السلام عليكم ورحمة الله وبركاته
_________________

ادخل فى الموضوع على طووول
انا دلوقتى فى تالتة ثانوى خلاااص والامتحانات على الابواب ان شاء الله زى ما انتم عارفين
يعنى كام شهر ان شاء الله وهندخل فى اجراءات الالتحاق بالجامعة والمواويل دى

بس دلوقتى جد جديد عندنا فى البيت ولابد من تضحية ولو صغيرة عشان الاغلبية

انا باذن الله تعالى احتمال اسافر لليمن بالتحديد ل ( عدن ) بعد الامتحانات ان شاء الله
فى الاول ماما قالت انى مثلا اضحى شوية وادخل كلية نظرية هنا ومحضرش وابقى اجى ع الامتحانات

بس بعدين لقينا دا تذاكر طيران رايح جاى وموال اكبر وعلى ايه وامى قالت متحرمنيش من رغبتى

فصاحب المستشفى اللى المفروض انها هتعمل فيها ان شاء الله هناك قال لها انى ممكن ادخل جامعة هناك ومصاريفها زى مصاريف جامعة خاصة مثلا هنا حوالى 2000 او 3000 دولار
2000 لاغلب الكليات و 3000 لهندسة

وامى طبعا مش هتستغنى عنى والظاهر والله اعلم انى سأضطر للسفر

دلوقتى بقى انا عاوزة اسأل ،، هل هتفرق كتير " من حيث الدراسة ولا الشهادة " من انى ادخل الجامعة هنا او فى عدن !!!!؟؟؟

ياترى انهو الاحسن !؟

وعندى استفسارات بعد اما بحثت بنفسى واتأكدت فعلا من المصاريف للوافدين من على موقع جامعة عدن

بس فيه حاجات كتير بتتكتب باسلوب رخم ع مواقع الجامعات مش بتتفهم ولله الحمد واختلاف نوعيات المدارس ،، الخ ،، الخ

فيا جماعة ،،
تعرفوا نظام القبول هناك ايه ولا اعمل ايه بالضبط و المجموع المطلوب ،،، الخ ،، الخ

مع العلم انى علمى رياضة

ياريت اللى يقدر يدلنى او يساعدنى يقول لى الله يكرمه وجزاكم الله كل خير بس ياريت فى اسرع وقت

وادى موقع الكلية للى يعرف يفسر لى اى كلام مبهم عليه
http://www.adenuniversity.edu.ye/

http://www.adenuniversity.edu.ye/Faculty_EngineeringAR.htm

http://www.adenuniversity.edu.ye/AdmissionAR.htm

وياريت يا جماعة تفسروا لى الجدول اللى بعد الكلام دا الاتى فى الرابط اللى فات

ثانياً: الشهادات و التعامل معها: تقبل للالتحاق باحدى كليات جامعة عدن الشهادات الآتية وفق النسب المحددة في كل كلية:
* الثانوية العامة للفرع العلمي.
* الثانوية العامة للفرع الأدبي.
* الثانوية العامة عام.
* المعاهد العلمية. علمي/ أدبي.
تقبل الشهادات التخصصية التالية بالشروط الموضحة قرين كل منها وذلك حسب الجدول أدناه:

والسلام عليكم ورحمة الله وبركاته

صحيح يا جماعة حاجة كمان نسيت اضيفها


طبعا عارفين منح الجامعة الامريكية اللى بتيجى كل سنة
انا الحمدلله جت النشرة فى المدرسة باعلان بدء التقديم للمنحة بتاعتها والمديرة ادتنى صورة من النشرة لان فيها الشروط وهيرشحونى باذن الله ،،،
هل بقى فيه جامعة امريكية هناك فى عدن !؟ وهل لو فيه ،، هل اذا قدرت احصل ع المنحة من هنا اقدر ادخل بيها هناك ؟

___________

ارجو الافادة فى موضوع السفر دا عشان الموضوع دا محير البيت كله
السفر كله متوقف عليا وبسببى وهيتم تأجيل السفر لشهر 7 ان شاء الله عشان خاطر امتحاناتى كمان



