المعلومات الكاملة للجامعة المصرية الروسية [الأرشيف]

titi1

12-07-2012, 07:07 AM

السلام عليكم ورحمة الله وبركاتة

انا طالب هندسى بالجامعة المصرية الروسية سنة اولى قسم ميكاترونيكس

كتبت موضوعى دة لتانى مرة بعد التعديل فقط علشان الطلاب الى مستنية التنسيق بفارغ الصبر

وعاوزة تطمن على مستقبلها ويارب يوفق الجميع لما فية الخير لنا

اولا معلومات عن الهندسة بالجامعة المصرية الروسية ... انا لا اعمل ليها دعاية لانى لن استفاد

شىء ولاكن هدفى الاول ان من يريد ان يعرف معلومات عنها اكون افدة لا اكثر

اولا - الهندسة معتمدة من نقابة المهندسين

ثانيا - المصاريف 17500 جنيهة مصرى ( زادت السنة دة فقط بزيادة 2000 جنيهة علشان طقم الدكاترة الروس )

ثالثا - الدراسة بيها انجليزى فقط + مادة روسية مافى شىء بالعربى لاكن مافى شىء صعب فى اللغة ان شاء الله انا كنت تعليم حكومى وثانوية عربية مش لغات والحمد الله جبت تقدير فى الكلية كويس

رابعا - الدراسة بيها 5 سنين دة فى اى كلية هندسة لازم 5 سنين دة للى ما يعرف فقط

خامسا - الطالب وهو فى تالتة هندسة يمكن لة السفر الى روسيا يقعد هناك ترم بس طبعا يكون تقديرة فى الكلية عالى

حاليا ليس فى مخيلتى شىء اخر غير هذة المعلومات من اراد اى شىء او استفسار عن

شىء يكتبة بدون تردد وان شاء الله انا متابع لكل تعليق جديد اليومين دول لكى يستفيد الكل

ملاحظة : هذا الموضوع بتاريخ 12/7/2012

bebo 5

12-07-2012, 11:25 PM

السلام عليكم اولا

لو سمحت يابشمهندس انا عايز اعرف تنسيق الجامعة السنة دى كام ( تنسيق هندسة )

ثانيا الجامعة عنوانها فين واوصلها ازاى من 6اكتوبر

واشكرك شكرا جزيلا .:)

titi1

12-07-2012, 11:40 PM

السلام عليكم اولا

لو سمحت يابشمهندس انا عايز اعرف تنسيق الجامعة السنة دى كام ( تنسيق هندسة )

ثانيا الجامعة عنوانها فين واوصلها ازاى من 6اكتوبر

واشكرك شكرا جزيلا .:)

حقيقة التنسيق الخاص فى اول الايام التسجيل بيكون هو نفس تنسيق الحد الادنى للمجلس الاعلى للجامعات حسب تنسيق هندسة الخاصة ولاكن بعد مرور الايام بيزيد نسبة التنسيق يعنى مثلا فى اول الايام ياخدوا التنسيق من 70% وبعد اسبوع يرفعوا التنسيق الى 75% بعد يومين يبقى 80% وهكذا ارجوا اكون وضحت الصورة لك

عنوانها من 6 اكتور لا اعرف لانى لا اسكن هناك انت تقدر تسئل اى سواق او تروح الموقف وتعرف الطريق ازاى وهو اكتر واحد هيدلك لاكن لو انت فى الدائرى او العاشر اقدر اقولك الطريق غير كدة ما اقدر افيدك فى النقطة دة

العضو واى شىء اخر تريدة اخبرنى بية

عبدالعزيز رضا

13-07-2012, 06:16 AM

المصاريف ترم واحد ولا ترمين والحد الادني للقبول ؟

titi1

13-07-2012, 12:37 PM

المصاريف ترم واحد ولا ترمين والحد الادني للقبول ؟

المصاريف 17500 السنة كلها تقدر تدفعها على ترمين

الحد الادنى للقبول انا شرحتة فى السؤال العضو الى قبلك راجع سؤالة كويس

bebo 5

14-07-2012, 09:28 PM

هل يمكن التحويل من معهد هندسى الى الجامعة

titi1

14-07-2012, 09:51 PM

هل يمكن التحويل من معهد هندسى الى الجامعة

حقيقة لا اعرف لانة لم يتعرض على السؤال دة من قبل لاكن انت ممكن تتصل بالجامعة وتسئل شؤن الطلبة وهما هيقولو لك الاجابة الصحيحة

ramyharahsh

17-07-2012, 01:46 AM

طب انا مجموعى 90.7 % كدا هتبقى مصاريفى هيا هيا

ومش ممكن اقدر اقللها شويه عشان احنا على قدنا طبعااااااااااااااا

titi1

17-07-2012, 03:34 AM

طب انا مجموعى 90.7 % كدا هتبقى مصاريفى هيا هيا

ومش ممكن اقدر اقللها شويه عشان احنا على قدنا طبعااااااااااااااا

لا ازاى انت مجموعك عالى تقدر تقللها بيتعملك خصم حوالى 2000 جنيهة + انك ممكن تقدم طلب الى رئيس الجامعة انة يقلل المصاليف ليك وهو هينظر لمجموعك هيوافق على طول

يعنى ممكن تقل حوالى 4000 جنيهة ان شاء الله

bebo 5

17-07-2012, 05:49 AM

محمد جمال عبيد

17-07-2012, 02:41 PM

طب ممكن رقم التليفون؟

titi1

17-07-2012, 05:23 PM

لو سمحت بس ممكن تقولى مواعيد المحاضرات غالبا من الساعة كام لكام

علشان انا ساكن فى 6اكتوبر والمواعيد هتفرق جامد معايا

وهل لازم اروح احجز مكان دلوقتى فى الجامعة ولا عادى

والملف ثمنه كام (الحجز) .

