يا ألسنجيه يا مستجدين .. تحت أمركم اسئلوا براحتكم [الأرشيف]

mustafa.sharf

17-07-2012, 07:09 AM

anas m2

17-07-2012, 07:40 AM

لو سمحت بس كنت عايز اعرف مستقبل الكلية وهل فى شغل بعد التخرج وبمرتبات مجزية وايه هى اهم اللغات المطلوبة وهل هى احسن ام اقتصاد ام اعلام لانى بصراحة محتار جدااااااااااااااااا

Alsunian1

17-07-2012, 07:49 AM

تتوقع تاخد من كام طيب
و 92.3 يلحقو

mustafa.sharf

17-07-2012, 05:01 PM

لو سمحت بس كنت عايز اعرف مستقبل الكلية وهل فى شغل بعد التخرج وبمرتبات مجزية وايه هى اهم اللغات المطلوبة وهل هى احسن ام اقتصاد ام اعلام لانى بصراحة محتار جدااااااااااااااااا

بصى مستقبل الكليه فى مجالات كتييره اووى ليه عندك مترجم مرشد تور ليدر مدرس ده لو ضاقت بيكى اوووى يعنى.. غير كدا مجال اللغات كتييره جدا بس للى يتقنها صح.. بمناسبه الشغل انا حاليا شغال بمرتب كويس فى شرم الشيخ وبعدين انتى عمرك ما تفكرى فى الشغل من دلوقتى ده بتاع ربنا بالنسبه للغات المطلوبه كل اللغات مطلوبه بس كل لغه وليها مجالاتها فى الشغل يعنى .. مثلا عندك الروسى اكتريه شغله فى السياحه شغل الترجمه بتاعه قليل الصينى شغل الترجمه بتاعه جميل اوووى ..بالنسبه للأحسن بقى ده بالنسبه لميولك انتى وشوفى الكليه اللى انتى هتعرفى تأدى فيها اكتر بس بالنسبه لسياسه واقتصاد نصيحه لو هتدخليها لاما تدخليها شعبه أنجلش
او فرنش لاما بلاش لو دخلتيها عربى ولا ليها اى لزمه لكن بالنسبه لاعلام شغلها حلو للبنات
لكن مفضلهاش للشباب

وعلى فكره انا جالى فى التنسيق سياسه واقتصاد وحولت ألسن وربنا معاكى

mustafa.sharf

17-07-2012, 05:07 PM

تتوقع تاخد من كام طيب
و 92.3 يلحقو

انا اتوقع انك تقريبا انشاء الله هتلحق ولو ملحقتش عين شمس لقدر الله هتلحق المنيا
اما اتوقع بالنسبه لعلمى هيرفعوا عليهم التنسيق جامد .. لكن ادبى هيبقى كويس

shady00

18-07-2012, 05:23 AM

mustafa.sharf

18-07-2012, 07:00 AM

لو سمحت
انا جبت 89 من غير المستوى وانا واخد جغرافيا
وبالمستوى جايب 90
والانجليزى جايب 39 مجموع السنتين والفرنساوى 44
كدا ينفع اخش السن لو التنسيق نزل ولا لازم الدرجات الانجليزى تبقى اكتر من 45

بص ع حسب التنسيق انشاء الله ولو ربنا مش أراد عين شمس ممكن تبقى المنيا وهناك فى المنيا مفيش تنسيق داخلى بتدخل اى قسم انت عاوزه بس لغات محدده بس هى اللى هناك
ومجموع الانجلش عادى اهم حاجه تجيب مجموع الكليه اما مجموع اللغه الاولى والتانيه هما اللى بيأهلوك انك تدخل قسم معين فى اقسام ع حسب درجه الانجلش واقسام ع حسب درجه الفرنش

Alsunian1

18-07-2012, 07:29 AM

طب لو افترض انى جتلى المنيا
مش ممكن اعمل تقليل اغتراب واجى عين شمس هنا
ولا اية انا سألت وقالوولى اة بس انا عاوزة اتاكد عشان مدبس فالمنيا

mustafa.sharf

18-07-2012, 02:47 PM

طب لو افترض انى جتلى المنيا
مش ممكن اعمل تقليل اغتراب واجى عين شمس هنا
ولا اية انا سألت وقالوولى اة بس انا عاوزة اتاكد عشان مدبس فالمنيا

تمام الكلام انا فى واحده زميلتى السنه اللى فاتت جابت 90.8 وجات عين شمس وبعدين انتى مجموعك معقول انشاء الله يجيب عين شمس

posyyy

18-07-2012, 03:59 PM

انا جبت 91.2 ادبي و جبت مجموع الالماني 48 و الانجليزي 45.5 و العربي 50 و مجموع اللغات كلها 143.5 كده ينفع الحق السن عين شمس ؟؟و ايه هي شروط القبول في السن عين شمس

El Alsunian

18-07-2012, 06:03 PM

انا جبت 91.2 ادبي و جبت مجموع الالماني 48 و الانجليزي 45.5 و العربي 50 و مجموع اللغات كلها 143.5 كده ينفع الحق السن عين شمس ؟؟و ايه هي شروط القبول في السن عين شمس

بصي هيا عادة السن عين شمس من ادبي بتاخد من 91 او 92 %
لو مالحقتيش السن عين شمس لا قدر الله ممكن تدخلي المنيا و تحولي عين شمس
عشان النطاق الجغرافي وكدا
بالنسبة للتنسيق اللغة الاولى انتي ليكي كدا تدخلي الماني لغة اولى
و السنة الي فاتت الانجليزي لغة اولى كان من 45 من درجة انجليزي الثانوية العامة
ف ممكن برضه تدخلي انجلش فرست لو تنسيق السنة دي زي السنة الي فاتت
و ربنا يوفقك ان شاء الله

El Alsunian

18-07-2012, 06:05 PM

الموضوع ده انا بصراحه عملتوا عشان عارف فى ناس كتيير عاوزه تعرف حاجات كتيير عن كليتنا
وانا كنت تايه زيكوا بالظبط فى الاول ومش فاهم اى حاجه بس الحمد لله الواحد فهم كل حاجه
ولازم نقولكوا الصح من الغلط ومش تقعوا فى الغلط اللى احنا وقعنا فيه ... انا سنه تانيه ألسن
قسم روسى :d اى حد عاوز يسأل اى سؤال تحت امره ..

بعذ اذنك طبعا يا مصطفى و عشان ده موضوعك,
انا معاك في السن تانية انجلش
و عاوز احاول اساعد الشباب الالسنجية الجداد على قد ماقدر في موضوعك هنا
ده بعد اذنك طبعا :)

eslam mohsen ali

18-07-2012, 06:27 PM

mustafa.sharf

18-07-2012, 08:43 PM

بعذ اذنك طبعا يا مصطفى و عشان ده موضوعك,
انا معاك في السن تانية انجلش
و عاوز احاول اساعد الشباب الالسنجية الجداد على قد ماقدر في موضوعك هنا
ده بعد اذنك طبعا :)

ولا يهمك يا صديقى المهم نقدر نوصلهم اللى هما عاوزينوا وشكرا ليك انت ..

mustafa.sharf

18-07-2012, 08:49 PM

السلام عليكم ..
انا جبيت السنة 93.2% وفى الانجليزى 43.5....وفى الفرنسوى 47.5....
وكنت اريد ادخل السن انجليزى وروسى هل ينفع ....
بالنسبة للدراسة فى الكلية هل هم يبدوا مع الطلاب بالبداية
وهل الدراسة سهلة ام صعبة
بالنسبة لالسن المنيا هل الاقسام ملهاش تنسيق داخلى

بص الانجليزى صعب اووى انك تدخله عمره ما خد من 43.5 قبل كدا وأول مره ياخود قليل
كان فى سنتى انا خد من 45 بس ممكن تدخل بالمجموع ده روسى فرست
بالنسبه للدراسه فى الكليه اللغات الجديده بيبدأ معاك من اول الابجديه زى الروسى كدا
اما اللغات التانيه مش ملزمين انهم يشرحولك البدايات زى الأنجلش الألمانى والايطالى
واللغات عامه اللى انت ممكن خدتها فى ثانوى مش بيبدأوا معاك من الاول بالنسبه للدراسه صعبه
او سهله دى .. تتوقف عليك انت ومدى حبك للغه اللى انت عاوزاها ومزاكرتك وكلوا بالمزاكره بيبقى سهل اهم حاجه تحب اللغه اللى انت داخلها وتحس بيها وعاوز اقولك حاجه كليه ألسن مش سهله خااااااااالص عشان تبقى فاهم عاوزه مزاكره يوم بيومه وحضور غير كدا مش متدخلهاش عشان مش هتستفاد حاجه .....
فى المنيا الاقسام كلها متاحه ليك من غير تنسيق داخلى بس مفيش لغات كتييره هناك
مفيش غير انجلش وفرنش وايطالى والمانى ولغه تانيه مش فاكرها بس هما دول اللى موجودين ... وربنا يوفقك

hunter kura

18-07-2012, 10:14 PM

hunter kura

18-07-2012, 10:18 PM

أة صح،و هو اللغة التانية بجد بتتكروت؟ انا اعرف ان التركيز عليها اقل بس ممكن نستفيد بيها بعد التخرج حتى لو ماكنتش انجليزى؟

eslam mohsen ali

19-07-2012, 03:11 AM

بص الانجليزى صعب اووى انك تدخله عمره ما خد من 43.5 قبل كدا وأول مره ياخود قليل
كان فى سنتى انا خد من 45 بس ممكن تدخل بالمجموع ده روسى فرست
بالنسبه للدراسه فى الكليه اللغات الجديده بيبدأ معاك من اول الابجديه زى الروسى كدا
اما اللغات التانيه مش ملزمين انهم يشرحولك البدايات زى الأنجلش الألمانى والايطالى
واللغات عامه اللى انت ممكن خدتها فى ثانوى مش بيبدأوا معاك من الاول بالنسبه للدراسه صعبه
او سهله دى .. تتوقف عليك انت ومدى حبك للغه اللى انت عاوزاها ومزاكرتك وكلوا بالمزاكره بيبقى سهل اهم حاجه تحب اللغه اللى انت داخلها وتحس بيها وعاوز اقولك حاجه كليه ألسن مش سهله خااااااااالص عشان تبقى فاهم عاوزه مزاكره يوم بيومه وحضور غير كدا مش متدخلهاش عشان مش هتستفاد حاجه .....
فى المنيا الاقسام كلها متاحه ليك من غير تنسيق داخلى بس مفيش لغات كتييره هناك
مفيش غير انجلش وفرنش وايطالى والمانى ولغه تانيه مش فاكرها بس هما دول اللى موجودين ... وربنا يوفقك

