كليه الهندسه الالكترونيه بمنوف [الأرشيف] - بوابة الثانوية العامة المصرية

ahmed...fahmy

17-07-2012, 05:58 PM

أي استفسار بخصوص كليه الهندسه الالكترونيه بمنوف إن شاء الله اقدر افيدكم.
م/ ايمن . فرقه تالته قسم حاسبات بإذن الله

عايز اعرف هتاخد من كام السنادى تقريبا كده بس يبقى توقع واقعى شوية لانى مش متفائل انها تنزل عن94 انا جايب 93.7فيه امل الحقها ولاايه

aymanlove2008

17-07-2012, 06:16 PM

ممكن تقفل علي مجموعك بالظبط يا احمد او تزيد .1
ما اعتقدتش انها هتقفل علي 94 %

MUSTAFAEGYPT

18-07-2012, 12:41 AM

انا عايز منك خدمة بجد هل تقدر تفيدنى بما انك فى هندسة حاسبات
عايز اعمل برنامج ينطق ايقونات سطح المكتب بمجردمااقف عليها ياريت تفيدنى

Diva Dove

18-07-2012, 02:36 AM

ممكن اعرف انتوا بتدرسوا ايه بالزبط + ايه الفرق بينها وبين هندسة حاسبات وبين هندسة اتصالات

+ معلش .. ايه هو مجال شغلها ... يعنى ممكن تشتغل ايه وفين

وشكرا

كريم12

18-07-2012, 05:23 PM

انا عايز اعرف هطلع منها ايه ونظام الشغل والوظائف وكدة وبدرس ايه

aymanlove2008

18-07-2012, 11:20 PM

اوكي ‏.‏ بتمني من الله افادتكم.‏ انا مش هامدح في هندسه منوف عشان أنا فيها.‏ انا هاتكلم عنها بمقارنتها بباقي الكليه ونظام دراستها.كليه الهندسه الالكترونيه بمنوف تعتبر الكليه الوحيده المهتمه بالالكترونيات بتعمق علي مستوي الجمهوريه والشرق الاوسط.‏ تنقسم الي ثلاثه اقسام قسم هندسه وعلوم الحاسب وقسم هندسه التحكم والالكترونيات الصناعيه وهندسه الاتصالات.‏ الدراسه في اول ثلاثه سنين تكون دراسه عامه يتم دراسه كل ما هو متعلق بالالكترونيات والكهربيه وكل اساسيات الاقسام بحيث تكون قادر علي دراسه هذه الاقسام.‏ يتم التخصص في السنه الرابعه من الدراسه في ايا من الاقسام ‏.‏ نيجي في الفرق بينها وبين الاقسام في الكليات الاخري.‏ بالنسبه لقسم الاتصالات.‏ %‏ من مهندسين الجمهوريه خريجين هندسه منوف ‏.‏ ولما تروح شركات الاتصالات والمصريه للاتصالات هتعرفوا ده بنفسكم.‏ قسم اتصالات يتم الدراسه فيه بتعمق بحيث تكون قادر علي استيعاب كل ماهو جديد مبنيا علي اساس علمي.‏ ولنا تتخرجوا وتشتغلوا هتلاقي نص شغلك خته في الكليه

كريم12

18-07-2012, 11:25 PM

لو مجموعي جابها
هل يجوز التحوويل منها سواء عن طريق تقليل الاغتراب او اما قضاء سنة ثم التحويل الي كلية بالقاهرة او عين شمس حلوان مطرية

ارجو الرد

aymanlove2008

18-07-2012, 11:54 PM

ولا يوجد اختلاف بينه وبين اتصالات القاهره.‏ بالنسبه لقسم حاسبات.‏ القسم ده يعتبر من احسن اقسام الكليه نظرا لدراسته العمليه في جميع اقسام الحاسبات ‏.‏ كل دراسته عمليه ‏.‏ ينقسم الي سوفت وير وهارد وير.‏ يتم دراسه الجزئين واختار اللي عايزه.،وده قسم العباقره لانه مش معتمد علي الحفظ.‏ بالنسبه لقسم تحكم . قسم تحكم يعتبر جزء من قسم كهرباء ‏.‏ وبتوع كهربه بيدرسوا كله علي بعضه.‏ عندنا بندرس قسم تحكم بس زي القاهره وحلوان وممكن تتخصص داخل قسم تحكم ‏.‏ تخصصات زي هندسه طبيه وحاجاات تانيه

aymanlove2008

18-07-2012, 11:57 PM

بالنسبه لللشغل.‏ التلانه اقسام بيشتغلوا اول ما يتخرجوا لأن السوق محتاجهم.‏ بتمني اني اكون افيدكم

aymanlove2008

19-07-2012, 12:02 AM

بالنسبه لاستاذ مصطفي.‏ فيه برنامج موجود ناطق للكل حاجه موجود في الكمبيوتر.‏ ان شاء الرحمن هاجيبهولك وهارفعهولك

aymanlove2008

19-07-2012, 12:06 AM

بالنسبه للتحويل منها.‏ اولا ممكن تحول منها عشان الاغنراب لو محافظتك بعيد وده بعد نتيجه المرحله الاولي من التنسيق ما تظهر.‏ وممكن تحول بعد السنه منها ‏.لجميع المحافظات.‏ فيه بعض اللكليات بترفض التحويل وده بيختلف من سنه لسنه حسب نسبه الطلبه المحوله,‏ وغالبا بيقبل.‏ وانتي لو جربت سنه ‏.‏ ان شاء الله مش هتتحول

