بسم الله الرحمن الرحيم
انا شخص عادي زي كتير من الناس كان كل حلمي اني ادخل كلية هندسه
انا الاول هقولكم حكاية الهندسه دي جاتيلي منين انا قدمت في الثانوي وبعد اسبوع كرهته بسبب الكيمياء وما اشباها فقررت اني احول صنايع ثلاث سنين واخلصهم واشتغل اي شغلانه ودخلت قسم كهرباء وعدت السنه الاول في ثواني والسنه الثانيه وجيت في الاجازه وكان ليا اصحاب في الثانوي كان مستواه اقل مني بس جابو فوق 90% ربنا يزيدهم وفي يوم قابلني استاذ ثانوي فقالي انت شاطر وممكن تدخل كلية هندسه بربع مذاكره الثانوي انا مكنتش مصدق والفكره كبرت في دماغي وقولت لازم احققها وادخل هندسه وابدأت السنه الدراسيه قعدت اول اسبوع لا في كتب ولا في مدرسين بتشرح والاسبوع الثاني هكذا فقررت اني اروح دروس وطبعا بيبقي في مذكرات وروحت الدروس وقررت اني اطلع الاول علي الجمهوريه
اة والله مابهزر لدرجة اني كنت كل يوم بذاكر 12 ساعه كان اصاحبي في المدرسه اما كانوا بيشوفوني ماسك الكتاب وبذاكر في الفصل اول قبل الدرس كان بيعدوا يضحكوا عليا وانا قول محلشي حلمك قرب
لحد ماجيت الامتحانات وكنت مموت نفس من المذاكره لدرجة اني ماكنتش بشوف اي حد من اصحابي او قرايبي ومكنتش بنام غير 4 ساعات وخلصت امتحانات والحمد لله حليت كويس جدا ان كنت متوقع اني هجيب 99% بعد كل المذاكره دي
وانتظرت يوم النتيجة 7.7.2012
ورايح المدرسه بنفس مفتوحه وقلت خلاص حلمي اتحقق
وانا بجيب النتيجة بصيت في العشره الاوائل الاول ملكتشي اسمي فيهم اصدمت من المفاجاه لقيت مجموعي 480 ايه بعد كل ده
كنت عاوز اطلع فوق المدرسه وارمي نفسي من الدور الاخير
بس جيت في بالي وقلت مش مهم انت عملت اللي عليك
وقدر الله ماشاء فعل وقولت الحمد لله واتفاجئت كمان ان اللي ماكنوش بياخدوا دروس ولا بيروحوا المدرسه جابوا اكتر من اللي كان طلعان عينهم طول السنه انا دلوقتي بقول لنفسي يمكن العيب فيا بس اذاي بعد كل اللي انا عملته ياتري انا اللي حظي وحش ولا الفاشل فاشل طول عمره ولا ايه بس ارجع اقول يكفيني شرف المحاوله وقدر الله ماشاء فعل وانا دلوقتي مش عارف اعمل ايه ادخل معهد سنتين
وممكن ربنا يكرمني وادخل هندسه منه واحقق حلمي ولا كفايه لحد كده واروح اشتغل في اي حته ولا اعمل بالظبط ارجوكم ساعدوني وانا اسف جدا لو كنت طولت في الموضوع

روق يا معلم مفيش حاجه تستاهل هتفضل البلد والتعليم ابن وسخه طب انا جيت اشوف النتيجة انبارح لاقيت مكتوب دور تانى قولت الحمد لله لانى اصلا مكنتش بذاكر بس المشكلة ان التلاته اللى قدامى والتلاته اللى واريا ناجحو مع العلم ان ورقة الحل كانت بتعدى عليا اول حاجه يعنى اللى انا كنت بكتبوا هما بيكتبوا وخدها منى نصيحه سيبها لله وقدام فى هندسه وادخل اللى انت حابه علشان لما تتجوز و تكبر ماتقولش يارتنى وتتعقدش ربنا يوووووووووفقك

انا واللهي زيك كنت بذاكر والبنت اللي قدامي مكنتش تعرف حاجة وسيبة اسئلة فاضية وجيبة511 وانا اللي كنت هرية نفسي مذاكرة وكنت بنام يوم الامتحان الفجر جايبة479.5بس هقول اه حسبي الله ونعمة والوكيل بس انت ممكن تقبل هندسة في الصعيد بس لازم تعمل معادلة الاول واستني برده التنسيق الله اعلم ممكن التنسيق يقبل من مجموع واطي لان الدرجات السنة دة وحشة