هل انت متاكد ان جامعة المنيا ليس لها تنسيق داخلى ؟

هى ايه افضل اللغات من حيث الشغل؟

Free Canary

19-07-2012, 05:55 AM

انا اتوقع انك تقريبا انشاء الله هتلحق ولو ملحقتش عين شمس لقدر الله هتلحق المنيا
اما اتوقع بالنسبه لعلمى هيرفعوا عليهم التنسيق جامد .. لكن ادبى هيبقى كويس

هايرفعوا لعلمي التنسيق ؟ طب اللي جايب 96,2 % علمي علوم هايكون موقفه ايه؟

Alaa teny

19-07-2012, 06:15 AM

شكرا على الموضوع الحلو!
اية اخبار السن يابانى و كورى؟من ناحية ملاحظتك او احتكاكك بطلبتها او الدكاترة،و انا اسمع انها بتاخد من مجاميع عالية فالانجليزى، انانقصت نص درجة فى الانجليزى (مجموع السنتين)و قفلت المستوى الرفيع الانجليزى،دا كفاية؟
شكــرا.
كورى ويابانى من افضل الاقسام فى الكليه وعدد الطلاب لا يزيد عن 25 ودى ميزه روعه وتنسيق القسمين يتراوح بين 49 الى 50 أنا عارفه ان السؤال مش موجه ليا بس حبيت افيد :)

أة صح،و هو اللغة التانية بجد بتتكروت؟ انا اعرف ان التركيز عليها اقل بس ممكن نستفيد بيها بعد التخرج حتى لو ماكنتش انجليزى؟
انا الصراحه فى قسم انجلش والدكاتره بيشرحو بضمير بس احنا الى مش بنحضر وحكايه انك تستفيد بيها ممممممم مش هتستفيد اوى لان اللغه التانيه مستواها مش عالى للدرجه الى تؤهلك انك تشتغل بيها لازم تنميها بكورسات

زهر السعاده

19-07-2012, 10:31 AM

امممم حضرتك انا جايبه 88 ألحقها؟؟؟
وعلمى علوم :(

m_hilal

19-07-2012, 01:23 PM

mustafa.sharf

20-07-2012, 03:28 AM

شكرا على الموضوع الحلو!
اية اخبار السن يابانى و كورى؟من ناحية ملاحظتك او احتكاكك بطلبتها او الدكاترة،و انا اسمع انها بتاخد من مجاميع عالية فالانجليزى، انانقصت نص درجة فى الانجليزى (مجموع السنتين)و قفلت المستوى الرفيع الانجليزى،دا كفاية؟
شكــرا.

ربنا يخليكى احنا تحت امرك.. وبالنسبه لقسم يابانى وكورى قسمين محترمين جداا وقسم يابانى يعتبر افضل قسم فى الكليه فى نظرى انا.. اولا لانه منفصل عن الكليه كلها بيبقى تحت اشراف السفاره اليابانيه اللى بتبقى يعتبر مشرفه عليه وليه منح دراسيه تكملى دراسه فى اليابان وبعد ما بتخلصى اصلا بتشتغلى ع طول وبيبقى عدده قليل جدا السنه اللى فاتت خد 10 بس وخاد من 49 فى الأنجلش وساعات تنسيقه بيبقى من 50 وقسم كورى بردوا قسم من الاقسام المحترمه والقليله فى العدد وصدقنى عن تجربه كل ما العدد بيبقى اقل كلما ما الاستفاده بتبقى اكتر والكورى واليابانى من احتكاكى بطلبتهم لغتين صعبين وعاوزين مزاكره جامد وبعدين بالنسبه لمجموعك انشاء الله تلحقى كورى او يابانى .. المستوى الرفيع ملهوش اى لزمه فى التنسيق اهم حاجه اللغه الاولى والتانيه

mustafa.sharf

20-07-2012, 03:38 AM

أة صح،و هو اللغة التانية بجد بتتكروت؟ انا اعرف ان التركيز عليها اقل بس ممكن نستفيد بيها بعد التخرج حتى لو ماكنتش انجليزى؟

اللغه التانيه بتتكروت من الطالب مش من الدكاتره علشان اكتر من سبب بتبقى محاضرتها فى أخر
اليوم وقليل اووى اللى بيحضرها ده بالنسبه للانجلش الناس بتقولك ده انجليزى بدل ما اقعد لحد الساعه 4 استنى المحاضره لا انا انفض وده انجليزى هبقى ازاكره اخر السنه وتيجى اخر السنه تزاكره وتتنفخ فى الامتحان انشاء الله زى ما حصل معانا السنه اللى فاتت وبعدين اللغه التانيه
عمرها ما بتبقى زى اللغه الاولى طبعا التركيز عليها بيبقى أقل فانت لو عاوز تاخود منى نصيحه
فى اللغه التانيه خود لغه مش بتدرس كلغه اولى فى الكليه وشغلها مطلوب وبجد هتستفيد كتييير فيها زى البولندى والبرتغالى اللغتين دول مطلوبين جدا جدا ومش بيدرسوا لغه اولى فى كليتنا وليهم منح كمان انا فى واحد صاحبى سافر بعد الامتحانات شهر لبولندا يدرس هناك ..
لو دخلت لغه منهم وطورتها بكورسات هتبقى بجد استفادت جامد .. بس المشكله فى ناس بتاخود لغه جديده زيى انا مثلا كنت واخد روسى لغه جديده اول مره اعرف عنها حاجه فلو كنت
خدت لغه تانيه جديده عليا بردوا فى ظل انى الروسى صعب جداا مكنتش هعرف أوفق ما بينهم
عشان كدا اخترت أنجلش وريحت دماغى والانجلش فى شهاده التخرج مطلوب جدا بردوا
الانجلش فى اى حته مهم وضرورى .. وربنا يوفقك

mustafa.sharf

20-07-2012, 03:43 AM

هل انت متاكد ان جامعة المنيا ليس لها تنسيق داخلى ؟

هى ايه افضل اللغات من حيث الشغل؟

أه متأكد بس مش فيها لغات كتير زى ألسن عين شمس
كل لغه وليها مجالها وعامه اللغات كلها مطلوبه اهم حاجه تتقنها صح انت

mustafa.sharf

20-07-2012, 03:46 AM

هايرفعوا لعلمي التنسيق ؟ طب اللي جايب 96,2 % علمي علوم هايكون موقفه ايه؟

بس اولا مجموعك ده يدخلك ألسن انشاء الله لا تقلق ... وبعدين من نظرى حرام عليك مجهودك دورلك ع كليه علميه احسن بمجموعك ده

mustafa.sharf

20-07-2012, 03:48 AM

امممم حضرتك انا جايبه 88 ألحقها؟؟؟
وعلمى علوم :(

لا صعب جدااا الصراحه ..

mustafa.sharf

20-07-2012, 03:56 AM

عايز اشكركم جدا على المجهوود الكبير ده و إنـ شاء الله بالنجااح و التوفيق

انا جايب المجموع الكلى 94.5 % و فى الانجليزى 43.5 و الالمـانى 47.5

انا عايز ادخل لغه متكونش منتشره و يكون عدد الطلبه فيها مش كبيير زى مثلا تركى او روسى او صينى او عبرى

هل ده متااح ولا لآ

ولو مثلا دخلت تركى هدرس معاه كام لغه تانيه و اللغه التانيه دى بإختيارى ولا بتبقى على حسب القسم

و كاام عدد المواد داخل القسم

و شكـرا .
:):)

العفو متقولش كدا ده اقل واجب نعملوا معاكوا ... اولا انت لو ادبى يبقى هتدخل الكليه وانت مستريح بمجموعك ده علمى بقى انت وظروفك فى التنسيق ..
اللغات اللى ممكن تبقى متاحه قدامك بمجموعك فى اللغات دى هما روسى تركى عبرى
ألمانى صينى وأقل الاقسام دى عددا هو العبرى ..الروسى والتركى عددهم كبيير مش قليل
والصينى الى حدا ما عدده كويس وبالنسبه للتركى بتدرس معاه فارسى ده اجبارى
ولغه تانيه انت بتختارها اى لغه انت عاوزها بتاخودها لغه تانيه وده بمزاجك انت
وبالنسبه للمواد بتزيد كل مدى بس انت فى اول سنه هتاخود فى الترم الاول حاجات بسيطه
زى استماع ومحادثه ونصوص وعربى ولغه تانيه ... والترم التانى بيزيد عليك مواد تانيه وفى سنه تانيه بتدرس الادب بتاع اللغه اللى انت واخدها وهكذا كل ماده العمليه بتوسع
ملحوظه / اللغه التانيه مش بتمتحنها الا اخر السنه ملهاش امتحان ترم اما باقى المواد كلها
ليها امتحان ترم

Amr 18

21-07-2012, 03:30 PM

يا جماعة انا كنت واخد الماني ف الثانوية العامة لو ان شاء الله لحقت السن ينفع ادخل فرست ايطالي او اسباني او روسي ولا لازم الماني بس

creative1

21-07-2012, 07:37 PM

يا جماعة انا كنت واخد الماني ف الثانوية العامة لو ان شاء الله لحقت السن ينفع ادخل فرست ايطالي او اسباني او روسي ولا لازم الماني بس

الايطالي والاسباني بيخدوا من الفرنش يعني كدا مش ليك دول
هيبقي ليك روسي انت جايب كام انجلش ؟
ولو انت عاوز تخش اسباني او ايطالي خدهم كلغه تانيه

Amr 18

22-07-2012, 12:10 AM

لا مجموعي ف الانجلييزى مش كبير خالص 42.5 هلحق ايه فرست ؟؟؟؟؟ روسي بس

creative1

22-07-2012, 12:59 AM

لا مجموعي ف الانجلييزى مش كبير خالص 42.5 هلحق ايه فرست ؟؟؟؟؟ روسي بس

هتلحق صيني روسي عبري تشيكي تركي مش عارف هتلحقو ولا ايه لانه هيزيد ع السنين اللى فاتت بس ابقا حطه كرغبه اولي لغه حلوه ومستقبله جامد ف الايام الجايه دي

mool_hassan

22-07-2012, 01:45 AM

creative1

22-07-2012, 04:19 AM

معلش بس انا عايزه اعرف هو لو انا عايزه ادخل قسم اسبانى لازم اكون واخده اسبانى كلغة تانية و الثانوية او لو حبيت اخد فرساوى و المانى لازم اكون خريجة مدرسة فرنساوى يعنى لازم تكون اللغة الأولى بتاعتى فى الثانوية فرنساوى ... كمان لو حبيت اخد صينى و انا جايبه فى تانية فى الأنجلش 24 ممكن ؟؟ شكرا

