بدون لف ولا دوران وبما أنى أب وجد فى الحقيقة ولا أجيد تذويق الكلام المعسول ولى من الخبرة ما تؤهلني بان أعطى أن أنصح وأبين الحقيقة مهما كانت مؤلمة فإقراء هذا الموضوع مهما طال
إلى الشباب الذى يوهم البنات بالحب والهيام والتحدث عن طريق النت والكاميرا هل أنت جاد فى هذا الكلام بدون تردد سوف تقول نعم ومستعد ان أتقدم الآن حتى ولو الظروف الاقتصادية لك لا تساعدك على هذا وهذا دليل على كذبك لأنك لا تعرفني ولا أعرفك حتى لو تم التحدث أو نشوف بعض بالكاميرة لأننا نذوق أفضل الكلمات المعسولة لبعض ما الغرض لك من هذا آن توقع بنت فى هيامك وحبك وماذا بعد ذلك سوف تكرر هذا العمل مع أخرى وغيرها وغيرها
أعلم بنك هذا مردود لك فى أختك وأمك ,زوجتك وبناتك وعماتك وخالاتك وكل من يحمل صفة الأنثى من عائلتك بإذن الله وأعودك من الآن بالفقر مهما كان معك من المال وهذا عن تجارب من الحياة فياريت تفوق وتتقى الله فى بنات الناس وفى أختك شقيقتك لانى أفعل معها ما تفعله مع ابنتي وأختي ولا أنت أحسن منى فوق قبل فوات الأوان ولن تجدي كلمة ياريت...
إلى بنتي التى تساعد الشباب فى هذا الأمر لانكى المسئولة الأول والأخير عن هذا التمادي ,اعلمي بأن الشاب أذا نال غرضه من البنت حتى ولو بالكلام فقط فسوف تكون أخر واحدة يفكر بها فى الزواج مهما قال من كلمات الحب
وبما إننا فى عصر السرعة والنت أصبح كل شيء جاهز حتى المشاعر أصبحت موجودة على النت جاهزة أتقى الله فى نفسك وأهلك ودينك أبنتى الغالية ولا تنساقي وراء أوهام فقط تفضلى اختاري الرسالة التى تناسبك لانى مشغول بغيرك وعددكم كثير عندي هذه الرسالة لكى ولغيرك جاهزة لم تكلفني اى شيء إلا أمر واحد فقط للجهاز ( على فكرة لم أقراء الرسائل وشوفى وصل المهانة بكى إلى أين) لكن لو قمتى بصدى من الأول فسوف أجرى ورائك طول الوقت لانكى أنسانه محترمة هذا هو تفكير الشباب فى هذا الزمن
رسائل رومانسيه رسائل حب رسائل شوق رسائل عتاب
1- دمعه تسيل و شمعه تنطفي و العمر بدونك يختفي و من دونك قلبي ينتهي
2- إنهواك في قلبي يضيء العمر إشراقا سيبقى حبنا أبدا برغم البعد عملاقا
3- أنا لي قلب ما يقسى ولي عقل ما ينسى ولي صاحب بدونه ما أسوى
4- رسالتك: ما تكفيني مكالمتك: يمكن تراضيني أشوفك: هي منى عيني
5- لو ورق أبيضأرسل يكفي انك سألت يكفي أن الورق به لمسة من أيديك
6- ذرفت دمعه في أحدالمحيطات إن استطاعوا الحصول عليها أعدك بنسيانك
7- ودي أجيلك ملهوفعابر بحور الخوف لكن كل شي ضدي حظي و الدنيا و الظروف
8- يا رسايلعلميها كيف قلبي ذاب فيها ولو مضى وقت ونستني يا رسايل ذكريها
9- حانألان موعد بوستى حسب توقيت الشوق لشفايفك
10- ممكن أقول للوردة قبل تضمأوراقها تصبحين على خير يا أحلى وأرق مخلوق
11- اكتشفت مؤخرا أنه خسارهفيك إي رسالة مفهاش كلمة (( احبك
12- اللي خلقك خلق مليون زيك بسوربي كلهم ما يساوي شيء من غيرك
13- اذا لم تجمعنا الايام جمعتناالذكريات واذا القلب لم يراك فالعين لن تنساك
14- كان نفسي اعرف اد ايهحبتني وفاكرني ولا خلاص يا غالي نسيتني
15- رحت اشتري ساعة ما لقيت اغليمن الساعة اللي قابلتك فيها
16- تعلن هيئة الفلك عن اختفاء احد الاقمارفحاسب يا حبيبي ليمسكوك
17- كلمني بسرعة قلبي وعقلي اختلفوا عليك دهيحبك وده يموت فيك
18- اعرب (( قلبي )) كائن مسحور بطيفك مقتول وعلامةقتله البسمة الظاهرة علي شفتيك
19- سأظل احبك ولو طال انتظاري فأن لمتكن قدري فأنت اختياري
20- اذا احبك مليون فأنا منهم واذا احبك واحد فهوانا واذا لم يحبك احد فأعلم اني مت
21- فكرت يوم اهديك عيوني لكنيتراجعت خفت اشتقالك في يوم ما اقدرش اشوفك
22- لو افتكرتني اديني رنة لووحشتك ابعتلي رسالة لو بتحبني اشوفك
23- من كتر شوقي ولهفتي المس ايديكاروح اسلم علي اللي سلمت في يوم عليه
24- دورت علي رساله ابعتهالك مالقيت غير الله يخليك ليه ويبارك فيك يا وجه الخير
25- اه ياربي موش مصدقمعقول العسل ده قاعد يقرا رسالتي
26- نفثي ارثلك رثالة بث ماني عارف ايثاكتبلك ياربي ايث ايث بث انت عثل
27- انتظرت ولما طال الانتظار أرسلتأحلى المعاني تقول لا تغيب يا غالي
28- كم قمر في الكون ؟ اثنين واحد فيالسماء وواحد قاعد يقرأ الرسالة
29- أحبك يا أحلى من كل البشر يا توأمالروح و أقـرب من نبضي ودمّي وهواي
30-استعد لتحليل فصيلة الدم. انتظر. النتيجة في الطريق . اكتشاف خطير. دمك ع.س.ل 31 - خليك جاهز يمكن تنقصالكمية و نحتاج لك المرسل:مصنع العسل و الشوكولاته
32- أرسل حمامة سلامبفمها وردة غرام من الولهان لاغلى و اعز إنسان
33- أنا رسالة جايه منإنسان قاعد بروحه يفكر فيك كثير ويسلم عليك كتير
34- يارب تموت ياربأدعي من كل قلبي انك تموت فيه مثل ما موت فيك
35- طلب صغير؟ ممكن : تضحك وتعبر لي بضحكتك برنه وتقفل36- لولا الحياء والخوف والثالثة الموتلا أصيح بالصوت مشتاق لك > موووت <
37- أنا الان فوق السطح أن ماأرسلت لي رساله خلال 5 دقائق رميت نفسي
38- بردان : بوسه تدفيني ،مشتاق: صوتك يكفيني ، مظلوم : اشوفك تواسيني
39- تمنيتك ترفع الهاتف ،وتسأل عني ، ولا آنت خايف لا تسمع عتاب مني!
40- في مساء ساهر مع نجمساهر أرسل باقة ورد عاطر لأغلى من مر على الخاطر
41- حضنـت حبـك بقلبيوخليت نوره بصدري لأنك عمـري وقلبـي أحبك جدا وربي
42- همسة حب ونبضةشوق تقول لك صباح الخير يا وجه الخير
43- خليني ببالك وطمني على حالكولاتقطع أخبارك تراني انتظر اشوف رقم جوالك
44- دايما اللقا محكومبأوقات وظروف لو زاد بي الشوق ازاي أشوفك
45- همسة حب تغنيلك لهفة شوقتناديلك دمعة ألم تشكيلك أحلى سلام أهديلك
46- أكذب على نفسي إذا قلتبنساك وأكذب عليك إذا قلت ناسيك
47- بسالك سؤال بسيط ليه أنت من بين كلالناس قلبي يندهلك ويحبك؟
48- 4 وصايا: زعل لا تزعلني فراق لا تفارقنيجرح لا تجرحني حب اعشقني
49- لا تحسب البعد وقلة رسايلنا مرخصه مقامكواللي خلق الكون موش ناسيك
50- من غلاوتك والله مالاقي كلام ويعلماللهفوق حبي كيف لك عندي احترام51- عندي لك وردتين : ورده تبوسك ووردهتداعب خدودك و تقول صباح الخير
52- ثلاثه تملكها وهي أغلى ما عندي: اشوفك وصوتك ورسايلك لا تحرمني منها رجاءً
53- لليل هلاله ولقلبي حبيبعذبني دلاله يا ترى اليوم كيف حاله
54- لو يحرمني الزمن لوقاك فلنيحرمني من ذ**** أحبك و أوعد ما أنساك
55- للدموع أسرار وللحب آثاروفراقك نار وشوفتك تمحي كل شي صار56- جمال الليل بنظرة عيونك ونورالبدر مرسوم بجفونك وكل الكون ما يسوى بدونك75- سلامة روحك وقلبك منهموم تعانيها حبيبي يحفظك ربي من الدنيا و ما فيها

