انا ادمرت خلالالالاص [الأرشيف] - بوابة الثانوية العامة المصرية

Alyaa Dfnany

16-07-2012, 11:27 PM

والله مش عارفة اعمل ايه .... بعد نتيجتى دى

و الله بعد ما عرفت خلاص مش عارفة اعمل ايه ... قعدت ابكى و بعدين اقول خلاص البكى مش حيفيد فى

حاجة .. الكلية اللى كان نفسى ادخلها راحت ... حتى الكليات اللى كنت حطاها فى بالى بردو راحت

انا نفسيتى ادمرت .. حاسة انى خذلت نفسى و كل اللى حوليا .. حاسة ايه ده اكيد خذلتهم

وقاعدة اقول لنفسى انا مش حقدر ادخل اى كلية كويسة بعد المجموع ده .. كل الفرص ضاعت

مش عارفة اعمل ايه .. خايفة اقدم تظلم يكون هو ده مجموعى الحقيقى .. لانى جايبة للاسف 64.63%

تانية ادبى ... يعنى مفيش اى فرصة .

معلش شغلتكم .. بس و الله معارفة اعمل ايه انا لما شفت مجموعى حسي انى فى عالم تانى كنت

متوقعة اجيب 90% وطالع . لانى بجد ذاكرت و خاصة فى ايام الامتحانات دى سهرت و ذاكرت حاسة ان

المجهود ده راح على ما فيش .

عاشق البلانكو الابيض

16-07-2012, 11:33 PM

قولى الحمد الله
وقدر الله وما شاء فعل
ولو حاسة ان فى غلط
وده مش مجهودك اتظلمى
وممكن ربنا يكون كاتبلك شئ احسن
ممكن تدخلى كلية صغيرة وتبقى
وفيها حاجة كبيرة

بنوته مسلمة

16-07-2012, 11:35 PM

معلش متزعليش
وقدر الله ما شاء الله فعل
اوكيد ربنا كتبلك الخير فى حاجة تانية

هالة محمد 2

16-07-2012, 11:40 PM

هـمسة

17-07-2012, 12:14 AM

طب لو متاكده فعلا اعملى تظلم يمكن حقك يرجعلك

Engineer ..

17-07-2012, 12:28 AM

والله هو قدر الله وماشاء فعل .... لكن لازم تحاربي لأخر نفس فيكي
وربنا يكتبلك التوفيق أينما كان يارب إنتي وكل الطلبة

Aya Mn Allah ♥

17-07-2012, 12:53 AM

مش تزعلى نفسك يا قمر
قدر الله وما شاء فعل
ان شاء الله تعوضيها السنة الجاية

A Muslim Girl

17-07-2012, 01:33 AM

قدر الله وماشاء فعلا
لازم تعرفي إن ربنا كاتبلك المجموع ده
والخيرة فيما إختاره الله

doha94

17-07-2012, 02:09 AM

يا حبيبتى معلش

ان شاء الله تعوضى فى تالته السنه اللى جايه
وتقفلى كله وتجيبى مجموع حلو

بس انتى شد حيلك

وقدر الله ما شاء فعل

د/نداء الجنة المصرية

17-07-2012, 02:16 AM

ماينفعش الكلام ده طالما حاسة ان الدرجات دى مش تمام اعملى تظلم ولو لقيتى نفسك فعلا غلطانة يبقى خلاص انتى عملتى اللى عليكى وربنا كتبلك الخير فى شئ احسن

lolo ezzat

17-07-2012, 02:25 AM

كنتى متوقعه 90 وجبتى64 ؟؟!!!!
لأفرق شااااااااااااااااااااااااااااااااااااسع بصراااحه
ممكن تعمللى نظلم لو انتى متاكده؟

dandana.s

17-07-2012, 02:46 AM

ربنا معاكى
ولو انك واثقة ان دى مش درجتك يبقى لازم تقدمى تظلم
وربنا يقدرلك الخير

H.A.K

17-07-2012, 04:51 AM

اللي بيعمل تظلم ده اللي هو واثق وعارف هو حالل ايه

لو متأكده اعمل

ولازم نقول الحمد لله في الاول والخر

لان بجد محدش عارف الخير فين

جمــ الروح ـال

17-07-2012, 09:44 AM

معلش قدر ربنا انتى أحسن من غيرك كتير

KhaleD Moustafa

17-07-2012, 10:59 AM

الحمدلله

بصي هو حضرتگ إعملي تظلم " لو متأگده من حلگ " .. وأهي يَ صآبت يَ خآبت ..