لو حضرتك دراسه فرنش ف الثانوي تقدري تخشي اسباني او ايطالي بيخدوا من 47ل 48.5 كدا يعني

لو عاوزه تدرسي فرنش يبقي لازم تكون متخرجه من مدرسه فرنش والالماني لازم تكوني درستيه ف الثانوي

حضرتك قولي مجموع الانحلش ف تانيه و تالته ولا انتى لسه راحه تالته مش فاهم ;) :rolleyes: بس عموما الصيني خد السنه اللى فاتت من 40 .. العفو

eslam mohsen ali

22-07-2012, 05:17 AM

السلام عليكم
ايه اللغات التى سوف تكون مطلوبه
لو انا اخذت روسى فرست ينفع أ خذ انجليزى لغة ثانية مع العلم انا حاصل على 43.5 فى الانجليزى

ايهما افضل فى الشغل (روسى ولا اسبانى ولا صينى)

Alaa teny

22-07-2012, 05:37 AM

السلام عليكم
ايه اللغات التى سوف تكون مطلوبه
لو انا اخذت روسى فرست ينفع أ خذ انجليزى لغة ثانية مع العلم انا حاصل على 43.5 فى الانجليزى

ايهما افضل (روسى ولا اسبانى ولا صينى)
علشان تدخل قسم روسي مش محتاج غير لدرجه الانجليزى
ومعلش ممكن توضح السؤال التانى (روسي- صينى -اسبانى) ايهما افضل من حيث ايه ؟؟

Alaa teny

22-07-2012, 05:49 AM

السلام عليكم
ايه اللغات التى سوف تكون مطلوبه
لو انا اخذت روسى فرست ينفع أ خذ انجليزى لغة ثانية مع العلم انا حاصل على 43.5 فى الانجليزى

ايهما افضل (روسى ولا اسبانى ولا صينى)
اللينك ده خاص باتحاد 2011 ادخله وخد فكره عامه
http://dl.dropbox.com/u/31123736/flipbook/EthadAlsun.html

eslam mohsen ali

22-07-2012, 05:59 AM

بالنسبة للدراسة فى كلية السن هل فى ملازم وفى مكاتب تبيع هذه الملازم او مذكرات ولو فى مكاتب اين هى؟

ا رجو الرد على هذا السؤال

Alaa teny

22-07-2012, 06:12 AM

بالنسبة للدراسة فى كلية السن هل فى ملازم وفى مكاتب تبيع هذه الملازم او مذكرات ولو فى مكاتب اين هى؟

ا رجو الرد على هذا السؤال

فى مكتب فرست امام باب حقوق وفى مول الزعفران ناحيه المترو هتلاقى مكتب السكريه وفى مكتبه اسمها الامل بس نصيحه لو بتفكر فى قسم المانى يبقى تنسي تماما موضوع الملازم ده الا قبل الامتحان لمجرد تاخد فكره

creative1

22-07-2012, 07:16 AM

السلام عليكم
ايه اللغات التى سوف تكون مطلوبه
لو انا اخذت روسى فرست ينفع أ خذ انجليزى لغة ثانية مع العلم انا حاصل على 43.5 فى الانجليزى

ايهما افضل فى الشغل (روسى ولا اسبانى ولا صينى)

وعليكم السلام
السكند مش ليه شروط بس نصيحه مش تخد سكند انجلش بيجي صعب ومش هتستفاد حاجه بس براحتك

بص الروسي شغله ف مصر سياحه اكتر من الترجمه
الاسباني ترجمه وسياحه
صييني ترجمه بس متوفر

بالنسبة للدراسة فى كلية السن هل فى ملازم وفى مكاتب تبيع هذه الملازم او مذكرات ولو فى مكاتب اين هى؟

ا رجو الرد على هذا السؤال

اه الدكاتره بتنزل ملازم وتحطها ف مكتبه فرست قدام حقوق او جمب المدينه الجامعيه بنين او هتلاقيها ف مركز الامل او السكريه ودول ف مول الزعفران وكل حاجه موجوده يعني مش تقلق

nanogimy

22-07-2012, 12:43 PM

السلام عليكم
يا ريت حد يساعدنى ويرد عليا انا هستنى ردكو بجد على نار
انا جبت 21 فى الانجليزى سنة ثانية ثانوى ونفسى ادخل السن قسم يابانى او كورى ومش عارفة اعمل ايه عشان احسن درجة الانجليزى دى يعنى لو شديت على نفسى شوية وجبت فى ثالثة ثانوى 24.5 كده برده هبقة ناقصة 4 درجات ومش هينفع عايزة بقة اسئلكو اذا دخلت مستوى رفيع انجليزى وجبت 9 كده ممكن الحق يابانى او كورى ارجوكو ردو عليا هل المستوى الرفيع لى علاقة بدرجة الانجليزى يعنى ممكن يحسنها وانا اسفة على التطويل بس راعو ظروفى
مع العلم انى جايبة فى الالمانى 48

Ahmed Asko

22-07-2012, 01:09 PM

يا شباب انا جايب فى الانجليش 38 والالمانى 46 ايه الأقسام المتاحة ليا

Alan Tate

22-07-2012, 01:22 PM

لو سمحت عندي استفسار .. انا جايب في الانجليزي 46 و اخدت مستوى رفيع انجلش و جبت فيه 8 و مجموعي يعدي التسعين .. هل ممكن الحق السن عين شمس .. و لو ملحقتهاش و لبست في المنيا .. اعمل ايه عشان احول عين شمس ؟

eljocker

22-07-2012, 03:02 PM

المدينه الجامعيه يا جماعه عامله اييه؟؟ كل حاجه ليها وعليها لو سمحتوا؟

creative1

22-07-2012, 08:11 PM

creative1

22-07-2012, 08:30 PM

يا شباب انا جايب فى الانجليش 38 والالمانى 46 ايه الأقسام المتاحة ليا

الماني عبري تشيكي فارسي تركي مش عارفه ايه نظامه بس هوا خد السنه اللى فاتت من 37 ومعتقدش هيخد من كدا السنادي هيزيد

nanogimy

23-07-2012, 01:27 PM

شكرا creative 1 على الرد ومش مشكلة المهم انى عرفت

creative1

24-07-2012, 01:48 AM

شكرا creative 1 على الرد ومش مشكلة المهم انى عرفت

العفو وبالتوفيق

eslam mohsen ali

24-07-2012, 02:48 AM

ايه مجالات عمل كلية السن؟
ايهما افضل كلية السن اما تجارة e

creative1

24-07-2012, 04:25 AM

ايه مجالات عمل كلية السن؟
ايهما افضل كلية السن اما تجارة e

مجالاتها ... مترجم مرشد صحفي مدرس
بصراحه مش عارف انهي الافضل بس كالسن حلوه تجاره انجلش حلوه بردو شوف انتى حابب ايه وادخله

eslam mohsen ali

24-07-2012, 04:28 AM

مجالاتها ... مترجم مرشد صحفي مدرس
بصراحه مش عارف انهي الافضل بس كالسن حلوه تجاره انجلش حلوه بردو شوف انتى حابب ايه وادخله

كيف من السن صحفى

mustafa.sharf

24-07-2012, 05:23 AM

ايه مجالات عمل كلية السن؟
ايهما افضل كلية السن اما تجارة e

لو مجموع لغاتك يؤهلك انك تدخل لغات كويسه فى ألسن .. ادخل ألسن غير كدا توكل ع الله وادخل تجاره أنجلش

creative1

24-07-2012, 05:57 AM

كيف من السن صحفى

انت بتدرس ف الكليه ف ماده العربي ماده مقال علشان اللى عاوز يطلع صحفي وكدا يعني

mustafa.sharf

24-07-2012, 07:59 PM

انت بتدرس ف الكليه ف ماده العربي ماده مقال علشان اللى عاوز يطلع صحفي وكدا يعني

هو مش صحفى بمعنى الكلمه انت اللى العربى اللى بتدرسه ده عشان ينمى افكارك ويرفع من اسلوبك فى الترجمه ويخليك تترجم بشكل كويس وبلغه عربيه فصحه بس مش هتطلع صحفى يعنى انت ممكن تشتغل فى جرنال او مجله كمترجم مش صحفى واهو بردوا اسمك شغال فى مجال الصحافه

" أحبك ربى "

24-07-2012, 08:36 PM

طيب لو سمحت انا ناقصة فى الالمانى درجة والانجلش اربع درجات
ايه اللغات المتاحة ليا فى ألسن ؟؟

creative1

24-07-2012, 08:57 PM

هو مش صحفى بمعنى الكلمه انت اللى العربى اللى بتدرسه ده عشان ينمى افكارك ويرفع من اسلوبك فى الترجمه ويخليك تترجم بشكل كويس وبلغه عربيه فصحه بس مش هتطلع صحفى يعنى انت ممكن تشتغل فى جرنال او مجله كمترجم مش صحفى واهو بردوا اسمك شغال فى مجال الصحافه

تمام يا مصطفي

طيب لو سمحت انا ناقصة فى الالمانى درجة والانجلش اربع درجات
ايه اللغات المتاحة ليا فى ألسن ؟؟

هيبقي ليكي الماني وروسي وعبري وتشيكي وتركي وصيني وانجلش كان واخد السنه اللى فاتت من 46 بس صعب دراسته ف الكليه
مش ليكي اسباني ولا ايطالي علشان دول بيخدوا من درجه الفرنش

eslam mohsen ali

25-07-2012, 04:28 AM

mustafa.sharf

25-07-2012, 07:12 AM

السلام عليكم
هى اللغة الروسية والصينية صعبة اوى ؟
من فضلك لاتقول مدى حبك للغة لانى عمرى مادراستها

ولو انا اريد ادخل صينى او روسى المفروض اكون جايب كام فى الانجليزى ؟

لو انا اخذت كورسات فى الصينى او فى الروسى هل هذا سوف يفيدنى ؟

بس يا سيدى الفاضل اللغتين دول صعبين جداا بس كل واحده صعبه فى حاجه الروسى صعب ف كلامه انك تتكلم بيه عشان فى حالات اعرابيه وشواذ وافعال كامله ونافصه وموال ازرق طوييل لكن ف كتابته عادى فى منه من الانجلش كتيير .. اما الصينى سهل فى كلامه بس صعب جدااا فى كتابته كلوا رموز ورموزه كتيير جدا ... والروسى شغله معظمه سياحه يعنى بتحتاج الكلام اكتر من الكتابه اللى هى صعبه .. اما الصينى شغله معظمه ترجمه يعنى بتحتاج الكتابه اللى اصعب من الكلام :d .... يارب تكون فهمت حاجه و ع العموم كلوا بالمزاكره بيبقى سهل

السنه اللى فاتت الروسى خد من 42 والصينى من 40 الوتنسيق بيتغيير كل سنه محدش عارف هياخود من كام السنه دى ..