ابننا العزيز

هل ما فعلته صحيح

طيب مش الواحد يذاكر احسن


بعد الى انتى عملته ده و عايز تنجح


قال الله تعالى:
"إن الله لا يضيع أجر المحسنين" سورة التوبة 120

وقال سبحانه وتعالى:
"إنا لا نضيع أجر من أحسن عملاً" سورة الكهف 30

شاهد هذا الفيديو ده و نتمنى لك التفوق و النجاح فى حياتك
http://www.youtube.com/watch?v=Y1CQSOcIP04

محدش يستغرب من الى بيحصل لان الدرجات بتتحط بالبركه (انا الحمد الله العملى كان سهل بالنسبه ليه كانت دائره الكترونيه واسمها دائره فلاشر والحمد الله عملتها وجربتها انا والمراقب على الباور طبعاا والحمد الله الوحيده الى اشتغلت من الجنه بتاعتى لانهم مكنزش بيعرفو يلحمو كويس وبيلحمو الشرائح على بعضها فكانت بتعمل قفله مبتشتغلش وكنت عامله لواحد صحبى بردو واشتغلت تمام والسؤلين الشفوى الحمد الله جوبت عليهم كويس والنظرى الحمد الله بردو حليت كويس فيه

اجى ابص على الشهاده القى نفسى جايب 111 فى العملى وصحبى الى عملتلو الدائره وانا الى مخلصها ليه وهوا معملش فيها حاجه جايب اكتر منى

فعلا حرام حرام حرم ولحد دلوقتى مش لااقى سبب للى بيحصل ده هل هوا عدم ضمير ؟

و الله يا اخي انا من فضل ربنا عليا اني لسه بتكلم انت اللي حصل معاك هو نفس اللي حصل معايا بالظبط بس اقول ايه حسبي الله و نعمه الوكيل لو نقدر نتواصل مع بعض علشان نشوف هنعمل المعادله اذاي هيكون كويس انا من المنصوره ياريت تتواصل معايا و نشوف هنعمل ايه انا جبت 77 في الميه في انتظااااااااااااار ردك

و الله يا اخي انا من فضل ربنا عليا اني لسه بتكلم انت اللي حصل معاك هو نفس اللي حصل معايا بالظبط بس اقول ايه حسبي الله و نعمه الوكيل لو نقدر نتواصل مع بعض علشان نشوف هنعمل المعادله اذاي هيكون كويس انا من المنصوره ياريت تتواصل معايا و نشوف هنعمل ايه انا جبت 77 في الميه في انتظااااااااااااار ردك

دي شرف ليا ان احنا نكون مع بعض ودي ايميل علي الياهو

butnia2008***********
بعد اذن الاداره

بسم الله الرحمن الرحيم
انا شخص عادي زي كتير من الناس كان كل حلمي اني ادخل كلية هندسه
انا الاول هقولكم حكاية الهندسه دي جاتيلي منين انا قدمت في الثانوي وبعد اسبوع كرهته بسبب الكيمياء وما اشباها فقررت اني احول صنايع ثلاث سنين واخلصهم واشتغل اي شغلانه ودخلت قسم كهرباء وعدت السنه الاول في ثواني والسنه الثانيه وجيت في الاجازه وكان ليا اصحاب في الثانوي كان مستواه اقل مني بس جابو فوق 90% ربنا يزيدهم وفي يوم قابلني استاذ ثانوي فقالي انت شاطر وممكن تدخل كلية هندسه بربع مذاكره الثانوي انا مكنتش مصدق والفكره كبرت في دماغي وقولت لازم احققها وادخل هندسه وابدأت السنه الدراسيه قعدت اول اسبوع لا في كتب ولا في مدرسين بتشرح والاسبوع الثاني هكذا فقررت اني اروح دروس وطبعا بيبقي في مذكرات وروحت الدروس وقررت اني اطلع الاول علي الجمهوريه
اة والله مابهزر لدرجة اني كنت كل يوم بذاكر 12 ساعه كان اصاحبي في المدرسه اما كانوا بيشوفوني ماسك الكتاب وبذاكر في الفصل اول قبل الدرس كان بيعدوا يضحكوا عليا وانا قول محلشي حلمك قرب
لحد ماجيت الامتحانات وكنت مموت نفس من المذاكره لدرجة اني ماكنتش بشوف اي حد من اصحابي او قرايبي ومكنتش بنام غير 4 ساعات وخلصت امتحانات والحمد لله حليت كويس جدا ان كنت متوقع اني هجيب 99% بعد كل المذاكره دي
وانتظرت يوم النتيجة 7.7.2012
ورايح المدرسه بنفس مفتوحه وقلت خلاص حلمي اتحقق
وانا بجيب النتيجة بصيت في العشره الاوائل الاول ملكتشي اسمي فيهم اصدمت من المفاجاه لقيت مجموعي 480 ايه بعد كل ده
كنت عاوز اطلع فوق المدرسه وارمي نفسي من الدور الاخير
بس جيت في بالي وقلت مش مهم انت عملت اللي عليك
وقدر الله ماشاء فعل وقولت الحمد لله واتفاجئت كمان ان اللي ماكنوش بياخدوا دروس ولا بيروحوا المدرسه جابوا اكتر من اللي كان طلعان عينهم طول السنه انا دلوقتي بقول لنفسي يمكن العيب فيا بس اذاي بعد كل اللي انا عملته ياتري انا اللي حظي وحش ولا الفاشل فاشل طول عمره ولا ايه بس ارجع اقول يكفيني شرف المحاوله وقدر الله ماشاء فعل وانا دلوقتي مش عارف اعمل ايه ادخل معهد سنتين
وممكن ربنا يكرمني وادخل هندسه منه واحقق حلمي ولا كفايه لحد كده واروح اشتغل في اي حته ولا اعمل بالظبط ارجوكم ساعدوني وانا اسف جدا لو كنت طولت في الموضوع



