شباب ,,
السلام عليكم ف الاول ..
مبروك نتيجة الثانوية ... و طبعا كل واحد متردد فـ اختيار الكلية او الجامعة على الاغلب الاعم ..
دلوقتى ..
انا عامل الموضوع دا علشان لو حد ععنده استفسار و ناوى على هندسة القاهرة يتفضل .. و ان شاء الله هتم الاجابة عليه ..
و ان شاء الله يوم التنسيق لو حد حب يعمله ف معمل الكلية ف كليتنا ..
او يوم التقديم .. هنكون ف انتظاركم ...
,,,,,,,,,,,,,,,,,,,,
اسماعيل ابراهيم
عضو اللجنة العلمية
اتحاد طلاب هندسة القاهرة

معلش كنت عايزة اعرف بأمانة الفرق بين كلية تخطيط عمراني وهندسة لو في معلومات يعني وعن مجالات العمل

فـكـرة رائـعـة يـا إسـمـاعـيـل , يـثـبـت ,

انت لحقت يا سمعة :):) طب حيث كده بقي اسمحلي انا كمان أرد معاك ع الاسئلة و أرد جزء بسيط جدا من فضل المنتدي ده عليا ...

محمود معز
عضو اتحاد طلاب هندسة القاهرة _إعدادي و طالع أولي إن شاء الله

عايز استفسر عن قسم طيران لو سمحت

السلام عليكم
لو سمحت يا باشمهندس اسماعيل انا جايب السنه ديه 98.5 الحمد لله
مستنى التنسيق اهوه ادعيلنا :d
انا من المحله و سمعت ان فى صعوبات كتير اوى عشان ادخل هندسة القاهره انا بأذن الله ناوى على قسم طيران و سمعت ان اولا مش هتتكتب معاك هندسة القاهره و لازم تحول من مكتب التنسيق نفسه و لازم يكون ليك سكن طيب المدينة الجامعيه ايه لازمتها؟؟؟؟؟!!!!!!
كنت عاوز اعرف من حضرتك ايه المطلوب عشان اتقبل فى هندسة القاهره اعتقد انى بأذن الله جبت مجموعها
ده كل اللى عاوز اسأله و شكرا لاهتمام حضراتكوا بينا
السلام عليكم

لو سمحت انا الحمد لله جبت 98.6% و ان شاء الله ناوي علي هندسة القاهرة .. كنت عايز أعرف معلومات عن نظام الساعات المعتمدة و هل هو تمام ولا مش فارق عن النظام العادي أوي ؟؟ و شكرا

بالنسبة لقسم طيران :
القسم زيه زي أي قسم مش بيحتاج حاجات زيادة عشان تدخله و التنسيق بتاعه مش بيكون عالي يعني أقصي تقدير عشان تدخله جيد و عدد الطلبة في القسم يتراوح بي 80:100 طالب بس مشكلة القسم بتكمن في أنه محتاج مجهود كبير و انك تستحمل الضغط بتاع الدراسة لانه تقريبا أصعب أقسام الهندسة
بالنسبة لمجال العمل : بينقسم لقسمين الاول هو مجال التصميم ( يعني تصمم طيارة و محركات و هكذا ) بس ده مش موجود في مصر إلا نادر جداً و الجزء التاني و هو الصيانة و ممكن تشتغل في مصر للطيران أو الهيئة العربية للتصنيع أو الشركات الخاصة او شركة البترول للخدمات الجوية و لو سافرت برة مصر طبعاً مجال الشغل أحسن و أوسع بكتير ..

مواد القسم بتتضمن أجزاء رئيسية و هي : Control وده عشان نظام التحكم في الطيارة و هكذا
Structure و ده بتدرس فيه تصميم هيكل الطيارة ..إلخ
Aerodynamics and fluids و ده بيختص بإزاي الطيارة بتطير و العوامل الجوية المؤثرة عليها .. إلخ

و لو في استفسار عن حاجة تانية انا تحت أمرك
Follow *iMo3ez on twitter
or
http://www.facebook.com/M.Mo3ez

في رعاية الله =)

إن شاء الله تدخل هندسة القاهرة طالما مجموعك عالي و جايبها مش صعوبات ولا حاجة بس هتبقي اجراءات روتينية و لما التنسيق يفتح اكتبها في التنسيق الاول و لو مجتلكش تعمل تحويل ورقي للكلية بس للاسف معنديش تفاصيل أكتر أيه المطلوب منك بالظبط فمن الافضل انك تستني التنسيق و بعدها تروح تسأل في الكلية في شئون الطلبة و تسأل في مكتب التنسيق =)) إن شاء الله تنورنا

لو سمحت انا الحمد لله جبت 98.6% و ان شاء الله ناوي علي هندسة القاهرة .. كنت عايز أعرف معلومات عن نظام الساعات المعتمدة و هل هو تمام ولا مش فارق عن النظام العادي أوي ؟؟ و شكرا

نظام الساعات المعتمدة بيدفع حوالي 18 ألف في السنة عندنا و بيختلف عن النظام العادي في بعض المواد اللي هما بيدرسوها زيادة عننا و هي Managment & English
و كمان الدراسة عندهم بالانجلش أول سنة (ميزة أو عيب علي حسب انتي متعودة علي ايه ) علي عكس النظام العادي لان أول سنة بتكون الدراسة بالعربي ( بس مش المواد بردو زي الكمبيوتر و Technical Language ) بس طبعا الرموز و المصطلحات في الماث و الفيزيا بتكون انجلش عادي

الاقسام المتاحة في النظام العادي مختلفة عن نظام كريديت .. يعني قسم زي قسم طيران مش موجود في كريديت و كمان عندهم أقسام مختلفة عن العادي زي قسم Mechanical Design و ده بيشبه عندنا قسم ميكانيكا انتاج .. و ده جزء من دليل الطلاب اللي انا عامله لطلاب اعدادي السنة الجاية إن شاء الله ممكن يفيدك بالنسبة للجزء بتاع كريديت و و لو في استفسار تاني قوليه لاني مش كريديت بس هسأل و أرد عليكو


نظام الساعات المعتمدة (Credit hours System)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ


يتلخص الفرق في بين نظام الدراسة في السنة الإعدادية العادي و الساعات المعتمدة في النقاط الاتية :