مهندس علاء

19-07-2012, 12:46 AM

أحذروا يا شباب كلية الهندسة الالكترونية هى كلية مالهاش اى 30 لازمة انا خريج 2001 قسم التحكم الالى ايـــــــــــــــــــــــــاك تدخلها الا مضطر -واذا دخلتها حول علطوووووووووووووووول فى جزء من الثانية - هذه الكلية وباء على خرجيها اسم على الفاضى زى كده الكلية المسماة حاسبات ومعلومات .ادخل هندسة كهرباء باور او قسم مدنى اوميكانيكا باور او كهرباء شبكات نقل فقط باقى الاقسام هتش فى الفاضى . أقسم بالله العظيم انى عانيت من هذه الكلية معاناة وكلنا كده خريجى هذه الكلية ولا تصدق اى حد يشجعك تدخلها "والا ما كانتش بتاخد من اقل مجموع "

aymanlove2008

19-07-2012, 10:22 AM

يا باشمهندس علاء ‏.حضرتك بس اللي بتقول كده.‏ عشان حضرتك ما اشتغلتش بتكره الناس فيها.‏ انا فهمتك انت عايز تشتغل لما تتخرج علطول،.‏ فنصحت الطلبه بانه يحولوا كليه تانيه.‏ لو حضرتك عندك اي تعليق علي الكلام اللي قولته انا عن الكليه او كلامي غلط.‏ اثبتلهم كده.‏ حضرتك سايب الكليه بقالك ‏ سنه ‏.الدراسه علي وقت حضرتك ما تقارنهاش بدلوقتي.‏ ‏ انا كل اللي اعرفه اي انسان بيتخرج بيشتغل

aymanlove2008

19-07-2012, 10:23 AM

وشوف حضرتك السوق عايز ايه دلوقتي.‏

aymanlove2008

19-07-2012, 10:30 AM

issac-newton

20-07-2012, 01:25 AM

يثبت للأهمية

مهندس علاء

20-07-2012, 09:56 PM

هذه نصيحة " اخ أمين " وليست نصيحة من واحد ما اشتغلش زى ما قال الاخ ايمن سوق العمل للهندسة الالكترونية الان غير زمان -زمان فى دفعتى كانت هندسة الكترونية بتساوى مع بترول فى التنسيق " يعنى طلبة كانوا جايبين مجاميع 98و97 وكانوا بيقدموا فى هنسة منوف بعد التخرج سوق العمل غير تماما شوف البهدلة اللى بيشوفها بتوع منوف سواء كان تحكم او اتصالات وموش هتكلم على حاسبات علشان دى قصة حزينة اخرى خليك دايما فى السليم كهرباء باور مدنى ميكانيكا غير كده ريح بالك واكتفى بالثانوية العامة وأبدأ شغل علطول وعلى راى المثل يا مهندس مجتهد أسأل مجرب وعلى فكرة انا استطعت بتوفيق الله وبعدى عن مجال الهندسة الالكترونية نهائيا وشغلى كمهندس باور انى التحق باكبر الشركات فى مصر وفى السعودية والحمد لله . وعمرى ما بجيب سيرة انى مهندس الكترونيات او خريج هندسة الكترونية واغلب زملائى اللى لسه متواصل معاهم وعددهم موش قليل نفس الكلام . ريح نفسك يا اخ يا طلب الثانوية وخليك فى السليم وربنا يوفقنا جميعا مع حبى واحترامى لاخى الفاضل ايمن

mody20204

21-07-2012, 11:15 PM

هل يمكن التحويل منها الى هندسة اسكندرية ؟ سواء على الفور او بعد سنة ؟

sh_neweshy

22-07-2012, 12:13 AM

انا كنت عايز اعرف هي هندسة الكترونيات منوف بتعتبر تبع كليات هندسة و لا لأ .... يعني لو انا دخلت فيها اول سنة ممكن احول لهندسة عين شمس او القاهرة مثلا ..... و لا هي كلية مستقلة بذاتها زي كلية تخطيط عمراني كده ؟؟

aymanlove2008

22-07-2012, 03:50 PM

بالنسبه لهندسه منوف ممكن تحول عادي لأي كليه وليست كليه زي تخطيط عمراني فيه فرق اكيد بينهم دي هندسه الكترونيه والتخطيط العمراني شبه معهد . كل سنه التحويل بتختلف حسب قرار الجامعات اللي بتروحلها .يعني علي سنتي بعد اعداي عادي قبلوا كل المحولين لهندسه الاسكندريه وفي نفس الوقت القاهره كانت رافضه تحويل ليها من اي جامعه. عين شمس كانت قابله التحويل.

aymanlove2008

22-07-2012, 04:00 PM

رد علي الأخ العزيز الباشمهندس علاء. خيلنا نتكلم بصفه عامه
بالنسبه للمهندسين ما فيش حد بيقعد او حد يقولك مافيش شغل. طور من نفسك عشان تتأقلم مع سوق العمل ودي اهميه الدورات الداخليه في الكليه وخارجها . كليه هندسه منوف الاقسام اللي فيها اقسام تعتبر من الاقسام اللي مش محتاجه تخبط وتكسر وتجيب فلوس. بالعكس اقسام عاليه جدا وتحتاج الي حب القسم والتفكير في انك انت عايز تتطلع ايه . فكر اولا وقرر اخبرا . لو انت حضرتك متابع اخبار كليتنا واقسام كنت حضرتك قولت كلام غير ده. مسابقه الروبكون علي مستوي الجمهوريه كل سنه حضرتك بناخدها وغير مشاريع التخرج كل ده تبع قسم تحكم . غير الاقسام التانيه . يا جماعه والله الكلام اللي بقول عليه مش كدب. بالنسبه لمهندسين اتصالات وحاسبات وتحكم 75% من مهندسي الجمهوريه خريجين من كليتنا غير الشغل الخاص. الاستاذ علاء بيتكلم علي الاقسام زي كهربه ومدني ومعماري وباور اللي بجيب فلوس كتير وشغل روتيني مش محتاج تفكير .وبالنسبه للتسيق اللي بتقول عليه انا تنسيقها قل دي بناءا علي موقع الكليه فقط لا غير. واسف حضرتك علي الاطاله

aymanlove2008

22-07-2012, 04:02 PM

رد علي mody20204

عادي ينفع تحول لهندسه الكليه لتقليل الاغتراب حسب ما التنسيق ما يشوف
او بعد سنه من حضورك في الكليه

aymanlove2008

22-07-2012, 04:03 PM

رد علي كريم12

ان شاء الله تلحق هندسه منوف يا هندسه.