انت فاهم غلط

بص اولا المحاضرات بتبدا 9 وبتنتهى 3 العصر فية حلين قدامك ياما تحجز شقة فى بدر انت وزميل ليك وتكون جانب الجامعة ياما تشترك فى اتوبيس يوديك ويجيبك يوميا

ثانيا مافى شىء اسمة ملف حجز بل انك بتروح تقدم وبتاخد معاك 9050 جنيهة ولازم تروح لان ما انت مش تقعد لحد شهر 9 وتيجى تروح ما اكيد ما حد هياخدك لان كل جامعة وليها نسبة طلبة تاخدهم وفية جاماعت خلصت الطلبة وما عادت بتقبل طلبة جديدة

gamal5555_5555

18-07-2012, 12:08 AM

ممكن اسال عن حاجة هل هى بتقبل طلاب الازهر

titi1

18-07-2012, 12:13 AM

ممكن اسال عن حاجة هل هى بتقبل طلاب الازهر
اة الجامعة بتقبل طلاب الثانوية العامة والثانوية الازهرية

rana salem

18-07-2012, 02:35 AM

طيب معلش يعنى هو الجامعة الروسية فيها طب بشرى

bebo 5

18-07-2012, 02:37 AM

طيب بعد اذن حضرتك انا جبت 75 فى المائة وعندى مادة دور ثان

اعمل ايه علشان ادخل الجامعة وهل ينفع ادخلها

titi1

18-07-2012, 04:34 AM

طيب معلش يعنى هو الجامعة الروسية فيها طب بشرى

لا فيها صيدلة وهندسة فقط

titi1

18-07-2012, 04:36 AM

طيب بعد اذن حضرتك انا جبت 75 فى المائة وعندى مادة دور ثان

اعمل ايه علشان ادخل الجامعة وهل ينفع ادخلها

مش عارف بصراحة دة الى يفيدك هى ادارة الجامعة

gamal5555_5555

18-07-2012, 07:27 PM

من فضلك ضرورى كنت عايز اسال امتى اروح اقدم وهل فيه اختبار الاول وازاى ادفع الفلوس ولوحضرتك مش تمانع ممكن اكلمك فى اى وقت على الياهو اسرع ضرورى علشان اعرف منك المعلومات فى اسرع وقت ممكن

titi1

18-07-2012, 08:13 PM

من فضلك ضرورى كنت عايز اسال امتى اروح اقدم وهل فيه اختبار الاول وازاى ادفع الفلوس ولوحضرتك مش تمانع ممكن اكلمك فى اى وقت على الياهو اسرع ضرورى علشان اعرف منك المعلومات فى اسرع وقت ممكن

اتفضل اخى الرابط دة انا كتبت فية معلومات شوفها ولو فية شىء تانى عاوز تسئلنى هتلاقى اميلى فى نفس الرابط

http://www.thanwya.com/vb/showthread.php?t=443505

مرمر مجدى

19-07-2012, 04:34 AM

طيب مصاريف صيدلة بكام

titi1

19-07-2012, 12:50 PM

طيب مصاريف صيدلة بكام

مصاريف الصيدلة ب 23500 جنيهة

gamal5555_5555

19-07-2012, 02:54 PM

لو سمحت هو الحد الادنى للقبول فى الكلية كام فى المية ؟؟؟

gamal5555_5555

19-07-2012, 03:05 PM

ومصاريف هندسة السنة دة كام

titi1

19-07-2012, 03:11 PM

لو سمحت هو الحد الادنى للقبول فى الكلية كام فى المية ؟؟؟

اجابة السؤال هذا تكلمت فية كتير والله ياغالى انت شوف اجاباتى على المواضيع هتعرف تجيبة

لان الموضوع عاوز شرح

bazoka2020

19-07-2012, 07:15 PM

Gam3a T3bana ! mfesh fe masr 3'eer el universities dool 3'eer dool mt5oshesh gam3a 5asa
1: AUC
2: GUC
3: BUE
4: MSA
5: MIU
__________
MSAian !

gamal5555_5555

19-07-2012, 11:26 PM

titi1

20-07-2012, 01:05 AM

ممكن لو سمحت انا لما كلمت الاستعلامات النهارده حسيت ان فيه واحده هتضربنى فى التليفون وقالتلى ان احنا مش هناخد اللى بياخد ااقل من 80 فيه الميه فى حين انا جايب 71 فى الميه ودلوقتى تنصحنى ان اروح احسن الكليه واسال الاستعلامات احسن ولا اعمل ايه