58- يا أجمل الناسبالخير صبحتك يا أعذب الناس فديتك نسيت نفسي ما نسيتك59- حياتي في خطرمشتاق رسايل من القمر يا ترى بيرسل ولا اشرب من البحر
60- نفسي أبوسكتسعه و تسعين مرة و كل مرة أغلط في العدد و أعيد من أول
61- كل شيبينتهي حياتي عمري رسايلي الا غلوتك ما ينتهي
62- يا عطر الشوق يا ملحوذوق يا نور الشمس يا صوت الهمس يسعد مساك وبس
63- تغيب لكن ما تفارقخيالي أنت الوحيد اللى إذا غبت في عيني والله غالي
64- بيقولو: بالبعدالقلب يقسى و أنا أقول: اللي يحب ما ينسى وأنت ايه تقول65- لو كانالحب كلمات تكتب لأنهيت أقلامي لكن الحب أرواح فهل تكفيك روحي ؟
66- ياأرض احفظيه وياسماء ظلليه ده غالي ومن نسمة الهواء نخاف عليه
76- اتفقنا نكون اثنين انا الرمش وانت العين اذا مافرقنا القدر ماتفرقنا البشر
68- أرسلت القمر ينور طريقك رجع زعلان قلتله مالك قال: نورهأعماني
69- الصديقان الصادقان مثل الشفتين قد يفترقا بكلمه ولكنهماسرعان مايعودان
70- دورت رسالة أرسلها لك ما لقيت أحلى من كلمة الله لايحرمنى منك
71- أرسلت هذه الرسالة بدون ماأحدد رقم بس وصيتها تروحلأغلى البشر
72- أرسل لغيرك و الرسايل تجي ليك كن الرسايل حالفة ماتخونك. ؟
73- إذا أرسلت لك رساله أقول فيها (أنا أحبك موت) ايه راح ترسللي..؟!
74- انا كنت شايفك بس فين فين عرفتك انت اللي في نص الشهربتضوي
75- أروع القلوب قلبك .. وأجمل الكلام همسك .. وأحلى ما في حياتيحبك ..
76- مبروك قبولك في كلية قلبي تخصص : حب التخرج : مستحيل77- لو ما أرسلت !لو ما اتصلت !!لو حتى شفت رقمي وطنشت !أنت بقلبي مثلما إنت
78- سألت العسل انت زعلان ليه ؟ قالي حبيبك سرق اسمي واخدطعمي79- زرعتك في شراييني وسميتك نظر عيني وهبتك كل إحساسي وقلت إنكاهلي وناسي80- ياما رسايل جتني وما فتحتهاورسايل جتني وحذفتهاإلارسالتك في قلبي حفظتها
81- قد يبيع الإنسان شيئا قد شراه...ولكن لايبيعقلبا قد هواه
82- الشمس ترسل حبا ذهبيا والقمريرسل حبا فضياوأناأرسل لكحبا أبديا
83- رسالتك لي فجرت في قلبي الشوق وزاد الحنين للقاكياحياتي
84- مين الهنا يبقي قصاده ويقرا رسالته وتشغله عنههمومه
85- خمسة ولهانين عليك..!!قلبي..وعقلي..وعيوني..وروحي..وأنا .
86- اكبر فخر للسما انك قمرها اكبر فخر للحب انك تعرفه اكبر فخر عنديانك حبيبي87- احبك حب ماله حد احبك رغم هذا البعد احبك لو يطول الصداحبك موت يا لغالي88- كل شئ اقدر عليه إلا بعدك عن حياتي هو عمري يسوىإيه بعد ك إنتي يا حياتي
89- دورت رسالة أرسلها لك ما لقيت أحلى منكلمة الله لايحرمنى منك
90- لو اعلم أن الحلم يجمعنا ..لأغمضت جفني طولالدهر ... احبك91- انت مشمش انت عندي حاجة تروش انت عندي مثل الانتل كلما تبعد تشوش93 - كان زمان جدي يقلي الحب ممنوع فكرهت كل الناس و لماعرفتك كرهت جدي
باليتنا نفيق قبل فوات الاوان والندم على ما فات
الدعاء
يارَبْ سَاعدْني عَلى أن أقول كَلمة الحَقّ في وَجْه الأقويَاء
وأن لا أقول البَاطل لأكْسبْ تَصْفيق الضعَفاء
يارَبْ إذا أعطيتني مَالاً فلا تأخذ سَعادتي
وإذا أعَطيتني قوّة فلا تأخذ عّقليْ
وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي و عَلمّنْي أنْ أحبّ النَاسْ كَما أحبّ نَفسْي
وَعَلّمني أنْ أحَاسِبْ نَفسْي كَما أحَاسِبْ النَاسْ وَعَلّمنْي أنْ التسَامح هَو أكْبَر مَراتب القوّة وَأنّ حبّ الانتقام هَو أولْ مَظاهِر الضعْفَ.
و لا تدعني أصَاب بِالغرور إذا نَجَحْت وَلا باليأس إذا فْشلت
يارب إذا جَرَّدتني مِن المال فاتركْ لي الأمل
وَإذا جَرّدتني مِنَ النجَّاح فاترك لي قوّة العِنَاد لأتغلب عَلى الفَشل
وَإذا جَرّدتني مَن نعْمة الصَّحة فاترك لي نعمة الإيمان.
و إذا أسَأت إلى الناس َاعْطِني شجَاعَة الاعتذار
وإذا أسَاء لي النَّاس اعْطِنْي شجَاعَة العَفْوَ وإذا نَسيْتك لا تنسَـاني مَنْ عَفوِك وَحْلمك فأنت العَظيْم القَـهّار القَادِرْ عَـلى كُـلّ شيء .....

