مصر ليها طلب غريب [الأرشيف] - بوابة الثانوية العامة المصرية

abomokhtar

14-07-2012, 02:15 PM

مصر ليها طلب غريب
يخلي شعر الراس يشيب
مصر طالبة مننا
شهادة تثبت اننا
بشر خلقنا ربنا
مصر عايزة تشكل لجنة
عشان تتأكد وتحقق
تحت المجهر تقعد تدقق
اننا بني آدمين
مااحناش آلات دايرة بتروس
مش حصير ولاسجاد
مفروش عشان كلابها تدوس
مصر طالبة منا شهادة
من 10 ملايكة يوقعوها
تبقي مكتوبة بخط ايدهم
يمضوا عليها ويبصموا
وبالنسر كمان يختموها
ويكتبوا فيها
الي مصر العجيبة
اللي طالبة طلبات غريبة
الي مصر الظلم
مصر الذل .. مصر الإهانة
اللي خلت الكلاب تعامل ابنها
بكل استهانة
نقر نحن الموقعين
ويوم القيامة نكون شاهدين
انه قد ثبت بالدليل وباليقين
ان كل المذكورين
واللي من مرك شاربين
الغلابة الشقيانيين
ومن حساباتك علطول ساقطين
اللي فقرك طحنهم
والذل بيسم بدنهم
اللي علي قرفك صابرين
وبرغم كل دا
هما يامصر بني آدمين
اللي في كل مكان في الدنيا
بتلاقيهم متكرميين
إلا يامصر فيكِ وحدك
عايشين فيكِ متهانين
كل البلاد اتقدمت إلا انتِ
عارفة يامصر ليه
عشان في كل مكان
الانسان هناك انسان
إلا فيكِ يابلد العجب
ياللي الظلم فيكِ غلب
هنا مش محصل حيوان
سكن الرصيف شرب المجاري
رابطاه في ساقية
ومش دريان
وكل مايقول انا بشر
ينضرب بعصاية الطغيان
كل همك انه يفضل
دايخ علطول وحيران
مش عايزاه أبداً يصحي
خايفة يقول انا انسان
رابطة ليله يامصر بنهاره
حرمتي عليه يدخل داره
وف النهاية ينام جعان
ومن طابور لطابور لطابور
ويموت قبل مايجي عليه الدور
استوردتيله المرض الوان
وعشان في نظرك مش بني ادم
عيشتيه علي السرطان
عمر ماقلبك حن عليه
وفكرتي تعامليه كإنسان

منقول