- يبدأ نظام الساعات المعتمدة الدراسة باللغة الإنجليزية من السنة الإعدادية علي عكس النظام العادي حيث تدرس المواد باللغة العربية في السنة الإعدادية .
-
- يوجد مواد زيادة في نظام الساعات المعتمدة و هي : اللغة الإنجليزية و علم الإدارة .
-
- يقوم طلاب الساعات المعتمدة بعمل بعض المشاريف في بعض المواد لا يقوم بها طلاب النظام العادي .
-
- يحسب التقدير العام في نظام الساعات المعتمدة عن طريق ما يسمي (GPA)
و يقصد بها Grade Point Average و يكون المجموع الكلي من أربع نقاط .
-
اما في النظام العادي فيحسب المجموع الكلي من 1500 درجة و يتم حساب التقديرات كالتالي :
85% تعادل امتياز
-
75% تعادل جيد جداً
-
65% تعادل جيد
-
ما بين 50% إلي 65% تعادل مقبول
-
و يعد الطالب ناجح طالما تعدي مجموعه 50% .
-
- يدفع طلاب الساعات المعتمدة سنويا ما يقارب 18 ألف جنيه بينما المصاريف السنوية في النظام العادي في حدود 310 جنيهاً . 
-
- يدرس طلاب الساعات المعتمدة من مراجع علمية في بعض المواد يرشدهم إليها دكتور المادة .و عن طريق (Slides ) يستخدمها الدكتور في الشرخ مثل مادة الإدارة .
-
بينما يدرس طلاب النظام العادي من كتب الكلية التي أعدها مجموعة من أساتذة المادة .
-

U're all welcomed on this FB group if u have any inquiries
http://www.facebook.com/groups/e3dady2017/

طب معلش هل المبلغ اللي هيتدفع في النظام ده يستحق ولا مش فارق كتير عن العادي .. و بالنسبة لعدد الطلبة كتير ولا ايه ؟؟ آسف علي الإطالة

رأيي الشخصي : أنا بفضل النظام العادي .. مش هيفرق كتير عن النظام العادي و المبلغ ده تقدري تستفادي بيه بأكثر من طريقة + ان الاقسام في النظام العادي أوسع من نظام كريديت و بردو عشان تتأكدي من كل المعلومات تقدري تسألي زميلتي في اتحاد الطلبة و هي نظام كريديت =)) http://www.facebook.com/aya.ezz.739

انا متشكر جدا .. ملحوظة : انا ولد

معلش افتكرتها هدي =))

طب ممكن تسيق هندسه القاهره يقل 1% عن السنه الى فاتت اصل انا جايب 95.7 وقلقان مش عارف ممكن ولا ايه

u may ask me about credit hours system and i'll be happy to reply you here or for emergency on my fb account
aya ezz el-arab
students' union

credit hours system :نظام الساعات المعتمدة بكلية هندسة القاهرة
هو نظام يتيح للطلاب دراسة المواد الهندسية مع تعلم المهارات اللازمة لسوق العمل كما يتيح تخصصات يحتاجها سوق العمل و خريج هذا النظام يكون ذو خبرة اوسع من خريج نظام العادي في العمل فتكون لديه الخبرة التي يمكن ان يكتسبها المهندس العادي بعد 4 سنين من العمل.النظام متعب و شديد ومحتاج مذاكرة و تركيز و تنظيم وقت عالي. والساعة في هذا النظام ب 360 جنيه و قابلة للزيادة..... دراستنا تخصصية اكثر من عادي مع العلم ان بهذا النظام 7 اقسام فقط هم:
ste(structure), mde (mechanical design =mechatronics),wee(water engineering) 1st college to have this department, aet(architecture technology),cem (construction management),cce (computer and communication), ppc(petroleumand petrochemical).في كمان منح دراسية و تبادل طلاب )كل عام متاح في الاجازة تروح دولة مختلفة تدرس ده بعد التخصص
كمان ال )training ) بيبقى في شركات عالمية و اقليمية

ah momken ye2el w aslan l tanse2 l 3am nazl 3% w kaman l koliat l handaseya wa5da l7d 88% l sanadi f feh amal isa w amal kebeer kaman handasat hata5od 20 alf taleb this year

ana mawgooda fl kolia kol yom bestesna2 l gom3a wl sabt lel rad 3la estefsaratko :D

tb m3lsh ana ht3ebek m3aya..bl nesba le 3adad eltalaba f credit hours kam ??

العدد قليل جدا مقارنة بالنظام العادي

ممكن معلومات عن هندسة اتصالات

و شكرا للموضوع الجميل ^_^

لو سمحت ممكن اعرف لو حد دخل هندسة القاهرة كريدت و حب يدخل قسم طيران ينفع يحول و لا لأ علشان انا سمعت ان الإقبال على قسم طيران مش جامد و ممكن يقبلوا ناس من كريدت و شكرا

اولا انا الحمد لله جبت 97.2 فهل هلحق هندسة القاهرة ولا لا
انا بصراحة مش مقتنع ب حكاية ان التنسيق هيقل
لان انا دورت علي تنسيق السنة اللي فاتت وكانت هندسة القاهرة 96.56 وكان عدد الطلاب في شعبة علمي اللي فوق المجموع ده 27 الف طالب
اما السنة دي انا لاقيت ان ترتيبي علي الجمهورية في علمي 30 الف اذا فا هندسة القاهرة مش هتاخد اقل من 97.5
وعندي سؤال عن كريديت ارجو ان تردوا عليا بسرعة
هل في خصم للناس اللي بتجيب امتياز او بالنظام بتاعهم ده 3.5 مثلا

هو انا أسف جدا على تأخير الرد .. واظن ان محمود معز قام بالواجب ..
دلوقتى انا هارد على الاسئلة اللى معز ما جاوبش عليها ..
انا ف الاول افتكرت ان الموضوع اتحذف .. بس لاقيته اتثبت .. :d
و ان شاء الله خير وبالتوفيق :]

اولا انا الحمد لله جبت 97.2 فهل هلحق هندسة القاهرة ولا لا
انا بصراحة مش مقتنع ب حكاية ان التنسيق هيقل
لان انا دورت علي تنسيق السنة اللي فاتت وكانت هندسة القاهرة 96.56 وكان عدد الطلاب في شعبة علمي اللي فوق المجموع ده 27 الف طالب
اما السنة دي انا لاقيت ان ترتيبي علي الجمهورية في علمي 30 الف اذا فا هندسة القاهرة مش هتاخد اقل من 97.5
وعندي سؤال عن كريديت ارجو ان تردوا عليا بسرعة
هل في خصم للناس اللي بتجيب امتياز او بالنظام بتاعهم ده 3.5 مثلا

