اصبح الصف الثانى الثانوى سنة عادية
و بالتالى فالامتحانات تضعها المدارس
و لا يخفى على احد كم المشاكل التى تسببها الامتحانات من المدارس
فاحيانا تجد امتحان رخم و احيانا امتحان معقد و احيانا امتحان تافه جدا
ونادرا ما تجد امتحان متوازن يقيس المجهود و القدرات الحقيقية للطلاب
و ايضا المشاكل بين محترفى الدروس الخصوصية على هذة الامتحانات
وكثيرا ما تجد الامتحانات فى ايدى الطلاب قبل الامتحان بيوم او يوميناو يوم الامتحان الصبح
و هناك بعض المدرسين المتميزين لا يفعلون هذة الاشياء التى تقلل من شأننا جميعا كمدرسين
لذا ارجو من الاستاذ الفاضل سيد صيام و جميع مدرسى المنتدى الشرفاء المحترمين الافاضل
ان يتم توجيه رسالة الى السيد المستشار باصدار تعليمان بان تكون الامتحنات من التوجيه
لكل ادارة حتى نبتعد عن القيل و القال وحتى يكون هناك مقياس واحد لقياس الطلاب بدلا من العك الذى نعانى منه فالامتحانات توضع حسب مزاج واضعها دون الخضوع لمعايير و مقاييس ثابته
ارجو المشاركة و الرد من الجميع
تقبلوا تحياتى

أتفق معك تماما.:slap1qk6:

اشكر لسيادتك الحديث فى هذا الموضوع و اوفقك كل الموافقة و هذا هو ما سوف نراه و نعانى منه نفس معاناة اولى من انصاف المدرسين المعدومى الضمير و الذين يسيئون لكل مدرسى اللغة الانجليزية الشرفاء بالاضافة الى ان امتحان المدرسة فعلا لا يقيس المستوى الفعلى للطالب . فهو يسوى الطالب المتفوق بالطالب الضعيف علاوة على انه دليفرى للطلاب . يا ريت يكون الامتحان من كل ادارة و ليس كل مدرسة .
محمود عبد العزيز
مدرس اول أ لغة انجليزية

الموجه هيكلف احد المدرسين المقربين لديه بعمل الامتحان ومش هيشغل دماغه وعلى الورق الموجه هو اللى عامل الامتحان دى حاجه بسيطه يبقى احنا عملنا ايه

I totally agree

والله يا مستر هو دا اللي بنقوله من زمااااااااااااااااااااااان في كل مراحل النقل سواء اعدادي او ثانوي , وليته يحدث

انا موافق جددددددددددددددددددددددا جدددددددددددددددداا على الوضوع دة واحنا اول طلابة على مستوى الجمهورية قم نا بالدعوة دى ولسة مستنيين االرد مع تحيات طلاب مصر

والله فكرة ممتازة بدلا من تصفية الحسابات على حساب الطالب وولى الامر

ليس كل الموجهين يستطيعون وضع امتحان جيد والدليل ان امتحانات الثانوية العامة قد نختلف او نتفق عليها
المشكلة هى الضمير

والله ياريت يتم زى عندنا فى الازهر الامتحان بييجى من المنطقة وبيكون على مستوى المحافظة كلها احسن لما يكون على مستوى مدرسة او ادارة - يعنى انتم ممكن تكتبوا مذكرة مفادها كده وربنا ييسر لكم الامر ان شاء الله

طب ياريت حد يكتب الايميل او الفاكس اللي ممكن نبعت عليه الطلب ده وياريت لو كمان اولياء الامور يشتركوا فى الطلب

أتفق مع حضرتك تماما واقترح اما ان يكون على مستوي الادارة او حتى على مستوي المحافظة

لا بد من وقفه جادة فى هذا الموضوع
و ياريت الاخ الاستاذ الفاضل / سيد صيام يوصل هذا المطلب الى مستشار المادة
لانه سيكون حلا سحريا لكثير من المشاكل خاصة مع وجود الصف الثانى كسنة عادية

