائما يكون الاضراب فى التصحيح هنا يسمع مسئولو الازهر مطالبنا بداية من مكافاة الامتحانات لم ناخذها الا بالاضراب عن التصحيح ثم الكادر لم ناخذه الا بالاضراب ايضا عن التصحيح مرورا بحافز الاداء يعنى لا ناخذ حقنا الا بالاضراب لكن لو كان مسئولو الازهر يشعرون بنا وبحقوقناوانهم يعملون على ان حقوق معلمى الازهر تاتيهم مباشره ما فكر معلم واحد فى عمل اضراب لكن العيب فى القائمين على شئوننا فمرحبا بالاضراب

اضراب اضراب

الى الاخوة اللى زعلوا منى عشان باقول لهم بلاش اضراب واتهمونى بالسلبية وبانى مفتى وبانى مستغنى ومثالى باقول لهم انا آسف اعملوا اضراب واسمعوا كلام الاخ الاهلى2 اللى بيقول انا معاكوا وايكش تولع يا نعيش زي الفل يا تخرب علي الكل
انا بس عاوز اسال امتى هانقدر ظروف البلد ، وامتى هانرضى بما قسم الله لنا ، تلاقى الواحد قعد كام سنة من غير شغل يدعى انه بس يشتغل ولو بالحصة ولما يشتغل يزعل ويقول انا عاوز اثبت ولما يثبت يستقل المرتب ولو كان له واديان من ذهب لتمنى ان يكون له ثالث ، ولا برضه النبى كان غنى ومثالى وسلبى ، يا ريت يا مدرسى الازهر حد يشرح لى الحديث ده ، ولا هو كلام وبس ، انا مدرس من 15 سنة واول مرتب لى بالحوافز كان 145 جنيه وما كانش فيه مكافأة امتحانات ولا كادر ولا حافز اثابة . حقا من اراد الغنى فان القناعة تكفيه ومن لم يكفه شىء فان النار تكفيه . والكفن ما لوش جيوب . ياللا بنا نعمل اضراب ونعطل مصالح الطلاب وبعدين نكروت التصحيح فى يومين ده لو صححنا ، رسالة خاصة للاخ اللى بيقول احنا محصلناش عامل المجارى : طب ما تروح تشتغل فى المجارى انت كمان ، اللى عايز الفلوس يتاجر فى المخدرات او يشتغل جاسوس ، انت رضيت بهذه الوظيفة وانت عارف مرتبها ورضيت اشمعنى الوقتى بتعترض ، سيبها لغيرك ، رسالة اخيرة للى بياخد مرتب 600 جنيه ومش عاجبه روح شوف اصحاب المعاشات اللى بياخدوا خمسين جنيه ايوه والله خمسين جنيه ، دول برضه يعملوا اضراب والا الاحسن ينتحروا بقه مش كده والا ايه

اضراااااااااااااااااااب واعتصااااااااااااااااااااااااااام عشاااااااااااااااااااااااااااااااااااان كدااااااااااااا كفاااااااااااااااااية وحراااااااااااااااااااااااااام ... يا جماعة اذا كان الجنزورى أعلنها فى 21 مارس الماضى بالموافقه على مشروع قرار باقرار حافز الأداء لشاغلى الوظائف التعليمية بالأزهر ..يبقى فيه ايه !!!!!!!!!!!!!!!

من حقك شيخ الازهر فى غيبوبة من امر الازهر لن يفيق منها الا ب الاضراب عن التصحيح

الاضراب حتى نحصل على حافز الاداء اوعلى الاقل يعبرونا ويفتكروا اننا مدرسين زى التربيه والتعليم .