انت كلمت اى جامعة بالظبط... لان الجامعة الروسية ما فيها واحدة بترد على تلفون هو موظف اسمة سيد

..... ثانيا انت كدة بتتاخر اوى فى التقديم لانك لازم تقدم بدرى قبل ما الكيات تقفل التقديم انا حقيقة لا اعرف الان اى الكليات ما زالت لم تقفل باب التسجيل انت الى تعملة الان

جيبب جميع تليفونات الجامعات واتصل بيهم وشوف انهى جامعة لسة ما قفلت التسجيل

bebo 5

21-07-2012, 04:01 AM

لوسمحت بالنسبة للتقديم للهندسة

انا جبت 75 بس عندى مادة دور ثانى

اعمل ايه علشان اقدم فى الجامعة

titi1

21-07-2012, 04:46 AM

لوسمحت بالنسبة للتقديم للهندسة

انا جبت 75 بس عندى مادة دور ثانى

اعمل ايه علشان اقدم فى الجامعة

هذة اكثر حد يفيدك هو الجامعة تتصل بيهم وتقولهم ظروفك

bebo 5

21-07-2012, 06:14 PM

[b]لوسمحت انا مجموع 75 فى الميه

بس عندى دور ثانى بمادة

انا عايز اقدم هندسة فى الجامعة

اعمل ايه[

xxqxpxx

21-07-2012, 06:44 PM

طيب يقولك يبرنس
هو فيها اقسام للحاسبات والمعلومات او دراسة الكمبيوتر عموما ولا كلها هندسه وهي عنونها فين بالضبط ؟

titi1

23-07-2012, 09:56 AM

للرفع للطلبة

K.O.X

07-08-2012, 02:47 AM

هو طلاب هندسه بيتدربوا فين ؟

عبدالله العطار

07-08-2012, 11:33 AM

خالد ممكن تقولة على نظام السكن هناك اصل انا من السزيس و مش عايز اروح و اجى كل يوم

اسعار الشقق - مميزتها - بعدها عن الجامعه

mohamedmagdy15

10-08-2012, 12:43 AM

هى الجامعة هتاخد برده من 85% ولا ممكن اقل من كده ؟

titi1

10-08-2012, 04:22 AM

خالد ممكن تقولة على نظام السكن هناك اصل انا من السزيس و مش عايز اروح و اجى كل يوم

اسعار الشقق - مميزتها - بعدها عن الجامعه

اول شىء فية سكن للجامعة بس للبنات فقط

بالنسبة للولاد فالحل انك بتشوف شقة فى المساكن او المميز مع زمايل ليك

الشفة على البلاط فى المساكن ب400 جنيهة فى الشهر وطبعا انت بتدفع 200 وزميلك فى السكن 200

لو هتسكن فى منطقة المميز مفروشة فدة بيوصل تقريبا ال1000 و 1200 جنيهة ممكن تجيب معاك 4 فى الشقة لان الشقة بتكون ثلاثة حجرات وبتقسموا فلوسها عليكوا

السكن قريب من الجامعة

عبدالله العطار

10-08-2012, 02:33 PM

المميز ده اقرب للجامعه من المساكن؟؟؟؟؟؟؟؟؟؟؟؟؟؟؟؟؟؟؟؟؟

titi1

10-08-2012, 02:38 PM

المميز ده اقرب للجامعه من المساكن؟؟؟؟؟؟؟؟؟؟؟؟؟؟؟؟؟؟؟؟؟

الاثنين قريبين

K.O.X

10-08-2012, 02:47 PM

هو طلاب هندسه بيتدربوا فين ؟ خصوصا عمارة ؟

titi1

10-08-2012, 02:48 PM

هو طلاب هندسه بيتدربوا فين ؟ خصوصا عمارة ؟

لا اعلم عمارة بيدربوا فين

K.O.X

10-08-2012, 02:52 PM

طيب ابعتلي اميلك علي الخاص يا titi

titi1

10-08-2012, 03:02 PM

طيب ابعتلي اميلك علي الخاص يا titi

انا كاتب اميلى اكتر 5 مرات فى مواضيع باسمى ابقى شوفتها وانت تعرف

وشوف مواضيعى الى باسمى هتلاقى معلومات تهمك فى اشياء ممكن ما تكون اخد بالك منها

ولو لسة عندك استفسار ابقى ضفنى من الاميل الى هتلاقية

تحياتى

K.O.X

10-08-2012, 03:15 PM

تمت اضافه الاميل الموجود في البيانات ..

titi1

24-02-2013, 12:31 AM

للرفع ......

