عشت الحياة فرعون
كاتم فى انفاسنا...
على كل شكل ولون
إتهنا وإتدسنا ...
شاهد عليك الكون
أنك مفلسنا
الله يكون فى العون
فيك إحترنا وإحتسنا ...
حرمت لينا الحلال
والصح كان ممنوع
خليت علاء وجمال
ليهم كلام مسموع
عملت ثروة ومال
بشكل غير مشروع
والأسم حامى البلد
والأسم ريسنا ....
الخلق ياما اتلدع
والكل كان مخدوع
لالينا نافع صلا
ولا حتى اى خشوع
عصرك منجسنا ...
ولما جم حاكموك
اصبحت مش بالخير
مين اللى جم وصوك
ترقد فى قلب سرير
مثلت دور المرض
فنان بجد كبير
بكيتنا من منظرك
وتعبت احساسنا...
طب دا العلاج فى البلد
مابيشفى اى مريض
دم القتيل والجسد
ب 5000 تعويض
جايز دا خوف مالحسد !
مبارك يا قلب الأسد
انت اللى رخصنا ...

شاهد المحتوى الأصلي علي بوابة الفجر الاليكترونية - قصيدة "الفرعون" لمحمد بغدادي (http://new.elfagr.org/Detail.aspx?nwsId=133862&secid=19&vid=2#ixzz1zh9K0VVV)