سلاام عليكم

يا جماعة لو حد عنده رأى او يقدر يساعدنى ياريت ميتأخرش بسرعة ضرورى ،، انا مستنية شوية كدة على امل اشوف رد قبل اما اقوم ان شاء الله


وشكرا ،،

اقترح عليك انك ممكن تقدم انتساب
طبعا لو فيه حد من اقاربك او من الجيران الموثوق فيهم
يقدم ورقك للجامعه اللى هتلتحق بيها هنا
وتنزل بس وقت الامتحانات
بالنسبه للمحاضرات ممكن وقتها تلاقى حد هنا فى المنتدى فى الكليه اللى انت فيها
ويرسل لك المحاضرات على النت
دا اقتراح
وعموما نتمنى لك التوفيق

انا هقولك يا هابى راى متواضع وبدائى شويه ماتتخليش عن رغبتك ..وماتلتحقيش بأى كليه وخلاص

شكرا ليكم يا جماعة :)
بس واضح من الاراء ان المشكلة موصلتش بجميع ابعادها

،،
دلوقتى اصلا لقينا حكاية الانتساب او انى ادخل جامعة هنا فى مصر واجى ع الامتحانات دا صعب جداااااا
تذاكر طيران رايح جاى واللى هناخده من هناك هيضيع ع تمن التذاكر !!! طب وعلى ايه اصلا !؟
فالتفكير دلوقتى فى الالتحاق بالجامعة هناك


اما حكاية رغبتى يا بسملة انا مش هتخلى عن رغبتى ولا حاجة
انتى عارفة ان حلم حياتى فنون تطبيقية او جميلة وانى بعشق اللغات
انا اذا كنت هاضطر ادخل نظرى فهى اداب انجلش مثلا عين شمس

لكن قولى لى ازاى ما اتخلاش عن رغبتى؟ ما رغبتى كمان نجاح والدتى وانها تاخد وضعها شوية ومينفعش ابقى انانية
هى فعى كانت عاوزة تكنسل كل دا عشانى بس مينفعش هى ضحت كتيييير واذا مقدرناش نلاقى حل وسط وفى حد لازم يضحى فدا لازم يكون انا

دلوقتى الحل اللى بنبحث فيها
هو الالتحاق بالجامعة هناك ، حتى اوفر بدل طيران رايح جاى ومفهوش تشتيت من مكان لاخر ،، وهفضل جمب والدتى بدل ما اعيش لوحدى فى مصر لان كدة كدة اخويا هيسافر معاها

وعلى فكرة يا ميس رانيا انا بنت وهنا مشكلة اكتر ،، الولد بيبقوا راميين طوبته يقعد لوحده فى مصر ماهيش فارقة

حد بقى يقدر يساعدنى بمعلومات عن جامعة عدن ويفسر لى الكلام بتاعهم دا !!!!؟؟؟

ومتشكرة جداااااااااااااااااااااااااااااااااااااا لارائكم

انا رأيى يا هبه انك تسافرى طبعا مع مامتك
و انك تدخلى الكليه هناك فى عدن
مينفعش طبعا تفضلى هنا
ولا هينفع تنزلى على الامتحاانات
و كمان انا مش مع فكره الكليه النظريه دى
خصوصا انى عارف رغبتك
و بالنسبه للمعلومات اللى عايزاها عن جامعه عدن
هدور عليها و اجيبهالك فى اسرع وقت ان شاء الله

ودا فعلا اللى بفكر فيه يا ايمن

وياريت فعلا ابسط اسلوب للمعلومة وايه النظام هناك فى اقرب وقت ان شاء الله ،،، ربنا يكرمك

وصاحب المستشفى قال لما هيرجع هناك عدن هيبقى يسأل عن نظام الجامعة هناك لان تقريبا ولاده لسة مش فى جامعة فميعرفش عنها اوى ويسأل للوافدين بس مفتكرش بردو انه هيدينى المعلومة الوافية لانه ذكر كليتين اداب وتجارة لانه بردو ميعرفش رغبتى

