نظام الدراسة للصف الثالث الثانوى فى النظام الجديد [الأرشيف]

Pro Saher Abdel-Aziz

06-07-2012, 06:15 PM

الشعبة العلمية

علمي علوم

يدرس الطالب المواد الأساسية وهى:
1- اللغة العربية
2- اللغة الانجليزية
3- اللغة الأجنبية الثانية
4- الرياضيات
+

1- التربية الدينية
2- التربية الوطنية
+

1- الفيزياء
2- الكيمياء
3- الأحياء
4- الجيولوجيا
5- الإحصاء

_________________________________________________

علمي رياضة

يدرس الطالب المواد الأساسية وهى:
1- اللغة العربية
2- اللغة الانجليزية
3- اللغة الأجنبية الثانية
4- الرياضيات
+

1- التربية الدينية
2- التربية الوطنية
+

1- الفيزياء
2- الكيمياء
3- الجيولوجيا
4- الإحصاء
5- الرياضة التطبيقية

__________________________________________________

الشعبة الأدبية

ادبى فنون وآداب

يدرس الطالب المواد الأساسية
وهى:
1- اللغة العربية
2- اللغة الانجليزية
3- اللغة الأجنبية الثانية
+

1- التربية الدينية
2- التربية الوطنية
+

1- التاريخ
2- الجغرافيا
3- الفلسفة
4- المنطق
5- علم النفس والاجتماع
6- الاقتصاد والإحصاء

________________________________________________

ادبى إدارة أعمال وقانون

يدرس الطالب المواد الأساسية وهى:
1- اللغة العربية
2- اللغة الانجليزية
3- اللغة الأجنبية الثانية
+

1- التربية الدينية
2- التربية الوطنية
+

1- التاريخ
2- الجغرافيا
3- الفلسفة
4- المنطق
5- إدارة أعمال وقانون
6- علاقات دولية

_______________________________________________

ايه بقى المواد ديه كلها ..ربنا يستر

asmaa232

06-07-2012, 06:24 PM

اى كل دا احنا هندخل بيهم سحب ولا اى:d

Pro Saher Abdel-Aziz

06-07-2012, 06:32 PM

اى كل دا احنا هندخل بيهم سحب ولا اى:d

11 مادة هندرسهم ..انتى داخلة علمى رياضة ولا علوم ولا ادبى ولا ايه؟

asmaa232

06-07-2012, 08:07 PM

11 مادة هندرسهم ..انتى داخلة علمى رياضة ولا علوم ولا ادبى ولا ايه؟

لا علمى علوم ان شاء الله مهو مكتوب فوق
بينى وبينك انا كنت عايزة ادخل أدبى ومنه بقى أدخل طب وش :d

عاشقة الطفولة

06-07-2012, 08:25 PM

يا نهار الوان ايه المواد دي كلها ؟؟؟؟؟؟؟؟؟؟؟؟؟؟

ومعقولة حتى الفرنساوي ها يكون معاهم

ربنا معاكم بجد ومع اختي

انتوا دفعة ما شاء ا لله عليها

(( لؤلؤة الايمان ))

06-07-2012, 08:39 PM

ربنا يستر علينا كل ده
انا هولع كدة وكمان احصا
ربنا يستر
بصراحة انا سيباها على ربنا
المهم الثقة فى الله

!! Dark Man !!

06-07-2012, 10:22 PM

جزاك الله خيررررا

فاطمة عبدالرحمن

07-07-2012, 12:49 AM

هو النظام ده هيتطبق على اللى رايحين تالتة 2013

miss_egypt

07-07-2012, 03:50 AM

هااااااااااااااااااااااار اسوووووووووووووووووووووووووووووود
الحمد لله انا نفدت

والمواد دي كلها داخلة في المجموع ولا فيها حاجات كده سد خانة ؟

والمجموع هيبقى من كام ؟

ahmed el nawam

07-07-2012, 07:32 AM

جزاكم الله خيرا .... مواااااد كتييييييير أووووي ...

