والله ياجماعة انا حاسس ان الفرنساوى سهل بس انا بكره اسلوب المدرس اللى باخد معاه دة غير انه كان بيحفظنا الرد على ابواب الجريدة مثلا يعنى

لو كان باب الجريدة بيتكلم على الرياضة يبقى نكتب
Le Sport
وبعد كدة شفت فى كتاب برافو انى مش المفروض اكتب الاداة بكتب على طول
Sport

والله اعلم انا فاهم اية غلط تانى :(
وعمال يراجع فى الجرامير ومش بيدينا اسئلة كل اللى بيقوله ذاكرو وانا بذاكر وبحفظ وبرجع انسا دة غير انى معرفش اى حاجة عن طريقة حل الامتحانات خصوصا السؤال الاخير اللى هو الانتاج
دة غير انه مش بيدينا كلمات نحفظها وانا مش عارف احفظ اية ومحفظش اية كل اللى بيعمله انه عمال يعيد ويزيد فى الجرامير وانا اتخنقت وحاسس انى حتا مش حطول ال 40 فى الفرنساوى وبجد حرام لانى داخل علمى وكل الناس بتقول ان الفرنساوى سهل قوى الواحد يجيب فية 50 وانا فى عرض نص درجة


فاضل وقت قليل جدااا والامتحانات تبتدى ياريت كل واحد يقولى رائية خصوصا مدرسين المادة

انا عندى كتاب ( برافو للمراجعة النهائية ) وكتاب ( برافو مــ الاخر )

راجع الدروس على قد ما تقدر

وحل الامتحانات

واطلب من الأستاذ إنه يحل معاكو امتحانات ويصحح لكم الإجابات

واهتم بحفظ الكلمات الأساسية زي الأشخاص والأماكن والتعبيرات

وخلي بالك من سؤال أدخل هذه التعبيرات في جملة من عندك


ومدرسين الفرنساوي اللي موجودين في المنتدى في خدمة جميع الطلبة

وهم من أكفأ المدرسين الموجودين في مصر والعالم العربي

كتاب مرسى مراجعة جميل مجمع كل الاماكن والاشخاص واسئلة النماذج بجد جميل انا عن نفسى بحل فية وربنا معاك ومعايا

[[SIZE="5"]SIZE="3"]بص يا باشا اولا فى الفرنساوى المدرس اللى بيركز على الجرامير مدرس خايب مش بيعرف يقسم وقت الحصة و كمان مش بيعرف هو اصلا عايز يشرح اية لان قواعد الثانوية العامة بسيطة جدا لو انت عايز تحفظ احفظ خطوات كل قاعدة بالعربى و الشواذ اللى عليها زى مثلا الماضى المركب ( يتكون من كذا و كذا ) مع المساعد etre 14 فعل افقط - اسم المفعول من فعل الجملة الاساسى ( اخر حاجة و الكل بينساها ) التبعية مع المساعد etre
بتكون كدا تمام فى الماضى المركب مثلا كقاعدة هامة جدا ( مع التحفظ على بعض الملاحظات الهامة فيه مثل نفى الماضى المركب - الاستفهام به - كمان مكان الضمير الشخصى فى هذا الزمن )
و على الاساس ده تلاقى القواعد كلها سهلة جدا مش زى ما مدرسك بيعقدك.
ثانيا : دور الطالب بعد حفظ الكلمات و الشخصيات و الموضوعات و المواقف ( بنقول دايما حفظ لان دى لغة اجنبية لابد من تجميع كمية من مفردات اللغة ( الكلمات ) لتكوين حصيلة منها تساعدنا فى تكوين الجمل و كذلك الموضوعات و المواقف ) بيكون قادر على ترجمة اى جملة داخل اطار المنهج . و امتحان الفرنساوى سهل جدا اذا كنت قادر على ترجمة الجملة الى اللغة العربية و فهم معانيها فبتكون عارف اية القاعدة المطلوبة فى الجملة.
ثالثا : مدرسك المفروض يقسم و رقة الامتحان و يتكلم بالعربى كتير فى الحصة عشان يفهمك طريقة ربط الفرنساوى بالعربى انت شوف نفسك بتقدر تترجم صح - بتقدر تفهم الموقف صح - و المطلوب اية بالعربى



اخير احب اضيف ( و الله و عن تجربة ) اللى مش بيتكلم لغة عربية فصحى مش هيكون قادر على التحدث بالفرنسية بطلاقة و كذلك الحال بالنسبة للطالب لازم يعرف هو عايز اية بالعربى الاول قبل ما يعرف الاجابة بالفرنسية