aymanlove2008

22-07-2012, 09:29 PM

بعد اذن حضراتكم.‏ فيه حد هنا كاتب هندسه منوف رغبه اولي

mody20204

24-07-2012, 04:09 AM

طب انتا بتقولى ينفع احول ..
بس انا افرض مجموعى مجابش هندسة برضه هينفع ادخل هندسة الكترونيات واحول هندسة اسكندرية؟

mody20204

24-07-2012, 02:14 PM

ولما احول من اعدادى لازم تقدير معين ؟ ولما احول هحول لاقسام معينة ؟ وايه هى ؟

aymanlove2008

24-07-2012, 05:17 PM

الجزء الاول من سؤالك.‏ مجموعك طالما مش جايب هندسه فينفعش تدخل هندسه سواء منوف او غيرها.‏ الجزء التاني من سؤالك بالنسبه للتحويل ممكن تحول عادي بشرط تكون ناجح حتي لو معاك ماده.‏ بس فيه مشكله لما تحول مش هيدخل غير القسم اللي يجيب مجموعك وفيه بعض كليات الهندسه زي المنصوره بيفرضوا عليك قسمين بس حتي لو تقديرك عالي .‏

mody20204

24-07-2012, 10:31 PM

لا ماهو تنسيق هندسة غير هندسة منوف ..
السنة اللى فاتت هندسة 386.5 هندسة الكترونيات 385

ومعلش سؤال اخير .. هى تبع نقابة المهندسين صح؟

aymanlove2008

25-07-2012, 12:39 PM

يا جماعه ‏.‏ هندسه منوف زي اي هندسه في الجمهوريه ‏.وتبع نقايه المهندسين.

fire king

25-07-2012, 12:46 PM

السؤال
انا من اسماعيلية
ممكن لما تجيلي منوف احول لهندسة الاسماعيلية ؟

mr-mo512

25-07-2012, 01:15 PM

السلام عليكم
هل يمكن التحويل من هندسة الكترونية بعد اول سنة الي هندسة عادية (اسكندرية مثلا)؟
و الدراسة فيها 4 سنين ولا 5 سنين ؟
خريج هندسة الكترونية بيخش النقابة ؟

ارجوكم المساعدة من فضلكم ف اقرب وقت عشان التنسيق

فيروز*

25-07-2012, 01:33 PM

aymanlove2008

25-07-2012, 03:26 PM

mr-mo512

25-07-2012, 04:57 PM

يا جماعه ياريت تقرأوا كومنتاتي كلها هتلاقوا فيها رد علي كل اسئلتكم.‏ بالنسبه لهندسه منوف هي كليه هندسه زي اي كليه هندسه الدراسه فيها ‏ سنين عادي.‏ وعادي اي حد عايز يحول بعد اول سنه بيحول عادي .‏ مش عارف ليه انتوا فاكرين هندسه منوف مش هندسه ليه.

شكرا ليك انا اتوكلت على الله و حتطها قبل حاسبات و ان شاء الله ياارب الحق هندسة اسكندرية بدل وجع الدماغ و الغربة :rolleyes:
جزاك الله خير يابشمهندس

best_lover94

25-07-2012, 06:25 PM

السلام عليكم ورحمه الله وبركاته
هندسه منوف فيها قسم اتصالات مش كدا ؟
وكمان دلوقتى لو انا جالى هندسه منوف ينفع احول لاى هندسه تانيه ( اقسام مختلفه يعنى مثلاً مدنى معمارى ) ؟
والمدينه الجامعيه فيها ايه نظامها ؟
وهل سوق العمل بيفضل خريجين هندسه منوف عن ولا لأ ؟
وشكرا

الأمير سيف الدين قطز*

26-07-2012, 02:20 AM

يا خبررررررررررررررررر

طب أنا أعمل إيه دلوقتى .. أنا كتبتها بعد حاسبات المنصورة

طب مثلا إفرض لو جالى حاسبات المنصورة

وكان مجموعى أكبر من هندسة منوف دى .... ينفع أحول .. من حاسبات ولا لا ؟؟؟؟

ياريت الرد ضرورى

أنا كتبت الرغبات ..هندسة ثم تخطيط ثم طاقة أسوان ثم حاسبات المنصورة ثم هندسة إلكترونية منوف

أرجوا الرد

ahmad mohammad

26-07-2012, 05:45 AM

طيب انا جايب 93.5 فرصتى ايه بالنسبه ل منوف .
وهل فى مدينة جامعية ولا لأ .
والإغتراب ينفع من أول سنة ولا لازم اقضى فيها سنة ..؟

salma elrokh

28-07-2012, 06:46 PM

انا
جايبه 97.2 وكاتبه اول رغبه هندسه منوف لان الصراحه ناس كتير شكرولى فيها

sh_neweshy

29-07-2012, 04:13 PM

انا جتلي هندسة الكترونيات منوف .... بس بصراحة مش عارف اذا كنت افرح و لا ازعل و لا أعمل ايه لأن انا بصراحة خايف اني اكون ادبست فيها ..... يا ريت بقى دلوقتي تقول لي على كل حاجة فيها بالتفصيل اقسمها و كدة .... و يا تارى تعرف ناس اتخرجوا منها اشتغلوا و لا لأ ..... و يا تارى هي أفضل و لا حاسبات و معلومات .... لأن أنا بصراحة مبقتش عارف اي حاجة !!!:(

aymanlove2008

29-07-2012, 04:30 PM

اولا.‏ الفين مبروك ليكم.‏ كل حاجه ربنا كاتبها.‏ طيب انا اتكلم كتير عن الكليه وربنا في الموضوع ده ‏.‏ ممكن تراجع كومنتاتي هتلاقي شارح كل حاجه.‏ ممكن حضرتك تراجع الكومنتات وتشوف استقريت علي ايه
.‏ وان شاء الله هتلاقيني كل حاجه قايلها,‏

book20102004

29-07-2012, 05:03 PM

شكراً ليك باشمهندس أيمن على موضوعك الرائع ..