*تائبة فى رحاب الله*

07-07-2012, 08:17 AM

asmaa232

07-07-2012, 08:53 AM

هو النظام ده هيتطبق على اللى رايحين تالتة 2013

لالالا انتوا فلتوا انتوا يابختكوا بقى انتوا هتبقوا ع النظام القديم

asmaa232

07-07-2012, 08:55 AM

هااااااااااااااااااااااار اسوووووووووووووووووووووووووووووود
الحمد لله انا نفدت

والمواد دي كلها داخلة في المجموع ولا فيها حاجات كده سد خانة ؟

والمجموع هيبقى من كام ؟

لالا سد خانة اى هو الدين والوطنية بس اللى مش بيضافوا للمجموع بس بردو مادة نجاح وسقوط
اما حكاية المجموع دى فمش عارفة والله

asmaa232

07-07-2012, 08:57 AM

بجد حرااااااااااااااااااااااااااام ..ايه ده كله:o
بس سؤال هو رياضة1بتاع تانية ثانوى هتتقسم مش مستاهلة بس انا سمعت انها زى منهج انجليزى وعربى تانية هتنتهى بانتهاء السنة وخلاص
عموما كنت اتمنى ان علمى علوم يدرس رياضة 2 بس يلا حصل خير
وبالنسبة للمستوى هو احنا هيطبق علينا نظام 10 درجات بتوع السلوك دلو كدة والله انا ممكن اجيب فيهم صفر لان طبعا مش هنروح المدرسة
ولا هناخد مادة مستوى.......
دعلى كدة التنسيق سنتنا ان شاء الله هينزل خالص لان مش هيبقى فى مجاميع!!!
ربنا يستر ويوفقنا باذن الله

بالنسبة للمستوى فانا مش عارفة بس هما مجابوش سيرته انما الوزير قال ان فى عشر درجات اعمال سنة ومنهم شوية للسلوك والغياب وحاجات كدا زى الفل
اه طبعا التنسيق هينزل جامد كمان لان المجاميع هتقل هترجع زى زمان ايام ما كان طب بياخد 80 %

*تائبة فى رحاب الله*

07-07-2012, 10:43 AM

بالنسبة للمستوى فانا مش عارفة بس هما مجابوش سيرته انما الوزير قال ان فى عشر درجات اعمال سنة ومنهم شوية للسلوك والغياب وحاجات كدا زى الفل
اه طبعا التنسيق هينزل جامد كمان لان المجاميع هتقل هترجع زى زمان ايام ما كان طب بياخد 80 %

بصراحة والله يااسماء كلامك زادنى تفاؤل ونظرة حلوة كدة للمستقبل ان شاء الله
غيااااااااااب يانهار والله المدرسة دى فى السنة كلها مرحتش الا شهرين شهر عشان امتحانات الشهور لنسقط فيها والشهر التانى كنت بحب اروح عشان حصص الرياضة وشوية فيزيا كدة....والله المدير مترقب لنا وهيزلنا بقة هنروح غصب عننا لان مكنش حد بيحضر فى اولى اول سنة تعمل كدة احنا
بس انا سمعت ان السلوك ده للى راحين اولى ثانوى....ارجع واقول النظام مش هيمشى على لوحدى هيمشى على كل الدفعة واقول خير خير....11مادة يامفتريين

osamaa904

11-07-2012, 04:51 PM

طب هو بالنسبة للازهر الى بيدرس 17 مادة اية نظامة نعمل اية احنا بقا اما مش عجبكو 10 مواد و 9

asmaa232

11-07-2012, 05:08 PM

بصراحة والله يااسماء كلامك زادنى تفاؤل ونظرة حلوة كدة للمستقبل ان شاء الله
غيااااااااااب يانهار والله المدرسة دى فى السنة كلها مرحتش الا شهرين شهر عشان امتحانات الشهور لنسقط فيها والشهر التانى كنت بحب اروح عشان حصص الرياضة وشوية فيزيا كدة....والله المدير مترقب لنا وهيزلنا بقة هنروح غصب عننا لان مكنش حد بيحضر فى اولى اول سنة تعمل كدة احنا
بس انا سمعت ان السلوك ده للى راحين اولى ثانوى....ارجع واقول النظام مش هيمشى على لوحدى هيمشى على كل الدفعة واقول خير خير....11مادة يامفتريين

ههههههههه طيب افتكرى الجمايل دى
يابنتى والله خير وفعلا كلامك صح الكلام هيمشى علينا كلنا احنا بس نعمل اللى علينا

