السلام عليكم اخوانى الكرام
رأيت من بابا الامانة ان نفتح حوارا جادا حول السفر للخارج والعمل كمعلمين خصوصا فى السعودية من واقع تجربتى واترك لجميع الزملاء التعليق وافادتنا بتجاربهم فى هذا الموضوع
سافرت السنة الماضية للعمل فى السعودية معلم فى احدى المدارس الاهلية (الخاصة) وعندما اجريت المقابلة فى احد المكاتب فى المهندسين ميدان لبنان كان الكلام المعسول والوعود البراقة من المشرف على هذه المدارس ولكن الاكلام غير التعاقد تماما ولانهم يتعاملون بمنطق الفهلوه عندما تذهب للتوقيع على العقد واستلام التأشيرة وطبعا تدفع الفلوس هتكون صرفت مبلغ وقدره على المواصلات والجوازات والكشف الطبى واكيد استلفت من القريب والغريب ومش هتقدر تتراجع اذا كنت فهمت بنود العقد ولو مفهمتش لما تروح هتفهم ...
المهم نركز على الاتى عند الكلام المبدئ
1- لازم تأخذ صورة من العقد اللى هتوقع عليه من الشركة وتدرسه كويس قبل البد فى اى اجراءاءت .
2-لاحظ فى العقد الشروط المجحفة وهى عدم تحديد وقت للعمل وامكانية استدعاءك فى اى توقيت للعمل حسب الحاجة
لاحظ ايضا شروط السكن لانه مهم جدا هيكتب لك سكن عازب مناسب وطبعا ده كلام مطاط ومتخدش عليه لانه مش مناسب بالمرة وهو فى الواقع زريبة او سجن كل مجموعة فى غرفة وطبعا متعرفوش بعض وكل واحد له ظروف وتبدا المشاكل فى الحمام والنوم والاضاءة والاكل والشرب وخلافه
بخلاف المرشدين اللى هيشتغلوك ويبلغوا كل صغيرة وكبيرة لاصحاب المدارس ويبدأ القرف خصومات ومشاكل فى الشغل وهكذا
السكن هو اسوأ شئ لانك لو شايف شغلك محدش يقدر يكلمك
والعزاب ملهمش بدل سكن لازم يقبل السكن الجماعى يا اما تسكن على حسابك وفى الحالة دى هتدفع مبلغ وقدره
3- فى الشغل لازم تقلع كرامتك بره باب المطار لانك هتتبهدل على الاخر من التلاميذ والمشرفين والمدير ومتقدرش تعمل اى شئ نهائى مع اى حد لانك مجرد ديكور تجيب فلوس للناس اصحاب المدارس والتلميذ عندهم اهم من عشرة زيك هتلاقى اخر قلة ادب وممكن لو مكبرتش دماغك تتشتم وتضرب ومحدش هيكون فى صفك انت غلطان غلطان خلى بالك دى مشكلة لو عندك كرامة لكن لو معندكش يبقى روح ولا يهمك هتقعد براحتك هناك لانك مؤهل لكده
4- انت دائما غلطان غلطان مهماتبذل من مجهود فى شغلك لازم تكلون مقصر حتى لا تطالب بشئ منهم

طبعا هتسأل وتقولى المميزات اقولك المرتب اعلى شوية لكن تمنه غالى جدا
الحج والعمرة ايوه ميزه كبيره خصوصا لو قريب من الحرم
وارجو فتح باب النقاش حول الموضوع قد تكون تجربتى سئية بعكس غيرى
وذلك حرصا على الجميع

كلامك مضبوط ميه الميه انا لم اسافر ولكن عملت مقابلات كتيره هذا الاعام وقالو كلام اصعب من كلامك وبالنسبه لى انتظر التاشيره على مدرسه فى الاحساء على 2000ريال والمكتب ها ياخد 8200 جنيه ولكن لما ارى عقود المكتب قال العقد مع التاشيره وربنا يستر