راجع الدروس على قد ما تقدر

وحل الامتحانات

واطلب من الأستاذ إنه يحل معاكو امتحانات ويصحح لكم الإجابات

واهتم بحفظ الكلمات الأساسية زي الأشخاص والأماكن والتعبيرات

وخلي بالك من سؤال أدخل هذه التعبيرات في جملة من عندك


ومدرسين الفرنساوي اللي موجودين في المنتدى في خدمة جميع الطلبة

وهم من أكفأ المدرسين الموجودين في مصر والعالم العربي

انا المرة اللى فاتت تقريبا اتخانقت معاه وفى الاخر رسينا على انه حيحل معانا كل حصة من دليل التقويم
وبالنسبة للكلمات والشخصيات والاماكن انا بظبط فيها

كتاب مرسى مراجعة جميل مجمع كل الاماكن والاشخاص واسئلة النماذج بجد جميل انا عن نفسى بحل فية وربنا معاك ومعايا

انا معرفش كتاب مرسى دة ياريت لو تقوليلى اذا كان احسن من برافو عشان اجيبه وشكرا لاهتمامك بالرد وربنا معانا

[[SIZE="5"]SIZE="3"]بص يا باشا اولا فى الفرنساوى المدرس اللى بيركز على الجرامير مدرس خايب مش بيعرف يقسم وقت الحصة و كمان مش بيعرف هو اصلا عايز يشرح اية لان قواعد الثانوية العامة بسيطة جدا لو انت عايز تحفظ احفظ خطوات كل قاعدة بالعربى و الشواذ اللى عليها زى مثلا الماضى المركب ( يتكون من كذا و كذا ) مع المساعد etre 14 فعل افقط - اسم المفعول من فعل الجملة الاساسى ( اخر حاجة و الكل بينساها ) التبعية مع المساعد etre
بتكون كدا تمام فى الماضى المركب مثلا كقاعدة هامة جدا ( مع التحفظ على بعض الملاحظات الهامة فيه مثل نفى الماضى المركب - الاستفهام به - كمان مكان الضمير الشخصى فى هذا الزمن )
و على الاساس ده تلاقى القواعد كلها سهلة جدا مش زى ما مدرسك بيعقدك.
ثانيا : دور الطالب بعد حفظ الكلمات و الشخصيات و الموضوعات و المواقف ( بنقول دايما حفظ لان دى لغة اجنبية لابد من تجميع كمية من مفردات اللغة ( الكلمات ) لتكوين حصيلة منها تساعدنا فى تكوين الجمل و كذلك الموضوعات و المواقف ) بيكون قادر على ترجمة اى جملة داخل اطار المنهج . و امتحان الفرنساوى سهل جدا اذا كنت قادر على ترجمة الجملة الى اللغة العربية و فهم معانيها فبتكون عارف اية القاعدة المطلوبة فى الجملة.
ثالثا : مدرسك المفروض يقسم و رقة الامتحان و يتكلم بالعربى كتير فى الحصة عشان يفهمك طريقة ربط الفرنساوى بالعربى انت شوف نفسك بتقدر تترجم صح - بتقدر تفهم الموقف صح - و المطلوب اية بالعربى

اخير احب اضيف ( و الله و عن تجربة ) اللى مش بيتكلم لغة عربية فصحى مش هيكون قادر على التحدث بالفرنسية بطلاقة و كذلك الحال بالنسبة للطالب لازم يعرف هو عايز اية بالعربى الاول قبل ما يعرف الاجابة بالفرنسية

هية ارخم حاجة الافعال الشاذة بتخنق منها عشان كتير وبتلخبط وانا معاك فى ان اى لغة عموما بتحتاج حفظ كلمات كتير وان بحاول احفظ الكلمات بتاعت المواقف والوثيقة
وسايب الكلمات بتاعات الدروس لان فية ناس كتير قالتلى ان الامتحان مش بيجى منها ( ياترى الكلام دة صحيح ؟ )
ياعم دة بينطق الفرنساوى انجليزى انا شاكك انه مدرس فرنساوى اصلا :D بس اهو مفيش وقت لازم الواحد يعتمد على نفسه اولا واخير لان معتقدش انى ممكن اجازف واسيب مدرس واروح لتانى فى الوقت دة

ياريت بس تقولى هو فعلا كلمات الدروس بتاعت المنهج مش مهمة قوى ولا اية عشان لو مهمة احطلها اولوية

ومعليش طولت عليك والف شكر على مساعدتك ليا واهتمامك بالرد :)