طيب ,,,
هو التنسيق بيبقى بنظام العرض والطلب ..
بيشوفوا الاقبال على كلية ايه جامعة ايه .. وعلى اساسه بيتحدد التنسيق .
لانك لو تلاحظ ان التنسيق بينزل بعد ما تكون كتبت الرغبات ..
فلو الجمهورية كلها طلبت هندسة القاهره وهندسة القاهرة مش بتاخد غير عشر طلاب .. مثلا بيشوفوا الطالب رقم 10 دا جاب كام ودا بيبقى الحد الادنى للقاهرة :d :d
اما كريديت فمفيهاش خصم .. لانها القاهرة .. المعاهد هيا اللى بيبقى عليها خصم لو انت جايب درجة اعلى
لكن ككريديت القاهرة مش عليها خصم ودا لاول سنة لكن ف السنين اللى جاية بيبقى عليها بنسبة معينة بصراحة مش عارفها ..
+ فيه اقسام فى كريديت ممكن تدخلها من العادى لو جيبت امتياز مع مرتبة الشرف ف اعدادى عادى .. زى اعتقد مدنى كريديت .. بتاخده مدعم اذا استمريت ف تميزك :d

لو سمحت ممكن اعرف لو حد دخل هندسة القاهرة كريدت و حب يدخل قسم طيران ينفع يحول و لا لأ علشان انا سمعت ان الإقبال على قسم طيران مش جامد و ممكن يقبلوا ناس من كريدت و شكرا

التحويل من كريديت لعادى بيعمل مشكلة للطالب نفسة ..
ف ممكن يخلوكى تشيلى مواد من اعدادى ..
ودى حصلت مع واحد زميلى .. حول من كريديت لعادى ..
ف بلاش لو ناوية على طيران من الاول تدخلى كريديت ..
وللامانة علشان موضوع طيران هستفسر من شئون الطلبة واقولك :d

السلام عليكم
لو سمحت يا باشمهندس اسماعيل انا جايب السنه ديه 98.5 الحمد لله
مستنى التنسيق اهوه ادعيلنا :d
انا من المحله و سمعت ان فى صعوبات كتير اوى عشان ادخل هندسة القاهره انا بأذن الله ناوى على قسم طيران و سمعت ان اولا مش هتتكتب معاك هندسة القاهره و لازم تحول من مكتب التنسيق نفسه و لازم يكون ليك سكن طيب المدينة الجامعيه ايه لازمتها؟؟؟؟؟!!!!!!
كنت عاوز اعرف من حضرتك ايه المطلوب عشان اتقبل فى هندسة القاهره اعتقد انى بأذن الله جبت مجموعها
ده كل اللى عاوز اسأله و شكرا لاهتمام حضراتكوا بينا
السلام عليكم

وعليكم السلام :d
دلوقتى انت قدامك حل من اتنين :d
تكمل ف المحلة اعدادى بس وتجيب تقدير كبير و بعدين تقدم على تحويل لطيران وهتم الموافقه عليه
يا اما تقدم ف القاهرة على طول مع اثبات ان لك محل اقامة ولو قريب ليك ف القاهرة
ومش هيبقى فيه تعب غير اجراءات روتينية خصوصا انك جايب ماشاء الله 98.5 %
المدينة الجامعية لزمتها للمغتربين علشان بعض المناطق من خارج القاهرة بتقبلها القاهرة من غير قيود زى السويس .. او لانك فجأة نقلت سكنك .. او لانك بتاخد وقت كبير ف المواصلات او للمحولين لاقسام مش موجودة ف جامعاتهم زى طيران وبترول وكيميا وطبية :d
ومفيش تعب ولا حاجه .. احنا بنرد جزء من اللى اتعمل معانا :d :d

معلش كنت عايزة اعرف بأمانة الفرق بين كلية تخطيط عمراني وهندسة لو في معلومات يعني وعن مجالات العمل

تخطيط عمرانى من الكليات المنفصلة عن هندسة ولكن منهجها يتبع هندسة ..
مفيش فرق كبير غير ان دى تخصص على طول غير ان هندسة بيبقى فيه اعدادى وبعدها تخصص
كمان تخطيط عمرانى موجودة ف مدنى بس برضو مش بالتركيو الكبير اللى موجود ف تخطيط عمرانى ..
زى الفرق بين حاسبات ومعلومات .. وهندسة الحاسبات ... فرق مناهج وتركيز وتكثيف على بعض النقاط ف المنهج ..
كمان ف مدنى ممكن مشروعك يبقى عن حاجه زى تخطيط .
اما سوق العمل ف دا مطلوب ودا مطلوب .. الفرق ان تخطيط عمرانى حاجه واحدة وهندسة حاجات .. واولا واخيرا الشغل دى بيد الله ... والطلب على الاقسام والمهندسين بيبقى على حسب السنه وعلى حسب حاجة الدولة :d :d

فـكـرة رائـعـة يـا إسـمـاعـيـل , يـثـبـت ,

شكرا ليك يا نيوتن :d :d بس حاسس انى اعرفك :d وحاسس انك رضوان :d :d

انت لحقت يا سمعة :):) طب حيث كده بقي اسمحلي انا كمان أرد معاك ع الاسئلة و أرد جزء بسيط جدا من فضل المنتدي ده عليا ...