أنا كان نفسي أدخل هندسة ( قاهرة - عين شمس - حلوان - شبرا ) .

لكن ربنا رزقني بمنوف لأن مجموعي ما يجيبش اللي فوق

أنا عايز أعرف هوا المدينة الجامعية بتقبل من أول سنة على طول ؟ وإيه هي شروطها ؟

aymanlove2008

29-07-2012, 05:25 PM

لا شكر علي واجب يا هندسه ‏.‏ الف مبروك ليك.‏ بالنسبه للمدينه الجامعيه ‏.‏ اي حد بيسكن فيها مهما يكون محافظته حتي لو كان من المنوفيه.‏ المدينه الجامعيه عباره عن تلات مراحل او مرحلتين للسكن.‏ المرحله الاولي تكون الاولويه للمحافظات الابعد .‏ المرحله التانيه .‏ حضرتك بتسحب الدوسيه بتاع المدينه الجامعيه لما يعلتوا سحب الدوسيهات وتملاه وبعد كده هو بيصنفك علي المراحل الموجوده ممكن تكون اولي او تانيه وغالبا كلهم بيسكنوا.‏ المرحله الاولي بتسكن الاول وبعدها باسبوعين المرحله التانيه

book20102004

29-07-2012, 07:47 PM

الله يبارك فيك ، وألف ألف شكر مرة تانية

aymanlove2008

30-07-2012, 12:10 PM

لا شكر علي واجب يا هندسه.‏ ربنا يوفقكم وما تحرموناش من دعائكم ‏.‏ ‏:‏)‏

م/وليد شفيق

30-07-2012, 01:35 PM

لو سمحتوا انا جاتلى هندسه الطاقه باسوان
هل هى احسن ولا الكترونيه منوف؟
هى ليها شغل ولا لا؟ وايه نظام الدراسه فيها؟ وايه نظام الساعات المعتمده ده؟
ياريت تفيدونى بسرعه للاهميه

Eng.ABDO2015

30-07-2012, 03:02 PM

بجد موضوع جامد جداً و أجاب عن كل تساؤلاتي

و لكن يبقى السؤال :

نروح امتى المدينة الجامعية؟

وعلى فكرة انا من شربين - المنصورة - دقهلية

aymanlove2008

30-07-2012, 03:33 PM

ان شاء الله.‏ لما التقديم يفتح في الكليه وفي المدينه الجامعيه هاقولك علي المواعيد والاوراق المطلوبه منكم للتقديم واي جديد هاوافيكط بيه.‏ دي صفحتي علي الفيس بوك يا جماعه.‏ اللي عايز يستفسر عن اي حاجه في الكليه يبعت رساله وان شاء الله هارد علي جميع استفسارتكم .‏
www.facebook.com/ayman.emad

aymanlove2008

30-07-2012, 03:36 PM

ان شاء الله هاجيبلكم رقم شئون الطلاب برده الاسبوع الجاي عشان تتأكده برده.‏ ‏

كريم12

30-07-2012, 03:57 PM

انا عايز اعمل التماس علي نص درجة بس
انا جبت 386 ينف ع اعمل التماس واخش الكترونية
دي من 386.5 يعن نص درجة بس
ينفع التحق بيها ولا لا
رجاااء الرد
لان ميولي ليست تخطيط ولكن ان فرضت علي هاتحمل بقي وخلااااص
اعشق الميكانيكا والاكلكترونيات والفيزياء
رجاء رد

fire king

30-07-2012, 05:57 PM

يا بشمهندس
انا جاتلي تخطيط عمراني
لكن مجموعي يسمح بمنوف او حتى طاقة اسوان( 387 )

سألت عميد كلية الهندسة جامعة قناة السويس قال مينفعش التحويل من منوف او تخطيط لهندسة عادية لانها كليات متخصصة
الكلام ده صح ؟
ولو ممكن احول
ايه الاقسام المتاحة ؟
وتفتكر التحويل احسن ولا اني افضل في الكترونيات منوف لاني اسمع لها سمعة ممتازة وانها الاحسن في مجالها

محتاج رد ضروري بسرعة عشان لو هحول

من وجهة نظر حضرتك
تفتكر ان المفروض اني احول من تخطيط عمراني لالكترونيات منوف ؟
(نصيحة اخوية يعني)

والتحويل بدأ ولا لأ ؟
واي نظام المدينة الجامعية ؟ يعني كام واحد في الغرفة والمصاريف كام ؟