شكرا جزيلا على نصحك الغالى لنا *مستر عصام*...............................بجد مهمة و حقيقة فعلية

بجد و الله ربنا يكرم حضرتك ......ويارب نفوق

معلش ده رد سريع لانى ماقدرتش اطلع قبل ما ارد ع الموضوع الجميل ده بس باذن الله ليا عودة تانى لانى كنت عايزة اتكلم فى الموضوع ده

جزاك الله كل خير

جميل ان حضرتك تفتح موضوع شائك زي ده
ولا نملك الا ان نقول اللهم اهدنا وجميع بنات المسلمين
جزاك الله خيرا استاذ عصام
وجعله في ميزان حسنات حضرتك

شكرا ليك يا استاذ عصام بجد


ولكني من هنا احذر تلك الفتاه ان تتقي الله في نفسها وتعرف اانا هنا لنخاف عليها لا نريد منها شيئا

اعلمي ان ذلك الشخص لن نتررد لحظة في ايقافه فكما حاول في خداعك حاول في خداع اخريات مثلك

اتمنى ان تصل رسالتنا

مش مهم الرد على الموضوع لكن الاهم اننا نفهم مغزى الموضوع
وان نعمل به لان الحكايه دى منتشرة فى المنتديات ونرجو من الاخوه الشباب
عدم جرح مشاعر اى اخت موجوده فى المنتدى وايضا نرجو من اخواتنا وبناتنا ان
يكونوا حذرين كل الحذر قبل الرد على اى موضوع يحتوى على كلمة حب او رومانسيه
وربنا يوفق الجميع يارب وشكرا استاذى العزيز على هذه النصائح الغاليه

شكرا ليك يا استاذ عصام بجد


ولكني من هنا احذر تلك الفتاه ان تتقي الله في نفسها وتعرف اانا هنا لنخاف عليها لا نريد منها شيئا
نيرد منها كل خير ويكفى أننا نقول لها أبنتى وهذا أكبر دليل على حرصنا عليها فى المقام الاول والاخير

اعلمي ان ذلك الشخص لن نتررد لحظة في ايقافه فكما حاول في خداعك حاول في خداع اخريات مثلك
لا شك فى هذا لن اترد فى ايقافة نهائيا ومكتوب لا يرفع الحظر الا بمعرفة صوت الحق شخصيا لانه انسام غير محترم بالمرة الذى يغرر ببنات الناس ويستغل فترة السن الحرجة لهم ولن نسمح بهذا ولله الحمد الادارة كلها ناس محترمة تخاف على جميع البنات الموجودة

اتمنى ان تصل رسالتنا
يارب يعو هذا الكلام والنصيحة بالخوف عليهم وصد اى انسان يفعل هذا لانها كرامتها فى المقام الاول والاخر

حقا كل كلمه قلتها
حق
جزاك الله خيرا عمو عصام
وبجد بنشكرك علي كل شي

مش مهم الرد على الموضوع لكن الاهم اننا نفهم مغزى الموضوع
وان نعمل به لان الحكايه دى منتشرة فى المنتديات ونرجو من الاخوه الشباب
عدم جرح مشاعر اى اخت موجوده فى المنتدى وايضا نرجو من اخواتنا وبناتنا ان
يكونوا حذرين كل الحذر قبل الرد على اى موضوع يحتوى على كلمة حب او رومانسيه
وربنا يوفق الجميع يارب وشكرا استاذى العزيز على هذه النصائح الغاليه

اولا جزاكم الله عنا خير الجزاء
وتقبل منكم صالح الاعمال والدعاء
واثابكم بها الجنة دار السعداء


ثانيا انا كنت هقول نفس رد الاستاذ فارس
فعلا انا نفسى البنات تخاف على نفسها
علشان البنت ملهاش غير نفسها
ونفسى الولد يتقى ربنا
ويعرف ان كما تدين تدان

بس كان ليا استفسار
هو يمكن ميبقاش فى الموضوع بس هسأله
هو لازم يتردله فى اهل بيته الى بيعمله مع بنات الناس
يعنى فى آيه بتقول (ولا تزر وازرة وزر اخرى)
؟؟؟؟؟؟؟؟؟

فين ربنا من كل ده
هو لازم يعرف انه كما يدين يدان
وهي كمان غلطانه مش مظلومه اووي يعني لما تسمح بكده وتسمح انها تغضب ربنا وتخون ثقه اهلها
وتقول حب حب ايه اللي بيكون سرقه بيكونوا بيسرقوا خايفين انه يبان
الحب الحقيقي اللي بيكون في النور قدام الاهل مش من وراهم
لما يمشي في الطريق الصح طريق ربنا


لا يغير الله قوما حتي يغيروا ما بانفسهم
اذا كان هيه بيضحك عليها بمزاجها
لما ترضي انه تغضب ربنا يبقي بمزجها
لما تفرح وهي بتعمل حاجه لو اهلها عرفوا بيها ممكن يبكوا يبكوا ان بنتهم بتعمل كده
بنتهم عطوها ثقه جرحتهم بانها خانت الثقه
الحب يكون في النور عشان يبان ويظهر لكن اللي في الظلمه مش بيحب النور وبيفضل طول عمره في الظلمه حيخاف من النور

استاذي الكبير وابي الاستاذ عصام

موضوع حضرتك يمكن جيه في وقته حاليا في المنتدي ما اكثر اننا نسمع عن الرسايل اللي بتتبعت للعضوات من الاعضاء سواء إن كانوا اعضاء جداد او قدام

بس انا عايز اقول لحضرتك حاجه في ولاد بيتضحك عليهم من البنات اقسملك بالله يا استاذ عصام ان دي حقيقه وكتيييييييييييييير جدا من اصدقائي حصلهم كدا لو علي النت او الحقيقه

التحذير كان المفروض يكون موجه للبنات وللولاد وعلي العموم ربنا يهدي البنات والولاد

علي الرغم من اني مقدر ان البنت بطبيعتها ضعيفه ورقيقه قدام كلمه حلوه او مجامله بسيطه بعكس الولد
وربنا يكرم حضرتك ويجعلك دايما قادر علي قول كَلمة الحَقّ في وَجْه الأقويَاء

وفي حاجه نسيت اقولها للبنات والولاد ( افعل يا ابن ادم كما تشاء كما تدين تُدان)

وفي حاجه نسيت اقولها للبنات والولاد ( افعل يا ابن ادم كما تشاء كما تدين تُدان)


انت معاك حق

ولكننا اكتشفنا مؤخرا ان هناك شخص ما يتلاعب بأكثر من فتاة بالمنتدى وهذا الشخص يوجد مثله الكثيرون وقد تم ايقافه للأبد


فقد اعاننا الله على معرفته دون ان نسعى لذلك
وليعلم ان الكذب عمره قصير ولن يطول




فلذلك كان لزاما علينا تنبيه الاعضوات الذين يتعاملون معه ونحن نعرفهم جيدا دون ذكر اي اسماء

فنشكر ذلك الشخص انه اثارنا لأن نعلن عن حملة كبيرة ان شاء الله لن تتوقف ضد المغرضون أمثاله
وهذه الحملة سيكون لها اهداف وهي توعية أخواتنا في الاسلام بكل السبل والطرق وكيف يستطيع الشخص ان يوقع الفتاه في عمل ما لا يحمد عقباه واغضاب الله والأهل