محمود معز
عضو اتحاد طلاب هندسة القاهرة _إعدادي و طالع أولي إن شاء الله

انا لجنة علمية حضرتك يا استاذ ودا شغلى المفروض :d :d :d :p

عايز استفسر عن قسم طيران لو سمحت

لو سمحت انا الحمد لله جبت 98.6% و ان شاء الله ناوي علي هندسة القاهرة .. كنت عايز أعرف معلومات عن نظام الساعات المعتمدة و هل هو تمام ولا مش فارق عن النظام العادي أوي ؟؟ و شكرا

اعتقد ان محمود معز جاوب باستفاضه على الاسئلة .. لو فيه اى استفسار تانى احنا موجودين :d :d

لاء مش رضوان , انا رزق يا صديقي :d

لاء مش رضوان , انا رزق يا صديقي :d

اصل رضوان دايما مربوط بنيوتن .. بس كويس يعنى ...
و الله عليك يا رزق :d :d :d

:d شوفت انا طلعت مرتبط بـ نيوتن قبل رضوان ههههههههههههههـ

وعليكم السلام :d
دلوقتى انت قدامك حل من اتنين :d
تكمل ف المحلة اعدادى بس وتجيب تقدير كبير و بعدين تقدم على تحويل لطيران وهتم الموافقه عليه
يا اما تقدم ف القاهرة على طول مع اثبات ان لك محل اقامة ولو قريب ليك ف القاهرة
ومش هيبقى فيه تعب غير اجراءات روتينية خصوصا انك جايب ماشاء الله 98.5 %
المدينة الجامعية لزمتها للمغتربين علشان بعض المناطق من خارج القاهرة بتقبلها القاهرة من غير قيود زى السويس .. او لانك فجأة نقلت سكنك .. او لانك بتاخد وقت كبير ف المواصلات او للمحولين لاقسام مش موجودة ف جامعاتهم زى طيران وبترول وكيميا وطبية :d
ومفيش تعب ولا حاجه .. احنا بنرد جزء من اللى اتعمل معانا :d :d

ممكن ترد على المشكلة بتاعتى ؟!
لينك الموضوع
http://www.thanwya.com/vb/showthread.php?t=443587

ana mawgooda fl kolia kol yom bestesna2 l gom3a wl sabt lel rad 3la estefsaratko :d

يا سلام لما 3 من اتحاد الطلبة يبقوا ف موضوع واحد وبيجاوبوا ... ايه الشغل العالى دا ماشاء الله :d :d

لو سمحت انا عايز اعرف ايه ترتيب كليات الهندسة فى مصر من حيث الافضل
علشان لما ارتبهم فى التنسيق وانا جايب 97 %

لو سمحت انا عندى استفسارين
1- انا جبت 396 نفس الحد الادنى لهندسة القاهرة 2011 >> فهل فى امل انى اخشها السنادى علماً بأن الامتحانات كانت السنادى اصعب بكثير من السناوات اللى فاتت و عدد الطلاب اللى فوق الحد الادنى السنادى قل 1500 تقريباً فى الشعبة الهندسية
2- لو ربنا موفقنيش و مدخلتش القاهرة ممكن احول للقاهرة امتى و ازاى من كلية تانية ؟
اسف على الاطالة و الكتابة باللغة العامية :d

لو سمحت انا عايز اعرف ايه ترتيب كليات الهندسة فى مصر من حيث الافضل
علشان لما ارتبهم فى التنسيق وانا جايب 97 %

هو الترتيب ممكن يفيدك وممنك لا ...
هو الترتيب العالمى بيترتب على اساسه ترتيب مصر ..
والترتيب العالمى القاهرة كانت ف ال 500 ... ودا اقصى ترتيب .. مش بيرتبوا غير لحد رقم 500 .. والقاهرهة كانت ما بين 400 لـ 500 ..
دى حاجه
الترتيب كمان ممكن يتقاس بمستوى ورأى شخصى .. هتلاقي حد يقولك كذا وكذا .. وواحد يقولك لا كذا وكذا ..

كمان الترتيب من حيث ايه ؟؟
يعنى الصعوبة .. تعدد الاقسام .. المستوى التعليمى .. الدكاترة .. وصعب تلاقى كلية فيها كل دول مع بعض ..
يارب بس اكون افدتك .. وشوف وانا موجود :d :d

لو سمحت انا عندى استفسارين
1- انا جبت 396 نفس الحد الادنى لهندسة القاهرة 2011 >> فهل فى امل انى اخشها السنادى علماً بأن الامتحانات كانت السنادى اصعب بكثير من السناوات اللى فاتت و عدد الطلاب اللى فوق الحد الادنى السنادى قل 1500 تقريباً فى الشعبة الهندسية
2- لو ربنا موفقنيش و مدخلتش القاهرة ممكن احول للقاهرة امتى و ازاى من كلية تانية ؟
اسف على الاطالة و الكتابة باللغة العامية :d

اولا ولا اسف و لا حاجه .. وانا كمان هارد بالعامية ..
انت ما صدقت خرجت ونفدت م اللغة العربية واحب اقولك مش هتشوفها تانى .. :d

دلوقتى التنسيق والحد الادنى بيكون على حسب الاقبال على الكلية نفسها .. فلو ال 15 الف كلهم داخلين القاهره والقاهرة تسع ل 3 الاف بس ... بيشوفوا الطالب رقم 3000 ودرجته بتكون الحد الادنى .. :d

فــ ممكن على حظك محدش يختار القاهرة كتير والحد الادنى ليها ينزل و تدخلها ..

وطبعا فيه امل ف اى حاجه وف اى وقت ... احنا اللى بنعمل الامل واحنا اللى بنحققه .. :d

لو لا قدر الله ما دخلتش القاهرة .. تحول للقاهرة بعد السنة الاولى - اعدادى - و تقولهم انك عايز قسم مش موجود ف كليتك ودا بخليك تختار واحد من الاقسام دى . طبية - كيميا - بترول - طيران ..

لكن ممكن قبل ما الدراسة تبدا تعمل نقل بين الكليات .. تروح القاهره وتتاكد ان فيها مكان فاضى وتاخد منها ورقة وتروح لكليتك تسب ورقك وتوديه للقاهرة .. لكن ان شاء الله القاهرة جاية لك بدون وجع دماغ او لف كتير :d :d

انا من مصر الجديدة واتعقدت طبعا من اللي بسمعه عن هندسة عين شمس بس مش عارفة لو كتبت القاهرة وجاتلي
هتكون المواصلات عاملة ازاي خصوصا اني سمعت انو اعدادي بتكون في الشيخ زايد.. طب بعد اعدادي هتكون الدراسة في منطقة ايه ؟

انا كنت عاوز اسألك سؤال هوا هندسة عين شمس و القاهرة بيخدوا كام طالب ؟؟؟؟؟؟؟؟؟؟

انا من مصر الجديدة واتعقدت طبعا من اللي بسمعه عن هندسة عين شمس بس مش عارفة لو كتبت القاهرة وجاتلي
هتكون المواصلات عاملة ازاي خصوصا اني سمعت انو اعدادي بتكون في الشيخ زايد.. طب بعد اعدادي هتكون الدراسة في منطقة ايه ؟