احمدالمدريدي

11-07-2012, 05:27 PM

علي فكرة المواد في ثالتة ثانوي لم ينزل بيها قرار حتي الان اللي نزل بيه قرار حتي الان هو الصف الثاني الثانوي فقط وهو قرار رقم 274 لسنة 2012

tweetyy

11-07-2012, 11:24 PM

يا جماعه المنعج هيتقسم اولا على سنتين
سننه :- الى يجيب درجات النجاح يعدى
ودى فيها فرصه ليك كاختبار تشوف انت هتنظم نفسك ازاى ووقتك ولو هدرت درجات فيها نتيجه عدم قدرتك على التنظيم عادى
وسنه :- ودى بقي سنه الثانويه العامه تكون فيها اخدت خبره من السنه الى قبلها هتنظم نفسك ازاى في النص التانى من المواد الى عندك وانشاء الله سهله والنظام ده جميل جدا مش بكتره المواد والهى ياجماعه
المحتوى صعوبته هتتوزع وده في مصلحتكم
دا رائى ولا ايه ؟؟؟؟؟؟؟؟؟؟؟؟؟

highlight

11-07-2012, 11:48 PM

هههههههههههههههههههههههههههههه
اول مرة اقتنع ان ثانوية على سنتين ارحم من سنة واحدة
هههههههههههههههههههههههههههههههههههههه

soosoo_kotp2000

11-07-2012, 11:50 PM

الخيره فيما اختاره الله

الاستاذ محمد الطنطاوى

12-07-2012, 12:56 AM

جزاكم الله خيرا

H.A.K

12-07-2012, 05:14 AM

جزاك الله خيرا

بس برضو التعليم المصري حيفضل زي ماهو

لان الطريقه في التعليم متغيرتش اوي

يعني مفيش اهتمام بالعملي للمواد العلميه

او اهتمام بالبحث ؟؟؟؟

ده من وجه نظري

vℓαмηcσ

12-07-2012, 12:43 PM

طب هو بالنسبة للازهر الى بيدرس 17 مادة اية نظامة نعمل اية احنا بقا اما مش عجبكو 10 مواد و 9

نظام الازهر هيفضل زى ما هو ملهوش دعوه بده

طالبةُ التفوقِ

12-07-2012, 02:38 PM

ربنا يكون فى عونا يارب ويوفقنا كلنا يارب :)
بس هو كده مش بيقلل الدروس الخصوصية ولا حاجة ولا بيقلل الضغط ده كده بيزود الضغط
ربنا يكون فى عوننا:)

Pro Saher Abdel-Aziz

12-07-2012, 02:45 PM

ربنا يكون فى عونا يارب ويوفقنا كلنا يارب :)
بس هو كده مش بيقلل الدروس الخصوصية ولا حاجة ولا بيقلل الضغط ده كده بيزود الضغط
ربنا يكون فى عوننا:)

ده كده بيجيب الضغط والسكر والشلل الرعاش كمان
:d:d:d

طالبةُ التفوقِ

12-07-2012, 09:53 PM

ده كده بيجيب الضغط والسكر والشلل الرعاش كمان
:d:d:d

عندك حق والله ربنا يكون فى عونا يارب

*(amera)*

14-07-2012, 11:36 AM

جزاك الله خيرا يا ساهر

بس ما شاء الله المواااااد كتير ........ما شاء الله على اساس انى خايفة احسدهم

ربنا يكون فى عونااا بس اكيد يعنى مش هيبقوا فى الترمين كلهم كده

ممكن يبقى زى اولى لما كنا بناخد المواد على مجموعتين واحدة ترم اول وواحدة ترم تانى

Bent el pope

14-07-2012, 02:47 PM

بجد انا هتجنن مترسوا على حل بئى

masmoosa

15-07-2012, 01:48 AM

الكلام دا حقيقي و لا بجد ؟؟؟؟؟؟؟؟؟؟؟؟

المصدر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

lolo ezzat

15-07-2012, 02:16 AM

ياجمااااااااعه ف علمى علووووووم
ايه حكاية الاحصا دى
دى اللى نختار مابينها وبين علم النفس؟؟؟؟؟ولا ايييه؟