ولو مش نفع التظلم قولي الحمدلله وإچتهدي ف تالته وإن شاء تلحقي آداب أو تچارة " بس لو چبت مچموع عالي " ..

ولله الأمر من قبل ومن بعد !

jasminfarouk

17-07-2012, 12:02 PM

والله وانا زيك انا جايبة 57% وكنت متاكدة انى مش هقل عن 90% او لما يظلمونى اوى 85%

مش عارفة اعمل ايه انا من انبارح عياط لغاية ناو وكلما اجى انام اقوم مفزوعة وعمالة اعيط

ياترى لو عملنا تظلم حقنا هيتجاب ؟؟؟
المدرس بتاعى قالى متتعبيش نفسك حتى لو ليكى درجات مش هيدوهالك

Alyaa Dfnany

17-07-2012, 12:59 PM

شكرا جزيلا لكم .. والله كلمة شكر قليلة عليكم

اشكركم ..

لكن حاسة انى فعلا مظلمومة .. ده مش مجموعى .. انا متاكدة انى حليت كويس فى المواد

مش معقول تكون دى نتيجتى الحقيقية .. انا زيك جاسمين .. عايزة اعمل دعوة تظلم و مصرة عليها

لان حرام فعلا اللى بيتعمل فينا ده ... بس مش عارفة اعملها ازاى

يعنى اعملها فين ! و بتتكلف كام ! وهل لو عملتها ترفعلى مجموعى و اخد حقى ان شاء الله ! و هل بيصصح جميع المواد

اللى امتحنتها و لا مواد معينة !

ياريت تجاوبونى يا جماعة .... معلش تقلت عليكم

شكرا لكم مرة اخرى

Mohammed.G

17-07-2012, 02:05 PM

قدر الله و ما شاء فعل

انا مثلك شوية بس انا شمتان فى نفسي لاني مش اتقيت ربنا فى تانية ولا تالتة عدل

بس الحمدلله ظروف و عدت و ده موضوع ليا للمساعدة رجاء

اريد معرفة الكلية المتاحة & التنسيق (http://www.thanwya.com/vb/showthread.php?t=442980)

التظلم على ما اعتقد المادة بــ 100 جنيه و الله اعلم

Alyaa Dfnany

17-07-2012, 02:35 PM

شكرا جزيلا ..

اه انا شفت على النت .. المادة ب 100 جنيه

ربنا يستر يارب .. وان شاء الله حعمل دعوة تظلم بس مش عارفة اعملها فين .. هل فى بلدى و لا فى مدينة معينة

انا سالت قالوللى تروحى اسيوط ؟!

moon light2012

17-07-2012, 03:28 PM

قولى الحمد لله على كل شىء
وربنا بيقول*ولا يظلمون فتيلا*
صدق الله العظيم

moon light2012

17-07-2012, 03:32 PM

ايوه تروحى اسيوط لان هى اللى فيها تصحيح الورق
وربنا معاكى ان شاء الله

jasminfarouk

17-07-2012, 03:49 PM

انا عرفت ان مش بيتصحح الورق من اول وجديد لكن بيشوفوا لو فى سؤال مش متصحح او الاسئلة متجمعة غلط

انا صعبان عليا مجهودى خاسة ايام الامتحانات شهر مبنمش خالص وعلى الكتاب
ونفسى اعمل تظلم بس لو عملته على النظام ده يبقى ملهوش فايدة

Alyaa Dfnany

17-07-2012, 06:55 PM

ايه ده .. لا لازم يصححو من الاول

لانى مش فاكرة الاسئلة اللى اتلخبطت فيها .. او عملتها غلط

و الله حرام عليهم .. ربنا على الظالم و المفترى

بس ان شاء الله حروح اعمل تظلم فى 3 مواد .. وباذن الله اخد درجتى اللى متوقعها و الحقيقية باذن الله

jasminfarouk

17-07-2012, 09:53 PM

وانا بدرو هروح اعمل تظلم فى الرياضة والتاريخ والعربى لانهم منقصنى جامد فيهم اوان متاكدة انى مغلطتش غير غلطتين بسيطتين

Alyaa Dfnany

18-07-2012, 11:22 PM

ربنا نعانا يارب ..

وربنا يوفقنا فى التظلم ده ان شاء الله ...

طيب انا عايزة اعرف لو عايزة اعمل التظلم باذن الله .. لازم اسافر اسيوط و لا اروح الادارة التعليمية التابعة لمدينتى و اقولهم

عايزة اعمل تظلم ؟!