اتمنى لو تعمل اقتباس وترد على كل سؤال
ومعلش لو هتعبك شوية لان ده تحديد مستقبل وربنا يجازيك خير

fire king

30-07-2012, 06:02 PM

انا ضفت حضرتك على الفيس
اتمنى ان حضرتك تقبل عشان اعرف استفسر كويس

aymanlove2008

30-07-2012, 06:04 PM

aymanlove2008

30-07-2012, 06:07 PM

اعمل التماس يا عالم ممكن تاخد نص درجه وتدخل هندسه.‏ انا ليا واحد كان فاضله نص درجه وعمل التماس وجاتله ودخل هندسه.‏ اتوكل علي الله واعمل التماس

fire king

30-07-2012, 06:08 PM

ما تقارنش هندسه منوف بكليه مش هندسه اصلا زي تخطيط عمراني.‏ سايب الهندسه وعايز تخش كليه غير الهندسه.‏ طبعا حول لهندسه منوف ولو ما عجبتكش حول لاي هندسه تانيه بعد اول سنه بس .‏ استخير ربنا واعمل طلب تحويل وان شاء الله خير
1-طب معلش ممكن تعمل اقتباس وتجاوب على سؤال سؤال
2-
هندسة الكترونية منوف مش مكتوبة في الكليات اللي تبع نقابة المهندسين
؟!! ازاي ؟
http://www.eea.org.eg/
مكتوب هندسة جامعة منوف
ودي هندسة الكترونية منوف
3- تخطيط عمراني تاني كلية في موقع النقابة بعد هندسة القاهرة
اذا هي هندسة
صح ؟

fire king

30-07-2012, 06:09 PM

اعمل التماس يا عالم ممكن تاخد نص درجه وتدخل هندسه.‏ انا ليا واحد كان فاضله نص درجه وعمل التماس وجاتله ودخل هندسه.‏ اتوكل علي الله واعمل التماس

عميد الكلية قال مفيش التماس

aymanlove2008

30-07-2012, 06:11 PM

بالنسبه لتحويل من تخطيط لهندسه,‏ مش عارف بصراحه.‏ كلم بتوع التنسيق في القاهره ‏.اعتقد ليهم تليفون ‏.‏ او اعمل طلب تحويل من علي النت لما باب التحويل يفتح وشوف هيقولولك ايه.

mostafayehya

30-07-2012, 06:40 PM

السلام عليكم

انا طالب فى الثانويه العامه جبت 95.12 وجالى الترشيح هندسه منوف هل هيا افضل ولا هندسه حلوان وازاى اقدر احول بس يا ريت خطوات عملى انا قريت البوست كله بس محدش قال احول ازاى بالتفصيل وهل ممكن بعد سنه اولى اعدادى احول هندسه القاهره وهل هيا افضل من اى قسم الكترونيات اخر ؟

aymanlove2008

30-07-2012, 08:00 PM

اولا هندسه منوف تبع النقابه.‏ وثانيا هندسه جامعه منوف هي كليه الهندسه الالكترونيه بمنوف.‏ دي كليه هندسه وبالنسبه للتخطيط عادي لما يكون في النقابات ‏.‏ ده مش معناه ان التخطيط هندسه.

fire king

31-07-2012, 12:23 AM

شكرا يا بشمهندس
انا قررت التحويل لمنوف بس في استفسارين تاني
1-امتى يبدأ التحويل وايه المطلوب ؟
2-ايه رأيك في هندسة الطاقة بأسوان ؟

mido882

31-07-2012, 02:20 AM

السلام عليكم يا استاذ ايمن انا من اسكندرية وجاتلى حاسبات المنصورة ومجموعى جايب هندسة الكترونية ممكن احول ليها من على النت ولا لازم اسافر المنصورة اجيب اذن من حاسبات هناك. ارجو الرد السريع عشان لو فى سفر الحق اسافر.

م/وليد شفيق

31-07-2012, 08:49 AM

لو سمحتم حد يرد عليا للاهميه القصوى

لو سمحتوا انا جاتلى هندسه الطاقه باسوان
هل هى احسن ولا الكترونيه منوف؟
هى ليها شغل ولا لا؟ وايه نظام الدراسه فيها؟ وايه نظام الساعات المعتمده ده؟
ياريت تفيدونى بسرعه للاهميه

mahammedt

31-07-2012, 04:00 PM

شكرا ياباشا علي هذا الموضوع الرائع وربنا يخليك لينا
اناقبلتني هندسه الكترونيه والحمد لله بس المشكله اني من سوهاج والمشوار بعيد فكنت عايز اعرف امتي يبدء تقديم الاوراق وامتي التقديم للمدينه الجامعيه علشان المشوار بعيد واحني في شهر رمضان فمش عايز كل شويه اروح وارجع علي الفاضي وهل ممكن استني لحد بعد العيد ولا لا لان في استماره الترشيح مكتوب يجب التوجه للكليه في اسرع وقت ممكن
وانا اسف علي الاطاله وارجو الرد!!!‏

eng.bosy

01-08-2012, 01:27 AM

انا مش فاهمه حاجة انا جالى هندسة الكترونية منوف وعايزة احول لهندسة الفيوم قبل ما ادخل اعدادى هينفع ولالا؟؟؟ بس انا مش جايبة الحد الادنى لهندسة الفيوم انا اقل منه بدرجة ونص

aymanlove2008

01-08-2012, 10:17 AM

الباشمهندس ميدو. اعمل طلب تحويل من علي النت واستني لحد ما النتيحه لما النتيجه تظهر. ان شاء الله خير

aymanlove2008

01-08-2012, 10:19 AM

aymanlove2008

01-08-2012, 10:24 AM

انا مش فاهمه حاجة انا جالى هندسة الكترونية منوف وعايزة احول لهندسة الفيوم قبل ما ادخل اعدادى هينفع ولالا؟؟؟ بس انا مش جايبة الحد الادنى لهندسة الفيوم انا اقل منه بدرجة ونص

.بالنسبه لموضوع تحويل حضرتك. اعملي طلب تحويل من علي النت . ممكن يقبلوا عشان الاغتراب وكده . وان شاء الله خير. ربنا يوفقك . وانا تحت امرك في اي استقسار.