eng.emy ahmed

15-07-2012, 04:35 AM

جزاكم الله خيرا

ربنا يستر

طالبه الرضا من الله

15-07-2012, 10:15 AM

بالتوفيـــــــــــــــــق

هـمسة

21-07-2012, 12:35 AM

ربنا يستر انا والله النظام ده
مش عاجبنى
خاااااااااااااااااالص
ربنا يستر يا رب

ahmad khalid

21-07-2012, 03:35 PM

بس على فكرة كده مفيش ميكانيكا ولا ايه

annoccc

22-07-2012, 02:29 AM

يا جماعة على فكرة الى خايف من النظام الجديد عشان مواده كتيرة ، احنا السنة دى عندنا فرصة العمر أنا سألت الكنترول الرئيسى بتاع الامتحانات قالولى الموجودين فى سنة تانية ثانوى القدام أو الذين يدخلون أول مرة لهم الحق أن يختاروا مابين الدراسة بالنظام القديم (السنتين) ، أو على النظام الجديد يعنى كتر المواد وتقلها .
دا أنا كمان كنت سامع ان طلاب سنة ثالثة ثانوى السنة دى لهم أيضا الحق فى أن يختاروا على أى نظام ممكن يدرسوا بيه.

أنا شايف ان هذه فرصة كبيرة وخدوا بالكم ان لما يبقى فيه نظامين ماشين مع بعض هيكون لكل واحد منهم امتحانات مخصوصة بيه ، وتختلف عن امتحانات النظام التانى ، يعنى فيه اختلاف فى درجة صعوبة الامتحانات فى كل منهم ، و أنا رأيى ممكن يخلوا الامتحانات سهلة فى النظام القديم عن النظام الجديد عشان يخلصوا من الناس الموجودة دى و بكدة ترتفع مجاميعهم عن الموجودين فى النظام الجديد [ما هو لسة بيجربوا فيهم هيروحوا منهم فين] ، و بكدة تتأثر المجاميع و كمان يتأثر التنسيق و بالتالى الكليات الى هندخلها باذن الله ، عشان كده أنا إن شاء الله هكمل بالنظام القديم لأنو نظام أنا فاهمه وعارفه كويس ، و كمان الأساتذه احترفوا النظام ده ، و عارفين من أين يؤكل الكتف ولا ايه .
لأجل ذلك فكروا فى الفرصة دى و ما ضيعوهاش من ايديكم لأنها ممكن ما تتكررش تانى و ساعتها نقول ياريت الى جرى ما كان ، والعلم عند الله .

و السلام عليكم ورحمة الله وبركاته

Pro Saher Abdel-Aziz

22-07-2012, 11:23 AM

annoccc

22-07-2012, 01:25 PM

بس النظام القديم هتبقى فيه زى طالب المنازل
وكمان المدرسين هيكونوا مركزين على المنهج الجديد
لان لو قلنا طلاب ثانوى 400 الف مثلا السنة اللى فاتت
فاقل من عشرين الف ساقطين مثلا
صح
يبقى السنادى 400 الف طالب على النظام الجديد والمدرسين هيركزوا معاهم هما
ولا ايه

لا على فكرة هما مش ساقطين دول اسمهم فى الغالب قاسمين السنة يعنى بجزؤا المواد على سنتين وبيخدوا درجاتهم الفعلية كاملة بدون نقص ، و بعدين الكل مسموح ليه الاختيار بين النظامين سواء الموجدين فى سنة تانية من السنة الى فاتت أو الداخلين لسة جديد السنة دى ، عموما فكر كويس جدا فى الفرصة دى ، ومين عالم من الممكن ان غالبية الطلاب فى سنة تانية يفضلوا انهم يمشوا بالنظام القديم عشان خفته و تنظيم تقسيم المواد فيه .
و بالتوفيق لك ولنا و للجميع ، والسلام عليكم ورحمة الله وبركاته .

khaled ibrahim

24-07-2012, 11:40 AM

أعتقد أنى رأيت كثير من الأخبار على لسان الوزارة تؤكد عمد تحديد نظام الصف الثالث لعد إرباك الطلاب