بص يا صديقى انت لو دخلت صينى او روسى وعرفت تلاحق ع اللى هتاخدوا من الدكاتره اصلا ابقى فكر فى الكورسات ...

eslam mohsen ali

25-07-2012, 07:43 AM

السلام عليكم
بالنسبة للغة الايطالية هل يبدأ من الاول مع العلم انا كنت فرنش ويقبل من كام من الفرنش؟

Mony w bas

25-07-2012, 03:07 PM

السلام عليكم عاوزه بس اعرف حاجه لو سمحتم دا من فضلكم يعنى بالنسبه للمدينه الجامعيه لكلية السن انا سمعت انها مش قريبه من الجامعه واننا نركب مواصلالات هل الكلام دا صحيح ويارررررررررريت حد يقولى والنيى ضرورى
وحاججه تانيه معلش دلوئتى انا محتاره اكتب تانى رغبه السن ولا اعلام انا كتباها السن فى ناس تقولى اكتبيها اعلام فعاوزه اشوف بس لو المدينه بتاعت السن بهدله كدا بلاش منها واكتب تانى رغبه اعلام احسن

eslam mohsen ali

25-07-2012, 04:37 PM

السلام عليكم
هل ينفع ان احول من قسم الى قسم اخر فى كلية السن؟

ارجو الاجابة

Ahmed Asko

25-07-2012, 05:30 PM

طب ايه الأقسام الى مستقبلها حلو فى السن

mustafa.sharf

25-07-2012, 06:06 PM

السلام عليكم
بالنسبة للغة الايطالية هل يبدأ من الاول مع العلم انا كنت فرنش ويقبل من كام من الفرنش؟

بيراعوا انى ف ناس كانت فرنش وبيبدأوا من الاول بس مش بيطولوا فى الاساسيات يعنى

mustafa.sharf

25-07-2012, 06:08 PM

mustafa.sharf

25-07-2012, 06:10 PM

السلام عليكم
هل ينفع ان احول من قسم الى قسم اخر فى كلية السن؟

ارجو الاجابة

ينفع بس لمده اسبوع بس اللى هو اول اسبوع ليك فى الكليه غير كدا خلاص مينفعش
عاوز تحول بقى تستنى السنه الجايه وتعيد السنه وتحول اما اللغه التانيه أدام لسه مطلعتش الكارنيه ينفع تغيرها فى اى وقت

mustafa.sharf

25-07-2012, 06:11 PM

طب ايه الأقسام الى مستقبلها حلو فى السن

الاقسام كلها مستقبلها حلو الاقسام كلها مطلوبه وكل لغه ليها مجال شغلها اهم حاجه اتقانك انت للغه

Amr 18

25-07-2012, 08:10 PM

المانى وصينى وتركى وتشيكى وروسي وعبري ويابانى وكورى وفارسي ولغات افريقيه
لو هختار من دول اختار انهي يعني ايه صعوبات ومميزات وكمان مجال العمل ف كل منهم

creative1

25-07-2012, 08:59 PM

ينفع بس لمده اسبوع بس اللى هو اول اسبوع ليك فى الكليه غير كدا خلاص مينفعش
عاوز تحول بقى تستنى السنه الجايه وتعيد السنه وتحول اما اللغه التانيه أدام لسه مطلعتش الكارنيه ينفع تغيرها فى اى وقت
بقيت اسبوعين للاولي وشهرين للسكند يا مصطفي :)

السلام عليكم
هل ينفع ان احول من قسم الى قسم اخر فى كلية السن؟

ارجو الاجابة

ايوه ينفع والحمد لله السنادي هيكون قدامك اسبوعين علشان تحول اللغه الاولي وشهرين علشان تحول اللغه التانيه القرار دا نزل امبارح لسه

creative1

25-07-2012, 09:56 PM

المانى وصينى وتركى وتشيكى وروسي وعبري ويابانى وكورى وفارسي ولغات افريقيه
لو هختار من دول اختار انهي يعني ايه صعوبات ومميزات وكمان مجال العمل ف كل منهم

لو ليك ياباني او كوري خش اي حاجه فيهم وش والاحسن ياباني
الماني كويس جدا بس صعب دراسته ف الكليه
صيني تركي حلوين اوي ومجالهم ف الترجمه اكتر من السياحه
روسي سياحه اكتر من الترجمه
عبري ترجمه
لغات افريقيه دا سكند
فارسي بيتخد مع التركي
بالتوفيق :)

Amr 18

26-07-2012, 06:59 AM

Alaa teny

26-07-2012, 08:13 AM

شكــــــــــــرا جدا للعضو creative1 اللي تعبينو معانا جدا ف الاسئلة والاستفسارات
انا كتبت الرغبات السبت اللي فات وكتبت السن اول رغبة واحب اعرف امتي هعرف اني اتقبلت ف الكلية او يعني امتي هتظهر نتيجة التنسيق وكمان حابب اعرف امتي هتبدأ الدراسة في الكلية بس يارب الحقها يـــــــــــــــــــــــــــــارب
نتيجه التنسيق فى اول او نص 8
والدراسه فى الكليه على شهر 10 ان شاء الله بيما انك من سنه اولى فأول اسبوع مش بيكون فى دراسه لان جدولكم لسه مش بيكون نزل
ولو تقصد التقديم للكليه فبيكون بعد ان تقبل فى الكليه بحوالى أسبوع او اتنين

creative1

26-07-2012, 10:07 AM

شكــــــــــــرا جدا للعضو creative1 اللي تعبينو معانا جدا ف الاسئلة والاستفسارات
انا كتبت الرغبات السبت اللي فات وكتبت السن اول رغبة واحب اعرف امتي هعرف اني اتقبلت ف الكلية او يعني امتي هتظهر نتيجة التنسيق وكمان حابب اعرف امتي هتبدأ الدراسة في الكلية بس يارب الحقها يـــــــــــــــــــــــــــــارب

العفو احنا تحت أمركوا :)

نتيجه التنسيق فى اول او نص 8
والدراسه فى الكليه على شهر 10 ان شاء الله بيما انك من سنه اولى فأول اسبوع مش بيكون فى دراسه لان جدولكم لسه مش بيكون نزل
ولو تقصد التقديم للكليه فبيكون بعد ان تقبل فى الكليه بحوالى أسبوع او اتنين

لا يا الاء اعتقد النتيجه هتبان بكره مش هوا مرحله اولي ولا ايه لو انا غلط وضحيلي بعد اذنك

الدراسه زي مقولتي ف 10 حكايه الجدول هوا اول اسبوع يعتبر مشي حالك كدا بس ف دكاتره بتخش تشرح وبتدي حاجات

Alsunian1

26-07-2012, 10:12 AM

ياجماعة انا سمعت انة ألسن هتاخد من 94
هو الكلام دا بجد ولا اية
معقولة تزيد 3% مرة واحدة

Alaa teny

26-07-2012, 06:23 PM

لا يا الاء اعتقد النتيجه هتبان بكره مش هوا مرحله اولي ولا ايه لو انا غلط وضحيلي بعد اذنك

الدراسه زي مقولتي ف 10 حكايه الجدول هوا اول اسبوع يعتبر مشي حالك كدا بس ف دكاتره بتخش تشرح وبتدي حاجات[/quote]
لا صح انا سمعت انها هتكون يوم الاحد بس لو طولت اوووى اخيرها شهر 8
وبالنسبه للدراسه الدكاتره الى بتشرح مش بيكونو كتير ومش بيشرحو حاجه اساسيه فى المنهج بس هو ممكن يروح علشان يتعرف على زميله وياخد على جو الكليه

Alaa teny

26-07-2012, 06:27 PM

ياجماعة انا سمعت انة ألسن هتاخد من 94
هو الكلام دا بجد ولا اية
معقولة تزيد 3% مرة واحدة
لا لا لا اعتقد اخرها 92 ولو زادت اوى يبقى 92 وحاجه من عشره ان شاء الله خير تفاؤلى ^_^:d

Amr 18

26-07-2012, 06:43 PM

ياجماعة انا سمعت انة ألسن هتاخد من 94
هو الكلام دا بجد ولا اية
معقولة تزيد 3% مرة واحدة

لالا هو اللي اكيد انها هتزيد فعلا لكن مفتكرش توصل ل 94 خالص ان شاء الله

creative1

26-07-2012, 08:06 PM

ياجماعة انا سمعت انة ألسن هتاخد من 94
هو الكلام دا بجد ولا اية
معقولة تزيد 3% مرة واحدة

ممممم معتقدش انها تزيد مره واحده كام بس يارب تخد اقل من كدا وان شاء الله خير

لا صح انا سمعت انها هتكون يوم الاحد بس لو طولت اوووى اخيرها شهر 8
وبالنسبه للدراسه الدكاتره الى بتشرح مش بيكونو كتير ومش بيشرحو حاجه اساسيه فى المنهج بس هو ممكن يروح علشان يتعرف على زميله وياخد على جو الكليه

تمام

" أحبك ربى "

26-07-2012, 09:44 PM

طب لو سمحت ايه نظام التركى بالظبط يعنى كلغة دراستها كويسة وكتابتها وكده معلش بقه تعبينك معانا

mustafa.sharf

27-07-2012, 03:12 AM

طب لو سمحت ايه نظام التركى بالظبط يعنى كلغة دراستها كويسة وكتابتها وكده معلش بقه تعبينك معانا

تركى بتدرسى معاها فارسى اجبارى والفارسى ده مش لغه تانيه ولا حاجه لا ده تبع التركى
والتركى كتابته زى الانجلش عادى مفيش جديد ولغه كويسه ومش صعبه ولا حاجه ومستقبلها كويس جدا اليومين دول بس قسم تركى مظلوم اووى عشان الاقبال عليه السنه اللى فاتت كان كتيير اول سنه يحصل كدا وبياخدوا محاضرتهم فى الجراج تحت بس ربنا يسهل السنه الجايه ..

mustafa.sharf

27-07-2012, 03:35 AM

ياجماعة انا سمعت انة ألسن هتاخد من 94
هو الكلام دا بجد ولا اية
معقولة تزيد 3% مرة واحدة