لذلك

هذا العضو تم ايقافه ليكون عبرة لمن يعتبر ويكون مثالا لبناتنا ليروا ان كل هذا هراء


تقبل الله منك استاذ عصام واشكرك لتلبية طلبي ومساعدتي في بدأ تلك الحملة

وتلك الحمله هي للجميع

دعوة للكل وان شاء الله سنتواصل دائما بكل ما يفيد اخواتنا في الاسلام

الكل فى مركب واحد
كيف تقبل هذا على اختك فى الاول والاخر
وللاسف انتشرت هذه الظاهر حتى وصلت الى الغرف الصوتية كمان
شفتم الاستهتار وصل الى اين

دعوة للجميع للمشاركة فى هذه الحملة الخاصة بالتوعية
والنصح لجميع الاخوات بالمنتدى

جزاك الله خيرا
بالفعل ده بيحصل فى الغرف ونتمنى من الاعضاء الالتزام
ونكون قدوة
مشكور استاذ عصام لطرحك لهذا الموضوع

السلام عليكم ورحمة الله وبركاته
ولله يا ابى العزيز منا عارف اقولك ايه على الموضوع ده
فعلا ولله هذه ظاهره منتشره جدا
وللاسف الشديد من اشخاص لا تتوقع ان تصدر منهم هذه التفاهات
يضحكون على انفسهم تحت مسميات ليس الا
جزاك الله كل خير

اولا انا بس عايزة اطلب ان الموضوع يتثبت

ثانيا يا بنات انا عايزة اقولكم كلمتين من اختكم اللى بجد بتحبكم كلكم و الله العظيم....بصى يا بنوتة يا عسولة انا عايزة اقولك حاجة اى حد هيقولك كلمة فى الموضوع ده هو عارف انك محترمة بدليل انك قريتى الموضوع و كمان عارفين انك عاقلة و طبعا انتى عارفة اننا كلنا اخوات

بصى يا حبيبة قلبى صراحة انا جوايا كلام كتير عايزة اقوله بس يمكن مش هيبقى منظم بس ان شاء الله تفهمينى

دلوقتى يا حبيبة قلبى الولد اللى بيكلمك ده بيكلمك ليييييييييييه؟؟؟؟؟؟؟هتقولى عشان بيحبنى و هيرتبط بيا
طب هو مش المفروض انه رجل و انتى فى رجل مسئول عنك بيتكلم معاكى انتى ليه .مشملاحظة ان في تناقض!!هتقوليلى عشان نتعرف ع بعض اقولك يا حبيبتى النوعية دى بتتعرف عشان تقولك سورى اصل احنا طلعت شخصيتنا مش متفقة مع بعض بعد ما يكون كلمك و صدقينى فى الوقت ده هتنزلى من نظر نفسك ده غير لو قدر فعلا يخليكى تحبيه ده يبقى جرح رهيب

و كمان هل الولد ده بيتعامل معاكى انك محترمة؟؟؟؟؟؟هتقوليلى ايه اللى انا بقوله ده ؟هقولك انا قلت انى عارفة انك محترمة بدليل انك مكملة معانا قراءة الموضوع ؟بس هل هو لو بيحترمك او بيتعامل معاكى كبنت محترمة كان هيكلمك ؟!اسالى السؤال ده لنفسك.قوليله انا عندى اخ عايز يرتبط باختك شوفى هيقولك ايه؟
حبيبتى هو لو بيحترمك كان يحترم انك المفروض مش تتكلمى معاه من ورا اهلك.هو لو بيحترمك ماكنش عمل اى حاجة و لو كلمة تاذى احترامك لنفسك.هو لو بيحترمك ماكنش خلاكى تعملى حاجة تندمى عليها فى يوم من الايام
انا مش بقولك الحب حرام بس بقولك افهمى معنى الحب الاول
هتقوليلى اعمل ايه انا بحبه .هقولك بسيطة اوى...انتى الحب ده احساس انتى مش ليكى ايد فيه بس ليكى ايد انك تتحكمى فيه انتى فيكى عقل و فيكى عاطفة بس فى اوقات لازم تغلبى عقلك ع عاطفتك و الا انتى اللى هتندمى اشغلى نفسك بالاهم
انتى فين من ربنا ؟مش انتى بتحبى ربنا.ليه بتبعدى عنه و مش قادرة تبعدى عن الولد ده

بصى يا حبيبة قلبى اعرفى كويس اوى انك عندك قوة تخليكى اميرة و عندك ضعف يخليكى ذليلة .اختارى انتى عايزة تبقى ايه

يا حبيبتى كل الشباب المحترم و كل الرجال عامة بيحذروكى من الولاد اللى من النوعية دى و انتى بتستجيبى ليهم.ازاااااااااااااااااااى؟؟؟؟؟؟؟؟؟؟؟؟؟!!!!!!!!!! !!!!!!!!!!1
فين دينك ؟فين عقلك؟فين تربيتك؟فين مبادئك؟فين عاداتنا و تقاليدنا؟و فين احترامك لنفسك و لذاتك؟؟؟؟

بصى يا قلبى انتى قلبك ده مساحته كبييييييييييييرة و يكفى انك تحبى كل الناس

بس

فى اماكن فيه مخصصة لناس معينة
زى مثلا حبك لوالدك و والدتك ده مش ممكن حد يبقى فى المكان ده الا هما .والا هيحصل خلل
نفس الموضوع فى مكان معين ده لزوجك ماينفعش حد يبقلى فيه و الا هيحصل خلل

اخر حاجة هقولها ليكى يا حبيبتى اوعى تعلقى نفسك بحد مش ليكى
وكمان هقولك ع كلمة شفتها فى اغنية قبل كده عن موضوع الشباب اللى بيكلمو البنات ع النت
الاغنية اسمها صناع الوهم
(أخيتى من عرفتيه من وراء أهلك لن يكون زوجا لكى أمامهم)

ارجعى لدينك و عقلك حكميهم و شوفى هيقولولك ايه

اولا انا بس عايزة اطلب ان الموضوع يتثبت

ثانيا يا بنات انا عايزة اقولكم كلمتين من اختكم اللى بجد بتحبكم كلكم و الله العظيم....بصى يا بنوتة يا عسولة انا عايزة اقولك حاجة اى حد هيقولك كلمة فى الموضوع ده هو عارف انك محترمة بدليل انك قريتى الموضوع و كمان عارفين انك عاقلة و طبعا انتى عارفة اننا كلنا اخوات

بصى يا حبيبة قلبى صراحة انا جوايا كلام كتير عايزة اقوله بس يمكن مش هيبقى منظم بس ان شاء الله تفهمينى

دلوقتى يا حبيبة قلبى الولد اللى بيكلمك ده بيكلمك ليييييييييييه؟؟؟؟؟؟؟هتقولى عشان بيحبنى و هيرتبط بيا
طب هو مش المفروض انه رجل و انتى فى رجل مسئول عنك بيتكلم معاكى انتى ليه .مشملاحظة ان في تناقض!!هتقوليلى عشان نتعرف ع بعض اقولك يا حبيبتى النوعية دى بتتعرف عشان تقولك سورى اصل احنا طلعت شخصيتنا مش متفقة مع بعض بعد ما يكون كلمك و صدقينى فى الوقت ده هتنزلى من نظر نفسك ده غير لو قدر فعلا يخليكى تحبيه ده يبقى جرح رهيب