جزاك الله خيرا على مناقشة هذا الموضوع لان فى مدرسين كتير نفسهم يسافروا لكنهم محتارين بس نصيحة منى بلاش السفر السنة دى لان احوال البلد ستبدأ بالتحسن تدريجيا ان شاء الله وان اجور المعلمين ستزيد وتبقى كويسة أحسن من السفر و البهدلة وقلة القيمة

اختلف معكم اخواني فانا لي تجربة سفر جميله
الاولي كانت في السعوديه وكانت ناجحة جدا في احدي المدارس بالدمام
وكانت المعامله جميله جدا ولم تتعرض كرامتي لاي امتهان
اعتقد ان الادارة هي سبب اي شيء ولو الادارة حازمة لن يحدث شيء مما تقول

توكل علي الله لو اتيحت لك فرصه سفر
واحسن الاختيار وستجد ان شاء الله ما يسرك
فقط توكل علي الله



واليوم انا في سلطنة عمان اعمل في مدرسة بمدينة صلاله وكل شيء علي مايرام

السلامُ عليكم ورحمة الله وبركاته


أشكرك شكراً جزيلاً يا أخي الكريم : gonmoon على إنك فتحت هذا الموضوع ، وبصدق نصيحة لكل المصريين الذين لم يذهبوا للعمل بخارج مصر ألاَّ يُسافروا لدول الخليج عامة وللسعوديّة خاصة ، وذلك لأنهم يكرهون المصريين كُرْهاً شديداً ، والأسباب كثيرة ، ويشعرون بأنك تستولي على خيرات بلدهم ، وإلى آخره من السخافات والتهكومات والإستعباد ، وأنصح الإخوة الزُّملاء بالصبر وأن الله سيجعل بلدنا مصر أحسن مما كانت عليه بإذن الله تعالى ، لاسيما بعد تسلـُّم الرئيس د/مُحمد مُرسي رئاسة جمهوريّة مصر العربية ، أسأل الله تعالى أن يُوفّقه لما يُحب ويرضى ، وأن يَرزقه البِطانة الصالحة الناصحة النافعة التي تدُلهُ على ما فيه صلاح العباد والبلاد ، آمين يا ربّ العالمين ، ومن برنامجه الإهتمام بتحسين أوضاع المُعلمين ، والصحة والقضاء والجيش والشرطة وباقي المُؤسسات ، فننفع بلدنا أفضل ، ثم اللهُ المُستعان ، أما بخصوص الحج والعُمرة فهذه هي الميزة الوحيدة من وراء العمل ولو لسنة واحدة في السعودية ، غير ذلك فلا ، لأن معظمهم لا يتعاملون بالإسلام إلا ما رحم ربِّي ، ولا أريد أن أقول المثل الدارج لأنه لا ينطبق عليهم جميعاً ، الله يصلح حالنا وحالهم لما يُحب ويرضى ، آمين يا ربّ العالمين ، وربنا يُوفّقنا جميعاً لما يُحب ويرضى ، آمين يا حيُّ يا قيُّوم يا ذا الجلال والإكرام.

موضوع جميل

اولا انا معنديش تجربة سفر لكن
زميل ليا وجارى سافر هذا العام
كان بيحكيلى على ما يحدث اول باول
اتهانت كرامتة
وانضرب
واتحبس
وجع من السعودية مفلس
ضاعت سنة من عمرة
ندم على السفر
صحيح عم عمرة

بلاش السفر والغربة اللى تهينك
اشتغل فى بلدك برامتك احسن
لو اتيحت لك فرصة السفر فى مدرسة حومى سافر لو مدرسة اهلية ( خاصة ) بلاش السفر دة
وربنا يوفق الجميع