نورا مصطفى مصطفى

21-06-2013, 08:30 PM

انا جايبة 94 اية النظام لو جبت كدة في تالتة بردة بالنسبة ﻷمصاريف

titi1

27-06-2013, 11:43 PM

انا جايبة 94 اية النظام لو جبت كدة في تالتة بردة بالنسبة ﻷمصاريف

لو نفس النظام يبقى مجموعك حلو وهيتعملك علية تخفيض 10% تقريبا من اصل 17 الف جنيهة دة

raafatatta

28-06-2013, 06:17 PM

لو سمحت يباشمهندس هو فيه اتوبيسات لحلوان او المعادى

Heba11heba

29-06-2013, 12:25 AM

الحد الأدنى ف صيدلة السنه دى كام ؟؟

titi1

29-06-2013, 02:50 PM

لو سمحت يباشمهندس هو فيه اتوبيسات لحلوان او المعادى

فية اتوبيسات تبع الجامعة طبعا مقابل مبالغ مالية لاكن الاماكن الى بتروحها فين صراحة مش عارف لانى ساكن هناك فمش بسافر بس لو حبيت انى اعرف ليك الاتوبيسات بتروح هناك ولالا من عنى

titi1

29-06-2013, 02:53 PM

الحد الأدنى ف صيدلة السنه دى كام ؟؟

الحد الادنى هو 85% السنة دة

Heba11heba

29-06-2013, 04:14 PM

فيه تنسيق داخلى ولا كل اللى فوق ال 85 يتقبل ؟؟

titi1

29-06-2013, 07:55 PM

فيه تنسيق داخلى ولا كل اللى فوق ال 85 يتقبل ؟؟

حسب العدد المطلوب والى يقدر تقبلة الجامعة يعنى مثلا الجامعة عاوزة بس 300 طالب وجالها 500 بتشوف اعلى 300 مجموع وتاخدهم بس بردة ما فيش خوف

لان كل الى 85% فيما فوق لو قدم دلوقتى ما استنى لاخر ايام يعنى يقدم فى الاول بسرعة مش فى الاخر هتقبلة

الجامعة مش بترفع التنسيق الا لما يكون العدد الباقى قليل والى متقدمين كتير

titi1

08-07-2013, 03:21 AM

للرفع .......

نورا مصطفى مصطفى

08-07-2013, 03:20 PM

شكرا :rolleyes:

titi1

09-07-2013, 02:45 AM

شكرا :rolleyes:

العفو ....

محبة الرحمن 1111

15-07-2013, 03:53 PM

titi1

15-07-2013, 08:55 PM

بشمهندس الله يخليك

انا ابن اختي دارس ثانويه فى السعودية

وعايز يدرس هنا فى الجامعة دي

هل الجامعه معتمده ؟

وهل فيها قسم هندسة تكنولوجيا واتصالات .؟

وهل فى رسوم للاجانب غير الرسوم المصرية .؟

الله يخليك تجاوبني لان احنا هنجيبه من هناك لهنا

فمش عايزين يبقى ع الفاضي

وجزاك الله كل خير

الجامعة معتمدة ... نعم وادخل على موقع نقابة المهندسين المصريين هتلاقى الجامعات الخاصة المعتمدة ومنها الجامعة المصرية الروسية

الاقسام الى فيها ... مدنى وعمارة وميكاترونيكس و اتصالات

رسوم للاجانب ... لا مافيش كدة لان ليا زمايل كتير مصرين بس جم من السعودية والامارات ومافيش روسم اجنبية

المصاريف 17 الف جنيهة للهندسة

اى شىء تانى اتفضل اكتبة

تحياتى

karem4

20-07-2013, 03:20 AM

الحد الادنى للهندسه كام السنه دى ؟؟؟

titi1

20-07-2013, 06:22 AM

الحد الادنى للهندسه كام السنه دى ؟؟؟
%
الحد الادنى هو 80%

karem4

20-07-2013, 12:33 PM

طيب هو ممكن تعد فى الجامعه الروسيه سنه وبعد كده تحول لمعهد مثلا زى معهد العاشر ؟؟؟

karem4

20-07-2013, 01:15 PM

واسف , عايز اعرف ايه رايك فى قسم ميكاترونكس هو قسم حلو وممتع فى دراسته ولا ايه وايه المواد اللى فيه علشان ان شاء الله ناوى ادخله ؟

titi1

20-07-2013, 02:06 PM

طيب هو ممكن تعد فى الجامعه الروسيه سنه وبعد كده تحول لمعهد مثلا زى معهد العاشر ؟؟؟

لا طبعا ما ينفع لسبب ان الجامعة الروسية جامعة خاصة مش تبع التنسيق او تبع الحكومة لاكن معهد العاشر تبع التنسيق ما تعرف تدخلة الا تنسيق لانة يتبع الحكومة الا حد ما

فما ينفع تدخل خاص وبعدها تحول الحكومى

العكس هو الى ينفع

titi1

20-07-2013, 02:16 PM

واسف , عايز اعرف ايه رايك فى قسم ميكاترونكس هو قسم حلو وممتع فى دراسته ولا ايه وايه المواد اللى فيه علشان ان شاء الله ناوى ادخله ؟

انا فى تانية ميكاترونيكس

هو قسم فى نظرى حلو بس مالوش مكان اوى فى مصر ودة حقيقة بس تقدر تشتغل ميكانيكا او كهربا لو تخصصت فيهم