الاخ العزيز : atef2010

أحمد ربنا على ما أنت فيه هقولك شى صغير انا كنت مثلك فى الدبلوم بذاكر وحلمى الوحيد هو دخول الكليه لكن قدر الله ان مجموعى كان 79% ولم استطع الالتحاق بالكليه وكان لي نصيب ان فتحت فصول دراسات تكمليه لوجود عجز فى مدرسين العملى وبالفعل قبلت وربنا كرمنى فى السنه الثانيه وكنت الثانى على الدفعه 81% ومن كرم ربنا انى دخلت كليه التربيه وكنت من المتفوقين فيها فتخرجت منها بتقدير امتياز مع مرتبه الشرف فلا تياس واعلم ان كل واحد ليه رزق عند ربنا هيخدة اعمل الى عليك والفرصه متاحه ليك لتحقيق احلامك ولو مكنش فيه فرصه ان تدخل كليه الهندسه التحق باحد المعاهد وخلى عندك العزيمه لاثبات قدراتك على دخول الكليه التى تتمناها
ربنا يوفققك إن شاء الله ويوفق الجميع

كويس يا جماعة انى لاقيت موضوع حديث بيتكلم عن المعادلة فى حد معرفة عايز يعرف هو جاب 80% دبلوم فنى صنايع زخرفة وعايز يعرف ايه الخطوات اللى يعملها عشان يعمل معادلة وايه الكليات اللى ممكن يدخلها ونظام الامتحان والمعادلة الخاص بها ايه؟ ياريت حد يعرف يساعدنى ويدقم ازاى ولا على النت وشكرا مقدما

ياجماعة محدش يندم على حاجة قدر الله وما شاء فعل أكيد ربنا شايلك الأحسن

الحمد لله أنا السنة اللي فاتت كنت دبلوم صناعي 3 سنوات زخرفة وأكترنا إتظلمنا من ناحية كل حاجة

مجموع وتأخير في ظهور النتيجة وظهور التنسيق ونتيجة التنسيق اللي ظهرت بعد بدأ الدراسة

لكن الحمد لله ربنا كرمنا ،،

أنا بالنسبالي كنت جايبة السنة اللي فاتت أكتر منك بشوية بس دخلت معهد ترميم آثار سنتين

والمعهد أخد السنة اللي فاتت من 78 %

والحمد لله جيبت إمتياز في الترم الأول ومنتظرة نتيجة الترم التاني

والكليات اللي مسموح لينا ندخلها بعد معهد الترميم هي " آثار ،، هندسة ،، فنون جميلة "

والمعهد سهل جداً بس محتاج شغل عملي وطبعاً مش هيكون صعب على الشباب يشتغلوا عملي

والمذاكرة إحنا كنا بنذاكر آخر شهر بس وليلة الإمتحان هي اللي كنا بنركز فيها أكتر

وإن شاء الله ربنا يكرمك بس خلي عندك إرادة توصل لهدفك

وقدامك معاهد كتيرة سنتين ممكن تدخلها والسنتين دول مش هتحس بيهم خالص صدقني عن تجربة

لوسمحتي هو معهد ترميم الاثار ده فين وانا قسم الكترونيات ممكن اقبلوا ولا لأ وهل هو خاص ام عام وفي واحد في اسكندرية هل هو خاص ولا عام