ممكن اعرف اية الكليات الي....... [الأرشيف] - بوابة الثانوية العامة المصرية

همس الرومانسيه

12-07-2012, 01:12 AM

على حسب ماسمعت ان فيه اقسام زي الميكانيكا والعمارة والمدني والاتصالات دي اقسام اساسية وعريقة وقديمة بقدم اغلب كليات الهندسة في مصر فان شاء الله هتلاقيها في اغلب الجامعات ولو عايز تعرف بردوا جامعة محددة قولي عليها وانا اقدر اساعدك في التحقق من وجود القسم المطلوب ...:)
اما المجموع المؤهل ليها فاكيد ده بيتوقف على تقدير الفرقة الاعدادية وبيختلف من جامعة لاخرى ففيه كليات بيكون فيها بعض الاقسام بتاخد من مجموع وتقدير معين وعالي في اعدادي زي جيد وجيد جدا ونفس الاقسام دي في كليات تانية بتكون وفقا لعدد المتقدمين ومجموعهم والترتيب بتاعتهم والنسبة المسموح قبولها في كل قسم .. يعني انت ونصيبك بقى ^_^ لكن بشكل عام اكيد اغلب كليات الهندسة العريقة والصعبة على مستوى الجمهورية زي عين شمس والمنصورة والقاهرة وكده بيكون فيها معايير محددة وصارمة للقبول في الاقسام ....
عموما ان شاء الله بعد ماتطلع النتيجة في هندسة كده يارب انت شد حيلللللك في اعدادي وخلي ديما طموحك اكبر من مجرد انك دخول هندسة بس ... او انك تجيب مجموع كويس علشان تحلق القسم بتاعك :cool: ...خلي هدفك وطموحك اكبر من كده وبص لانك تكون من اوائل دفعتك ويكون ليك الاختيار وبص انك تتخرج بتقدير عالي جيدا جدا او امتياز وحتى لو مش عايز تتعين وتكمل في المجال الاكاديمي .. تبقى فخور بنفسك ويكون ليكي وضع ادبي ومالي جيد في حياتك العملية خاصة مع التدريب العملي الجيد ....
على فكرة لو اي طالب في هندسة بذل نص المجهود اللي بذله في الثانوية العامة ممكن يكون من اوائل دفعته بتوفيق ربنا سبحانه وتعالى ... وربنا معاكم