و كمان هل الولد ده بيتعامل معاكى انك محترمة؟؟؟؟؟؟هتقوليلى ايه اللى انا بقوله ده ؟هقولك انا قلت انى عارفة انك محترمة بدليل انك مكملة معانا قراءة الموضوع ؟بس هل هو لو بيحترمك او بيتعامل معاكى كبنت محترمة كان هيكلمك ؟!اسالى السؤال ده لنفسك.قوليله انا عندى اخ عايز يرتبط باختك شوفى هيقولك ايه؟
حبيبتى هو لو بيحترمك كان يحترم انك المفروض مش تتكلمى معاه من ورا اهلك.هو لو بيحترمك ماكنش عمل اى حاجة و لو كلمة تاذى احترامك لنفسك.هو لو بيحترمك ماكنش خلاكى تعملى حاجة تندمى عليها فى يوم من الايام
انا مش بقولك الحب حرام بس بقولك افهمى معنى الحب الاول
هتقوليلى اعمل ايه انا بحبه .هقولك بسيطة اوى...انتى الحب ده احساس انتى مش ليكى ايد فيه بس ليكى ايد انك تتحكمى فيه انتى فيكى عقل و فيكى عاطفة بس فى اوقات لازم تغلبى عقلك ع عاطفتك و الا انتى اللى هتندمى اشغلى نفسك بالاهم
انتى فين من ربنا ؟مش انتى بتحبى ربنا.ليه بتبعدى عنه و مش قادرة تبعدى عن الولد ده

بصى يا حبيبة قلبى اعرفى كويس اوى انك عندك قوة تخليكى اميرة و عندك ضعف يخليكى ذليلة .اختارى انتى عايزة تبقى ايه

يا حبيبتى كل الشباب المحترم و كل الرجال عامة بيحذروكى من الولاد اللى من النوعية دى و انتى بتستجيبى ليهم.ازاااااااااااااااااااى؟؟؟؟؟؟؟؟؟؟؟؟؟!!!!!!!!!! !!!!!!!!!!1
فين دينك ؟فين عقلك؟فين تربيتك؟فين مبادئك؟فين عاداتنا و تقاليدنا؟و فين احترامك لنفسك و لذاتك؟؟؟؟

بصى يا قلبى انتى قلبك ده مساحته كبييييييييييييرة و يكفى انك تحبى كل الناس

بس

فى اماكن فيه مخصصة لناس معينة
زى مثلا حبك لوالدك و والدتك ده مش ممكن حد يبقى فى المكان ده الا هما .والا هيحصل خلل
نفس الموضوع فى مكان معين ده لزوجك ماينفعش حد يبقلى فيه و الا هيحصل خلل

اخر حاجة هقولها ليكى يا حبيبتى اوعى تعلقى نفسك بحد مش ليكى
وكمان هقولك ع كلمة شفتها فى اغنية قبل كده عن موضوع الشباب اللى بيكلمو البنات ع النت
الاغنية اسمها صناع الوهم
(أخيتى من عرفتيه من وراء أهلك لن يكون زوجا لكى أمامهم)

ارجعى لدينك و عقلك حكميهم و شوفى هيقولولك ايه


أهلا بكي ارق ملاك معي في الحملة الكبيرة لتوعية اخواتنا في الاسلام

ان شاء الله كدة اجنا علىاول الطريق الصح


يلا يا بنات الاسلام اسمعوا كلام اختكم ارق ملاك قالت كتير أوي أوي أوي

لازم تفهموا كلامها كويس

وان شاء الله سنقضي على تلك الظاهرة المنتشرة بالمنتدى ونتمنى من النت بأكمله

كلامك جميل اوى وفيه توعيه كبيرة اوى ونصائح لا حدود لها
ونفسى تدعو لكل فتيات الاسلام بالصلاح والتخطى هذه العقبة بسلام
اللهم اهدى شباب وفتيا ت الاسلام الى الاصلاح والطريق الصحيح

بسم الله الرحمن الرحيم
السلام عليكم ورحمة الله وبركاته

اولا جزاكم الله خيرا على الحملة
بجد احنا كدة ابتدينا طريق وان شاء الله ربنا معانا فيه

انا جوايا كلام كتيييير اووووووووى
مش عارفة اقوله

بس احب اقول للبنات حاجة
الولد لما يجى يقول ياجواز بيدور على المحترمة ديما
والله بيدور على الى محدش عرفها ابدااااااااا
على الى حفظت على نفسها وقلبها
ومحتفظة بيهم لية هو وبس............

مش خايفة على قلبك يتجرح
مش خايفة على سمعتك ولا على نفسك
طب بلاش دية

اية شعورك لما تكتشفى ان بنتك بتخون ثقتك وبتكلم ولاد
وبتمشى فى طريق غلط
تخيلى اهلك لما يعرفوا الحدوتة
هيبقى موقفك اية
كفاية انك دخلتى عليهم الحزن وخيبة الامل
وهتفضل عاهة تشينك عمرك كله

حبيبتى البنت ملهاش غير قلبها وسمعتها
ومتقوليش دية حاجة صغيرة وعلى الماشى
لا الصغير بيكبر
((يأيها الذين امنوا لا تتبعوا خطوات الشيطان))

مش هقولك غير خافى من اليوم الى هتقفى فيه بين ايادى ربك
ولما يسألك عملتى كدة لية هتردى تقولى اية
لما تتفضحى قدام اهلك ساعتها وياخدوا حقهم منك هتعملى اية


افتكرى ديما قول الله تعالى
(وَاتَّقُواْ يَوْماً تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ )
خافى من الآية دية خافى بجد على نفسك

وهقولك كمان مقولة خديها مبدأ فى حياتك واوعى تتخلى عنها
(وما من كاتب الا سيبلى ويبقى الدهر وما كتبت يداه فلا تكتب بيدك الا شئ يسرك ان تراه يوم القيامة)

والله ما بقول الكلام دة الا خوف عليكى وبس
يلا بقى قومى اتوضى وصلى ركعتين توبى فيهم لربك
وادعي انه يسترك وميفضحكيش
واندمى على الى عملتيه واوعدى ربك انك مش هتعمليها تانى
ويكون وعد صادق ترغمى نفسك انها تتبعه ومتخلفهوش ابدااااااااا

حاجة اخيرة هقولها للولد الى بيلعب بقلوب البنات
انت كمان قوم توب لربك وخاف على بنات اهلك
ولو تطول تصلح غلطك صلحه
اتصدق واستغفر واندم وادعى ان البنات الى انت خدعتهم وغشتهم يسمحوك
بس لو واحدة منهم مش سمحتك تأكد انك انت الى خسراااااااااااااااااااااااااااااااااان
واكبر خسااااااااااااااااااااارة

عارفة يعنى اية خسران
يعنى ضاعت الحياة والاخرة
يعنى خلاص انتهى امرك
الحق نفسك قبل ما يجيلك اجلك وانت قاعد مبنا
تخيل ان النهاردة اخر يوم فى عمرك
هتموت النهاردة وفى ناس بتكرهك و مش مسمحاك
هتعمل اية متخيل قبرك عامل ازاى
متخيل اخرتك عاملة ازاى
خد بالك ان كما تدين تدان
ويمكن كمان مش يتردلك الى عملته فى الدنيا
بس هيقعدلك فى الاخرة
بجد كفاية لحد كدة ضاع من عمرك كتير
استثمر الباقى منه فى اعمال تساعدك فى اخرتك
اعمال تتباهى بيها قدام ربنا
مش اعمال تخذلك وتخلى راسك فى الطين
يلا بقى استحلفكم بالله ياشباب
بطلوا بقى الى كنتوا بتعملوه
تعالوا نبتدى صفحة جديدة بقلم جديد
قلم يكتب الصح لانه اتعلم من غلطه



