السلام عليكم

انا عايزة استفسر من حاجة لاني مش فاهمة حاجة في الموضوع ده:rolleyes:
دلوقت لو انا عايزة ادخل طب المنصورة
وكتبت في الرغبات كل الطب
وجالي طب اقل من المنصورة
هل ممكن احول واروح طب المنصورة في نفس السنة
ولا لازم استني سنة في الجامعة دي وبعدين احول
ويعني ايه تقليل اغتراب وتحويل من كلية مناظرة وغير مناظرة

انا جايبة الحمد لله 98.9
ونفسي ادخل طب المنصورة

ضروري اللي فاهم يفهمنى ؟؟؟

أولاً: ربنا يوفقك و تدخلي الكلية اللي عاوزاها...

ثانياً: الموضوع كله متوقف على محل إقامتك، لو إنتي مقيمة في المنصورة و جالك أي كلية طب بشري في مصري تقدري تحولي في نفس السنة على طب المنصورة بشرط إن الكلية اللي هتحولي منها تكون واقعة خارج النطاق الجغرافي للمنطقة اللي ساكنة فيها، يعني مثلاً ممكن تحولي من طب بنها لطب المنصورة في نفس السنة، لكن مينفعش تحولي من طب عين شمس لطب القصر العيني في نفس السنة لأن الكليتين واقعين في النطاق الجغرافي للقاهرة الكبرى.

ثالثاً: المناظر و غير المناظر سهلة دي مش محتاجة شرح :) ، المناظر هو التحول من أي كلية لأي كلية زيها بس في جامعة تانية، مثال: من طب بنها لطب المنصورة، غير المناظر هو التحويل من كلية لكلية تانية خالص، مثال: صيدلة القاهرة لأسنان إسكندرية مثلاً و هكذا، في الأغلب إن كل التحويلات المناظرة بتتقبل لكن غير المناظرة كل واحد و نصيبه.

بالتوفيق

شكرا جزيلا

طب لو مثلا جالي طب طنطا
ممكن احول للمنصورة في نفس السنة

انتى كتبتى الرغبات امتى ؟ اذا كان اصلا لسه متحددتش معاد التنسيق للمرحلة الاولى

معنديش فكرة عن مكان الكلية لكن أنا مثلاً كان جايلي هندسة شبرا بنها و ساكن في القاهرة و منفعش أحول هندسة القاهرة في أول سنة لأن الكليتين واقعين في النطاق الجغرافي للمكان اللي ساكن فيه، قارني ده بحالتك و شوفي ينفع ولا لأ، لو شاكه أنصحك تحطي طنطا آخر رغبة و حطي الأماكن البعيدة الأول، أنا غلطتي إن حطيت القريب الأول لأن لو كان جال هندسة أسوان حتى كنت هأعرف أحول القاهرة في نفس السنة، كمان خللي بالك إن التحويل في تاني سنة مش سهل و ليه شروط من ضمنها التقدير، فخللي بالك و إنتي بتكتبي الرغبات.

انتى كتبتى الرغبات امتى ؟ اذا كان اصلا لسه متحددتش معاد التنسيق للمرحلة الاولى

انا لسه مكتبتش:d
بس انا بسأل لما اكتب الرغبات يوم السبت

معنديش فكرة عن مكان الكلية لكن أنا مثلاً كان جايلي هندسة شبرا بنها و ساكن في القاهرة و منفعش أحول هندسة القاهرة في أول سنة لأن الكليتين واقعين في النطاق الجغرافي للمكان اللي ساكن فيه، قارني ده بحالتك و شوفي ينفع ولا لأ، لو شاكه أنصحك تحطي طنطا آخر رغبة و حطي الأماكن البعيدة الأول، أنا غلطتي إن حطيت القريب الأول لأن لو كان جال هندسة أسوان حتى كنت هأعرف أحول القاهرة في نفس السنة، كمان خللي بالك إن التحويل في تاني سنة مش سهل و ليه شروط من ضمنها التقدير، فخللي بالك و إنتي بتكتبي الرغبات.




شكرا بجد لحضرتك جدااااااااااا:)

العفو يا دكتور :)

التوزيع الجغرافي يجبرك على الكلية داخل نطاقك الجغرافي طوال حياتك مالم تغيري محل اقامتك أو تكوني من ال300 الأوائل على الجمهورية

مالم يصادفك الحظ برفض الكلية داخل نطاقك الجغرافي من التوزيع الأول في حالة ان الحد الأدنى ليها أعلى من مجموعك

بصي ان شاء الله تلحقي طب المنصورة

بس انا اخويا السنه اللي فاتت جاله طب طنطا بس هو كان عاوز يروح المنصورة ... فانتي بتستني نتيجة التنسيق وتشوفي هل هينفع تعملي تحويل عالنت بتقليل الاغتراب ولا لا لو منفعش بعد كده بتروحي الكليه اللي انتي عاوزاها اللي هي طب المنصوره وتقدمي طلب هناك تقريبا ب 200 جنيه وان شاء الله هيتقبل وتروحي تقدمي هناك وبالتوفيق ان شاء الله

ان شاء الله هتدخلى طب المنصورة لو انتى كنتى كاتبه اى طب ومجموعك جايب المنصورة لازم تدخلى المنصورة علشان التوزيع الجغرافى

انتى ساكنة فى الدقهلية
اكتبى اول رغبة طب المنصورة
*********************
لو مجموعك لم يساويها لن تلحقيها
**************************
النطاق جميع ادارات الدقهلية عدا ميت غمر الجامعة الجغرافية أ (المنصورة و دمياط) ب (الزقازيق - طنطا - بنها)
النطاق ميت غمر الجامعة الجغرافية أ (المنصورة و الزقازيق) ب ( طنطا - بنها )

انا محتار في نفس الموضوع ..

بس اللي فهمته .. ان لو حولتي من طب بعيدة لاقرب طب لكي سهل
..لكن لو حولتي من طب بلدك لطب بعيدة .. ف دي صعبة شوية ... ولازم تقضي سنة كاملة في طب بلدك عشان تقدري تحولي لطب بعيد

ع فكررة انا واقع ف نفس الموضوع ده .. انا جايب 99.7 واقرب طب ليا طنطا .. بس انا عايز ادخل طب القاهرة نظرا ً .. لسوء سمعة طب طنطا .. وان القاهرة افضل

فياريت حد تاني يفيدنا .. وشكرا ً

طب ياجماعة انا عاوزة صيدلة
اكتب كل صيدلة ع الجمهورية
ولا ايه؟؟؟

بالتوفيق ان شاء الله

اعمل تحويل ورقي او تحويل اليكتروني