يا جماعة انا محتار بين الكليتين
بحب الفيزياء جدا والعلوم باختلافها
وطبعا بحب البرمجة والكلام ده

ومش عارف اختار مين
وبصراحة انا ميال اكتر للعلوم
لكن الناس عمالين يخوفوني منها


اتمنى حد يقول كلمة خير

بص انا كنت فى علوم و حولت منها و انا كليتى فيها اقسام مشتركة كتير مع حاسبات فا انا دوقت من الاتنين :D
بص يا كبير .. علوم كويسة مش صعبه زى ما الناس بتقول.. بس هى محتاجة واحد ملتزم شوية بيحضر و يركز و يذاكر اول ب اول و لو مش اول ب اول عادى بس على الاقل يبقى عندك القدرة انك تلم الدنيا .. انا اعرف ناااس اوائل فيها كتيييير .. و اعرف ناس شاطرة و معرفتش تمشى فيها .. فا لو بتحبها جدا اكيد هتبقى متميز فيها
حاسبااااااااااات : حاسبات جامده جدا و برمجة و فى شغل عالى جدا فى الكلية و student activities زى microsoft studnt partner انا فيها الحمد لله و فى Sessions بتتعمل قوية و الكلية اقسامها cs, IT , IS
CS , IT اقوى قسمين و بردو عاوزه مذاكره قوية لان فيها مواد علمى كتير و رياااضه بالهبل و حااجات جامده و هى عملى هتحبها اوى :)
اى استفسار انا موجود

بالتوفيــــــــــــــــق

أعمل الصح يا حزلؤوم :d ,, شوف ياخي
هضيف لكلام ميدو ( ****yzer.Mn3m55 (http://www.thanwya.com/vb/member.php?u=164044) ) الكلام اللي هقولهولك ده :d

بالنسبة لأي كلية كانت مع احترامي للجميع ... أنت اللي بتفرض عليها انها سهلة أو صعبة أو سالكة وخلي بالك من تعبير سالكة ده ...
الكلية نوع تاني خالص من التعليم غير ثانوي تماما
مجرد انك بتعرف العنوان والطريقة بتاعت الدرس وتروح انت تبحث وتعمل مواضيع عن الموضوع الواحد .. يعني اجتهاد م الأخر .. أو بتشتري ورق من المكتبة "ورق كورسات " وتقضيها طول السنة وتذاكر الموضوع ده بسهولة بتنجح . لكن مش هتستفاد كلمة ...
بالنسبة لكلية علوم اللي بيقولك صعبة ..... هي مش مستحيلة يعني كل اللي فيها انها محتاجه متابعة زي ما قال " ميدو " بس انت تقدر تتغلب على الصعوبة لو نشيط ... غير كده انت عندك شغل كيميا معامل وده جزء انت هتحبه جدااااا .... بالإضافة إلى الرياضة والفيزيا ودول هيخلوك قمة القمة لو فهمتهم بجد هتبقى دماغك عالية أوي :d...
الحاسبات حط في دماغك انك مش هتشتغل الا مبرمج "سوفت ويير " فلازم تكون فعلاً مهووس بكده وتقدر تعمل برامج وتتعلم لغات برمجة ف الأجازات الجاية ان شاء الله زي php و & c++c+ وهكذا هما أدرى مني طبعاً لأن تخصصي في هندسة إن شاء الله مدني يعني مليش الا ف شوية رياضة وخلاص دلوقتي :d
فعشان مطولش أكتر من كده انت لازم تجتهد سواء في دي او في دي وهتقدر تجيب امتياز كمان باذن الله
تفكيرك يكون منه كده
... هختار حاسبات لأني بحب البرمجة وعندي استعداد أبرمج حياتي نفسها :d
أو هختار علوم لأني بحب الأبحاث والإجتهاد في النظريات والكلام ده ...
في رعاية الله ,,,

الف شكر يا شباب

الى الاخ ميدو

يعنى معنى كدة انى لو مجموعى ماجابش حاسبات ومعلومات ممكن اخش علوم واحول زيك كدة ؟ لو ينفع ايه هى الشروط ؟؟ ولو ماينفعش طيب ايه هى الكليات (اللى مجاميعها معقولة شوية) اللى ممكن احول منها لحاسبات مع العلم انى جايب 89.5 (367) الحمد لله على كل شئ

المهم انا مستنى الرد وربنا يجعل فى ردك الخبر اليقين بإذن الله