my name is Heba

25-07-2012, 11:09 PM

1-مفيش مستوى رفيع فى ثالثة الوزير قال كدة علشان المجموع ما يكونش فوق 100%
2-الوزير قال ان المواد اللى عليناهى :
الشعب الأربع يدرس جميع الطلاب 8 مواد وهي اللغة العربية واللغة الانجليزية واللغة الثانية وهي مواد اساسية بجانب التربية الدينية والتربية القومية.
العلمي علوم فيدرسون بجانب المواد الاساسية الفيزياء والكمياء والجيولوجيا والاحصاء والاحياء.
أما العلمي رياضة فيدرسون المواد الاساسية والفيزياء والكمياء والجيولوجيا والاحصا والرياضيات التطبيقية.
والشعبة الادبية بالمثل 8 مواد 3 أساسية وهي اللغة العربية واللغة الانجليزية واللغة الثانية بجانب التربية الدينية والتربية القومية أدبي فنون وأداب فيدرسون المواد الاساسية بجانب التاريخ والجغرافيا والفلسفة والمنطق وعلم النفس والاجتماع والاقتصاد والاحصاء أدبي إدارة اعمال فيدرسون المواد الاساسية بجانب التاريخ والجغرافيا والفلسفة والمنطق وإدارة اعمال وقانون وعلاقات دولية. دة كلام الوزير لجريدة المساء (أرجو ان حد يقولى هل الرياضة كدة هتتقسم ولا لأ لأن على كلام الوزير لأ اما فى جميع المنتديات بيقولوا نعم) ارجو الافادة بسرعة.

omar-410

06-08-2012, 09:08 PM

يا جماعة الجيولوجيا هتقسم ولا هتكون فى سنة ثالثة بس

hobahoby

06-08-2012, 11:54 PM

احم يعنى افهم من كدة ان مسموح انى اختار بين القديم او الجديد ؟
طب فى رأيكوا انهى نظام احسن ؟ :(

..: Pink rose :..

06-08-2012, 11:57 PM

احم يعنى افهم من كدة ان مسموح انى اختار بين القديم او الجديد ؟
طب فى رأيكوا انهى نظام احسن ؟ :(

انتي متأكدة من الموضوع ده!!

hobahoby

07-08-2012, 09:52 AM

انتي متأكدة من الموضوع ده!!

مش متأكدة بالضبط بس لما قريت الردود الموضوع دة فهمت كدة
بس النظلم القديم احلى حتى لو صح مش هغير
هو الجديد الحاجة الوحيدة الحلوة فية ان مجموع 2 كأنة مش موجود و ندخل 3 ثانوية جديدة بس تقيلة
انا اتلخبت خالص :(
لو اتأكدت من حاجة 100 % هقولك :)

حسونة بيه

07-08-2012, 12:38 PM

لالالا انتوا فلتوا انتوا يابختكوا بقى انتوا هتبقوا ع النظام القديم
انا كماااااااااااااااااااااااااان ههههههههههههههههههههههههههههههههه

Pro Saher Abdel-Aziz

07-08-2012, 12:41 PM

منورين الموضوع يا شباب

أنا العبد لله

28-09-2012, 01:21 AM

طب ياجماعة دلوقتي أنا طالب في 2 ثانوي بالنظام الجديد حد يقولي أنا عشان أخش كلية حقوق بأمر الله أخش أييييية في أستاذ عندي بتاع رياضة قالي طالما هتخش حقوق يبقي مش هتاخد إحصاء في 3 ثانوي أومال هاخد مكانها أييييييية في النظام الجديد حد يطمني بليييييييز؟؟؟

أنا العبد لله

28-09-2012, 03:26 AM

أنا عايز أسأل سؤال بليز ياجماعة معلش هو أدبي إدارة أعمال المادتين بتوع إدارة الأعمال وقانون العلاقات الدولية دول مجموعهم بيتضاف وبيساعد في المجموع؟؟؟؟

مكاريوس عبيد

28-09-2012, 10:14 AM

لا احنا علمى علوم ع النظام الجديد مش هاناخد رياضة فى 3 احنا هناخد احصاء

مكاريوس عبيد

28-09-2012, 10:17 AM

كلام الاخت my name is Heba (http://www.thanwya.com/vb/member.php?u=533543) صح مفيش رياضة فى 3

la reine lolo

09-10-2012, 05:44 PM

طيب ياجماعة انا في تانية في السعودية
ممكن انزل اخد 3 في مصر
ولا لازم احضر تانية في مصر كمان
انا ادبــــي

Nihal !