فيه باصات تبع الكلية من والى الشيخ زايد .. ممكن تشوفى اقرب باص تبع الكلية وتشتركى فيه .. + لو مفيش ممكن 50 واحد من ساكنى منطقة مدينة نصر يشتركوا ف باص يجيبهم ويوديهم وباشتراك زى بتاع الكلية بالظبط وممكن اتحاد الطلبة يساعدهم ف الجزء دا ..
و بعد اعدادى بترجعى القاهرة ف الجيزة عادى جدا :d :d

انا كنت عاوز اسألك سؤال هوا هندسة عين شمس و القاهرة بيخدوا كام طالب ؟؟؟؟؟؟؟؟؟؟

الاعداد متغيرة لكن الرنج الثابت من 2300 الى 2500 طالب ف كل واحدة .. ممكن تزيد شوية وتقل شويه ..
انا دفعتى 2390 طالب تقريبا :d :d

هوا اية الافضل فى الشغل هندسة شبرا و لا هندسة حلوان

يا جماعه لو سمحتوا كنت عايز اعرف حاجه هو مثلا انا لو جاتلى بترول وتعدين السويس وروحت شوفت الكليه قبل الدراسه ومعجبتنيش ممكن احول القاهره وهل هيكون التحويل سهل ولا معقد وممكن يقولى لا عدد الكليه اكتفى وازاى اقدر احول ولازم بالورق ولا ممكن تحويل من على النت

ارجو الرد ضروري جدا

لا التحويل هيكون صعب جدا

هوا ترتيبى المفروض يكون كام على المحافظة علشان ادخل هندسة عين شمس او القاهرة

بتختلف على حسب الأعداد الي بتقبلها , السنة الي فاتت هندسة القاهرة اخدت 1800 في الحدود دي من مكتب التنسيق بيتضاف عليهم اعداد وافدين من برا او اعداد محولين و طلاب المعاهد و المدارس الفنية , فيصبح العدد في حدود 2300 , متنساش من ضمن محافظتك في ناس هتروح حتت زي عين شمس و في ناس ليها ميول غير هندسة هتتراوح ميولهم بشكل كبير بين بترول و حاسبات و معلومات و السعي وراء منح الجامعات زي الأمريكية , فا ترتيبك يكون في حدود 1800 حتكون مرتاح , طبعا دا المعتاد , لعل في جديد يطرأ مثلا يقل أعداد المقبولين او يزيد +

انا من محافظة القاهرة و ترتيبى 7000 و شوية على المحافظة و خايف مقبلش القاهرة او عين شمس هوا ترتيبى كدة فى الحدود اللى تدخلنى و لا لأ

السلام عليكم .. أنا قرأت موضوع حضرتك عن مساعدة الطلاب اللي داخلين هندسة إن شاء الله وعجبني جدا اهتمام حضرتك وتعاونك بكل حب مع الطلاب

أنا الحمد لله جبت 98.4 وعاوز أحول من هندسة شبين الكوم لهندسة القاهرة وأنا محل إقامتي انا وأسرتي في 6 أكتوبر ... وكنت عاوز أعرف أعمل التحويل إزاي والأوراق المطلوبه اييه ؟؟

مع العلم إني الحمد لله عندي انشطه كتير مشترك فيها زي الكشافه وشهادات عالميه فيها وكنت ممثل لمصر في 3 معسكرات عالميه في ( ماليزيا - الأردن - 6 أكتوبر ) .. ومعايا شهادات بكده ... فهل الشهادات دي تفيدني في أولويه للتحويل ؟؟

وكمان أنا والدي من مصابي ثورة 25 يناير ( موقعة الجمل برصاصة في القدم ) ... وأنا ابنه الوحيد وهيكون صعب علينا جدا انوا يكون في 6 أكتوبر وانا أكون في شبين الكوم ...

:d:d:d:d
وشكرااااااااااا على تعاونكم معانا بجد أنا كنت مش عارف أي حاجه ومش عارف أعمل ايييه !!!

((( المطلوب : إيه هيا الأوراق المطلوبه ومنين ؟؟ ... وهل شهادات أنشطتي مفيده في أولوية قبول التحويل ؟؟ .. )))

يكفي فقط اثبات محل سكن بإسم الوالد في مدينة 6 اكتوبر كما ذكرت و مجموع حضرتك العالي , و الي لازم يكون اعلى من الكلية في حدود 1.5 % , آواخر شهر 8 هتنزل مبنى التحويلات التابع لجامعة القاهرة , و تستفسر عن التحويل الورقي للمستجدين , و اعرف انك هتلاقي ناس مش هترضى تديلك معلومة , و لكن حاول ان تحصل منهم على موعد فتح باب الإلتماسات الورقية , و قدم إلتماس و اظن بيكون في خلال قبل العيد بكام اسبوع كدا , و بعد كدا هتتواصل مع شئون هندسة القاهرة قبل بدء الدراسة بأسبوع إلي هيطمنوك إما في أمل تقبل او لاء , و النتيجة بتبان و بتقدم ورقك في الكلية في حدود بعد بدء الدراسة بأسبوعين و نص , انت اهم حاجة تكتب التنسيق عادي للكلية الي هي في منطقتك و بعد كدا تعمل التحويل .

طب انا اسف يا سياده المشرف بس ممكن اعرف ليه صعب موضوع التحويل من البترول الى القاهره مع العلم انى ساكن فى القاهره .

أنا ليا حد ممكن يقدر يساعدني من الجامعه إن ورق تحويلي بتقبل ... هل أكلمه ؟؟
.................................................. ..........................................

التحويل عن طريق مكتب التنسيق أظنه سيكون , صعب , و بالتالي هتدخل نفسك في متاهة التحويل و الإلتماسات الورقية تبع الجامعة و هي مضمونة و لكنها روتينية و تاخذ وقت طويل . فا الأفضل حسم قرارك و نصيحتي لك توكل على الله و ادخل هندسة القاهرة

----------------------------------------------------------------

الامر يرجعلك , و لكن انا لا افضل حكاية القرايب و تكلمه يشوفلك الورق ,

وهوا ميعاد التحويل إمتى بالظبط ؟؟ ... والورق المطلوب اييه ؟؟

انزل في آخر الشهر و اعرف المعاد بالظبط و الورق المطلوب , مبنى التحويلات , الجيزة امام باب كلية تجاره

اخر شهر 7 ؟؟

اها بالطبع يا صديقي آخر شهر 7 , راجع كلامي جيدا

السلام عليكم
أنا كنت عايزة أعرف ايه الأقسام المتاحة في كريديت
و ايه طبيعة الشغل بالنسبة لميكانيكا باور أو ميكاترونيكس
و شكرًا :)