To Be Is To Do

18-07-2012, 11:28 PM

Alyaa Dfnany

19-07-2012, 01:00 PM

أى حد عايز يعمل تظلم م يترددش ثانيه ف كده
ع فكره التظلم نظامه إتغير
دلوقتى بقى فى تصحيح الورقه وأى حاجه ممكن تعدى و مش ف النموذج بيدولك درجتها
غير زمان كان التظلم عباره عن إعاده لتجميع الدرجات

وأنا واثق إنكم لو مظلومين بجد يبقى ح تخدوا درجات إن شاء الله
بالتوفيق ليكم كلكم

شكرا جزيلا الله يطمنك ^ ^ ..

طيب كت عايزة اتاكد من حاجة اخيرة .. لو عايزة اعمله .. اعمله فى الادارة التعليمية التابعة لى ولا اسافر

اسيوط ؟!

To Be Is To Do

19-07-2012, 01:02 PM

شكرا جزيلا الله يطمنك ^ ^ ..

طيب كت عايزة اتاكد من حاجة اخيرة .. لو عايزة اعمله .. اعمله فى الادارة التعليمية التابعة لى ولا اسافر

اسيوط ؟!

مش فاهم
يعنى إيه تسافرى أسيوط ............؟!

Alyaa Dfnany

19-07-2012, 04:39 PM

مش فاهم
يعنى إيه تسافرى أسيوط ............؟!

قصدى لو عايزة اعمل تظلم ... اسافر اسيوط و لا اعمله فى الادارة التعليمية فى مدينتى

لانى سالت فيه ناس تقول سافرى اسيوط و فى ناس تقول اعمليه فى الادارة التعليمية التابعة لى وهما

حيرسلوه لاسيوط او مكان تصحيح الورق ؟!

فمش عارفة اروح فين ؟!

To Be Is To Do

19-07-2012, 07:39 PM

قصدى لو عايزة اعمل تظلم ... اسافر اسيوط و لا اعمله فى الادارة التعليمية فى مدينتى

لانى سالت فيه ناس تقول سافرى اسيوط و فى ناس تقول اعمليه فى الادارة التعليمية التابعة لى وهما

حيرسلوه لاسيوط او مكان تصحيح الورق ؟!

فمش عارفة اروح فين ؟!

اممممممممممممممممممم
إنتى مركز تصحيحك ف أسيوط .............؟
لو أنتى تقصدى كده
لأ طبعا تعمليه ف الإداره بتاعتك وهما بقى يودوه أسيوط ( لو كانت دى مركز التصحيح بتاعتكم )

دموع الفرح

19-07-2012, 10:12 PM

ياجماعه هوا الاسهل علم النفس ولا الفلسفه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هالة محمد 2

19-07-2012, 10:18 PM

علم النفس طبعا سهل جدا

le jasm!n

19-07-2012, 10:33 PM

اولا قولي الحمد لله علي كل شيئ بس بجد انصحك تعملي تظلم وتخدي بالاسباب يمكن ربنا يكرمك وان شاء الله يكون في غلطه تجميع او كدا وتاخدي درجات باذن الله بس بردو لو مجتش درجات متيأسيش اعملي كل اللي تقدري عليه في سنه تالته ومحدش عارف الخير فين وبالتوفيق ان شاء الله

Alyaa Dfnany

20-07-2012, 12:10 AM

اممممممممممممممممممم
إنتى مركز تصحيحك ف أسيوط .............؟
لو أنتى تقصدى كده
لأ طبعا تعمليه ف الإداره بتاعتك وهما بقى يودوه أسيوط ( لو كانت دى مركز التصحيح بتاعتكم )

اه انا قصدى كده بالضبط ..

يعنى اروح الادارة ان شاء الله .. شكرا جزيلا يعنى الحقيقة افدتى كثيرا :078111rg3:

Alyaa Dfnany

20-07-2012, 12:12 AM

basma 2010

20-07-2012, 04:55 AM

ربنا يساعدك
يا رب
ربنا كريم أوي
ومفيش بعد كرمه

Mohammed.G

20-07-2012, 10:53 AM

كــــل عام وانتم بخير , وبعودة الايام علينا بالخير

ان شاء الله عليا لو انتِ تستحقي الدرجات ربنا بالتآكيد هيوفقك فى التظلم

و خير فى الايام المفترجة اللى احنا فيها هذه تكون خير لكِ

وربنا يوفقك .....

Alyaa Dfnany

20-07-2012, 02:45 PM

شكرا جزيلا لكم ...

ان شاء الله

To Be Is To Do

20-07-2012, 09:43 PM