بالنسبة لموادة صعب طبعا اديلك اسامى مواد 4 سنين بس هقولك الاساسيات

هتدر سوائل وغازات .. وديناميكا حرارية وفلود

karem4

20-07-2013, 02:43 PM

عادى ممكن يبقى قدام يبقى لى شغل كويس او اشتغل ميكانيكا المهم ميبقاش فى حفظ كتيير ومعتمد على الفهم , ومفهمتش يعنى ايه فى نظرى حلو يعنى فى حفظ كتيير وكده ولا ايه ؟؟؟؟؟

titi1

20-07-2013, 04:46 PM

عادى ممكن يبقى قدام يبقى لى شغل كويس او اشتغل ميكانيكا المهم ميبقاش فى حفظ كتيير ومعتمد على الفهم , ومفهمتش يعنى ايه فى نظرى حلو يعنى فى حفظ كتيير وكده ولا ايه ؟؟؟؟؟

ميبقاش فية حفظ كتير... احب اقولك ان نظام الدراسة فى مصر عقيم يعنى اساسك الحفظ والنظرى والمعامل دة مش بالدرجة الى متخيلها

مش بحب اصدمك بس لازم تعرف الواقع

karem4

20-07-2013, 05:22 PM

اها يعنى ده فى كل الكليات وده نظام مصر اصلا , على العموم شكرا جدا على كل المعلومات دى

titi1

20-07-2013, 05:31 PM

اها يعنى ده فى كل الكليات وده نظام مصر اصلا , على العموم شكرا جدا على كل المعلومات دى

اة كل الكليات حفظ ونظرى كتير

بعض الحاجات زى الرياضيات الى عملى ومواد تانية بس الاكتر النظرى

العفو

kareim1

20-07-2013, 06:10 PM

انا جايب 77 ينفع اخشها و حتبقا بكام و هل الدفع لكل ترم ولا للسنة ؟

titi1

20-07-2013, 06:35 PM

انا جايب 77 ينفع اخشها و حتبقا بكام و هل الدفع لكل ترم ولا للسنة ؟

الحد الادنى السنة دة 80% واتصل بالجامعة للتاكيد يمكن خفضوا الحد الادنى

والسنة ب17 الف والدفع على ترمين

karem4

21-07-2013, 04:21 AM

طب حضرتك سؤال الجامعات الخاصه مش بتدخل فى التنسيق ونا المفروض اروح احجز فى الجامعه وبعد كده اعمل ايه واعمل ايه فى التنسيق ؟؟؟؟

titi1

21-07-2013, 09:11 AM

طب حضرتك سؤال الجامعات الخاصه مش بتدخل فى التنسيق ونا المفروض اروح احجز فى الجامعه وبعد كده اعمل ايه واعمل ايه فى التنسيق ؟؟؟؟

الجامعات الخاصة ليس ليها اى علاقة بالتنسيق دة انت بتروح مع نفسك خارج التنسيق تقدم فيها

يعنى تروح الجامعة وتحجز بنفسك

وبالنسبة للتنسيق قدم عادى فى التنسيق الحكومى فى نفس الوقت وشوف هيجيلك اية فى الحكومى يمكن يجيلك احسن من الخاص يعنى ما تضيع فرصة لانك مش خسران حاجة

karem4

21-07-2013, 11:36 PM

هل شهاده التخرج بتكون شهاده مصريه ولا شهاده روسيه وشهاده مصريه ؟؟

titi1

21-07-2013, 11:54 PM

هل شهاده التخرج بتكون شهاده مصريه ولا شهاده روسيه وشهاده مصريه ؟؟

شهادة مصرية فقط

karem4

22-07-2013, 02:03 AM

titi1

22-07-2013, 02:14 AM

طيب انا خلاص قدمت فى الجامعه الروسيه , بس عايز اعرف ايه المعهد الكندى فى التجمع الخامس ده ايه رايك فى وهو كليه وجامعه خاصه ولا معهد خاص يعنى احته فى التنسيق ولو جالى اروح اقدم فيه ولو اروح احجز علشان يعنى لو الروسيه مجتش علشان انا مش فاهم هو ايه واريك فيه ؟

انت بنفسك قولتها المعهد الكندى؟؟ على العموم هو بيقع فى نطاق المعاهد العليا بس مش تبع التنسيق يعنى بتقدم لة خاص مع نفسك كانة جامعة خاصة

وطالما مش فى التنسيق يعنى مش هيجيلك ولا هتعرف تقدملة عن طريق التنسيق هتروح تقدم زى ما قدمت فى الروسية

(( انت جايب كام الثانوية العامة وهتدخل صيدلة ولا هندسة"؟

karem4

22-07-2013, 02:52 AM

اصل فى معهد فى التنسيق اسمه المعهد الكندى للهندسه فى التجمع الخامس وبياخد من 81.5 يعنى لو عايز ادخله مش هكتبه فى التنسيق ولا اكتبه ؟؟
انا جايب 83% هدخل هندسه ان شاء الله

titi1

22-07-2013, 03:05 AM

اصل فى معهد فى التنسيق اسمه المعهد الكندى للهندسه فى التجمع الخامس وبياخد من 81.5 يعنى لو عايز ادخله مش هكتبه فى التنسيق ولا اكتبه ؟؟
انا جايب 83% هدخل هندسه ان شاء الله