(كل ابن آدم خطاء وخير الخطائين التوابين)

(واذا سألك عبدى عنى فأنى قريب اجيب دعوة الداعى اذا دعانى )

فى حديث قدسى بيقول :
(يتنزل ربنا تبارك وتعالى كل ليلة الى السماء الدنياحين يبقى ثلث الليل الآخريقول:
من يدعونى فاستجب له,من يسألنى فاعطيه,من يستغفرنى فاغفر له)

يلا بقا عاوزين اية تانى اكتر من ان ربنا يقولكوا فى فرصه اغفر ليكوا
فى فرصه اسامحكوا

(سبحانك اللهم وبحمدك استغفرك واتوب اليك
اللهم انت ربى لا اله الا انت ,خلقتنى وانا عبدك,وانا على عهدك ووعدك ما استطعت
واعوذ بك من شر ما صنعت ,وابوء لك بنعمتك على وابوء بذنبى فاغفر لي فانه لا يغفر الذنوب الا انت

حضرتك عندك حق
النت زى ماله فوايد فاضراره أكتر
واتسبب فى مشاكل كتيير فى مجتمعنا ومنها المشكلة دى
وأنا مش عايزة أتكلم عنها
لان حضرتك وصلت الرسالة أستاذ عصام
حضرتك فعلا صوت الحق

ماشاء الله

بارك الله فيك استاذنا عصام

وياريت فعلاً اخواتنا البنات تفهم كدة

والله الواحد بيكون حزين جداً انة شايف اخته ماشية غلط وهيا مش مستجيبة للنصيحة

وحقيقي اي بنت بتكلم اي شاب بنظام تهريج وهزار ودلع بعيد عن الاحترام والحدود مش عاوز اقول هيا بتكون في نظر الشاب دة ايه

ووالله المشكلة ان الشباب بيقولو طب واحنا ضربناهم علي ايديهم دول هما الي بيكلمونا

ودي نصيحة فعلاً من اخ لاخواته

جزاكم الله خيراً ووفقكم الله

كده أول الطريق للنقاش الصحيح
ونسئل السؤال التقليدى
وياريت الجميع يجاوب بكل صراحة ووضوح
ما هى مواصفات شريكة حياتك الاجابة بعقل وواقعية للشباب ولا يوجد ما تخجل منه
ما هى مواصفات فتى الاحلام للبنات والاجابة بواقعية وعقل ولا يوجد ما نخجل منه
كده هنعرف كل الشباب او الاغلبية بيفكر لما يخطب هيخطب مين
والبنات بتفكر في مين من الشباب
للعلم لما البنت بتمشى غلط الشباب بتهجرها
ونفس الشيء للولد لما بيمشى غلط البنات بتخاف منه ولا تفكر فى الارتباط بيه
يعنى المشكلة مشتركة على الاثنين ولا يوجد طرف بعيد عنها
دعوة للنقاش الجاد وبلا خجل لكى نتعلم كلنا ونستفيد من بعض ونحكم العقل والمنطق وكل ذى خبرة فى الحياة

حلو بس طويل اوىىىىىىىى

الأخت الفاضلة حنان اهلا بكي معنا ونتمنى من الله ان تشاركينا في تلك الحملة


دكتور بوجي مهما كان طويل فهو رسالة لاخواتنا في الاسلام لكي يحترسو




الأخت الفاضلةملك اليمن

ابهرني ما كتبت وقد استشعرت كل كلمة كتبتيها ولذلك اطلب منكي دون تردد ان تبدأي الحملة بعد انتهاء امتحاناتك انتي والأخت أرق ملاك وطمعانة في رضاك يا رحمن انا ارى انكم تسطتيعون أن تمنعوا تلك الظاهرة من داخل المنتدى

واقسم بالله اننا كلنا معكم ولن نتردد لحظة واحدة في ان نوقف اي مهزلة من تلك المهازل

ولقد رايت ذلك بنفسي

حينما عرضت الأمر على الاستاذ عصام لم يتردد لحظة واحدة في ان يتخذ ما يراه مناسب

لقد تحاورنا قبل هذا الموضوع اكثر من ساعة على الايميل لكي نبدأ الحملة

والحمد لله أرى انها ستنجح بجهود كم معنا


فكونا معا يدا بيد لكي نسموا باسلامنا من جديد




انا سامع كل بنت مؤمنة دلوقتي بتقول انا معاكم وايدي في ايدكم




وهو ده هدفنا






ايوه كلكم معانا




ا




ودلوقتي والحمد لله انا واثق ان في ناس هتقدر تقوم مكاني بالدور ده




ر
وبقول لاي بنت لا تترددي اختي الفاضل في الابلاغ عن ما ترينه مخالف لشريعتنا





لتأخذي الحسنات





وسأبدأ ان شاء الله أول مواضيع الحملة لحين انتهاؤكم من الإمتحانات واترككم لتكملوا ان شاء الله

عندي كلام كتييييييييييير
بس انا متهيألي ان موضوع الحمله كان احسن في الاجازه
دلوقتي مهما قعدنا مش هيبقي زي الاجازه
وقد احسنت الاختيار استاذ زيزو
اخترت بنات من اكثر بنات المنتدي ادبا واحتراما ومحافظه علي كلامهم
بس في كتير يقدروا يشاركوا في الحمله دي
انا واحده من الناس عايزه بجد اشترك بس حضرتك عارف الوقت والامتحانات
وفي اكيد كتير غيري نفسهم ينولوا الشرف ده ويكسبوا حسنات
بس زي ماقلت وبكرر الوووووقت
لكن ان شاء الله بعد موافقة حضرتك واستاذ عصام طبعا هشترك معاكم في الحمله دي في الاجازه باذن الله
واتمني اقدر اعمل حاجه لبنات المتدي اللي انا متوقعه ان كلهم هيبقوا مشاركين في الحمله دي
ونهاية بقول اللهم اهدنا وكل بنات المسلمين

المشاركة غير مقتصره على أسماء بعينها بل للجميع ..المدرسين المدرسات الشباب والبنات للجميع يد بيد
الحملة الان وفى الاجازة وفى كل وقت حتى نبنى منتدى يعيش على الفضيلة والاخلاق الجميلة الاسلامية الرائعة
واعلن على الملاء
أبلغنى عن عضو يسئ او عضوة تسئ ولن اتردد فى الحال الوقف النهائى
فى اى وقت تشاء
أبنتى أذا وصلتكى اى رسالةبأسلوب غير لائق حوليها لى فورا أنا أبوكى أمد طوق النجاه لكى ولا تخجلى من والدك انتى فى عمر بنتى التى فى الجامعه واعاملكم بانكم هى
ابنى اتقى الله فى دين الله وشرعه وأختك واذا فكرت تكتب فى المخالفة لدين الله تذكر الله ........
ثم أختك تصلها نفس الرسالة فى نفس الوقت هل تقبل
سعيد جدا بالكلمات التى قرائنها من بناتى اسعدت نفسى وشرحت صدرى
بارك الله فيكم جميعا يارب