ألسن بتتراوح من 92 ل94 و ع حسب التنسيق والدرجات والاقبال عليها درجتها بتترفع
واحتمال تاخود من 94 ليه لا ... بس مظنش خالص عشان كليتنا لسه اصلا داخله موضوع جوده
ولسه شهاده ألسن شهاده مش معتمده وحورات كدا كتيير وربنا يسهل

eslam mohsen ali

27-07-2012, 05:03 AM

ألسن بتتراوح من 92 ل94 و ع حسب التنسيق والدرجات والاقبال عليها درجتها بتترفع
واحتمال تاخود من 94 ليه لا ... بس مظنش خالص عشان كليتنا لسه اصلا داخله موضوع جوده
ولسه شهاده ألسن شهاده مش معتمده وحورات كدا كتيير وربنا يسهل
يعنى ايه شهادة السن غير معتمدة

وكيف تكون الدراسة فى الكلية؟

mustafa.sharf

27-07-2012, 09:12 AM

يعنى ايه شهادة السن غير معتمدة

وكيف تكون الدراسة فى الكلية؟

يعنى مش معتمده بره مصر انك تشتغل بيها
كيف تكون الدراسه دى بتدرس اللغه بادابها بفروعها بتدرس اللغه من الألف للياء بتتخرج
مؤهل وفاهم اللغه بشكل كويس

eslam mohsen ali

27-07-2012, 10:20 AM

السلام عليكم
كيف أذاكر فى الكلية ماهى مصادر المذاكرة؟ علشان انا سمعت ان الدكتور مابيشرح

معلش لو انا طولت عليك فى الاسئلة

mustafa.sharf

27-07-2012, 07:29 PM

السلام عليكم
كيف أذاكر فى الكلية ماهى مصادر المذاكرة؟ علشان انا سمعت ان الدكتور مابيشرح

معلش لو انا طولت عليك فى الاسئلة

لا انت سمعت غلط حضرتك بتزاكر من ورق الدكتور اللى بتاخدوا او اللى بيسبهلكوا فى مكتبه معينه وبتزاكر كل ماده سواء كانت ترجمه او نصوص او استماع ومحادثه أنك تسمع كتيير وتدرب نفسك ع الكلام .. ومتقلقش المصادر اللى هتزاكر منها مريحه ومتوافره ومش غاليه خالص كلها تصوير بس مفيش كتب بتشتريها الا فى العربى بس ..

ولا يهمك تحت أمرك ..

" أحبك ربى "

29-07-2012, 01:33 AM

والألسن 91.3%

لو سمحت منتشرة اوى النسبة دى طب يا ترى دى للمنيا ولا عين شمس ؟؟؟

creative1

29-07-2012, 02:54 AM

والألسن 91.3%

لو سمحت منتشرة اوى النسبة دى طب يا ترى دى للمنيا ولا عين شمس ؟؟؟

مممم مش عارف بس اللى اقدر اقوله السن كانت واخده من 91.3% السنه اللى فاتت فمش عارف ومحدش يمشي ورا توقعات لان كل دي لاهتجيب ولا هتقدم والقرار النهائي بكره ان شاء الله
اتمني كل واحد بيتمني كليه تجيله وبالتوفيق ليكم ان شاء الله

Amr 18

29-07-2012, 01:27 PM

حد ادني 2012
السن عين شمس 93.5
السن المنيا 92.6
جت لي المنيا (: بس ادعو اي احول عين شمس انا ساكن ف القاهرة ):

الـشـيـمـ ء ـا

29-07-2012, 02:12 PM

انا جايبه فى الانجليزى 44.5
و الفرنساوى 49.5
متاح ليا ادخل اقسام ايه
و ايه هى كل اقسام الكلية
وبتذاكروا ازاى ؟؟

m m m

29-07-2012, 02:21 PM

لو سمحت انا جالى ألسن المنيا و عاوز احول عين شمس بس فرقت معايا ع 0.2 ينفع ولا لأ ؟؟

creative1

29-07-2012, 07:18 PM

حد ادني 2012
السن عين شمس 93.5
السن المنيا 92.6
جت لي المنيا (: بس ادعو اي احول عين شمس انا ساكن ف القاهرة ):

ربنا معاك يا عمر بس اللى اعرفه ع التحولي انك بتقعد سنه ف المنيا فالله اعلم ويارب تيجي عين شمس وتنورها كدا

انا جايبه فى الانجليزى 44.5
و الفرنساوى 49.5
متاح ليا ادخل اقسام ايه
و ايه هى كل اقسام الكلية
وبتذاكروا ازاى ؟؟

الف مبروك
ع حسب درجات الانجلش
صيني روسي تشيكي عبري تركي ( مش عارف التركي هيبقي ايه نظامه السنادي)
الفرنش : اسباني وايطالي
يتذاكروا اازي ع حسب كل لغه اهم حاجه تركزي ف اللغه بس الى ناويه تدرسيها وبالتوفيق

لو سمحت انا جالى ألسن المنيا و عاوز احول عين شمس بس فرقت معايا ع 0.2 ينفع ولا لأ ؟؟
حكايه التحويل اللى اعرفه انك بتقعد سنه هناك اسأل وشوف النظام ايه الوقتي وربنا معاكو

m_hilal

29-07-2012, 07:35 PM

الـسلام عليكمـ و رحمه الله و بـركاته

انا جالى الـسن الحمد لله .

الانجليزى :- 43.5
المـانى :- 47.5

ايه الـلغات المـتاحه قـدامى و اللغات التـانيه كـمان .
و شكـرا .

Ahmed Asko

29-07-2012, 07:59 PM

السن خدت من كام السنادى يا جدعان

creative1

29-07-2012, 08:01 PM

الـسلام عليكمـ و رحمه الله و بـركاته

انا جالى الـسن الحمد لله .

الانجليزى :- 43.5
المـانى :- 47.5

ايه الـلغات المـتاحه قـدامى و اللغات التـانيه كـمان .
و شكـرا .

وعليكم السلام

صيني عبري تشيكي تركي الماني

اللغه التانيه كله متاحه الاسهل اسباني ايطالي

creative1

29-07-2012, 08:17 PM

السن خدت من كام السنادى يا جدعان

علمى 96.7 وادبى 93.5

waleed Dahy

29-07-2012, 09:46 PM

ألسن عين شمس
إنجليزى 46.5 درجة
فرنسى 50
إيه اللغات المتاحة علما بأنى أرغب فى إنجليزى

its_moustafa

30-07-2012, 02:14 AM

mustafa.sharf

30-07-2012, 02:34 AM

ألسن عين شمس
إنجليزى 46.5 درجة
فرنسى 50
إيه اللغات المتاحة علما بأنى أرغب فى إنجليزى

ألف مبروك يا صديقى ... انت انشاء الله ليك أنجلش كدا

وليك ايطالى اسبانى تركى روسى تشيكى عبرى
ولو الكورى خاد من 47 ممكن تعمل ألتماس وتاخود
كورى بس هتاخود السكند افريقى اجبارى

mustafa.sharf

30-07-2012, 02:36 AM

لو سمحت انا عايز اسئل عن المانى و الروسى

انا جايب فى الانجلش 43 و الايطالى 47 فهل ممكن انى التحق بيهم علشان فى ناس بتقول لن بخصوص قسم الالمانى كان لازم انى اكون واخد المانى و لو كدة بجد بالنسبة للروسى ايه متطلباته

قسم ألمانى لو كنت واخد ألمانى بتدخله عادى من غير شروط لكن لو واخد فرنش بيبقى ليه
درجه محدده فى الفرنش بس انت واخد ايطالى مينفعلكش ألمانى للاسف .. الروسى متطلباته
انك تكون جايب فى درجه الانجلش 42 وده ع حسب تنسيق السنه اللى فاتت وهو مش بيزيد
عن 43 الروسى ... ولو سألتنى اقولك ارشحلك ايطالى افضل ..

mustafa.sharf

30-07-2012, 02:38 AM

بالنسبه للتنسيق الله اعلم ممكن يتغير تماما السنه دى .. فانت اكتب رغباتك ولو جاتلك لغه مش عاوزه
فى ايدك تغيرها بعد ما بينزل تنسيق اللغات كلها .. وبالنسبه لالسن المنيا مفيش تنسيق للغات هناك
وبتختار اى لغه هناك ولو عاوز تحول لازم تجيب تقدير اول سنه وبعد كدا بتحول عين شمس

its_moustafa

30-07-2012, 02:39 AM

بس الايطالى لغة متوفرة جامد انا عايز لغة الاقبال عليها قليل فا على كلامك ده انا كدة روسى مضمون ولا لأ ؟

mustafa.sharf

30-07-2012, 02:45 AM

لاوراق المطلوبة للتقديم لكلية الألسن خاص بطلبة الدفعة الجديدة
_ 6 صور شخصية
_ شهادة الميلاد كمبيوتر اصل وصورة
_ بطاقة الترشيح
_مصاريف الكلية
_ استمارة 2 جند للبنين فقط

mustafa.sharf

30-07-2012, 02:47 AM

بالنسبه لألسن المنيا كمان كام يوم كدا هيفتحوا باب تقليل الاغتراب ادخلوا واكتبوا السن عين شمس وانشاء الله تيجوا عين شمس

mustafa.sharf

30-07-2012, 02:49 AM

بس الايطالى لغة متوفرة جامد انا عايز لغة الاقبال عليها قليل فا على كلامك ده انا كدة روسى مضمون ولا لأ ؟

بص روسى حلو مش وحش انا روسى بس اللغه الروسيه مجالها سياحه بس لكن الايطالى سياحه وترجمه ومطلوبه .. وبعدين الروسى صعب جداا وعاوز مجهود .. فانت اللى يريحك
وحاجه تانيه الروس فقرا جدااااااا عشان تبقى واخد بالك

انا روسى بس كان نفسى ادخل ايطالى بس مجموع الفرنش مش ساعدنى

its_moustafa

30-07-2012, 02:54 AM

لاوراق المطلوبة للتقديم لكلية الألسن خاص بطلبة الدفعة الجديدة
_ 6 صور شخصية
_ شهادة الميلاد كمبيوتر اصل وصورة
_ بطاقة الترشيح
_مصاريف الكلية
_ استمارة 2 جند للبنين فقط

اولا شكرا للاجابة على سؤالى و عايز اسئلك عن بطاقة الترشيح دى ؟؟ اوعى تقول اللى كان المفروض اعملها طباعة دى فى التنسيق !!!! انا مطبعتهاش

و شكرا ليك و اسف للتطويل

mustafa.sharf

30-07-2012, 03:01 AM

ادخول شوف تنسيقك تانى .. وهى دى بطاقه الترشيح او جواب الترشيح .. اللى مكتوبلك فيه الكليه

ولا يهمك تحت أمرك

its_moustafa

30-07-2012, 03:05 AM

مانا بخش اكتب رقم الجلوس يقولى هذا الرقم غير صحيح فى اظهار النتيجة ممكن تبان لى و انا بحول ؟

its_moustafa

30-07-2012, 03:08 AM

tamam tamam asly kont using firefox . ALF ALF ALF ALF Shokr leek

its_moustafa

30-07-2012, 03:14 AM

معلش بقى انتا مننا و علينا :d

بص انا اطبع البطاقة دى ولا بعد ما احول اصل انا المنيا و لسة هحول عين شمس !