يا جماعة حد يعرف التقديم فى هندسة جامعة القاهرة امتى ؟و كمان عاوز أعرف هيبقى التقديم فى الشيخ زايد و لا جامعة القاهرة ؟و منطقة التجنيد و التعبئة اللى فى الرماية جنب المتحف الجديد مضمونة الاقى فيها استمارة 2 جند و لا أروح مديرية أمن الجيزة أحسن ؟

لو سمحت انا كنت عاوز اسال ايه الفرق بين بترول السويس وبترول القاهره وهل مهندس السويس ليه اولويه عن مهندس القاهره ولو مفيش فرقليه مجموع السويس اعلى ؟؟
تانى حاجه لو انا حولت من السويس للقاهره بعد سنه اولى هل دا ممكن ؟؟ وهل كل الاقسام هتكون متاحه امامى فى القاهره ولا هيتم اجبارى على اقسام معينه ؟؟؟؟ وهل لو هيتم اجبارى هل دا بيختلف من جامعه لاحرى ؟؟ اقصد ان فى جامعات بتجبر وجامعات لا ؟؟

لو سمحت كنت عايز اعرف انا لو دخلت اعدادى حلوان وجبت مثلا جيد جدا وحبيت احول القاهره عشان قسم مش موجود ف حلوان ولا المطريه هل ينفع التحويل !!!! وانا جايب 95.6 هل ممكن الحق هندسه قاهره ولا صعب!!

يا جماعة حد يعرف التقديم فى هندسة جامعة القاهرة امتى ؟و كمان عاوز أعرف هيبقى التقديم فى الشيخ زايد و لا جامعة القاهرة ؟و منطقة التجنيد و التعبئة اللى فى الرماية جنب المتحف الجديد مضمونة الاقى فيها استمارة 2 جند و لا أروح مديرية أمن الجيزة أحسن ؟

التقديم في كلية الهندسة في الجيزة مش في زايد

الافضل مديرية الامن في الجيزة

السلام عليكم
أنا كنت عايزة أعرف ايه الأقسام المتاحة في كريديت
و ايه طبيعة الشغل بالنسبة لميكانيكا باور أو ميكاترونيكس
و شكرًا :)

دي أقسام كريديت
CCE Communication and Computer Engineering
» CEM Construction Engineering and Management
» STE Structural Engineering
» WEE Water Engineering and Environment
» AET Architectural Engineering and Technology
» PPC Petroleum and Petrochemical Engineering
» MDE Mechanical Design Engineering

لو سمحت انا كنت عاوز اسال ايه الفرق بين بترول السويس وبترول القاهره وهل مهندس السويس ليه اولويه عن مهندس القاهره ولو مفيش فرقليه مجموع السويس اعلى ؟؟
تانى حاجه لو انا حولت من السويس للقاهره بعد سنه اولى هل دا ممكن ؟؟ وهل كل الاقسام هتكون متاحه امامى فى القاهره ولا هيتم اجبارى على اقسام معينه ؟؟؟؟ وهل لو هيتم اجبارى هل دا بيختلف من جامعه لاحرى ؟؟ اقصد ان فى جامعات بتجبر وجامعات لا ؟؟

الفرق ان بترول السويس بتاعه مواقع .. مهندس بينزل المواقع وكدا .. اما القاهرة فبينزل برضو بس بيبقى مهندس ف مكاتب اكتر منه ينزل مواقع ..
...
سبب ان بترول السويس مجموعها اعلى انها الوحيدة من نوعها ف مصر ان تكون كلية متخصصه ف مجال بترول من اول سنه .. وعلشان الاقبال عليها بيبقى كبير .. نظرا ان الناس شايفه مهندس بترول عبارة عن شنطة فلوس .. وهيا عدد طلابها مش بيعدوا ال 300 او ال 400 طالب .. ف درجتها ف ثانوى بتعلى وبتزيد .. عرض وطلب ..
.....
وعادى ممكن تحول بعد اول سنه وبيبقى ليك متاح كل الاقسام ... لانه شرط التحويل من كليه لكليه مناظرة ..
1- السكن .. تكون بتحول لمنطقتك ..
2- يكون ف الكلية الناظرة قسم مش متوافر ف كليتك الاولانيه .. وطبعا انت بيبقى متاح ليك بالطريقه دى كل الاقسام :d d:

انا جايب اقل من هندسة عين شمس ب نص درجة و اقل من القاهرة ب درجتين و نص .. انا جتلى هندسة شبرا و هما كلهم داخل النطاق الجغرافى نفسه ... سؤالى هل التحويل الاكترونى ممكن يدخلنى عين شمس ولا صعب ؟؟ ارجو الاجابة

بص انا هاقولك من خبرتى ..
واحد صاحبى حصلت معاه الحوار دا .. وللاسف مش هينفع لانهم كلهم داخل النطاق الجغرافى ..
لو برا كنت ممكن تعمل تقليل اغتراب او تحويل ورقى ..
انت ممكن تستنى سنه وتحول للقاهرة او عين شمس بس بشرط تكون محول لقسم مشش موجود الا فيهم ..
زى بترول وكيكا ف القاهرة
و ميكاترونيكس عين شمس :d
وربنا يوفقك .. بس ممكن النظام دا يتغير على دفعتك .. وبرضو ان شاء الله هاسال .. وانت حاول ف الالكترونى .. و ممكن كمان تحاول ف الورقى .. كل شئ جايز وممكن اى حاجه تحصل الله اعلم :d

طب انا لو كملت السنة دى فى شبرا عادى و انا عاوز اخش هندسة طيران فى القاهرة لازم اجيب كام فى شبرا ؟
وصحبك عرف يحول ولا لأ :d :d

أنا كنت عاوز آخد نظرة عامة عن المصاريف في هندسة القاهرة

السلام عليكم
لو سمحتو يا باشمهندسين عايزة اعرف هل ينفع حد راسب في اعدادي يحول كريديت؟؟ و لو هندسة عين شمس؟؟ و شكرا جزيلا :)

طب انا لو كملت السنة دى فى شبرا عادى و انا عاوز اخش هندسة طيران فى القاهرة لازم اجيب كام فى شبرا ؟
وصحبك عرف يحول ولا لأ :d :d