اعلم ان الله يراك
ديه رساله من الله الينا
هل تقبل او تقبلي ان تعمل شيء تخجل منه امام الله
الله معانا طوال الوقت وفي اي مكان
والحاجه اللي تغضب ربنا يبقي ربنا مش حيبارك فيها ازاي تغضبه وبعدين يباركلك فيها وهيه حاجه تزعله منك
ازاي هو يحبك ويكرمك ويخلقك في احسن تصوير وترجع تغضبه
هو يقربلك وانت تبعد عنه لما تغضبه يبقي بتبد عنه
هو يحميك ويرزقك وانت تكمل ما يغضبه

الأخت الفاضلةملك اليمن

ابهرني ما كتبت وقد استشعرت كل كلمة كتبتيها ولذلك اطلب منكي دون تردد ان تبدأي الحملة بعد انتهاء امتحاناتك انتي والأخت أرق ملاك وطمعانة في رضاك يا رحمن انا ارى انكم تسطتيعون أن تمنعوا تلك الظاهرة من داخل المنتدى
جزاك الله خيرا
دية اقل حاجة ممكن اقدمها لاختى الى محتاجة منى انى اقف جنبها وانصحها
بس ياترى هى هتسمع الكلام ولا ........
وان شاء الله نكون عند حسن ظن حضررتك بس بعد الامتحانات


واقسم بالله اننا كلنا معكم ولن نتردد لحظة واحدة في ان نوقف اي مهزلة من تلك المهازل

ولقد رايت ذلك بنفسي

حينما عرضت الأمر على الاستاذ عصام لم يتردد لحظة واحدة في ان يتخذ ما يراه مناسب

لقد تحاورنا قبل هذا الموضوع اكثر من ساعة على الايميل لكي نبدأ الحملة

والحمد لله أرى انها ستنجح بجهود كم معنا
ربنا يجزيك انت ومستر عصام على الى عملتوه كل خير
يارب ربنا يجعله ليكم فى ميزان حسناتكم وسبب فى دخولكم جنات النعيم
جعلكم الله ممن يقال لهم ادخلوا الجنه آمنين سالمين

احنا مستنين الاجازة بفارغ الصبر علشان نبتدى

من ناحية طويل فهو طويل لكن من ناحية مفيد فهو مفيد اكر وشكرا علي الكلام الحلو ده

من ناحية طويل فهو طويل لكن من ناحية مفيد فهو مفيد اكر وشكرا علي الكلام الحلو ده

تسمحولى يازيزو ويامستر عصام ارد
على فكرة الموضوع دة مشكلة ومشكلة مجتمع
شوف المجتمع قد اية
علشان حجم مشكلته يكون قد اية
دة كدة صغير وصغير اوووووووووووووى
لو الواحد يطول يكتب فيه مليووووووووووووووون صفحة كان كتبهم ولسة هيكون فى كلام عاوز يقوله
بجد عيش المشكله وحسها
وانت هتلاقى ان الموضوع صغير عليها
كان المفروض يكون اكبر من كدة بكتير

وانا ان شاء الله سأبدا الحملة من الآن وحتى تنتهون من الامتحانات لاترك لكم الموضوع لتقوموا بادارته كيفما ترون
ولكني في انتظار موافقة عضو على الموضوع الأول من الحملة وبعد الموافقة على طرح الموضوع سأقوم بوضعه على الفور وان لم يوافق سأقوم بعمل أخر لنصل الى اقصر الطرق التي تفيد بنات الامة الاسلامية

الاول أعرفكم بنفسى
أنا ماما لبنت فى مثل سنكم فى الجامعة
ياريت يا أبنتى لا تمشى وراء أى كلام مش كل من ضحك فى وشكى بقى حبيب ياريت البنات تفتكر ربنا وللعلم هذه الفترة تمر البنات بمرحلة المراهقة والحب والهيام والاوهام ودى حقيقة مش كلام وتوجد مشاكل كثيرة فى البيوت المصرية لهذا السبب ويجب أن ننصح كل بنت
لماذا انصحهم ؟
لانها تعيش فى وهم وتضحك بيه على نفسها
لانى أى شاب لما ييجى يرتبط بيرتبط بواحدة يعرف عنها كل شيء من حيث الادب والاخلاق والتربية السليمة ويوجد شيء البنات تجهلة وهو الشباب بيقول لبعض انه يعرف فلانه وماشى معاها بنوع من التفاخر والتباهى بهذا انه اصبح رجل شفتى الحالة وصلت الى اين اصبح الكل يعرف بانكى ماشية مع فلان وانتى الوحيدة المخدوعة انى محدش يعرف خالص وهذا خداع لكى منظرك ايه لما كل أصحابة تعرف انكى ماشية مع فلان وبيتكلمو علينك وينظرو لكى نظرة استحقار ومنهم من تسول له نفسة انى يمشى معاكى مهو خلاص اصبحتى مطمع للجميع وبسببك انتى فى المقام الاول والاخير
انا هقول فى الاخر كلمة واحدة
الانسان ما هو الا سمعه فقط وعلى اساسها يتجة الناس اليه او البعد عنه

الاول أعرفكم بنفسى
أنا ماما لبنت فى مثل سنكم فى الجامعة
ياريت يا أبنتى لا تمشى وراء أى كلام مش كل من ضحك فى وشكى بقى حبيب ياريت البنات تفتكر ربنا وللعلم هذه الفترة تمر البنات بمرحلة المراهقة والحب والهيام والاوهام ودى حقيقة مش كلام وتوجد مشاكل كثيرة فى البيوت المصرية لهذا السبب ويجب أن ننصح كل بنت
لماذا انصحهم ؟
لانها تعيش فى وهم وتضحك بيه على نفسها
لانى أى شاب لما ييجى يرتبط بيرتبط بواحدة يعرف عنها كل شيء من حيث الادب والاخلاق والتربية السليمة ويوجد شيء البنات تجهلة وهو الشباب بيقول لبعض انه يعرف فلانه وماشى معاها بنوع من التفاخر والتباهى بهذا انه اصبح رجل شفتى الحالة وصلت الى اين اصبح الكل يعرف بانكى ماشية مع فلان وانتى الوحيدة المخدوعة انى محدش يعرف خالص وهذا خداع لكى منظرك ايه لما كل أصحابة تعرف انكى ماشية مع فلان وبيتكلمو علينك وينظرو لكى نظرة استحقار ومنهم من تسول له نفسة انى يمشى معاكى مهو خلاص اصبحتى مطمع للجميع وبسببك انتى فى المقام الاول والاخير
انا هقول فى الاخر كلمة واحدة
الانسان ما هو الا سمعه فقط وعلى اساسها يتجة الناس اليه او البعد عنه
على ما اعتقد كده لا توجد اى حجة لكم ادى ام كمان معانا فى الموضوع اه استشريها وشوريها و هى تعتبركى مثل بنتها
شكرا لكى اختى على تواصلك معنا

الحمد لله يا استاذي

ان شاء الله هتنجح الحملة

ربنا معانا

ياريت انا كمان انضم ليكم والله الاسلام مش عايز غير اللي يرجعه ولو كل واحد حاول يلزم نفسه اولا ثم الاقرب فالاقرب هيرجع عهد الرسول ص تاني وتذكروا ان الله يبعث على امتنا كل مائة سنة من يجدد ايمانها ارجوا الله ان نكون منهم وان يرزقنا الاخلاص في القول والعمل

كده أول الطريق للنقاش الصحيح
ونسئل السؤال التقليدى
وياريت الجميع يجاوب بكل صراحة ووضوح