طبعا يا باشا كلمات الدروس مهمة كمان وجدا عشان نفهم الجمل و ورقة الامتحان و كمان الامتحان بيجى منه حاجات كتيرة من المنهج لكن اى امتحان لازم يكون فيه جديد و اسئلة جديدة فى اى مادة و ما تنساش ( ان الله لايضيع اجر من احسن عملا ) و الافعال الشاذة اللى مرخمة عليك حياتك دى المفروض اك فى مراجعة فى الوقت الحالى يعنى شفتها على الاقل و حفظتها و اتشرحت لك 4 مرات هى و كل الكلمات ( احنا بنتكلم فى حصيلة شغل 8 شهور دروس و شرح على الاقل ) و متعقدش نفسك من المدرس حتى لو بينطق انجليزى انت مش محتاج النطق انت هتمتحن تحريرى اهم شى الكتابة ( لو هو بينطق انجليزى دا بس عشان انت تنطق انجليزى زيه فتكتب كل حرف بتنطقة لكن لو بالفرنساوى كتبت كل حرف بتنطقه بس مش هتكتب الا ربع الكلمة المنطوق فقط ) صح
لو عندك كتاب برافو مرجعة نهائية ممكن اعملك جدول مراجعة تيك اواى سريع و خفيف نراجع بيه سوى ( لكن اخاف اكتر عليك و الخبطك مع مدرس المادة بتاعك ) لكن دا لتنظيم وقتك

و فى الاخر برده خليك مع استاذك للنهاية لعله يكون فيه الخير ليك كمان دا مش وقت تغير مدرسين

كتاب مرسى مراجعة جميل مجمع كل الاماكن والاشخاص واسئلة النماذج بجد جميل انا عن نفسى بحل فية وربنا معاك ومعايا


فعلا والله مفيش احسن من كتاب ميرسى وانا معايا الاتنين (برافو و ميرسى) ولقيت ان الاحسن بجد هو ميرسى

لو هنتكلم على الافعال الشاذه يبقى كتاب الشرح اول حاجه علشان مكتوب فيه جميع الافعال الشاذه بطريقه سهله جدا وكذلك برده شرحه للقواعد ممتاز حتى الكلمات بجد و الله الكلام ده عن تجربه
اما المراجعه فمش سايب حاجه فيها كل حاجه موجوده
وفى كتاب كمان اسمه كراسة الواجبات للمراجعه العامه والنهائيه (ميرسى برده ) وده كله امتحانات فيه حوالى 14 او 15 امتحان
يعنى ميرسى كله تلات اجزاء ( شرح ومراجعه وامتحانات)

وربنا يوفقك ويوفقنا كلنا

طبعا يا باشا كلمات الدروس مهمة كمان وجدا عشان نفهم الجمل و ورقة الامتحان و كمان الامتحان بيجى منه حاجات كتيرة من المنهج لكن اى امتحان لازم يكون فيه جديد و اسئلة جديدة فى اى مادة و ما تنساش ( ان الله لايضيع اجر من احسن عملا ) و الافعال الشاذة اللى مرخمة عليك حياتك دى المفروض اك فى مراجعة فى الوقت الحالى يعنى شفتها على الاقل و حفظتها و اتشرحت لك 4 مرات هى و كل الكلمات ( احنا بنتكلم فى حصيلة شغل 8 شهور دروس و شرح على الاقل ) و متعقدش نفسك من المدرس حتى لو بينطق انجليزى انت مش محتاج النطق انت هتمتحن تحريرى اهم شى الكتابة ( لو هو بينطق انجليزى دا بس عشان انت تنطق انجليزى زيه فتكتب كل حرف بتنطقة لكن لو بالفرنساوى كتبت كل حرف بتنطقه بس مش هتكتب الا ربع الكلمة المنطوق فقط ) صح
لو عندك كتاب برافو مرجعة نهائية ممكن اعملك جدول مراجعة تيك اواى سريع و خفيف نراجع بيه سوى ( لكن اخاف اكتر عليك و الخبطك مع مدرس المادة بتاعك ) لكن دا لتنظيم وقتك

و فى الاخر برده خليك مع استاذك للنهاية لعله يكون فيه الخير ليك كمان دا مش وقت تغير مدرسين