ععلشان تدخل طيران لازم تجيب جيد جدا .. علشان تخش قسم طبيه تجيب امتياز ... وربنا يوفقك :d
و للاسف صاحبى ما عرفش .. فهو دلوقتى بيفكر يكمل ف شبرا مدنى والا يحول القاهرة طيران :D


أنا كنت عاوز آخد نظرة عامة عن المصاريف في هندسة القاهرة

مصارف كليه هندسه فى الرنج العادى .. على ايامى كانوا 300 وحاجه تقريبا .. مش فاكر اوى الرقم .. دا العادى ..
كريديت المصاريف ب 18 الف ف السنه 9 ف كل ترم .. ودا رقم استحاله انساه .. :d


السلام عليكم
لو سمحتو يا باشمهندسين عايزة اعرف هل ينفع حد راسب في اعدادي يحول كريديت؟؟ و لو هندسة عين شمس؟؟ و شكرا جزيلا :)

اعتقد ينفع .. بس مش متأكد .. افضل لك تتأكد من شئون الطلبة ف عين شمس .. ممكن تكون مختلفة عن القاهرة ... لكن تعمل ايه علشان تحول .. ف ديه بقى الله اعلم بيها .. :d

شكرا على الرد :) انا قصدي لو طالب راسب في اعدادي عين شمس و عايز يحول كريديت القاهرة (عمارة) و دا مش موجود في عين شمس .. هل ينفع؟؟و شكرا تاني :)

شكرا على الرد :) انا قصدي لو طالب راسب في اعدادي عين شمس و عايز يحول كريديت القاهرة (عمارة) و دا مش موجود في عين شمس .. هل ينفع؟؟و شكرا تاني :)

معلش فهمت السؤال غلط .. افتكرتك فى عين شمس وهتحول لعين شمس كريديت ...

وانا مش متأكد دلوقتى من اجابة معينة .. بكرا رايح الكلية وهسال ان شاء الله .. :d

هو التخصص من تانى سنة على طول ؟؟ يعنى انا عايزة حاسبات , هدرسها من تانى سنة ؟؟

أنا جالي هندسة المطرية ،،، وعايزه أحول لجامعة القاهرة ،،، فمعلش عايزة توضيح أكتر لخطوات التحويل الورقي والالتماسات اللي حضرتك قولت عليها قبل كدة :)
وايه نوع الالتماس اللي يخليني انفع احول للقاهرة ؟؟ ،، مع العلم ان انا مكان سكني في مساكن اعضاء هيئة التدريس لجامعة القاهرة اللي تعتبر جنب هندسة القاهرة :)


لو حصل واضطريت اكمل في المطرية او منفعش التحويل غير لحلوان ،، ايه التقدير المطلوب في اعدادي عشان اقدر ادخل قسم بترول وتعدين أو طيران ؟؟


ومعلش عايزة رأي حضرتك الشخصي وخبرتك في الاختيار من حيث الافضلية أو المكان اللي سهل نسبيا الحصول على تقدير فيه في اعدادي ""المطرية أو حلوان أو شبرا"" ؟؟



وشكراااااااااااااااااااااااااااااا واسفه جداااااا على التطويل :) :)

shery16
التخصص بيبقي في تاني سنه ايوه ان شاء الله وحاسبات بيبقي القسم اللي دايما بياخد اعلي تقدير
(http://www.thanwya.com/vb/member.php?u=581520)

و سمحتم كنت عياز اعرف ينفع احول من هندسة خاصة معتمدة ومعترف بيها من النقابة للهندسة الحكومية عادى ولا فية شروط...وهل فى هندسة خاصة معينة يتقبل التحويل منها
حتى لو طلبت قسم مش موجود فى الهندسة الخاصة(التحويل لقسم غير مناظر)
ولو مينفعش طب ينفع التحويل لنظام الساعات المعتمدة (القسم الخاص)ال فى جامعة القاهرة او عين شمس
او فى اى طريقة اخرى تنفع للتحويل

السلام عليكم و رحمة الله وبركاته،
نفترض ان انا عاوز ادخل هندسة القاهرة ةوهي مش فى النطاق الجغرافى بتاعى خالص و كمان انا مش ساكن فى القاهرة... أعمل إيه؟

طالب94
بص انت لازم تجيب حاجة بانك عندك شقة فى القاهرة اعتقد بيحتاجوا وصل نور أو حاجة زى ديه يا امن تستحمل سنة اعدادى و تجيب جيد جدا و تحول لقسم مش موجود فى كليتك

ياجماعه لو فى حد عندو اى معلومات عن اقسام ,ppc,cem,aetفى كريدت هندسه القاهره يعنى الدراسه الشغل بعد كدا اى معلومه تعرفها اكتبها

ممكن أعرف لو ممكن حد يحول من قسم الcredit hour للقسم العادي في كلية هندسة.
وبعد إذنكوا ممكن حد يديني تفاصيل إيه المواد الزيادة اللي الطالب بياخدها في قسم الcredit hour في ال English وال Management .
هل الإمكانيات للطالب بعد التخرج تكون أفضل بكثير من الطالب العادي؟
هل يكون مع طالب قسم الcredit hour سين خبرة عند التخرج؟
وهل هناك تدريب لطلبة الcredit خلال الصيف تضيف لهم في الCV سني خبرة؟

أرجوا الرد سريعا وشكرا

السلام عليكم ورحمة الله وبركاته
... لو سمحتم أنا في إعدادي هندسة وبصراحة مش عارف ادخل قسم إيه ،، أنا بحب الطيران جدا وفي نفس الوقت أنا كويس في الرسم ،، يعني أنا لو دخلت طيران أو معماري أو مدني هبقى كويس بإذن الله ... اللي أنا بسأل عليه هو إيه أكثر قسم مجال عمله مفتوح ؟ اختار مدني ولا معماري ولا طيران ؟؟ ويا ترى هل في قسم تاني مجال عمله أوسع من الأقسام اللي أنا قلتها ؟؟ أنا عايز ان شاء الله لما اتخرج اشتغل على طول "بإذن الله" ...
شكرا جزيلا لكم

طب ممكن اعرف هل بيتاح ليا انى ادرس عمارة من اعدادى لو دخلت كريديت ؟ و لو لأ هلى نظام الكريديت بيديك الحق إنك تختار القسم بتاعك من بعد اعدادى و لا برده بيبقى فيه تنسيق و كل واحد و تقديره ؟

دورة التوزيع الكهربى "Electrical Distribution Expert" هى واحدة من مجموعات البرنامج التدريبى المتميز " Engineer Makers" المقدم من مركز "Cadres Makers" و الذى يقوم على تقديم حزم تدريبية متكاملة تؤهل المهندس فى إحدى المجالات أو التخصصات الجوهرية فى سوق العمل.