mahmoud mounir

01-08-2012, 07:49 PM

يعنى يا بشمهندس أيمن انت متأكد من موضوع التحويل ده أصل أنا جايب 387 و ملقتش على نص درجة و جالى الكترونيات أنا بس عاوز أعرف أنا هعمل ايه ديلوقتى

sepyro7ek

01-08-2012, 08:05 PM

السلام عليكم ورحمه الله وبركاته
انا ااسمي احمد
انا جايب 94.4 واخر هندسه كانت 94.5 يعني وقفت علي واحد من ةعشره يعني تقريبا نص درجه .. بس انا مش كنت كتبت هندسه الكترونيه في الرغبات كتبت الهندسه العاديه وبعدين حاسبات ومعلومات ف جتلي حاسبات ومعلومات .. بس دلوقتي انا مش عاوز ادخل حاسبات ف معلش شويه اسئله بس ياريت تجاوب انا قرات الموضوع كله بس عاوز اجابه علي اسئلتي ؟؟؟
1/ ينفع احول الكتروني لهندسه الكلتورنيه منوف مع الرغم انني من المنصوره ؟؟
2/ لو دخلت هندسه منوف هل بعد سنه اكيد هاجي هندسه المنصوره ؟
3/ ولو جيت المنصوره الوضع بيبقي عامل اذاي ؟؟
ياريت تجاوب عليا ضروري علشان انا تعبان قوي علشان النص درجه دي وبجد نفسي ابقي مهندس ... ارجو الرررررررد

fire king

01-08-2012, 11:44 PM

mahammedt

02-08-2012, 02:47 AM

باذن الله لما التقديم يفتح بتاع الكليه والمدينه الجامعيه هافيدكم بالمطلوب ومواعيد التقديم.

اوكي ماشي ..... بس معلش هتعبك معايا.... انا معرفش اي حاجه عن طريقه الوصول للكليه يعني لو ركبت القطار هنزل في محطه ايه؟
وبعد كده هركب مواصلات ايه؟‎
‎

aymanlove2008

02-08-2012, 06:05 PM

دلوقتي التحول يعد المرحلة التانية

هو التحويل لالكترونية منوف اكيد هينفع ولا ممكن يترفض ويقولوا ان الاماكن اتملت مثلا ؟
ولو اترفض التحويل الالكتروني
المفروض اعمل ايه واروح فين عشان احول ورقيا ؟

وهل حصلت قبل كده واترفضت التحويلات او ممكن تحصل ؟
انا مجموعي 387 بعني اكتر نص درجة

. حضرتك جرب التحويل الالكتروني وشوف هيقولوك ايه. لو لا قدر الله رفضوا اطلع علي مكتب التنسيق الرئيسي في جامعه القاهره وهما ان شاء الله هيفيدوك

aymanlove2008

02-08-2012, 06:08 PM

aymanlove2008

02-08-2012, 06:11 PM

يعنى يا بشمهندس أيمن انت متأكد من موضوع التحويل ده أصل أنا جايب 387 و ملقتش على نص درجة و جالى الكترونيات أنا بس عاوز أعرف أنا هعمل ايه ديلوقتى

اسف جدا انا مش فاهم حضرتك. مممكن توضح اكتر

aymanlove2008

02-08-2012, 06:13 PM

اوكي ماشي ..... بس معلش هتعبك معايا.... انا معرفش اي حاجه عن طريقه الوصول للكليه يعني لو ركبت القطار هنزل في محطه ايه؟
وبعد كده هركب مواصلات ايه؟‎
‎

حضرتك منين ظ

fire king

02-08-2012, 06:23 PM

مجموع حضرتك مش جايب هندسه منوف. فعشان كده مش هينفع تحول. لو كان مجموعك جايبه وكاتبها في الاخر كان ينفع تحول. كليه حاسبات ومعلومات زي فل والله وهاتكون احسن من المهندس كمان
مجموعه اعلى من منوف لانه 94.39 يعني 387 ومنوف خدت من 386.5

يا بشمهندس
انا بردك جايب 387 عايز حضرتك تقولي هو اكيد التحويل هيتقبل ولا ممكن يترفض ؟

mahmoud mounir

02-08-2012, 07:23 PM

بس أنا جايب 387 و دخلت هندسة الكترونيات منوف و هندسة 387.5 أنا فهمت من كلامك أنه ينفع أحول عادى فكنت عاوز أتاكد بس انك متأكد من الموضوع

sepyro7ek

02-08-2012, 07:38 PM

مجموع حضرتك مش جايب هندسه منوف. فعشان كده مش هينفع تحول. لو كان مجموعك جايبه وكاتبها في الاخر كان ينفع تحول. كليه حاسبات ومعلومات زي فل والله وهاتكون احسن من المهندس كمان

انا جايب 387 وهندسه منوف 386.5 محموعش مش جايبها اذاي مش فاهم ؟؟؟

mahammedt

02-08-2012, 10:00 PM

حضرتك منين ظ

انا من سوهاج‎
‎

aymanlove2008

03-08-2012, 03:28 PM

انا جايب 387 وهندسه منوف 386.5 محموعش مش جايبها اذاي مش فاهم ؟؟؟

سوري يا جماعه. اللي كنت فهمته من كلامك ان حضرتك مجموعك نقص نص درجه عن هندسه مش زاد . سوري. اعمل طلب تحويل من علي النت . وان شاء الله خير

aymanlove2008

03-08-2012, 03:29 PM

سوري يا جماعه. اللي كنت فهمته من كلامك ان حضرتك مجموعك نقص نص درجه عن هندسه مش زاد . سوري. اعمل طلب تحويل من علي النت . وان شاء الله خير

abdosaido

03-08-2012, 04:13 PM

ياريت حضرتك ترد علي السؤال الاساسي اللي اغلب الناس عايزين اجابة عليه هو حضرتك متاكد بنسبة 100 في ال100 انو يمكن التحويل من الكلية بعد سنة واحدة ؟
:excl::excl:

aymanlove2008

03-08-2012, 08:13 PM

ياريت حضرتك ترد علي السؤال الاساسي اللي اغلب الناس عايزين اجابة عليه هو حضرتك متاكد بنسبة 100 في ال100 انو يمكن التحويل من الكلية بعد سنة واحدة ؟
:excl::excl:

استاذي الفاضل ينفع حضرتك التحويل.‏ وحضرتك انا قولت كده كتير ‏.‏ وحضرتك وانت رايح تقدم في الكليه ابقي اسئل عشان تتأكد اكتر.‏

abdosaido

03-08-2012, 09:03 PM

شكرا يا كبير معلش اصل في واحد صاحبي قاريبه في جامعة القاهرة وقاله ان دي كلية غير مناظرة وماينفعش التحويل منها وعموما شكرا جدا

eng mohamed elwan

04-08-2012, 05:28 AM

لالالالالالالالا انا ليا واحده قريبتى دخلت منوف وحولت بعد اعدادى لاسكندرية وفاضلها سنه وتخلص

واللى سألوا فى اسكندرية قاللهم اقعدوا سنه هناك وحولوا السنه الجايه

درة السماء

04-08-2012, 06:02 PM

انا مكتبتهاش ف الرغبات بس مجموعي يجيبها ينفع احول ولا ايه ؟؟

eng tolba

07-08-2012, 01:24 PM

اناجايب مجموع الالكترونيات بس كتبت تخطيط عمراني الاول فجتلي وانا عايز احول الكترونيات اعمل ايييييييييييييييية

aymanlove2008

07-08-2012, 01:47 PM

التقديم في هندسه منوف بعد العيد ان شاء الله

gamalmg

11-08-2012, 03:49 PM

هو انا ممكن ادخل هندسة منوف و بعديها احول علي اي كلية تانية

sh_neweshy

11-08-2012, 04:19 PM

انا كانت جاتلي هندسة الكترونيات منوف ... بس للأسف لما جيت احول من النت اكتشفت الحقيقة المرة .... هندسة الكترونيات منوف غير مناظرة لهندسة للأسف يعني لا يجوز التحويل منها الى هندسة ... اعمل ايه طيب انا دلوقتي في التدبيسة دي !!؟ انا مش عارف احول احسن لفنون جميلة عمارة و لا اخليني فيها ؟؟!!

abolhamed

11-08-2012, 07:40 PM

يا جماعة انا سـألت اكتر من واحد عن الموضوع ده قالولى ينفع احول والله اعلم

sh_neweshy

11-08-2012, 07:53 PM

طب ازاي ؟!!

abolhamed

11-08-2012, 07:58 PM

انا قريت الكلام ده على الصفحة بتاعتهم ان ينفع التحويل بعد اعدادى

mido882

11-08-2012, 08:09 PM

انا سافرت يوم الاحد اللى فات وسالت فى الكليه وقالولى ينفع تحويل لكليات الهندسة الاخرى ماعادا بعض الجامعات وبعدين بندرس نفس مواد اعدادى اى هندسة اخرى.

sh_neweshy

11-08-2012, 08:43 PM

بس لما بحول من النت بيقولي ان الكلية غير مناظرة و مش بيرضى يحول !!! ... نحول ازاي كده بقى !!!

fire king

11-08-2012, 10:15 PM

بس لما بحول من النت بيقولي ان الكلية غير مناظرة و مش بيرضى يحول !!! ... نحول ازاي كده بقى !!!
نصيحة
ريح دماغك لان دي مصر والمنطقي في مصر ان مفيش حاجة منطقية

ثانيا
التحويل مبكونش على طول
وانما لازم تقضي سنة هناك وبعد كده ممكن تحول

sh_neweshy

11-08-2012, 10:35 PM

نصيحة
ريح دماغك لان دي مصر والمنطقي في مصر ان مفيش حاجة منطقية

ثانيا
التحويل مبكونش على طول
وانما لازم تقضي سنة هناك وبعد كده ممكن تحول

طب اعمل ايه انا كدة دلوقتي :d !!! .... تفتكر انه من الافضل احول لعمارة و افكني من الكلام ده كله .... ولا ادخلها و خلاص و انا و حظي بقى !!

fire king

11-08-2012, 10:54 PM

بص
اولا اعتقد ان هندسة منوف هتبقى الاحسن
ثانيا
لو بتفضل العمارة ممكن تخش تخطيط عمراني
بس اسأل عن مستقبلها الاول

3-ريح دماغك وخليك في منوف
على الاقل هتبقى تبع نقابة المهندسين

sh_neweshy

11-08-2012, 11:06 PM

ما هي عمارة تبع نقابة المهندسين برضه و باخد لقب مهندس معماري ..... فكدة يبقى ليه هندسة منوف افضل ؟؟

fire king

11-08-2012, 11:17 PM

اي هي عمارة ؟
قصدك فنون جميلة ؟
عموما موقع النقابة :
http://www.eea.org.eg/

انزل تحت وختار الكليات القيدة
هندسة منوف هي هندسة الكترونية

fire king

11-08-2012, 11:19 PM

بص انا مقدرش افيدك بشكل قاطع
انت شوف ميولك واختار

sh_neweshy

11-08-2012, 11:40 PM

ايوة انا قصدي على فنون جميلة عمارة ... هي مقيدة برضه في النقابة عادي ... بس انا خايف من الكترونيات منوف في حاجة ان الشركات الكبيرة لا تعترف بيها .. فلما اتخرج هتعب جامد في الشغل ؟ هي دي الفكرة مش اكثر لكن عمارة سمعتها كويسة و افضل من تخطيط عمراني كمان

mido882

12-08-2012, 02:08 AM

مين قال ان الشركات مش بتعترف بيها لو متابعين اخبارها تلاقوا شركات كبيرة بتدعم مشاريع تخرج الطلاب وبعدين كلية (هندسة منوف) تتميز بوجود تدريب للطلاب اجبارى فى الصيف طول الخمس سنين وفى سنة ثالثة ورابعة بيبقي التدريب فى شركات خارج الكليه.وبعدين التحويل منها انا سالت هناك قالولى لازم تاخد سنة الاول وبعدين تحول للمحافظة اللى انت منها وبندرس نفس مواد اعدادى فى اى كليه اخرى ... فى استاذ هناك تبع شؤن الطلاب قالى السنة اللى فاتت نص الكليه حول بعد اعدادى.