المعهد الكندى نزل التنسق؟؟؟ انا اول مرة اسمعها منك بس لو انت متاكد يبقى تقدملة عن طريق التنسيق ودخلة ضمن اختياراتك بسرعة لان لو كدة ان شاء الله يجيلك

karem4

22-07-2013, 03:11 AM

شوف حضرتك هنا عند الدرجه 334
http://tansik.egypt.gov.eg/application/LimitE2012.htm

هبقى اكتبه فى التنسيق بس هو ممكن مقبلش فى الجامعه الروسيه بالمجموع ده ولا ايه النظام ؟

titi1

22-07-2013, 03:20 AM

شوف حضرتك هنا عند الدرجه 334
http://tansik.egypt.gov.eg/application/limite2012.htm

هبقى اكتبه فى التنسيق بس هو ممكن مقبلش فى الجامعه الروسيه بالمجموع ده ولا ايه النظام ؟

اها شوفتها

بس المهم تنسيق السنة دة كام فيها لانه اكدة مرحلة تانية مش مرحلة اولى

الجامعة الروسية الحد الادنى للهندسة 80% وانتى اعلى فان شاء الله هتتقبل

karem4

22-07-2013, 03:25 AM

titi1

22-07-2013, 03:59 AM

مش عارف بقى بس الغريب ان على الموقع بتعهم على لانت بيقولا روح قدم وادفع 55 جنيه ف انا مش عارف اروح اقدم ولا استنى المرحله التانيه واكتبها فى التنسيق ولما تجيلى فى التنسيق ابقى ارحلهم مش فاهم هما جامعه ولا معهد وكمان مصاريفهم 22 الف يعنى زى ما يكون جامعه مش معهد

طيب فية حاجة حلوة تريح بالك اوى

انت جيب ورقة وقلم واكتب فيها كل اسئلتك وبعدها جيب نمرة تلفونهم من الموقع بتاعهم او من 140 دليل المصرية للاتصالات

واتصل بيهم اسئلهم سؤال سؤال واعرف كل حاجة وقولى لو عرفت حاجة علشان تفدنا

ahmed_matador

22-07-2013, 02:13 PM

titi1

22-07-2013, 05:44 PM

انا عايز أسأل هى الجامعة الروسية مستواها التعليمى كويس فى هندسة ولا اى كلام بصراحة ... يعنى هتعلم صح و لا لأ ... انا عايز اعرف هى مدينة بدر بعيدة يعنى مثلا تبعد اد ايه من كارفور المعادى ؟ ... و ايه تخصصات الهندسة ؟

بالنسبة للدراسة شوف المواضيع الى باسمى وهتلاقى الرد على سؤالك لانى جاوبتة كتير

مدينة بدر بعيد قد اية عن المعادى تقريبا ساعة الى ساعة ونصف

تخصصات الهندسة ... مدنى وعمارة واتصالات وميكاترونيكس

karem4

23-07-2013, 03:46 PM

هو فى خصم فى المصارف فى حاله الطالب المتميز والتقدير العالى؟

mahmoud890

23-07-2013, 05:07 PM

طب لوسمحت انا نفسى اخش تجارة انجليش خاص تنصحنى ادخل اية لو مافيش فى الروسية وهى بتاخد من مجموع كام ...........شكرا

titi1

23-07-2013, 05:13 PM

هو فى خصم فى المصارف فى حاله الطالب المتميز والتقدير العالى؟

فى اعدادى ال10 الاوائل بياخدو خصم

وفى السنين الى بعتها الاول والثانى على القسم بياخدو خصم

بس كدة

لاكن تقدر تقدم طلب لرئيس الجامعة انك عاوز تعمل تخفيض لاى اسباب وهيقبلة

karem4

23-07-2013, 05:15 PM

تمام والخصم بيقى قد ايه ؟؟؟ مثلا وانا مجرد بشوف فى حافز يعنى لو الواحد ذاكر وكده

titi1

23-07-2013, 05:18 PM

طب لوسمحت انا نفسى اخش تجارة انجليش خاص تنصحنى ادخل اية لو مافيش فى الروسية وهى بتاخد من مجموع كام ...........شكرا

لا حضرتك الروسية ما فيهاش تجارة فيها بس صيدلة وهندسة

وبالنسبة لتجارة بصراحة ما اعرف

ان شاء الله حد يقدر يفيدك

zh2aan

24-07-2013, 10:39 PM

هل الحد الادنى للجامعة اللي هوا 80% ممكن ينزل ولا لاء ؟......ميرسي اوي

titi1

24-07-2013, 11:13 PM

هل الحد الادنى للجامعة اللي هوا 80% ممكن ينزل ولا لاء ؟......ميرسي اوي

للاسف لا مش هينزل لان العداد الى فوق ال80% كبيرة فصعب ينزلوا التنسيق

KareemRussia

24-07-2013, 11:58 PM

أنا متخوف من الجامعة عشان مصارفها رخيصة بالنسبة لجامعة أجنبية وأنها ممكن تسافرك روسيا قصدى كل دة ب 17000 و أن الغريب الشوفتو أن الجامعة ترتيبها (Rank) على المواقع الأجنبية و العالمية أن ترتيبها بيجى متأخر بعد جامعات خاصة كتيير - وكنت عايز أستفسر عن MUST جامعة مصر للعلوم و التكنولوجيا الفى 6 أكتوبر و هل هى ولا ERU ألف شكر :)