وبصراحة متخوفة من نظام الدراسة والمجموع ونظام القبول والكلام دا

واتمنى انى الاقى معلومة عن دا فى اقرب وقت ان شاء الله :)

وشكرا ليك

انا قصدى يا هابى تدخليها هناك

مافيش فنون تطبيقية يا سارة فى الوطن العربى كله غير فى مصر بس اصلا

خامساً: نسب التسجيل و مواد امتحانات القبول:
الكلية
التخصص
نسب القبول ب %
مواد الامتحان
الطب
بشري
صيدلة
أسنان
90
85
85
كيمياء-أحياء-فيزياء-انجليزي
كيمياء-أحياء-فيزياء-انجليزي
كيمياء-أحياء-فيزياء-انجليزي
الهندسة
1. مدني
2. كهرباء
3. ميكانيكا.
4. معماري.
5. كمبيوتر.
6. اتصالات - الكترونيات
7. تكنولوجا المعلومات
80
80
80
85
85
85
85
فيزياء-رياضيات-انجليزي
فيزياء-رياضيات-انجليزي
فيزياء-رياضيات-انجليزي
فيزياء-رياضيات-انجليزي-رسم حر
فيزياء-رياضيات-انجليزي
فيزياء-رياضيات-انجليزي
فيزياء-رياضيات-انجليزي
النفط
جيولوجيا تطبيقية
اقتصاديات نفطية
80
80
فيزياء-رياضيات-انجليزي
مبادئ الاقتصاد-انجليزي.
الحقوق
عام
75
لغة عربية-تاريخ-الفقه المدرسي
الزراعة
عام
70
بدون امتحان
كليات التربية
عدن
صبر
زنجبار
لغة عربية / تربية اسلامية
لغة انجليزية / فرنسي
كيمياء / أحياء
تاريخ / جغرافيا
علم الاجتماع / ارشاد تربوي
فيزياء / رياضيات
فلسفة / علم اجتماع
بدنية
75
75
75
75
75
75
75
70
لغة عربية - تربية اسلامية
لغة انجليزية.
كيمياء- أحياء.
تاريخ – جغرافيا.
علم الاجتماع.
رياضيات / فيزياء.
فلسفة / علم اجتماع.
مقابلة للكفاءة و القدرات.
كليات التربية
شبوة
ردفان-يافع
طور الباحة
الضالع
لودر
لغة عربية / تربية إسلامية
لغة إنجليزية
كيمياء / أحياء
فيزياء / رياضيات
تاريخ / جغرافيا
70
70
70
70
70
وفقا لمعدل الثانوية العامة
العلوم الإدارية
محاسبة
إدارة أعمال
إحصاء وحاسوب
80
80
75
رياضيات-مبادئ الاقتصاد
رياضيات-مبادئ الاقتصاد
رياضيات-مبادئ الاقتصاد
الاقتصاد
اقتصاد عام
75
احصاء رياضي-مبادئ الاقتصاد
الآداب
تاريخ
جغرافيا
علم اجتماع
فلسفة
لغة فرنسية
الأعلام
علم نفس
اللغة العربية
الأثار
الفنون الجميلة
70
70
70
70
70
80
70
70
70
70
مقابلة شخصية
مقابلة شخصية
مقابلة شخصية
مقابلة شخصية
مقابلة شخصية
الأعلام اليمني/لغة عربية
مقابلة شخصية
مقابلة شخصية
مقابلة شخصية
مقابلة شخصية



اهو بصى واتفرجى بقى
،،،،،،،،،،،،،،،،،،،،،،،،،،،،،،،،،،،،،



بس يا جماعة انا عندى استفسار اهم بليييييييييييز

ايه المشاكل اللى ممكن تواجهنى لما ادخل كلية هناك واجى احول هنا لمصر لما عقد العمل يخلص ان شاء الله !!!؟؟؟؟؟؟