Eng.ABDO2015

14-08-2012, 01:54 PM

معلش يا جماعة انا عندي استفسار ممكن يكون متأخر شوية
انا من المنصورة يعني المشوار صعب فحبيت أسأل امته أروح أسلم الملف بتاعي و امته أروح المدينه الجامعية و ليه التسجيل بتاعها على النت مش شغال " لم يتم تسجيل المواعيد هذا العام " و مكان المدينة هيبقى فين

بس خلاص

eng mohamed elwan

15-08-2012, 10:59 AM

المفروض انك تروح تجيب الملف قبل العيد

احنا روحنا جبناه هو ب80 جـ و بتروح تملاه علشان بعد العيد هيبدأ التقديم

طبعاً الاوراق المطلوبة كالتالى
الاوراق المطلوبة للمدينه الجامعيه
صورة بطاقه / صورة ميلاد كمبيوتر
صورة بطاقه الترشيح
وصل غاز او مياه
عدد 6 صور
80 جـ ملف
30 جـ كشف طبى

اما بخصوص الاوراق المطلوبة للتقديم بالكليه
شهاده الميلاد كمبيوتر
استمارة 2 جند للذكور فقط من مواليد 94 اما مواليد 93 بيجيبوا 6 جند
عدد 8 صور
بطاقه الترشيح
وهناك اوراق مطلوبه من الكليه
زى
الكشف الطبى
دفع مصروفات التقديم

التقديم بعد العيد

واى استفسار انا موجود بإذن الله

مع السلامة وفى رعايه الله

eng mohamed elwan

15-08-2012, 11:02 AM

ومتنسوش استمارة النجاح فى الثانوية

وده رقم شئون الطلبه للاستفسار : 01112825826

اما بخصوص مكان المدينه الجامعيه فهى بجوار الكليه مباشرة

انت بتنزل محطة منوف اول م تخرج من المحطه هتلاقى عربيات بتروح كليه او هندسه اركبها هتوصلك للكليه

eng mohamed elwan

15-08-2012, 11:03 AM

و

نظراً لعدم وجود جروب لدفعه اعدادى هندسه منوف فقد قمت بانشاء الجروب وباقى ان الباش مهندسين ينضموا للجروب

وده الرابط بتاع الجروب على الفيس

https://www.facebook.com/groups/142678935873089/

نادر محمود الخولى

18-08-2012, 03:21 PM

لقد قرات تعليقك على هندسه منوف فانا خريج منوف دفعه 94 ولكن لم استطع الحصول على عمل جيد بالاسكندريه فى مجال البترول لا خريجى الاسكندريه والقاهره وعين شمس هم المطلوبين اولا وانا من الاسكندريه ونصيحتى لاى فرد اضظر الى الدخول ان يحول من السنه الاولى انا لا انكر اننى عملت فور تخرجى ولكن اضطررت الى السفر لاجد فرصه جيده والى الان انا مغترب وجميع زملائى خريجى الاسكندريه يعملوا فى مراكز مرموقه بالاسكندريه ولم يضطروا الى السفر مثلى

memovic

27-09-2012, 07:37 PM

من البداية كدة احب اشكر البشمهندس أيمن ع الموضوع الرائع ده
بس انا كنت عاوز اسأله أو أى حد عارف الاجابة
هو انا جايب مجموع 386.5 (يعنى أقدر أدخل كلية هندسة الكترونية ) بس أنا مكتبتهاش ف الرغباات خالص
ودخلت كلية الحاسبات والمعلومات فى المنصورة
السؤال بئا هنا :-
هل يجوز أنى أدخل كلية الهندسة الالكترونية بمنوف الوقتى وده بعد مرور اسبوعين من بدء الدراسة ؟
وهل التحويل منها بعد سنة لأى كلية هندسة عادية شئ أكييد بجد ؟
أرجوووووووووووووووووووووووك الرد سريعا لأنى بجد همووت من الحيرة وخايف أكون اتسرعت ف انى دخلت حاسبات وسيبت هندسة الكترونية (من فضلكوا الرد بسرعة يا ذوى العلم والخبرة
شكراااااااااااااااااا

memovic

30-09-2012, 08:41 PM

بقى معقولة
انى اقعد 3 ايام ومفيش ولا رد واحد
يا جمااااااااعة والله انا على اعصابى وخاااايف مووووت ده مستقبلى
ابوس ايديكوا ردوا

ehab wahdan

03-10-2012, 09:48 PM

لوسمحت ياباشمهندس هو فى قسم هندسة طبية ف هندسة منوف ؟؟

سرهام

02-11-2012, 02:13 PM

ممكن سؤال لو سمحتم ....
هندسة الكترونية منوف فيها قسم بيدرس ميكاترونكس ولا لا ؟؟؟ ولا ميكاترونيكس هى نفس الالكترونيات ومفيش فرق بينهم ؟؟؟

ويعنى ايه ميكاترونكس وموجوده في اى كليه فى مصر ؟؟