ارجوكم يا جماعه تساعدونى انا دلوقتى جبت المجموع الكلى 98.44 بالمستوى وانا همووووت وادخل طب بشري ياترى الحق الحد الادنى حتى بس ارجوكم الى يتكلم يتكلم بدليل مادى بلاش توقعات ارجوووووووكم تساعدونى واسفه ع الاطاله

أكيد مفيش حد عنده دليل و أكيد ان شاء الله هتلحقي

ان شاء الله هتدخل

بس اعتمد على الله ......


وانا اعتقد ان التنسيق هيبقى زى 2008 وهبقى الطب من 97 %

ان شاء الله

نتكلم بالأدلة الواقعية والإحصائيات الرسمية من وزارة التربية والتعليم :
"عدد الحاصلين على أكثر من 95% هذا العام نحو 47 ألف طالب وطالبة، بالشعبتين (العلمية والأدبية)، من إجمالى 351 ألفًا و736 طالبًا وطالبة"

وتقريبا نصفهم علمي (علوم ورياضة) يعني بنتكلم في 23 ألف طالب وطالبة تقريبا على مستوى الشعبتين أو حتى لو افترضنا انهم 30 ألف , لكن كليات الطب والصيدلة تقبل حتى 18 ألف طالب وطالبة ومثلها كليات الهندسة والحاسبات ...

وبالتالي مجموعك 98.44 ما شاء الله ممتاز جدا وإن شاء الله مكانك محجوز ضمن الـ 18 ألف :d

إضافة:

كلام قريته في اليوم السابع:

"وبحسب الإحصاءات فإن الحد الأدنى للقبول بكلية الطب هذا العام لن يقل عن 98.2%، وطب الأسنان 97.5%، والصيدلة 96.7%"

Be optimistic :p

مجموع بسم الله ما شاء الله عالى
و هتدخلى الانت عايزه

ربنا يخليكم يا جماعه ميرسي جداااااااااااا طمنتونى كتير والله

احتمال تلحقي اسنان .. بشري .. اعتقد صعب جدا .. ان لم يكن مستحيل
الطب البشري بيقبل 7000 طالب او اقل سنويا .. ترتيب مجموعك علي الجمهوريه علي شعبه علمي .. اعتقد انه بعد ال 15 الف

نظريا لو استبعدنا 5000 الاف علمي رياضه .. مع ان 5000 كتير بالنسبه لمجاميع علمي رياضه السيئه
ترتيبك هيبقي ف ال 10000

من الصعوبه انك تلحقي بشري و ممكن اسنان يبقي صعب

الله المستعان

طيب يا جماعة انا جايبة 97068 مش هلحق طب بشري ولا مع العلم اني تظلمت في الاحياء ولاعربي والانجليزي - ولو مش بشري هلحق اسنان

مبروووووووووووووووك
وعقبال بنتى يارررررررررررررررررررررررب

مبروك ماشاء الله مجموع عالي جدااا بس اعتقد صعب شوية لان المجموع ده جايباه ناس كتير اعرفهم وترتيبهم علي العلمي يقترب من 16500 والطب بياخد تقريبا 6900 علشان كده بقول صعب المجموع ده اقرب للصيدله بس يارب تلحقي ان شاء الله وتحققي طموحك

بص انا جايب 403.5 يعني 98.4 بس كلام واقعي انك صعب شويه انك تلحق بشري انما اسنان ان شاء الله تلحقها فبلاش تعلق امل عليها جامد وان شاء الله ممكن تلحق يعني امل ضعيف انك تلحق اخر طب بتبقى غالبا عين شمس ... وبالتوفيق ان شاء الله لينا كلنا

إن شاء الله هتلحقى

سيبها على ربنا .... أكيد هو هيختار لك الأحسن

ان شاء الله هتلحقى لأن الدرجات السنة ديه زبااااااااااااااااااااااالة زباااااااااااااااااااااااااااااااااالة وكمان الجامعات هتزود اعداد المقبولين

الله اعلم
تنسيق رياضة ممكن يفضل او ينزل لان الرياضة كانت نفخ وهي المادة الوحيدة السنة د اللي كانت صعبة وبالتالي اعتقد ان تنسيق بقية الشعبات هيفضل ا و يعلى خصوصا و ان مجاميع السنة اللي فاتت كانت عالية
اخيرا
انا كنت بعمل زيك بعد امتحانات الرياضة وكنت خلاص يئست لكن يمساعدات خارجية اقتنعت بان انا عملت اللي عليا ومفيش في ايدي حاجة تاني
وبعدين ايه يعني لو الواحد مدخلش الكلية اللي عايزها ؟ الدنيا مش هتقف يعني شوية زعل وبعد كده مواجهة الواقع ومحدش عارف الخير فين
وديما افتكر ان الزعل والنكد مش هيعمل حاجة ومش هيغير واقع

العام الماضي طب عين شمس أخد من 402.5 , 98.2 % ان شاء الله خير ولا تقلقي , .

خير خير كله هيلحق ان شاء الله واللى عايز كلية هيدخلها انا سمعت ان فى 7 كليات علمية جديده فتحت الخبر دا صح ولا لا