09-10-2012, 08:40 PM

ربنا معاكم بجد !!

princees gehad

21-10-2012, 03:55 PM

هو موضوع التنسيق اللي هينزل ده موثوق فيه

SwOrD OF JusTice

21-10-2012, 04:07 PM

مش عارف انتوا خايفين من ايه -- ياريته كان اطبق عليا

بس المشكله ان قصه العربى و قصه الانجليزى هيفضلوا كبار ولا هيصغروهم

SwOrD OF JusTice

21-10-2012, 04:09 PM

أنا عايز أسأل سؤال بليز ياجماعة معلش هو أدبي إدارة أعمال المادتين بتوع إدارة الأعمال وقانون العلاقات الدولية دول مجموعهم بيتضاف وبيساعد في المجموع؟؟؟؟

ايوه بيتضاف

مكاريوس عبيد

21-10-2012, 07:32 PM

احنا مش هاندرس رياضة فى سنة 3

hosamzzz

14-01-2013, 10:40 PM

غياب يا ولاد الوسخه دحنا اما سدقنا ان الغياب هيتشال فى 3 ثانوى

كيمو رشاش

18-01-2013, 09:33 AM

المواد ديه مش كلها هتتاخد اللي هيتاخد
أولا بالنسبة لعلمي علوم " عربي آنجليزي لعة تانية فيزياء كيمياء أحياء جولوجيا إحصاء " مافيش رياضة يعني بس إحصاء
بالنسبة لعلمي رياضة "عربي إنجليزي لعة تانية فيزياء كيمياء رياضة بحتة رياضة تطبيقية إحصاء " يعني مافيش جولوجيا
ودين وتربية وطنية مش داخلين ف المجموع

ربيع عبدالقوى

18-01-2013, 03:11 PM

بالنسبة للرياضيات في لتالتة النظام الجديد مش بيقولوا مفيش رياضيات وفي أقوال قالت هيبقى علينا رياضيات بس هتبقى مجرد كورس جبر إيه الصح بقى والكلام دا مصدره منين عشان الوزارة تقريبا لسة ما أعلنتش حاجة زي كدا

amothman123

19-01-2013, 12:50 PM

دول ناويين ينفخوا الطلبة :)
الحمدلله مش تبع أنا العك دة :)

amr wf

06-02-2013, 12:19 AM

المهم هل علمي رياضة هتدرسك كتاب الجيولوجيا كله ؟
وهل علمي علوم هياخد رياضة 2 ولا جزء منها ؟
عايزين تفصيل شوية يا جدعان

amir alromansia

07-02-2013, 12:27 AM

هههههههههههههههههههههههههههههههههه
غياب ودرجات ونزاكر امتى بقا حضراتنا؟؟؟ ده اليوم الدراسى يعتبر نصف اليوم والباقى دروس
وكمان المواد كتييير
يعنى مش هيبقى فى وقت نزاكر خالص
وقال ايه توفير لاولياء الامور ؟؟؟
اذاى دى بقا 10 مواد هناخد فيهم دروس والدرس اكيد مش هيقل عن 70 .80 جنية
هو فين ده بقا التوفير ؟
ارجو حد يرد على اسئلتى يمكن انا غلطان؟؟؟؟؟؟؟؟؟؟؟؟؟؟؟؟

lune14

07-02-2013, 11:40 PM

انا سمعت ان سنة تالتة ماعدتش هيبقى ليها اى تاثير حتى لو جايب 70% هتخش الكلية اللى انت عاوزها بامتحان خاص لميولك مش عارفة الكلام دا نظامه ايه؟؟؟؟

ابانوب ايليا

08-02-2013, 01:49 PM

الكلام ده بشكى رسمى؟؟ ولا كلام بيتقال وبس؟؟؟؟؟؟؟؟

jana alrhman

06-03-2013, 02:20 PM

منهم لله حسبى الله ونعم الوكيل فيهم .......

عبدالرحمن يوسف عبدالعزيز على

06-03-2013, 07:21 PM

سوال : ماهى كليات القسم الادبى

walaa loly

14-03-2013, 09:00 PM

يا خبر كتير اوى

شذى العطر

17-03-2013, 06:08 PM

إيه ياجماعة وفيه إيه يعني
ما انا بدرس 18 مادة
انجليزي فرنساوي منطق تاريخ وجغرافيا
مع المواد الادبية والشرعية
اما بقى العلمي ربنا يعينهم بياخدو العلوم بااقسامها والرياضيات باقسامها
انا كان نفسي في الازهر يعملوا علمي علوم وعلمي رياضة وبنفس المواد الشرعية والادبية في القسمين مفيش مشكلة