بارك الله فى الجميع

أنني من أنصار و مؤيدو فكرة أن الأمتحان من الأفضل أن يكون على مستوى المحافظة لجميع حتى لايضيع حق الطالب المتميز و حتى يتضح مجهود المدرس الذى يبذل جهدا مع طلابه.كما حتى تجب وجود صراعات و خلافات بين الرسين فى المدارس حيث ستظهر الخلافات بين المرسين حيث أن البعض يريد أن يضع الأمتحان للصف الثانى و مدرسآخر فى فس المرسة يقول أن أقدميته تمنحه القانون بوضع الصف الثاني ناهيك عن الأقاويل بأن أمتحان هذا المدرس جيد و أن أمتحان ذلك المرس تافه إلخ.....................................
ثابت محمد عبدالرحيم على (معلم أول أ) بمدرسة المنشاه الثانوية للبنين.....................
الل الموفق الى ما فيه خير و صلاح التعليم********************

أنني من أنصار و مؤيدو فكرة أن الأمتحان من الأفضل أن يكون على مستوى المحافظة لجميع الطلاب حتى لايضيع حق الطالب المتميز و حتى يتضح مجهود المدرس الذى يبذل جهدا مع طلابه.
ثابت محمد عبدالرحيم على (معلم أول أ) بمدرسة المنشاه الثانوية للبنين.....................
الل الموفق الى ما فيه خير و صلاح التعليم********************
http://www.thanwya.com/vb/style12/buttons/edit.gif (http://www.thanwya.com/vb/editpost.php?do=editpost&p=4620322)

الموجه هيكلف احد المدرسين المقربين لديه بعمل الامتحان ومش هيشغل دماغه وعلى الورق الموجه هو اللى عامل الامتحان دى حاجه بسيطه يبقى احنا عملنا ايه

كلامك صحيح إذا كانت الوزارة والموجهين العموم والأوائل هذه الايام بيكلفوا المدرسين بعمل نماذج امتحانات للثانوية العامة والدبلومات والاعدادية والابتدائية ويروحو يقدموها على أنهم هم من قاموا بعملها ...

مواااااااااااااااااااااااااااااااااااااااااااااااا افق تمامًا

:romarioxp6:I totally agree

ارجو رفع هذا الامر الى الاستاذ / صالح الرفاعى مستشار اللغة
وذلك لتكليف الموجهين لعمل الامتحانات

على فكرة الامتحان لما بيكون موحد له عيوب - أن مثلا واضع الامتحان في أحيان كثيرة يهمل الاساسيات ويمسك في الهامشيات - زي ما بيحصل في بعض أسئلة الثانوية - انتم مش بتشوفوا واضع الامتحان قدامه الف نقطة جرامر ومع ذلك إن جاب واحدة - يلف ويدور حوالاها كأنه بيقول للطالب يأنا يأنت
فإحنا يا أخواني أتعلمنا زمااااااااااان في الكلية وكتب التدريس أن نمتحن الدارس أو المتعلم كما علمنا - يعني قلت له 1 + 1 = 2 مجيش الف من الشارع التاني علشان اخليه يشوف الـ2 أو مجبهاش خالص
They taught us: Test as you have taught
صح - وكمان انا ممكن أركز على نقطة شفت في التحضير انها مهمة - ييجي الباشا - المراوغ وهو قاعد بيحط الأمتحان يضرب عرض الحائط بكل شيء ويخترع ويجيب من على قلبه - ويتخيل مين وهو بيحط الامتحان - مش الطالب الغلبان وولي أمره اللي شربوا المر طول الترم أو السنة - لكن يتصور زملائه وهم محتارين في حل الجمل اللي مش عايزة غير مدرس ومش أي مدرس
ارجوكم انا شايف ان الامتحان مش يكون على مستوى المدرسة ولكن على مستوى الفصل - لأن كل مدرس أدرى باللي قدامه وهو هيكون رؤوف بيهم وإن ماكنش ففي اللي هيخليه يمشي على الصراط - انتم عارفين أن الوزارة مخلتش حاجة للمدرس يحتمي فيها - حتة ورقة ... من ولي الأمر ولا حتى من واحد متغاظ من المدرس بتخلي المدرس يبوس الأيدين وال...
مين موافقني؟ على فكرة أنا مدرس أول وبأحط امتحانات - وحطيت امتحانات على مستوى الإدارة والآن بأحط على مستوى مدرستي - ولكني - عمري ما خليت طالب يلف حوالين روحه في سؤال - رغم انني ولله الحمد قادر أن أضع أسئلة يحتار فيها المدرس - لكن هنستعرض على مين - على عيل يا طباه بيعرف يقول كام جملة بالعافية
ارحموا الطلبة والطالبات - المدرس نفسه خربان ومش متمكن 100% في المادة - نيجي احنا نعمل ...