وصف الدورة:
الدورة هى خلاصة ما يحتاجه مهندس الكهرباء فى مجال التوزيع الكهربى سواء من الناحية العلمية النظرية التى تؤهل المهندس لإجراء عمليات التصميم من الأساس أو من ناحية البرامج الهندسية التى يستخدمها المهندس فى إجراء عمليات التوزيع. الجدير بالذكر أن هذا المجال أصبح من أهم مجالات الهندسة الكهربية فى سوق العمل لإرتباطه الوثيق بالمقاولات و الإنشاءات.

عدد ساعات الدورة: 60 ساعة
تكلفة الدورة: 700 جنيه مصرى فقط
المحتويات:

Autodesk AutoCAD 2d
Lighting software (Relux or Dialux)
Electrical Distribution
• Indoor Lighting Distribution.
• General Power Distribution.
• Power Loads Distribution.
• Designing Load schedules for Electrical Panel Boards.
• Cable Sizing.
• Voltage Drop Calculations.
• Generator and U.P.S Selection.
• Earthing System.
• Transformer Selection.
• Light Current System Design including (Fire-Alarm, Telephone, Data, and T.V system)
للحجز والاستعلام / 01067166359

ايوا بقى يا سمعة :d
:)))))

هل جميع طلاب اعدادي هندسة القاهرة بيروحو الشيخ زايد ؟؟
لأني شفت في موقع الكلية صورة لمقر الكلية في شارع الجامعة وفيها مدخل لإعدادي
بعدين انا سمعت ان هندسة عين شمس احسن في حاجات ايه مميزات هندسة القاهرة وعيوبها ؟؟

عايز اسأل حاجة انا سمعت انك ممكن تحول القسم ال انت عايزة حتي لو مجاس كرغبة هل ده صح ؟!

و قسم مكاترونكس في عين شمس بيدرس اية يعني عايز توضيح عنه

ممكن الحقها مجموعي95.61

ياريت حد يوضح نظام credit hours ولو انا كنت عايزة ادخل قسم حاسبات او الكترونيات فى قسم فى النظام ده شبه القسمين دول؟؟؟؟؟؟؟

فيه موضوع تانى يا هيلين انتى استفسرتى فيه و أنا كاتب فيه كل حاجة تقريبا ممكن تعوزى تعرفيها عن كريدت و بالنسبة لموضوع حاسبات هو فيه قسم كمبيوتر بس ده مختلف شوية عن كلية حاسبات و معلومات

ان شاء الله انا حابب اكمل هندسة الكترونية .. حضرتك شايف انهى الاحسن هندسة الكترونية منوف ولا هندسة الكترونية القاهرة؟؟

السلام عليك
يا بشمهندس
انا كان عندى سؤال بخصوص التحويل
لو عايزة احول للقاهرة بس لقسم اصلا موجود فى الجامعة اللى انا فيها
بس بالنسبالى القاهرة اقرب و حلوان اقرب اكتر بس انا عايزة القاهرة
ينفع و لا ايه ؟
حتى لو الاحتمالات بسيطى يا ريت تقول
و شكراً :)

السلام عليك
يا بشمهندس
انا كان عندى سؤال بخصوص التحويل
لو عايزة احول للقاهرة بس لقسم اصلا موجود فى الجامعة اللى انا فيها
بس بالنسبالى القاهرة اقرب و حلوان اقرب اكتر بس انا عايزة القاهرة
ينفع و لا ايه ؟
حتى لو الاحتمالات بسيطى يا ريت تقول
و شكراً :)

للأسف يا بشمهندس ... اللى بيحول من حلوان بيبقى متاح له 3 اقسام بس يحول ليهم : كيميائية - تعدين - طيران


انا كنت حلوان والسنة دى حولت لقسم تعدين فى القاهرة ..

أولا : السلللام عليكم ورحمة الله وبركاته ....

آنا طاالب في كلية الهندسة " جامعة الزقازيق " لسه إعدادي هندسة حلمي إني آدخل قسم طبية ....المشكلة القسم ده مش موجود عندنا في الزقازيق ....فالبتالي هضطر آحول لجامعة القاهرة ... آو جامعة حلوان عشان هما الجامعتين اللي فيهم هندسة طبية بس ...
إيه المطلوب مني عشان آجيب آي من القسم ده....يعني :

طبية بتاخد من مجموع كاام آو تقدير كاآم للجاي من جامعه غير جامعة القاهرة آو حلوان .

وتنصحوني بإيه ؟

وشككرا ♥

أولا : السلللام عليكم ورحمة الله وبركاته ....

آنا طاالب في كلية الهندسة " جامعة الزقازيق " لسه إعدادي هندسة حلمي إني آدخل قسم طبية ....المشكلة القسم ده مش موجود عندنا في الزقازيق ....فالبتالي هضطر آحول لجامعة القاهرة ... آو جامعة حلوان عشان هما الجامعتين اللي فيهم هندسة طبية بس ...
إيه المطلوب مني عشان آجيب آي من القسم ده....يعني :

طبية بتاخد من مجموع كاام آو تقدير كاآم للجاي من جامعه غير جامعة القاهرة آو حلوان .

وتنصحوني بإيه ؟

وشككرا ♥

بالنسبة للقاهرة ... جيب امتياز وهتخشها إن شاء الله ...

بالنسبة للقاهرة ... جيب امتياز وهتخشها إن شاء الله ...

حطمتني ...
م فيش أقل من إمتياز ؟

حطمتني ...
م فيش أقل من إمتياز ؟

ماخبيش عليك ... هما بياخدوا عدد محدود جداً .. واللى بيتقدموا كتير ..

السلام عليكم ورحمة الله وبركاته
استفسار بسيط بعد اذن السادة الافاضل
بعد ظهور نتيجة تنسيق المعاهد الفنية اليوم
وتم طبع بطاقة الترشيح
كليه الهندسة جامعة القاهرة
ماذا يتم بعد ذلك ؟
وموعد التسليم للاوراق
وهل يتم دفع المصروفات عند تسليم الاوراق