بلا سفر بلا قلة كرامة دول دول رعاع و كلهم رعاة بقر و هيرجعوا تانى حفاة عراة ان شاء الله انا اكرهم جدا و ليس عندى رغبة فى السفر مطلاقا و الرزق مقدر لك و لكن ابذل مجهود هنا الله سيبارك لك و اعلم ان البركة فى القليل و القليل الى القليل كثير ان شاء الله المهم البركة فى الرزق

للأسف فى الخارج نظرتهم لك على انك جاى علشان الفلوس وفقط وبناء عليه تكون معاملتهم معك وفسر انت
واللى بيقولوا انا كنت ميه ميه لازم ولابد اتعرض لمواقف سخيفة كتيير واللى مش مصدق خش على اليوتيوب وشوف المهازل اللى بتحصل لنا فى الخارج

بصراحة بلدنا أولى بينا الآيام اللى جاية وخير والله ربنا هيعدلها والناس اللى برة ترجع والعرب هم اللى يجوا ان شاء الله يشتغلوا عندنا كرامتنا فوق كل شئ فعلا الفلوس ممكن تزل الانسان بس كرامته فوق كل شئ امال احنا قمنا بالثورة ليه علشان كرامتنا فى الداخل والخارج المصرى كان ارخص واحد يبيع نفسة علشان يشتغل برة ومفيش حد بيجبله حقه ودائما غلطان

خلاصصصصصصصصصصصصصصصص مش هافكر فى السفر تانى

و ربنا يكتب لنا الرزق الوفير هنا ان شاء الله

مافيش حاجة بدون مقابل بدور علي المال يبقي تنسي انك انسااااااااااااااااااااااااااااااااااااااااااااااا ااااااااااااااااااااااااان وليك كرامة

اختلف معكم اخواني بعض الشئ فلا داعي للتشاؤم الي هذا الحد ولكن ما يحدث لنا في دول الخليج هو اننا جميعا هنا بمصر نعمل بمؤسسات حكومية وهي تختلف تماما بكل نظمها واهدافها ومسئوليها عن المدارس الأهلية التي نسافر لها ومن هنا يحدث الصدام واقول اني عملت هنا بمصر في مؤسسات خاصة وكانت المعاملة أسوأ بكثير جدا مما قد عانيته اثناء سفري بالخارج فاعتقد ان هذه المسألة نسبية "عذرا للاطالة "

انا فى الكويت وللاسف الكلام ده صحيح المعاملة زبالة والطلبة غاية فى قلة الادب من الاخر دول الخليج رعاة بقر بدو مغرورين
انا مفكرتش اشتغل مدرس هنا بصراحة

حمداً لله على سلامتك يافارس وربنا يوفقك في مصر ان شاء الله

بلدنا وأولاد بلدنا أولى بينا من هؤلاء الأجلاف الذين ينظرون للمدرس المصرى على أنه عبد
ويكفى نظام الكفيل

هو كفيل و أنت العبد
وشوف بقه

حتى اللى مبسوطين من السفر الغربة لها تمن غالى اوى واللى سافر ذاق مرارة الغربة
بلدنا اولى بينا
ان شاء الله مستقبل مصر حيكون افضل

لا مكاسب دون تعب No gains without pains

لا مكاسب دون تعب no gains without pains
اشكر جميع الاخوة الذين تابعوا الموضوع وانا سعيد ان موضوعى لاقى الكثير من الاستحسان وهذا دليل على الوعى بأهمية كرامة الانسان
ولى بعض التعليق على الموضوع
1- يوجد اماكن محترمة جدا فى هذه البلاد لكنها قليلة جدا .
2- يوجد ناس محترمين جدا من اهل هذه البلاد لكن الغالبية لا تحبنا
3- الفرق بين التعب والمهانة كبير لامانع ان يتعب الانسان فى سبيل تحصيل الرزق لكن لا ينبغى ان يمتهن الانسان كرامته من اجل المال .
واخيرا ارجو ان ينعم الجميع بالخير فى بلادنا الحبيبة قريبا والتى ستتنهض بسواعدنا وعلى اكتافنا
دمتم بخير .

