انا حليت وطلعت الاجابات معظمها صح بس المشكلة ان انا كان فى اسئلة فى الاول كانت بتقف ادامى فسيبتها وروحت حلاها فى اخر الورقة وشطبت كتير وفى حاجات كنت حلاها غلط ونسيت اشطب عليها وطلعت القيم العظمى والصغرى بس نسيت احدد العظمى فين والصغرى فين وسؤال المشتقة بتاع الاثبات لفقته فى الاخر بس كتبت كتير فيه ومش متأكدة ان الدالة قابلة للاشتقاق ومشتقتها بتساوى 2

انا برضه فبركت الاثبات ده :d مهو مينفعش غير كده دى حاجه زى الزفت :D

بص هو هيشوف كل حاجه فى الورقة متقلقش بس مشكلة الشغبطة ديه ممكن يحولوك لجنة خاصة وبالسحتوت بقى

بص اى مدرس فى التصحيح لازم يصحح كل اللى انت كاتبه حتى لو بالرصاص وبيشوف ايه الاصح وبيحسب الدرجة الاعلى وخاصة ان ده امتحان مش سهل فانسبة كبيرة من المدرسين حينفذوا الكلام ده علشان مصلحة الطالب وتلفيق الاثبات حتاخد فيه درجة اكيد مدام انت كتبت كتير اصلا فى ناس عملت الاثبات فى صفحتين مش معقول المصحح حيقرا كل سطر اما بالنسبة للمشتقة فهى صح بتساوى 2 فعلا ادعى ربنا ان ورقتك تقع فى ايد مصحح كويس

بصراحة ومن غير زعل الامتحان صعب بس مش زى الميكانيكا

ربنا يطمنكوا