بالنسبة لكلمات الدروس ان شاء الله حاحفظها وعلى فكرة انا بذاكر فرنساوى من شهرين تقريبا انا كنت المانى وحولت السنة دية متأخر ,المصيبة جت من هنا ( قدر الله وما شاء فعل ) بس والله انا حاسس ان الفرنساوى سهل جداا وناس كتير لما جيت احول قالولى متخفش الفرنساوى بيتلم فى شهرين.
هو زى ماقلتلك الموضوع موضوع خنقة من المدرس مش اكتر وعندك حق فى موضوع النطق انا عن نفسى بميز بينه وبين الانجليزى فى حرف الــ e بس فى النطق عشان ملخبطش الكلمات
وعلى فكرة انا عندى كتاب ( برافو المراجعة العامة والنهائية ) وكتاب ( برافو مــ الاخر ) بس لو زى ما الشباب بيقولو عن كتاب مرسى يبقا اجيبه احسن على العموم لو مش حاتعبك معايا واتقل عليك ياريت تقولى جدول المراجعة وانا ان شاء الله حامشى علية وميهمكش من اللخبطة لان المدرس بتاعى اصلا مش عامل اى جدول مراجعة وانا اهو بحاول احفظ كلمات على قد ماقدر وبحفظ فى الشواذ بتاعت الجرامير وربنا يسهل وعلى فكرة انت بتساعد اتنين لانى انا وواحد صاحبى كنا مع بعض المانى وحولنا
ربنا يوفقك ويديك على قد حب مساعدتك :)

فعلا والله مفيش احسن من كتاب ميرسى وانا معايا الاتنين (برافو و ميرسى) ولقيت ان الاحسن بجد هو ميرسى

لو هنتكلم على الافعال الشاذه يبقى كتاب الشرح اول حاجه علشان مكتوب فيه جميع الافعال الشاذه بطريقه سهله جدا وكذلك برده شرحه للقواعد ممتاز حتى الكلمات بجد و الله الكلام ده عن تجربه
اما المراجعه فمش سايب حاجه فيها كل حاجه موجوده
وفى كتاب كمان اسمه كراسة الواجبات للمراجعه العامه والنهائيه (ميرسى برده ) وده كله امتحانات فيه حوالى 14 او 15 امتحان
يعنى ميرسى كله تلات اجزاء ( شرح ومراجعه وامتحانات)

وربنا يوفقك ويوفقنا كلنا

الف شكر انا بجد كنت اول مرة اسمع عن كتاب اسمة كدة كل الناس كانت بتقول كتاب اكسلانس ولما دورت علية ملقتهوش فجبت برافو وشكلى كدة حاجيب كتاب الشرح لو لقيتة والمراجعة لميرسى وبالنسبة للامتحانات حاكتفى بالنماذج بتاعت الوزارة والموقع هنا

انا ان شاء الله هجهز لينا كلنا فى المنتدى جدول المراجعة لبرافو و هتكون المراجعة بتبدا من يوم الجمعة 9-5 و تنتهى يوم الجمعة 6-6 من كتاب برافو المراجعة النهائية .
وعلى فكرة دا مش ليك لوحدك دا لنا كلنا و كل اعضاء المنتدى
فى لسه شهر ان شاء الله لو مشينا بنظام هنجتاز المرحلة دى بنتيجة مرضية جدا
و يا جماعة اللى يلاقى نفسة هيتشتت يخليه على نفس النظام اللى ماشى عليه او مع مدرسه


وعلى فكرة موضوع جدول المراجعة الاساتذة مؤلفى برافو (الاستاذ حسن فتحى - مصطفى ابو العنين - ممدوح الجندى ) كل سنة بيكونوا مجهزين جدول للمرجعة للطلبة و انا هتحرى الموضوع واجيب لكم الخبر
لكن ان شاء الله الجدول بتعنا احنا هيكون جاهز يوم الجمعة ان شاء الله و نبدأ نشتغل منه سوا


و الله المستعان

ان شاء الله مستنينك :)

الفرنساوى سهل جدا ومايتقلقش منه
ولو الناس قالولك يتلم ف شهرين ف انا باقولك يتلم ف اقل من شهر
بس بتنظيم الوقت ان شاء الله كل حاجة هاتتظبط
وانت لو مشيت فيه لوحدك واذا قابلتك حاجة ماعرفتهاش سألت حد من مدرسى الموقع
احسن ليك من انك تضيع ساعتين كل اسبوع مع مدرس انت شايف ان طريقته غلط ومش واثق فيه
صاحبى عمل كدة من ساعة ما خلص المنهج
عشان طريقة المدرس بتاعه مش عاجباه
وخايف ياخد مع واحد تانى يتشتت
والحمد لله ماشى كويس
واهم حاجة مايبقاش عندك ولا خوف زايد ولا ثقة زايدة
وربنا يوفقك يا رب