اتفق معاك يا استاذ gonmoonلو انا منك
واي واحد قل ادبه عليا
سواء كان معلم او طالب هتعامل معاه بنفس الاسلوب الرزق مقدر
ومكتوب
هعامله بالمثل
ادب اكون احسن منه في الادب
قله ادب برضوه نفس الوضع هكون اكتر منه
هي كده الحياه
ما فيش فضل لاحد علي احد
لا فضل لعربي علي اعجمي الا بالتقوي والعمل والصالح
انا عن نفسي ما عنديش روح

الكلام ده صحيح بس لو انت اللي معاك في السكن متفهامين بتخفف عنك شوية

اختلف معكم اخواني فانا لي تجربة سفر جميله
الاولي كانت في السعوديه وكانت ناجحة جدا في احدي المدارس بالدمام
وكانت المعامله جميله جدا ولم تتعرض كرامتي لاي امتهان
اعتقد ان الادارة هي سبب اي شيء ولو الادارة حازمة لن يحدث شيء مما تقول

توكل علي الله لو اتيحت لك فرصه سفر
واحسن الاختيار وستجد ان شاء الله ما يسرك
فقط توكل علي الله



واليوم انا في سلطنة عمان اعمل في مدرسة بمدينة صلاله وكل شيء علي مايرام


فعلا ليا زمايل فى سلطنة عمان بيشكروا فى البلد جدا وبيقولوا اكتر بلد بيحبوا المصريين هى السلطنة

ان شاء الله لما اسافر خلال شهرين هبقى اقولكم عن التجربه

قالو ايه رماك علي المر غير الامر منه
ما هو احنا لو واخدين حقنا في بلدنا ومرتباتنا مكفيانا مكانش حد فكر في السفر والبهدلة

شارك في اضراب بداية العام الدراسي
وهل سعادتك يعني الطلاب الذين يدرسون في جامعة القاهرة أولاد أغنياء ؟
المعلمون الذين لا يشتركون في هذا الاضراب أنما هم متأخري الفهم فقد فعلها كل طوائف الشعب من موظفي النقل العام ، الشهر العقاري ، الخبراء ، الاطباء ، ودكاترة الجامعات و الشرطة وكلهم يؤثر إضرابهم على المواطن تأثير مباشر وفعلها مدرس الجامعات هل أنت أفضل منهم وملائكية لهذه الدرجة وبعدين الحكومة تريد أن
ترفع يدها عن دعم التعليم في الميزانية ونحن نطالب بزيادة هذا الدعم وهذا من صالح الطلاب والتعليم .
الموظفون الذين قاموا بالاضراب ((( وحصلوا على حقهم)))
1ـ الشرطة
2ـ الخبراء
3ـ النقل العام
4ـ الشهر العقاري
5ـ دكاترة الجامعات
***** الموظفون الذين لا يقومون بالاضراب
1ـ القضاه (12000)
2ـ البنوك (4500) + ارباح البنك كل 3 شهور + امتيازات العلاج والشقق
3ـ الكهرباء (2400)
4ـ الاتصالات (2500)
5ـ الضرائب (3450)
6ـ الخارجية (8500)
7ـ الجيش (ملازم 2800) بداية التعيين شوف أنت البقية العقيد ، العميد ، اللواء
8ـ الوزارات (المرتب + 200% +بدلات أخرى خاصة بالموظفين الذين يعملون بمبنى الوزارة 300%)
9ـ الجمارك (2750)
10ـ البتروك (3400)
لأن كل هؤلاء ليسوا محتاجين لمرتبات
أين أنتم أيها المعلمين في هذا الوطن
والله حتى لو أعطيت دروس ليل نهار تفتقد لوضع المادي + المعنوي +الوضع الاجتماعي + تقدير الدولة لك ...................!!!!!!!!!!!!!!

انا سافرت مثلك الى السعودية واتفق معك تماما