السلام عليكم اخوانى
انا الحمدالله ربنا وفقنى فى الثانوية وجبت 98 وبصراحه محتار جدا بين ثلاث كليات
اقتصاد وعلوم سياسية
السن
اعلام
وبصراحة انا حابب التلاتة بس مش عارف اقرر ادخل ايه وعايز اعرف احسن كلية فيهم من حيث الشغل والفلوس وارجو الرد بسرعة لان المرحلة الأولى يوم السبت وارجو الرد من ناس داخل الكليات
ارجوكم ساعدونى

بالنسبه لكليه الألسن اولا هى النسبه الاكبر فيها بنات
ثانيا من حيث الشغل فالشغل بيبقى مش متوافر اوى وخصوصا انك مش بيكون معاك غير اللغه بس يعنى مش زى تجاره انجلش مثلا لغه بجانب ماده
الوظائف بتكون مترجم مرشد صحفى
بس هى من حيث الشغل اكيد افضل من اقتصاد وعلوم سياسيه
اما اعلام فالصراحه معرفش عنها حاجه
واولا واخيرا استخير وان شاء الله ربنا يكرمك بالافضل

بص حكاية الشغل دى توفق من عند ربنا محدش هيدخل اى كلية من التلاتة وهيبقى واثق انه هيشتغل سيبها على ربنا المهم تدخل كلية تكون حابب المجال بتاعها وحاسس انك هتبقى كويس فيها عن غيرها .. انا عن نفسى فى كلية الاعلام واحب اطمنك ان الدراسة فيها سهلة اوى والتقدير الشعبى فيها جيد جدا لكن انت ليك حرية الاختيار حسب اللى انت حابب تشتغل فى مجالها وربنا معاك :)

بص انت بمجموعك دا ما شاء الله تنسى الالسن خالص عشان ماتدخلهاش و ترجع تندم و تتحسر على تعبك و مجموعك الي انت ضيعته لما دخلت الالسن

و الاسباب كتيرة

لو هاتكتب التنسيق نصيحتي اكتب
1. سياسة انجلش
2. اعلام انجلش
3. سياسة
4. تجارة انجلش
5. اعلام
و على حسب رغبتك انت من الكليات دي بس بعيد عن الالسن خالص

في الكليات دي تعبك هتلاقيه لما تتعب فيهم و على فكرة حوار اللغة نميها بالكورسات لأن حتى بتوع الالسن الكلية مابتنميش عندنا لا لغة ولا بطيخ و بنضطر ناخد كورسات برضه في الاخر .. انسى الالسن خالص

الشغل ده بتاع ربنا فشوف الكلية الي انت تعبك فيها هتلاقيه و سيب الشغل على ربنا

انا كمان نفس الكلام واللهى ومحتارة جدااااااا بردو
مش عارفة ادخل اية انا الحمدلله جبت 99.27%
يس انا محتارة بين اعلام واقتصاد وعلوم سياسية

شكرا ياجماعة على ردودكم الجميلة وانا ان شاء الله هصلى صلاة استخارة وربنا يوفقنى
بس كنت عايز اسال استاذ askar elenegm انت فى قسم ايه فى كلية اعلام وياترى ايه احسن الأقسام فيها من حيث الدراسة والعمل اصل انا بصراحة لو هدخل اعلام هدخل قسم اذاعة وتليفزيون ولاانت ايه رايك وهل طلاب الجامعة المفتوحة بيدرسوا نفس المقرارت زى الطالب العادى

انا عاوزة أسأل الاستاذ askar elenegm
انا سمعت ان فى كلية اعلام بيدرسو عربى
هل بيدرسو عربى فى كل السنوات ولا فى سنة اولى بس
وبالنسبة لقسم الصحافة بردو بيدرسو عربى بكل فروعة ولا نحو فقط
شكرا جزيلا

بص انت بمجموعك دا ما شاء الله تنسى الالسن خالص عشان ماتدخلهاش و ترجع تندم و تتحسر على تعبك و مجموعك الي انت ضيعته لما دخلت الالسن


و الاسباب كتيرة

لو هاتكتب التنسيق نصيحتي اكتب
1. سياسة انجلش
2. اعلام انجلش
3. سياسة
4. تجارة انجلش
5. اعلام
و على حسب رغبتك انت من الكليات دي بس بعيد عن الالسن خالص

في الكليات دي تعبك هتلاقيه لما تتعب فيهم و على فكرة حوار اللغة نميها بالكورسات لأن حتى بتوع الالسن الكلية مابتنميش عندنا لا لغة ولا بطيخ و بنضطر ناخد كورسات برضه في الاخر .. انسى الالسن خالص


الشغل ده بتاع ربنا فشوف الكلية الي انت تعبك فيها هتلاقيه و سيب الشغل على ربنا

انا عاوزة اعرف الفرق بي اعلام واعلام انجلش
يعنى لما اكتب الرغبات اكتب دى فى خانة ودى فى خانة ولا كلو يببقى اعلام ولما ادخل بتتخصص سواء اعلام ولا اعلام انجلش ؟
شكرا جزيلا

انا عاوزة اعرف الفرق بي اعلام واعلام انجلش
يعنى لما اكتب الرغبات اكتب دى فى خانة ودى فى خانة ولا كلو يببقى اعلام ولما ادخل بتتخصص سواء اعلام ولا اعلام انجلش ؟
شكرا جزيلا

بصي في التسيق السنة الي فاتت كنتي بتكتبي دي في خانة و دي في خانة
يعني اعلام انجلش مثلا و في الرغبة الي تحتها اعلام عادي.

طيب هى اعلام انجلش دى بفلوس