أخى الكريم أشكر حضرتك على هذه الثقة الغالية وأعتذر تماما على التأخر فى الرد لأنى أحيانا أتأخر لأمور خارجة عن إرادتى لكثرة الانشغال أو حتى يكون عندى رد لمطالب حضراتكم
فبالنسبة لهذا الأمر بالذات ولسنوات النقل عموما لايتم تكليف من المستشار لأحد لوضع امتحان بعينه فى سنوات النقل إلا إذا كانت هناك شكوى معينة صعب حلها ولاتكون من المستشار مباشرة ولكن يبدأ الأمر أولا من الموجه الأول ثم الموجه العام بالمديرية وإذا لم يتم حل الموضوع يتم تصعيده للمستشار وذلك لاعطاء كل ذى حق حقه من المسئولين وأعتقد ليس كل هؤلاء المسئولين فاسدين
ويتم وضع امتحانات النقل على مستوى المدارس أو الإدارات ويجب أن تكون هناك ثقة بين الجميع وإخلاص النية لله بعدم الاساءة لبعضنا وكل واحد بيأخذ رزقه والله ولى التوفيق

أنا متفق مع الاستاذ صيام لان المشكلة هى مشكلة ثقة فلابد ان يعلم الجميع انة اذا اعتمد المدرس على انه يضع الامتحان حتى يجذب الطلبة فعليه ان يعلم انه لن يجنى سوى الطلبة الضعيفة التى لاتريد سوى النجاح فقط اما الطلبة المجتهدة تبحث عن المعلم المجتهد

I agree with you

ياريت زي 3 اعدادي محافظات

مفيش عدل فيه امتحان مدرسة اولي ثانوي يحله طالب ابتدائي وفيه امتحان اولي ثانوي بعض اسئلته ميحلهاش مدرس طبعا فيه ناس هتقول دا تهويل يبقي اكيد مشفش حاجه ولا يعرف حاجه ولو عايز نماذج نبعتله

يبقى كدة يا مستر على الزيات أنا أصبت عندما قلت كلامي قبل كدة وهو
الامتحان لما بيكون موحد له عيوب - أن مثلا واضع الامتحان في أحيان كثيرة يهمل الاساسيات ويمسك في الهامشيات - زي ما بيحصل في بعض أسئلة الثانوية - انتم مش بتشوفوا واضع الامتحان قدامه الف نقطة جرامر ومع ذلك إن جاب واحدة - يلف ويدور حوالاها كأنه بيقول للطالب يأنا يأنت
فإحنا يا أخواني أتعلمنا زمااااااااااان في الكلية وكتب التدريس أن نمتحن الدارس أو المتعلم كما علمنا - يعني قلت له 1 + 1 = 2 مجيش الف من الشارع التاني علشان اخليه يشوف الـ2 أو مجبهاش خالص
They taught us: Test as you have taught
صح - وكمان انا ممكن أركز على نقطة شفت في التحضير انها مهمة - ييجي الباشا - المراوغ وهو قاعد بيحط الأمتحان يضرب عرض الحائط بكل شيء ويخترع ويجيب من على قلبه - ويتخيل مين وهو بيحط الامتحان - مش الطالب الغلبان وولي أمره اللي شربوا المر طول الترم أو السنة - لكن يتصور زملائه وهم محتارين في حل الجمل اللي مش عايزة غير مدرس ومش أي مدرس
ارجوكم انا شايف ان الامتحان مش يكون على مستوى المدرسة ولكن على مستوى الفصل - لأن كل مدرس أدرى باللي قدامه وهو هيكون رؤوف بيهم وإن ماكنش ففي اللي هيخليه يمشي على الصراط - انتم عارفين أن الوزارة مخلتش حاجة للمدرس يحتمي فيها - حتة ورقة ... من ولي الأمر ولا حتى من واحد متغاظ من المدرس بتخلي المدرس يبوس الأيدين وال...
مين موافقني؟ على فكرة أنا مدرس أول وبأحط امتحانات - وحطيت امتحانات على مستوى الإدارة والآن بأحط على مستوى مدرستي - ولكني - عمري ما خليت طالب يلف حوالين روحه في سؤال - رغم انني ولله الحمد قادر أن أضع أسئلة يحتار فيها المدرس - لكن هنستعرض على مين - على عيل يا طباه بيعرف يقول كام جملة بالعافية
ارحموا الطلبة والطالبات - المدرس نفسه خربان ومش متمكن 100% في المادة - نيجي احنا نعمل ...