السلام عليكم ورحمة الله وبركاته

انا بدرس منهجين للثانوية العامة الاول هو المنهج الكويتي والمنهج الثاني هو المنهج المصري وعندي واحد معايا في الصف (في الكويت) جنسيته لبناني متغاظ مني مش عاوزني اجيب اكتر منه ويوقع بيني وبين المدرسين ويروح يقولوهم علي حاجات حصلت وانا اصلا مهملتهاش وفي امتحان نصف السنة بتاع الثانوية العامة (بتاع الكويت) جبت اكتر منه وكان مجموعي 96% وهو مجموعة 87% اضايق مني جدا ويروح يشتكيني في الكنترول ويقلوهم المدرسين كلهم كارمييني وبيظلموه ووالي غايظني انه بيوقع بيني وبين صحابي

ملاحظه قبل ما اسافر الكويت كان هو الشاطر واول واحد في الصف واول ماانا جيت بقيت بجيب اكتر منه


ارجو انكم تساعدوني تقولولي اعمل ايه عشان خلاص زهقت منه ....

Mohamed Nasser

احسن حل للناس اللى من النوع ده انك مش تعمله حساب اصلا ومتحطهوش فى دماغك لان شكله كده عايز يعملك مشاكل وخلاص بس حاول توصل للمدرسين بتوعك واصحابك كراهيته دى علشان محدش يسمع منه كلام ويزعلو منك انت وبلاش تظهرله انك متضايق كده وبينله انه مش فارق معاك اساسا وده هيخليه هو اللى يكون متضايق على طول او انه يزهق لما يلاقى ان طريقته دى مش جايبه نتيجه معاك وربما بقى ربنا يهديه ويبطل الحقد ده وتبقى جات من عند ربنا وترتاح

شكرا علي نصيحتك الجميلة يا كلمة الحب هحاول اعمل كدة بس دة انا طهقت وزهئت منه والله

انا معاك والله انها حاجه تغيظ فعلا وانا عارفه انت ممكن تكون متضايق اذاى بس هى ملهاش غير كده علشان ترتاح لان هو مش عايز غير انه يزعلك ويعملك مشاكل . جرب انت بس ومتفكرش فيه خالص وان شاء الله تجيب نتيجه ربنا معاك بقى ويقويك علشان تغيظه اكتر واكتر وتجيب اعلى منه دايما .

هحاول وهبتدي ان شاء الله من يوم السبت

شكرا لاهتمامك ومرورك

حلوة عموما حكاية دراسة منهجين دى مش وحشة
ولاد اصحاب والدى لما راحوا الاردن بردو درسوا المنهجين


عموما ربنا يوفقك ،، بس مشكلة زميلك دا انه لبنانى ولا غيره بقى ،، انتم فى سن واحدة وفى صف واحد فالغيرة والحقد عليك من غيرك دا شىء متوقع

خصوصا يعنى انه زى ما بتقول انت جيت بعده ،، فهو بقى حس ان مكانه اتاخد منه
عامل نفسى
انت فعلا سيبك منه خااااالص واى ناجح لازم هيكون له اعداء يعنى

اما حكاية انه يتشكيك ويوقع بينك وبين غيرك
فبص بقى ،، طول ما انت ماشى صح وجمب الحيط ( جمب الحيط مش معناها انك خواف لا اقصد لا بتعمل مشاكل ولا غيره وبتسمع الكلام الصح وماشى تمام )
فولا يهمك من الشكاوى دى ان شاء الله وربنا يثبتك وخلى ايمانك بربنا قوى

بس انت دلوقتى ريح فعلا اعصابك وانساه خالص لانه واضح انك شاغل نفسك اوى بموضوعه وموتر نفسك اوى بسببه

وربنا يوفقك ان شاء الله

سلاام عليكم

انا فعلا مش هحاول اشغل نفسي بيه تاني وشكرا علي النصيحة

شكرا لمرورك واهتمامك

نصيحه منى انك تكون لطيف معاه
يعنى مش تشتكى منه لاصحابك
مساوئه خليها تظهر بطريق غير مباشر
وبحيث ميظهرش امام مدرسيك واصحابك انك متضايق منه
وعامله بالحسنى يمكن ييجى عليه وقت
ويتكسف من افعاله معاك
نتمنى لك التوفيق ان شاء الله

فكرتني بواحدة صاحبتي بس العن دى قدامي بتحبني وعامله صاحبتي ومن ورايا بتخرب حياتى كلها مش بس غيرة دراسه لا ده في كل حاجة نقول ايه حسبي الله ونعم الوكيل

معلش استحمل .....

شكرا علي النصيحة الرائعة يا رانيا حسن ويارب تجيب معاه نتيجة

السلام عليكم ورحمه الله وبركاته
انا من الموقف اللى انت قولته اعرف انك فى المقدمه وانسان كويس
ورأيى بخصوص الموضوع ممكن تستغربه بس لو اتبعته هاتكسب وخصوصا انك عارف نوياه من البدايه
خلي أصحابك قريبين وأعدائك أقرب فامفيش حل تانى غير انك تصاحبه وتشوف ايه اهتماماته وتعمل نفسك مهتم بيها
وتقرب منه بس طبعا مش هاتثق فيه لانك معلم عليه علامه غلط من البدايه
واتمنالك التوفيق والنجاح

طيب ده فرصه لأن هو ده اللي حيعرفك أصدقائك الحقيقيين من اللي بيتظاهروا انهم أصدقائك وكمان ده يخليك تحاول إنك تجيب أكتر منه

شكرا ليكوا كلكوا يا جماعة علي النصايح الجميلة دي وانا بعمل بيها دلوقتي

شكرا شكرا شكرا

بس ماتنساش انك تطمنا :)