Amr 18

30-07-2012, 03:38 AM

ربنا يسهل ونقدر نحول كل ال جاله المنيا ان شاء الله يقدر يحول وانا معاهم يارب
بس بصراحة رفعت جاااامد جداااااا السن عين شمس السنة دى 93.5 درجة عالية بصراحة

Amr 18

30-07-2012, 03:40 AM

مانا بخش اكتب رقم الجلوس يقولى هذا الرقم غير صحيح فى اظهار النتيجة ممكن تبان لى و انا بحول ؟

ادخل من انترنت اكسبلورار يا مصطفي وربنا يوفقك

Amr 18

30-07-2012, 03:45 AM

ربنا معاك يا عمر بس اللى اعرفه ع التحولي انك بتقعد سنه ف المنيا فالله اعلم ويارب تيجي عين شمس وتنورها كدا

ربنا يخليك وربنا يسمع منك واحول عين شمس ان شاء الله بس عشان سكني واهلي مش عشان انورها عشان هي منورة بيكو

abanop maher

30-07-2012, 03:54 AM

طيب انا السن المنيا عايزك تقولى اية احسن اللغات و ياترى اروح اقدم الورق امتى و علشان المدينة الجامعية

mustafa.sharf

30-07-2012, 05:57 AM

معلش بقى انتا مننا و علينا :d

بص انا اطبع البطاقة دى ولا بعد ما احول اصل انا المنيا و لسة هحول عين شمس !

متطبعش حاجه دلوقتى الا ينزل تقليل الاغتراب وتشوف ايه اللى هيجيلك فيه
والنتيجه بتاعت تقليل الاغتراب هى اللى تطبعها سواء جالك عين شمس او المنيا

mustafa.sharf

30-07-2012, 05:59 AM

طيب انا السن المنيا عايزك تقولى اية احسن اللغات و ياترى اروح اقدم الورق امتى و علشان المدينة الجامعية

هو احتمال كبيير يكون التقديم بعد العيد ... بس انصحك انك تختار فرنش لو هتروح المنيا
لو حولت بعد سنه وجيت عين شمس هتعرف يعنى ايه قسم فرنش فى عين شمس
وعندك ايطالى جميل بردوا والمانى هناك براحتك

waleed Dahy

30-07-2012, 09:50 AM

Amr 18

30-07-2012, 01:57 PM

انا روحت الكلية النهاردة عشان اسأل علي التقديم والتحويل اصل انا جالي المنيا وعاوز احول عين شمس
قالولي اطبع بطاقة الترشيح بتاعة المنيا احتياطي وبعدين املي استمارة التحويل (اللي انا معرفش هتبان امتي ) ولو جالك عين شمس ابقا اطبعها بعدين وعاوز اعرف هي بطاقة الترشيح هتفضل موجودة لغاية امتي ع النت

mustafa.sharf

30-07-2012, 03:50 PM

أخ مصطفى : صباح الخير
أنا مش خريج مدارس لغات بل مدارس عادية جيبت فى الإنجليزى 46.5 وإن شاء الله عايز أدخل إنجليزى بس أنا ملقيتش واحد بيقول عليه كلمة حلوة ...... وأنا بصراحة إتعقدت من أولها ....... أنا لو مدخلتش إنجليزى يبقى مش هستمر فى الكلية. عايز أعرف إيه يعنى وجه الصعوبة فيه؟ لو على المذاكرة والحضور أنا عندى إستعداد .... إيه تانى ممكن يبقى صعب عليا ؟؟؟؟ أرجو أن تجاوبنى بالتفيل لو سمحت

صباح النور يا صديقى ... قسم أنجلش كل اللى محتاجه فقط طالب يكون مستواه فى الانجلش
كويس جداا وبيعرف يسمع كويس ويتكلم كويس عشان محاضراتك بتبقى 100% من اول دقيقه لاخر دقيقه أنجلش فقط مفيش عربى غير ان قسم انجلش لو انت بتحب الانجلش وبتزاكر هتستمتع بيه اوووى وبأدبه بالذات انك هتدرس ادب شكسبير وغيره من الادباء العالميين
بس اقولك بقى الوحش فى القسم .. الدكاتره رخميين والامتحانات بتاعته بتيجى صعبه
وتقديراته مش قد كدا دى سلبياته .. وانت بمجموعك ده يجيلك أنجلش انشاء الله وربنا يوفقك

lovelydream

30-07-2012, 09:05 PM

mustafa.sharf

31-07-2012, 02:51 AM

مصطفي انا عاوزة قسم صيني
ايه رأيك فيه ؟
انا درجتي فيه 48 ممكن الحقه ؟
و ليه مستقبل كويس ولا لا ؟
انا كنت مدرسة فرنساوي راهبات و بتكلمه كويس و بتكلم انجليش برضو
يعني عندي استعداد للغات من زمان

الصينى كويس جدااا فى شغله فى الترجمه والسياحه خاصه السياحه الثقافيه
بس الصينى بياخد من درجه الأنجلش وتنسيقه السنه اللى فاتت كان من 40
وعاده مش بيزيد عن ال45 .. بس الصينى صعب جداا ورموزه كتيييره وعاوز مجهود
ومزاكره وحضور من أول السنه .. بس لغه مستقبلها كويس ..

lovelydream

31-07-2012, 03:10 AM

الصينى كويس جدااا فى شغله فى الترجمه والسياحه خاصه السياحه الثقافيه
بس الصينى بياخد من درجه الأنجلش وتنسيقه السنه اللى فاتت كان من 40
وعاده مش بيزيد عن ال45 .. بس الصينى صعب جداا ورموزه كتيييره وعاوز مجهود
ومزاكره وحضور من أول السنه .. بس لغه مستقبلها كويس ..

بس امشي فيه مش مستحيل يعني ولا ايه ؟
و بعدين مضمونة حتة الشغل دي
خايفة اوي بعد التعب فيه و كورسات و بتاع اتخرج اقعد في البيت
انا جايبة 48 في الانجليش عامة

eslam mohsen ali

31-07-2012, 03:36 AM

هو احتمال كبيير يكون التقديم بعد العيد ... بس انصحك انك تختار فرنش لو هتروح المنيا
لو حولت بعد سنه وجيت عين شمس هتعرف يعنى ايه قسم فرنش فى عين شمس
وعندك ايطالى جميل بردوا والمانى هناك براحتك
[size="6"][/sizeهى السن المنيا ليه تنسيق داخلى ام لا

mustafa.sharf

31-07-2012, 03:48 AM

[size="6"][/sizeهى السن المنيا ليه تنسيق داخلى ام لا

no )).................

eslam mohsen ali

31-07-2012, 03:49 AM

thank you very much

mustafa.sharf

31-07-2012, 03:50 AM

بس امشي فيه مش مستحيل يعني ولا ايه ؟
و بعدين مضمونة حتة الشغل دي
خايفة اوي بعد التعب فيه و كورسات و بتاع اتخرج اقعد في البيت
انا جايبة 48 في الانجليش عامة

بالمزاكره هتمشى فيه والكلام هيبقى تمام متقلقيش
بس انتى ادام جايبه 48 أنجلش قدامك كورى وشغله أفضل من صينى
جداا غير انو قسم مميز فى الكليه عندنا قسم محترم جداا

lovelydream

31-07-2012, 03:51 AM

بالمزاكره هتمشى فيه والكلام هيبقى تمام متقلقيش
بس انتى ادام جايبه 48 أنجلش قدامك كورى وشغله أفضل من صينى
جداا غير انو قسم مميز فى الكليه عندنا قسم محترم جداا

قالولي صعب الحق كوري و كمان شغله نادر
مش عارفة بقى

nourhan_92

31-07-2012, 05:46 AM

creative1

31-07-2012, 06:02 AM

السلام عليكم :
اولا اية رأيكم فى انى اخد ايطالى او اسبانى كلغة اولى ....يعنى هم هيبدأوا معانا من الصفر فى تعليم اللغات دى على اساس انى مخدهاش قبل كدة...
ثانيا فكرة انى اخد الانجليش كلغة تانية دى فكرة كويسة ولا لا.....؟؟.
ثالثا: لو اخدت لغة اولى و تانية لغتين جداد علي خالص هيبقى الموضوع صعب ولا اية...
شكرا و اسفة على الاطاله.....

وعليكم السلام

ايطالي او اسباني الاتنين كويسين جدا وانا ف اسباني :)
واكيد هيبدوأ من الصفر من اول الابجديه ... وهكذا
انجلش سواء سكند او فرست صعب ف الكليه وكمان تقديراته وحشه كبيرك مقبول او جيد بالكتير كدا ( فكري ف لغه تانيه اسهل وتقديراتها مضمونه )
هيبقي صعب اه بس حاولي تظبطي بين مذاكرة اللغتين وان شاء الله كله يبقي تمام

العفو ولا يهمك احنا تحت امركو

nourhan_92

31-07-2012, 06:14 AM

creative1

31-07-2012, 06:38 AM

شكرا ربنا يكرمك....معلش سؤال كمان.....
انا لما دخلت الموقع لقيت فى قسم عربى....هو العربى دة لغة اساسية لازم تتاخد ولا قسم اختيارى زى بقيه المواد....
طيب مادام حضرتك اخدت اسبانى كلغة اولى ....ترشح لى ايه كلغة تانية سهلة...
ومعلش سؤال اخير هو انا هدرس كام لغة بالظبط اتنين ولا تلاتة ....
وشكرا جزيلا

انتى بتدرسي عربي اساسي ( ادب ونحو دا ف الترم الاول و مقال ونحو من الترم التاني والكلام دا ف سنه اولي ) والعربي هيستمر ل 4 سنين وفيه قسم لغه عربيه اه بس من رأي مش مفيد والاحسن دار علوم او تربيه وهوا معمول اصلا للناس الاجانب

انا برتغالي سكند والبرتغالي لغه لذيذه وكويسه وقريب من الاسباني هيحصل لخبطه ف الاول بس بعد كدا هيبقي تمام بس لو شاطره ف الانجلش خشيه علشان الدكتر بتشرح بالانجلش
تركي سكند جميل جدا وبتدرسي 2 بس
العفو

nourhan_92

31-07-2012, 06:54 AM

Guitarist

31-07-2012, 07:15 AM

a ya ged3an elli bey2ol alsun elmnia mafehash tansee2 ba3d eznoko ya reggala balash fatyyyy!!!!!!!! alsun elmnia leha tanse2 da5ely !!! bs msh zy alsun 3en shams mo5tlf we kesm french mn as3b el2aksam 3andna !!!