مافيش فنون تطبيقية يا سارة فى الوطن العربى كله غير فى مصر بس اصلا



اهو بصى واتفرجى بقى
،،،،،،،،،،،،،،،،،،،،،،،،،،،،،،،،،،،،،



بس يا جماعة انا عندى استفسار اهم بليييييييييييز

ايه المشاكل اللى ممكن تواجهنى لما ادخل كلية هناك واجى احول هنا لمصر لما عقد العمل يخلص ان شاء الله !!!؟؟؟؟؟؟

تقريبا لازم ميكونش فى اختلاف فى المواد كبير
و طبعا اى مواد مخدتيهاش
هتاخديها
حتى لو اضطريتى انك تاخديها فى سنه اضافيه
و لو اى ماده خدتيها و هتتشال من عليكى اما تحولى
غير كده مفيش مشاكل
بس لازم المنهج التعليمى و البرنامج التعليمى نفسه ميكونش مختلف اختلاف كبير
خليها على الله:D

تقريبا لازم ميكونش فى اختلاف فى المواد كبير
و طبعا اى مواد مخدتيهاش
هتاخديها
حتى لو اضطريتى انك تاخديها فى سنه اضافيه
و لو اى ماده خدتيها و هتتشال من عليكى اما تحولى
غير كده مفيش مشاكل
بس لازم المنهج التعليمى و البرنامج التعليمى نفسه ميكونش مختلف اختلاف كبير
خليها على الله:D
ونعم بالله

المستر اللى بيدينى بردو قال لى كدة
بس لسة معرفش نظام المناهج هناك فى الكليات بس اللى عرفته ان منهجهم فى ثانوى وكدة مصرى ،،،

ربنا يسهلها ان شاء الله

ياااااااااااااااااااااه هو أنا آخر من يعلم ..؟؟؟
هتسافري يا بييوو ؟؟

انا كدا ممكن يجرالي حاجة
لا وكان ممكن تسافري من غير ما انا اعرف
ربنا معاكي
بجد انا زعلانة أوي أوي

بصي هو الحل الوحيد انك تسافري
اصل مستحيل تقعدي هنا لوحدك
وبعدين مستقبل ايه يا بنتي الي هنا دا
كل الكليات هنا معروف مصيرها
روحي مع مامتك .. وسيبي البلد دي بجد ... مش جاي من وراها غير القرف والهم والغم
انا كان المفروض يبقى مكاني مش هنا اساسا .. بس اعمل ايه هو القدر كدا .. اني اكون اصغر واحدة وانزل مع اخواتي عشان كلياتهم ... ومش ينفع كنت اقعد هناك لوحدي مع بابا .. يعني نفس وضعك بس العكس .. ان الي اتفرض عليا اني آجي مصر.. ياريته كان العكس .. بتهيألي كنت هطير لهناك من الفرحة .. من غير تذاكر ولا طيران ولا غيره
بجد يا بيبو روحي وفكك من البلد دي ... نصيحة من أخت ليكي مجربة .. ربنا يوفقك في كل مكان تروحيه ويكون معاكي في كل خطوة ولحظة

نيدو حبيبتى ،، كل سنة وانتى طيبة الاول
اصلا الموضوع مش اكيد وبتوع اليمن لسة متصلين
وبصراحة ماما بتعيد حساباتها تانى لان الجامعة هناك هتبقى مصاريفها نار ع الوافدين غير بقى تذاكر الطيران بتاعتى انا واخويا وتيتة على حسابنا
فالظاهر كدة ان اللى هنقبضه هيتصرف ويتحط عليه من معانا كمان
غير طبعا اخويا داخل على ثانوية ,,,,,,

يعنى فيه احتمال عدم السفر ان شاء الله ،، ماما مش عاوزة تشتتنا وشوية رايحين وشوية جايين
وخصوصا انه قطاع خاص مش مضمون ولا بيضمن حقوق ،، اى لحظة هيقول لك اتفضلى ،، فماما كانت بتقول اذا كان حكومى كان افضل

عموما الله اعلم الخير فين
وربنا يقدم اللى فيه الخير ان شاء الله :)