titi1

25-07-2013, 02:33 AM

أنا متخوف من الجامعة عشان مصارفها رخيصة بالنسبة لجامعة أجنبية وأنها ممكن تسافرك روسيا قصدى كل دة ب 17000 و أن الغريب الشوفتو أن الجامعة ترتيبها (rank) على المواقع الأجنبية و العالمية أن ترتيبها بيجى متأخر بعد جامعات خاصة كتيير - وكنت عايز أستفسر عن must جامعة مصر للعلوم و التكنولوجيا الفى 6 أكتوبر و هل هى ولا eru ألف شكر :)

اول حاجة مين الى قالك انها جامعة اجنبية؟؟ دة جامعة مصرية شهادة مصرية فقط تانى حاجة انت شوفت ترتيب الجامعات العالمية بتقارن جامعة مصرية بجامعات عالمية بعد امريكا واروبا وكل دة؟؟؟ حرام عليك ياجدع

تالت حاجة جامعة مصر للعلوم اتبنت قبل الروسية يعنى واخدة استقرارها احسن ونظامها احسن

totop

31-07-2013, 02:28 PM

طيب لو سمحت هو ايه نظام دفع المصروفات اقساط ولا كله مرة واحدة

titi1

31-07-2013, 04:26 PM

طيب لو سمحت هو ايه نظام دفع المصروفات اقساط ولا كله مرة واحدة

اة بتدفع على قسطين

totop

31-07-2013, 06:20 PM

اصل انا سمعت انك فى اول سنة بتتدفع كله مع بعض بعد كدا من السنوات اللى بعد السنة الاولى بتتدفع على قسطين لو سمحت اكتب رقم تليفونك اكلمك احسن

titi1

31-07-2013, 07:50 PM

اصل انا سمعت انك فى اول سنة بتتدفع كله مع بعض بعد كدا من السنوات اللى بعد السنة الاولى بتتدفع على قسطين لو سمحت اكتب رقم تليفونك اكلمك احسن

رقم تلفونى هبعتهولك على الخاص
تحياتى

titi1

31-07-2013, 07:53 PM

اصل انا سمعت انك فى اول سنة بتتدفع كله مع بعض بعد كدا من السنوات اللى بعد السنة الاولى بتتدفع على قسطين لو سمحت اكتب رقم تليفونك اكلمك احسن

ما عرفت ابعت رسالة طلع لازم اكتر من 500 مشاركة

على العموم ابعتلى اضافة على الياهو والكلام هيكون احسن

hegazy.family على الياهو

الواد ميدو

01-08-2013, 07:18 AM

اولما بتقدم بتدفع قسط و في نص الترم الاول تقريباً بتكمل الباقي في اول سنه بس
اما باقي السنين قسط ترم اول و قسط ترم تاني

titi1

01-08-2013, 08:01 PM

اولما بتقدم بتدفع قسط و في نص الترم الاول تقريباً بتكمل الباقي في اول سنه بس
اما باقي السنين قسط ترم اول و قسط ترم تاني

بص هو دة المفروض

لاكن ممكن تمشيها القسط الاول فى الترم الاول والتانى فى الترم التانى عادى جدا

يعنى مافيش اى مشكلة

mostfadark

02-08-2013, 03:08 PM

طب انا جايب 88 وهروح يوم الحد التقديم لسة شغال ولا اتقفل واخد معايا كام وانا رايح واخر معاد لدفع المصريف كام

titi1

02-08-2013, 06:17 PM

طب انا جايب 88 وهروح يوم الحد التقديم لسة شغال ولا اتقفل واخد معايا كام وانا رايح واخر معاد لدفع المصريف كام

بالنسبة لمجموعك ان شاء الله هتلحق بس ما تتاجر عن يوم الاحد

وتاخد معاك 9150 جنيهة

saralala

15-08-2013, 03:12 PM

معهد العاشر ولا الجامعة الروسية

titi1

15-08-2013, 04:04 PM

معهد العاشر ولا الجامعة الروسية

حدد تقصد فى التعليم ولا فى المستوى ولا فى اية

لو التعليم فاكيد العاشر بس مطحنة بجد والروسية بردة مس سهلة يعنى بس العاشر اقوى

لو تقصد انهى اعلى فدة جامعة ودة معهد

saralala

16-08-2013, 08:50 AM

titi1

16-08-2013, 11:07 PM

شكرا على رد حضرتك
طب ايهم افضل بشكل عام
وليه معهد العاشر اقوى
مش مهم موضوع ان الدراسة صعبة وكذلك موضوع الفلوس
من الاخر لو انت اللى هتختار لنفسك هتدخل اية وليه
وشكرا على اهتمام حضرتك:078111rg3:

ايهم افضل بشكل عام يبقى الروسية دة من وجهة نظرى

بص دلوقتى لية العاشر اصعب فى المناهج لان العاشر بتتبع وزارة يعنى مش شخص الى مالكها او سياسة عليها فما تلاقى حد بيجب حق طلاب فيها ولايحة صعبة اوى ومظاهرات طلبة كتيرة اتعملت علشان يعرفوا يغيروا الايحة وما عرفين

المناهج صعبة لانهم بيدرسوا مواد كتيرة اوى فية كتير منها زيادة عن الحاجة بس كل معهد ولة عقلية وتفكيرة

العاشر كتعليم صعب جدا بس انت هتقدر تستحمل وما تاخدك الحماسة وتقول اة انا قدها ودة وانا مش بحطمك مثلا او بقولك ما تدخلها بس عاوزك تفكر بالعقل وتعقلها كويس اوى

بالنسبة لو انا هختار اية ... الروسية انا معايا صحاب ليا فيها محولين من العاشر وبناء على كلامهم بقولك

العاشر مطحنة بمعنى الكلمة وفى الاخر هتطلع متساوى زيك زى اغلب المعاهد التانية والجامعات

تانى حاجة الروسية لانها وسط فبتتعلم بجد وش بتتطجن + تقدر من خلالها تسافر روسيا دراسة ترم وتدريب كمان

والروسية فى الاخر جامعة يعنى هيتكتب فى شهادتك خريج جامعة مش معهد

دة من رائى لية

وليك انت الاختيار واى اسئلة تانية انا موجود

تحياتى ليك

saralala

18-08-2013, 09:21 AM

طب انا مش عارفه اقنع اهلى وهما مصممين ده حتى كل ما اكلمهم فى الموضوع دة يعملولى محزنة فى البيت
وانا مستقبلى بيضيع

طب معلش ممكن تضيف للمقارنة حاسبات ومعلومات جامعة مصر للعلوم

titi1

18-08-2013, 10:39 AM

طب انا مش عارفه اقنع اهلى وهما مصممين ده حتى كل ما اكلمهم فى الموضوع دة يعملولى محزنة فى البيت
وانا مستقبلى بيضيع

طب معلش ممكن تضيف للمقارنة حاسبات ومعلومات جامعة مصر للعلوم

لا انا بعتذر انا ما ليا فى الحاسبات والمعلومات انا نقاشى كلة حولين الهندسة لانى اعرف فيها

اى سؤال تانى حولين الهندسة اسئل براحتك

تحياتى

الجنرال الزملكاوى

18-08-2013, 01:27 PM

التقديم لسه شغال ؟
وفيها صيدله او اسنان ؟

titi1

18-08-2013, 06:37 PM

التقديم لسه شغال ؟
وفيها صيدله او اسنان ؟

فيها هندسة وصيدلة

التفديم انتهى خلاص

titi1

20-12-2013, 04:25 PM

للرفع...........

نوسة75

16-06-2014, 10:58 PM

انا عاوزة ادخلها انا لسة ثانوية عامة صيدلة بقت بكم

titi1

17-06-2014, 10:05 AM

انا عاوزة ادخلها انا لسة ثانوية عامة صيدلة بقت بكم

صيدلة بقت بتاخد من 94% و25 الف جنيه فى السنة

lina1211

15-07-2014, 08:10 PM

طيب هندسة السنه اللي فاتت اخدت كام %

titi1

18-07-2014, 12:03 PM

طيب هندسة السنه اللي فاتت اخدت كام %

اخدت من 88 %

محمو د

20-07-2014, 02:18 AM

طيب هى صيدلة معتمدة فيها والا ايه ؟
وموضوع التكليف اخباره ايه ؟؟

titi1

20-07-2014, 10:42 AM

طيب هى صيدلة معتمدة فيها والا ايه ؟
وموضوع التكليف اخباره ايه ؟؟

ايوا كلتيى الهندسة والصيدلة معتمدين

والصيدلة ليها تكليف عادى زى الحكومى

medhat ahmed

09-03-2015, 07:08 AM

اميرة سمك

30-05-2015, 11:32 PM

بصراحة معنديش فكرةةةةةةةةةةةةةةةةةةةةةةةةةةةةةةةة

titi1

06-11-2015, 02:45 AM

لو سمحت عإؤز أعرف أقسام كليةالهندسة في الجامعة وفي هندسة فضاء. ؤمكانيكا وميكاترونيكس ؤاتصلات والكترونيات ولأ لا وهل لو جبت تقدير غالي كل سنة. هسافر روسيا ولأ لا وأية نظام الدراسة في الجامعة بنسبة للمناهج الهندسة صعبة ولأ متوسطة يعني لو ذكرت اليوم بيوم هعذي فيها. والبية بتاعت الكلية والجو والطالبة. هناك النظام أية

اقسام هندسة حتى الان هما 4 بس وكتبتهم كتيير
مدنى وعمارة واتصالات وميكاترونيكس ...ولو جبت تقدير كويس تقدر تسافر اة عادى مش صعب السفر باقى الاسئلة متكررة ارجو تشوف الصفح الى قبل هتستفاد

تحياتى ليك