creative1

31-07-2012, 07:29 AM

تماااااااااام ربنا يكرمك و يجازيك خير عنا...:)
سؤال كمان معلش....انا سمعت ان التنسيق الداخلى بيكون على اللغة الاولى بس لكن اللغة التانية ملهاش تنسيق..هل الكلام دة صح؟؟
انا رخمت انا عارفة ......بس كلة فى ميزان حسناتك ان شاء الله ...:)

اللهم آمين :)

ايون ع اللغه الاولي بس انما التانيه ملهاش تنسيق اي لغه حباها بتدخليها
ولا يهمك احنا هنا علشانكوا مش اكتر ورمضان كريم :)

nourhan_92

31-07-2012, 07:41 AM

شكرا شكرا شكرا بجد ربنا يكرمك :))

creative1

31-07-2012, 07:53 AM

شكرا شكرا شكرا بجد ربنا يكرمك :))
عفوا عفوا :d

abanop maher

31-07-2012, 09:12 AM

طيب انا السن المنيا عايز اعرف تقديم الورق للكلية امتى بالضبط و المدينة الجامعية و كمان عايز اعرف هو ينفع اختار اى لغة براحتى ولا حسب مجموع الانجليزى و الفرنساوى انا جايب 40.5انجليزى و 48.5فرنساوى ممكن اطول لغة اية

Amr 18

01-08-2012, 05:42 PM

معلش ممكن حد يساعدني يقولي اعمل ايه دلوقتي عشان اعرف التحويل من المنيا لعين شمس فتح ولا لسه ولو فتح اعرف منين واعمل ايه ؟؟؟؟؟؟

creative1

01-08-2012, 11:21 PM

معلش ممكن حد يساعدني يقولي اعمل ايه دلوقتي عشان اعرف التحويل من المنيا لعين شمس فتح ولا لسه ولو فتح اعرف منين واعمل ايه ؟؟؟؟؟؟

ع موقع التنسيق تابع عليه

اسامه عباس 22

02-08-2012, 03:18 PM

انا اسمى اسامة عباس ناوى ادخل السن إن شاء الله عاوز اعرف منكم ميعاد سحب الملف بتاع المدينة الجامعية بيبدأ امتى وعاوز اعرف كل المعلومات عن المدينة الجامعية

اسامه عباس 22

02-08-2012, 03:23 PM

ولو سمحتوا عاوز اعرف كل المعلومات عن التنسيق الداخلى وهيبان امتى السنة دى ؟

اسامه عباس 22

03-08-2012, 01:44 AM

فين الردود على اسئلتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

creative1

03-08-2012, 05:51 AM

ولو سمحتوا عاوز اعرف كل المعلومات عن التنسيق الداخلى وهيبان امتى السنة دى ؟

التنسيق مش الوقتي بس لو عاوز تنسيق السنه اللى فاتت اوك وانت بتكتب الرغبات وبعد متخش الكليه هتعرف انت قبلت ف ايه

انا اسمى اسامة عباس ناوى ادخل السن إن شاء الله عاوز اعرف منكم ميعاد سحب الملف بتاع المدينة الجامعية بيبدأ امتى وعاوز اعرف كل المعلومات عن المدينة الجامعية

كل دا هيكون ف يوم التقديم وقالو بعد العيد وتابع ع صفحه الاتحاد هتعرف كل حاجه

Alsun 3en shams (https://www.facebook.com/Alsunsu)

اسامه عباس 22

03-08-2012, 07:23 PM

اه لو سمحت عاوز اعرف بتاع السنة الى فاتت

creative1

03-08-2012, 08:34 PM

اه لو سمحت عاوز اعرف بتاع السنة الى فاتت

دا تنسيق السنه اللى فاتت

اسامه عباس 22

04-08-2012, 01:37 AM

شكرا جدا لسعة صدرك

اسامه عباس 22

04-08-2012, 01:40 AM

طب انا هتقل عليك انا عارف انا جايب فى فى الإنجليش 43.5 والفرينش 46 تنصحنى اخد إيه لغة اولى عشان انا ناوى اخد اسبانى لغة تانية

creative1

04-08-2012, 04:33 AM

شكرا جدا لسعة صدرك

العفو

طب انا هتقل عليك انا عارف انا جايب فى فى الإنجليش 43.5 والفرينش 46 تنصحنى اخد إيه لغة اولى عشان انا ناوى اخد اسبانى لغة تانية

لغه اسباني تانيه زي الفل انما كلغه اولي ممم مش ليك الا عبري تشيكي وسرانتي في تشيكي وبتقول كويس فتوكل ع الله ودوس ف التسيكي وربنا معاك

gogogirl1

04-08-2012, 03:11 PM

طب انا جايبه 48.5 انجلش و 47.5 فرنش و عايزة اخد كورى فرست هل ممكن و لا ممكن يعلو تنسيقه السنه دى و لو اتقبلت فى الكروى هل ليه مجالات للشغل فى مصر و مش حتعب فيه نفسيا يعنى مضايقه من دكاتره او انو حيبقى صعب على العلم انى ممكن اقرا الحروف الكورى و اتعلمتها لوحدى و عارفه كلمات و بقدر اكتب الكورى كمان و خايفه و مامتى خايفه ميكونش فى مجالات و هل فى منح لاى قسم و لا ده كلام يجذبوا بيه الطلاب و هل لة اتقبلت فى كورى اخد معاه السكند ايه الروسى و لا الاسبانى و لا الانجليزى و لا البولندى و لا البرتغالى و لا المجرى ؟؟؟؟ ارجو الرد و شكرا جزيلا

abanop maher

04-08-2012, 05:42 PM

طيب لو سمحت انا السن المنيا و جبت 40.5انجليزى و 48.5فرنش تنصحى ب اية فى اللغات مع العلم ان الكلية مفيهاش غير انجليزى و فرنساوى و المانى و صينى و ايطالى و اسبانى

creative1

05-08-2012, 09:06 AM

طيب لو سمحت انا السن المنيا و جبت 40.5انجليزى و 48.5فرنش تنصحى ب اية فى اللغات مع العلم ان الكلية مفيهاش غير انجليزى و فرنساوى و المانى و صينى و ايطالى و اسبانى

انا عين شمس للاسف فمش هقدر اقولك المتاح ليك ايه بس اللغات دي كلها كويسه شوف انت حابب تدرس ايه وتوكل ع الله كلهم ليهم شغل متوفر يعني

طب انا جايبه 48.5 انجلش و 47.5 فرنش و عايزة اخد كورى فرست هل ممكن و لا ممكن يعلو تنسيقه السنه دى و لو اتقبلت فى الكروى هل ليه مجالات للشغل فى مصر و مش حتعب فيه نفسيا يعنى مضايقه من دكاتره او انو حيبقى صعب على العلم انى ممكن اقرا الحروف الكورى و اتعلمتها لوحدى و عارفه كلمات و بقدر اكتب الكورى كمان و خايفه و مامتى خايفه ميكونش فى مجالات و هل فى منح لاى قسم و لا ده كلام يجذبوا بيه الطلاب و هل لة اتقبلت فى كورى اخد معاه السكند ايه الروسى و لا الاسبانى و لا الانجليزى و لا البولندى و لا البرتغالى و لا المجرى ؟؟؟؟ ارجو الرد و شكرا جزيلا

ع حسب التنسيق بتاع السنه اللى فاتت تقدري تلحقي كوري ولقدر الله لو مش لحقتيه وانتى عاوزه تخشي كوري او حتي ياباني ممكن تعملي التماس بس هتخدي لغه تانيه اجباري هتبقي افريقي
ومجالات شغله متوفره وهوا من احسن الاقسام ف الكليه
الاسباني سهل
حكايه البعثات دي اه في بس ف اللغات التانيه مش فالاولي يعني عندك بولندي مجري برتغالي كل دول بيطلعوا بعثات للأوائل انا ف برتغالي وهوا كويس بس عاوز حد يكون فاهم انجلش علشان الدكتر بتتكلم انجلش

gogogirl1

05-08-2012, 04:52 PM

شكرا جزيلا على الافاده و على اجابتك لاسئلتى

song bin

05-08-2012, 10:12 PM

والالتماس ده بيبقي ازاي يعني لو جايبه كام اعمل التماس

creative1

06-08-2012, 01:10 AM

شكرا جزيلا على الافاده و على اجابتك لاسئلتى

EL3fw u r welcome

creative1

06-08-2012, 01:15 AM

والالتماس ده بيبقي ازاي يعني لو جايبه كام اعمل التماس

يعني لو جايبه 46 فرنش وعاوزه تخشي قسم اسباني وهوا خد من 47 بتعملي التماس وتخشي القسم بس هتخدي لغه تانيه اجباري اللى هيا هوسا " افريقي " ودا شغله نادر بس تقديراته امتيازات كلها

song bin

06-08-2012, 02:04 AM

اة يعني بيبقي علي درجه واحده بس

creative1

06-08-2012, 10:26 AM

اة يعني بيبقي علي درجه واحده بس

او درجه ونص فرق بسيط يعني

اسامه عباس 22

06-08-2012, 02:35 PM

creative1

07-08-2012, 12:58 AM

الى احسن انى اقدم التماس واخد اسبانى كلغة اولى وافريكان كلغة تانيةولا انى اخد اسبانى كلغة تانية ؟ يعنى من الاخر الى احسن واضمن كمجالات للشغل او البعثات انى اخد اسبانى كلغة اولى او تانية ياريت الاجابة لانى محتار جدا ومعتش عارف افكر ازاى

اسباني لغه اولي تختلف كتير عن اسباني لغه تانيه لو انت حابب الاسباني وعاوز تشتغل بيه خليك لغه اولي والبعثات بتبقي ف اللغات التانيه ( بولندي مجري برتغالي )

mohamed fouadd

25-08-2012, 02:28 PM

Alaa teny

25-08-2012, 05:56 PM

السلام عليكم
بعد اذنكم حابب اعرف ايه فرص العمل المتاحة عموما بعد التخرج من الكلية
اقصد ايه اكتر الاقسام اللي بتكون مطلوبة ؟
ثانيا اذا حد حابب يدخل قسم ياباني مثلا او كوري ودرجته في الانجليزي اقل من اللي في التنسيق بدرجتين هل فيه طريقة يدخل بيها؟
وعليكم السلام ورحمه الله وبركاته
فى مجال الترجمه التدريس الصحافه مرشد سياحى
الاقسام كلها مطلوبه اهم حاجه تكون متمكن فى اللغه
للأسف لأ درجتين صعبه اوى