ما هى مواصفات فتى الاحلام للبنات والاجابة بواقعية وعقل ولا يوجد ما نخجل منه




كنت مستنية حد يجاوب علشان يبدأ بس محدش جاوب
انا هبتدى واقول مواصفات فتى احلامى :
1)متدين وعلى خلق وعنده اساس كويس
2)يمتاز بروح المناقشة والتفاهم للوصول للقرار السليم
3)راجل بمعنى الكلمة
4)حنين ورومانسى وطيب
5)يقدرنى ويقدر اهلى ويعملهم حساب قبلى
6)يكون بيبر ابوه وامه

موضوع جميل اوى بجد ياأستاذنا

تكرم عيونك

بس حضرتك نسيت رسالة

" حبيبى ماشى حافى و الارض بتلسعه .......... ياريتنى كنت شبشب كنت اقدر انفعه "

موضوع جميل اوى بجد ياأستاذنا

" حبيبى ماشى حافى و الارض بتلسعه .......... ياريتنى كنت شبشب كنت اقدر انفعه "
أنا لم احذف الرد ولكن بالله عليك هذا رد فى موضوع مهم جدا
ياريت تجيب بنفسك على هذا السؤال
....
لن اسمح بقلب الموضوع لتهريج
اللى عاوز يناقش الموضوع ويفيد ويستفيد أهلا وسهلا واللى مش عاوز يكفينا مروره فقط ولا نطلب منه رد ولا تعليق ....

انت معاك حق

ولكننا اكتشفنا مؤخرا ان هناك شخص ما يتلاعب بأكثر من فتاة بالمنتدى وهذا الشخص يوجد مثله الكثيرون وقد تم ايقافه للأبد


فقد اعاننا الله على معرفته دون ان نسعى لذلك
وليعلم ان الكذب عمره قصير ولن يطول




فلذلك كان لزاما علينا تنبيه الاعضوات الذين يتعاملون معه ونحن نعرفهم جيدا دون ذكر اي اسماء

فنشكر ذلك الشخص انه اثارنا لأن نعلن عن حملة كبيرة ان شاء الله لن تتوقف ضد المغرضون أمثاله
وهذه الحملة سيكون لها اهداف وهي توعية أخواتنا في الاسلام بكل السبل والطرق وكيف يستطيع الشخص ان يوقع الفتاه في عمل ما لا يحمد عقباه واغضاب الله والأهل

لذلك

هذا العضو تم ايقافه ليكون عبرة لمن يعتبر ويكون مثالا لبناتنا ليروا ان كل هذا هراء


تقبل الله منك استاذ عصام واشكرك لتلبية طلبي ومساعدتي في بدأ تلك الحملة

وتلك الحمله هي للجميع

دعوة للكل وان شاء الله سنتواصل دائما بكل ما يفيد اخواتنا في الاسلام
السلام عليكم ورحمة الله وبركاته
بدون الإكثار من الشكر فكلنا مسئول فى التوعية سواء كنت أخت أو أم أو كنت أخ أو أب أو زوج أو خطيب أو الخ
فى البداية أحب أقول انتم ليه بتحطوا كل الحمل على البنت وبتتروكوا الولد وانأ متفقه فى ان البنت هيه اللى بتسمح للولد بس المسئولية مشتركه ؟ وللعلم زى ما فى أولاد بيتسلوا بالبنات فى بنات بتعرف كويس قوى ازاى تتسلى بالشباب يعنى العملية مش مقتصره على البنت بس لكن الاثنين معا ؟؟؟؟؟؟؟؟؟ فلازم ننصحهم ونحذرهم ونعاقبهم معا واعلم كمان ان فى مساومات كتيره جدا بين البنات والأولاد على مين فيهم اللى هيوقع بالتانى فى شباك الأخر أولا أليست هذه بمهزلة لقد رايتها وسمعتها من ناس اعرفهم فكل واحد منهم يعلم ان الأخر كل مايهمه هو التسلى بالثانى ولكنه يترك نفسه ؟؟؟؟؟؟؟؟؟(اشعر بالخجل لهم ولحالهم ولتفاهتهم )ولا يوجد تعقيب مناسب !!!!!!!!!!!!!
وبعدين انا قرات ردود الكل بس انا هسالكم سؤال واحد بس مين فيكم لم يحب ؟؟؟؟؟؟؟؟ انتم كلكم فاهمين انا قاصده إيه غير حب الاهل وحب الكل فى الله نعم كل ده حب وجميل بس انا قصدى الحب التانى اظن مفهوم ؟ اولا اللى هتقول ولا هيقول ما حبتش اما هرد عليه وهقوله كداب ومنافق او هقوله لسه مجاش الوقت اللى هتحب فيه ؟؟؟ يعنى مافيش حد لم يحب ولكن الاقتناع بالنصيب احسن بكتير والتعلم باللى مارينا بيه كمان اهم واحسن وبعدين الكل عارف ان ربنا خالق الجنسين يميل كل منهم للاخر فلا لوم على من يحب فالحب ليس بالحرام ولا العيب بس للاسف احنا وبادينا الى شوهنا الحب بكل مافيه وسنكمل فيما بعد باذن الله لان الكلام كتيييييييير

شكرااااااااااااا جدااااااااا يا استاذ زيزو ع ثقة حضرتك

و متاسفة انى اتاخرت بس والله عشان المذاكرة

و شكرااااااااااااااااااااااااااااااااااااااااا جدااااااااااااااااااا جداااااااااااااااااااااااااااااااااا ان حضرتك هتمسك الموضوع لحد ما نخلص

دعواتكم معانا

جزاك الله كل خير يا استاذ عصام

بعد السلام عليكم
الموضوع هايل يا استاز عصام
وفعلا متشكرين جدااا
علي الموضوع وعلي فكره انا واحد من الناس استفدت كتير
شكرااااااااااااااااااااااااااااااااا

مشكووووووووووووووووووووووووووووووووووووووووووووووو ووور

شكرا على مجهودك العالى وربنا يكتبهالك فى ميزان حسناتك

شكرا على مجهودك العالى وربنا يكتبهالك فى ميزان حسناتك


ايه هو حضرتك هتلف على كل مواضيع المنتدى وتكتب هذا الرد...!

طيب غير مره....!

ايه هو حضرتك هتلف على كل مواضيع المنتدى وتكتب هذا الرد...!

طيب غير مره....!

معاك حق يا جنرال انا لاحظت ذلك
مكتوب نفس الجمله فى كل المواضيع

على فكره مش كل الشباب كده انا ولاهى يا استاذ صوت الحق من ضمن المحادثه العاديه شفت من كلام بنت خجوله جدا ورقيقه جدا حطتها فتاة احلامى وعلى فكره هى نويا انشاء الله تخش الكليه الى هخشها وانشاء الله يرب يوفقنى واخطبها فى الكليه والنيه لله دى حاجه ان هعمل الصعوبات لاخطبها مش هقدر اقول مين البنت دى معلش sorry

معاك حق يا جنرال انا لاحظت ذلك
مكتوب نفس الجمله فى كل المواضيع
دى ناس بتبقى عايزة تزود مشاركتها وخلاص

يارب كل الناس تتقى الله

موضوع رائع وجميل جدا استاز عصام بصراحه الموضوع ده بيحصل كتير والاكثر من البنات اللى هم بيضحكوا ويتسلوا على الشباب حصل معايا شخصيا

شكرا على الموضوع الرائع وبارك الله فيك