Al-ferdous is my aim

25-08-2012, 09:13 PM

هو اختيار اللغة التانية بيتوقف ع ايه
وهل ليها لازمة بعد كدة والا لا
وياترا بدرس فيها ايه

كمان انا جبت 50 فرنساوي لازم اخد لغة تانية فرنساوي
والا اخد اي لغة تانية عادي
واسفة على الاطالة

mohamed fouadd

25-08-2012, 09:26 PM

وعليكم السلام ورحمه الله وبركاته
فى مجال الترجمه التدريس الصحافه مرشد سياحى
الاقسام كلها مطلوبه اهم حاجه تكون متمكن فى اللغه
للأسف لأ درجتين صعبه اوى

متشكر جدا لردك , نقطة تانية بس بعد اذنك , التمكن في اللغة الاولي مثلا ايه افضل طريقة ليه ؟ هل بالكورسات ولا باي طريقة ؟
ومتاسف لازعاجك

Alaa teny

26-08-2012, 06:30 AM

هو اختيار اللغة التانية بيتوقف ع ايه
وهل ليها لازمة بعد كدة والا لا
وياترا بدرس فيها ايه

كمان انا جبت 50 فرنساوي لازم اخد لغة تانية فرنساوي
والا اخد اي لغة تانية عادي
واسفة على الاطالة
اللغه التانيه بتتوقف على اختيارك مفيش اى شروط
من حيث ليها لازمه فأكيد بس بنسبه صغيره مقابل اللغه الاولى
اى لغه انتى عايزاها بس تتوافق مع اللغه الاولى
مفيش داعى للأسف بالتوفييق:)
متشكر جدا لردك , نقطة تانية بس بعد اذنك , التمكن في اللغة الاولي مثلا ايه افضل طريقة ليه ؟ هل بالكورسات ولا باي طريقة ؟
ومتاسف لازعاجك
لا شكر على واجب
التمكن فى اللغه عن طريق الكليه بنسبه 40%
و30% تثقيف ذاتى وده أهم شئ عن طريق المكتبات والتحدث مع الاجانب وده محتاج جرأه
30% كورسات
مفيش داعى للأسف
بالتوفييق :)

mohamed fouadd

29-08-2012, 03:11 PM

Al-ferdous is my aim

29-08-2012, 07:49 PM

فيه شيء بس مستغربه , ايه علاقة اللغة اليابانية او الكورية بدرجة اللغة الانجليزية في الثانوية العامة؟
علي حد علمي ان مفيش اي نوع من التشابه حتي بين اللغتين , طيب لو المطلوب تقنين اعداد الطلبة في القسمين دول ممكن يكون فيه شروط تانية اكثر منطقية
بس نفسي افهم ايه الربط بين الانجليزية واليابانية

سمعت والله اعلم ان اللغات دة بتتعلم عن طريق اللغة الانجليزية
علشان كدة لازم تكون متمكن في الانجليش ودرجتك فيها عالية
والله اعلم ولو حديعرف ليه يبقى جزاه الله خير لو افادنا

mohamed fouadd

30-08-2012, 09:15 PM

سمعت والله اعلم ان اللغات دة بتتعلم عن طريق اللغة الانجليزية
علشان كدة لازم تكون متمكن في الانجليش ودرجتك فيها عالية
والله اعلم ولو حديعرف ليه يبقى جزاه الله خير لو افادنا

مانا سالت قبل صفحة اتحاد طلاب الالسن قالولي اللغات بتتعلم بالعربية لغاية سنة تالتة بتكون بنفس اللغة اللي انت مختارها
ياريت اذا حد يشرحلنا ايه سبب الشرط دا , وبالمرة هل ممكن التنسيق الداخلي للايطالي يشترط ان تكون درجة الفرنساوي كلغة تانية في الثانوية العامة 49 مثلا في خلال سنة ؟
بمعني اللي جايب 48.5 فرصته عالية في الايطالي ولا التنسيق اعلي من كده؟

doha94

31-08-2012, 12:51 AM

Alaa teny

31-08-2012, 06:10 AM

مانا سالت قبل صفحة اتحاد طلاب الالسن قالولي اللغات بتتعلم بالعربية لغاية سنة تالتة بتكون بنفس اللغة اللي انت مختارها
ياريت اذا حد يشرحلنا ايه سبب الشرط دا , وبالمرة هل ممكن التنسيق الداخلي للايطالي يشترط ان تكون درجة الفرنساوي كلغة تانية في الثانوية العامة 49 مثلا في خلال سنة ؟
بمعني اللي جايب 48.5 فرصته عالية في الايطالي ولا التنسيق اعلي من كده؟
فى امور فى الكليه ملهاش اسباب مقنعه لان لو افترضنا ان فى علاقه مثلا بين الانجلش واليابانى او الكورى تمام طيب بالنسبه للصينى يعنى سبب ان فى علاقه مش صحيح ربما يكون السبب للحد من كثافه الطلاب فى الاقسام لان لو مثلا اليابانى من غير شروط كان نسبه كبيره من الطلاب دخلت القسم
لا اعتقد ان التنسيق ممكن يزيد عن كده

Alaa teny

31-08-2012, 06:16 AM

بصــوا بقــى أنــا حيـــرانه جـدا جــــــدا

حيـــره السنيـــن يعنــــــــى

انـــــا جايــبه فرنـــش 47.5 قلـــت هقــدم ايطــالى يمـــــــكن يجيـــلى لــــــو مـــش كــــده

يبقــــــى اسبـــانى ده كلغـــــه اولــــــى

كلغــه تانيـه بقـى قلـت يـــا بــــرتــــغالى يــا تــركــى ولــمـا ســألــت واحــد مــن الــسـن قالــلــى بــرتــغــالــى افــضــل

ونــاس تــــانـيه قـــالوا التــركى مطــلوب اووى اليـومــين دووول

النــهارده بــقى احـــتــرت اكــتــر نــاس قــالــولــى ان ايــطــالــى واســبانى كتــيــر وبــيتـخرجــوا مــــش كــلهم بيشــتغلوا

بيقــولـــولى اخــد روســـى !! او صينــــى اعمـــــل ايــه انـــا بقـى

نفــسى حـــــد يقــولـى جـمــله مــفــيده ايــــه احســـن فـــى دوووووووووول

علشــــــان سألـــت نــــــاس ومطــلعتــش بفــــــايده منهـــــــم:bosyht9:
بالنسبه للغه التانيه فأحب أوضح نقطه بسيطه النسبه الاكبر مش بيشتغلو بيها أصلا لان السكند مش بيكون فى شرح كافى للغه فبيكون فرصه الشغل للطلاب اصحاب اللغه الاولى اكتر ومعلومه كمان السكند بيكون 3 مرات فى الاسبوع تتوقعى هيكون ازاى :)
الشغل ده نصيب انتى تختارى القسم الى بتحبيه وتجتهدى وربنا يكرمك بالشغل اما بقى قسم الصينى فعدد الدفعه كبير يعتبر اكبر عدد بعد المانى وانجلش فنفس الكلام فى فرص العمل
يارب أكون عرفت أفيدك

kiki 22

03-09-2012, 11:33 AM

mahmouedr

03-09-2012, 03:21 PM

ممكن أتخرج من تربية ابتدائى أخد كورس أو دبلومة أ, أى حاجة وابقا مدرس ثانوى ؟؟
و يا ترى منهج التربية الأبتدائى أيه ؟؟

basantotaaa

03-09-2012, 09:00 PM

بالتوفيق ان شاء الله

smillly

06-09-2012, 11:31 AM

ارجوكم افيدوووووووونى

انا تربية المنصوره ولسه مخلصه سنه اولى كان نفسى اعرف هو ينفع دلوقتى احول السن واروح على سنه اولى السن
ولا مينفعش عشان السن فى القاهره
مع العلم ان انا كنت جايبه مجموعها فى الثانويه العامه ومجموع عالى فى الانجليزى؟؟؟؟؟؟؟؟؟؟؟؟؟

lolo nice

06-09-2012, 12:37 PM

السلام عليكم و رحمة الله و بركاته
أنا دلوقتى فى تالتة ثانوى و احتمال كبير اوى احول لادبى و انا جبت فى تانية 91%
انا عايزة ادخل السن بس انا نقصت فى الانجليزي 5 درجات بحالهم فى تانية لظروف
بس شكلى كدا فعلا مش هعرف ادخل السن انجلش و لا ايه ؟؟!!
طب و لو دخلت السن ايطالى هيكون حلو و لا ايه ظروفه
و يا ريت يا جماعة تساعدونى بسرعة
عشان انا لحد دلوقتى لسا محولتش ادبى ...:excl:

Alaa teny

07-09-2012, 10:42 PM

السلام عليكم انا تنسيقى السن عين شمس وانا اخت فى الثانوية المانى وجايب 50 والانجليزى 46 وكنت عايز اعرف ايه اللغات المتاحة ليا انى ادرسها لغة اولى هل ممكن ايطالى او اسبانى وايه اللغات اللى ممكن ادرسها لغة ثانية تكون سهلة وايه اللغات المتاحة ليا دراستها وايه اللغات المطلوبة فى الشغل وكدة وشكرا
المانى ,صينى ,تركى ,روسي ,تشيكى ,عبري لكن ايطالى واسبانى مش هينفع لانه يشترط تكونى اخدتى فرنساوى واللغه التانيه اسهل حاجه افريقي

السلام عليكم و رحمة الله و بركاته
أنا دلوقتى فى تالتة ثانوى و احتمال كبير اوى احول لادبى و انا جبت فى تانية 91%
انا عايزة ادخل السن بس انا نقصت فى الانجليزي 5 درجات بحالهم فى تانية لظروف
بس شكلى كدا فعلا مش هعرف ادخل السن انجلش و لا ايه ؟؟!!
طب و لو دخلت السن ايطالى هيكون حلو و لا ايه ظروفه
و يا ريت يا جماعة تساعدونى بسرعة
عشان انا لحد دلوقتى لسا محولتش ادبى ...:excl:

اكيد السن ايطالى قسم جميل وبالتوفييق ان شاء الله :)

abanop maher

08-09-2012, 05:13 AM

يا جماعة لو سمحت انا السن المنيا و عايز اعرف لو دخلت اسبانى اعمل اية لانى مش حابب اسبانى علشان سألت حد يقربلى قالى مستقبلة وحش خالص علشان بيشتغل شهرين بس ف السنة كلها طيب و على اية اتعب اربع سنين و فى الاخر اشتغل شهرين بس فا حد يقولى اعمل اية لو سمحت وهل لية مجالات ف الشغل ولا الكلام دا صح و شكراااااااااااااا