احب اعرفكم بنفسى انا احمد انا جبت 98.29 الحمد لله كويس طبعا اول ما النتيجة ظهرت الكل قالى ها يااحمد اسنان ولا صيدلة (مرضوش يقولوا طب علشان عارفين انى بخاف من التشريح ده على اساس ان مجموعى يجيبوا اصلا)
بكل برود رضيت وقلت بيطرى بكل برود برده قالولى انت عبيط صح؟ والثانوية لحست مخك

انا عايز حد من طب بيطرى يقولى ياترى انا هاندم لودخلت طب بيطرى وسبت صيدلة

واسف على الاطالة

على حسب ميولك
لوعايز طب بيطري ادخلة وتوكل على الله
بس لو كان كدة بس من غير ميوول
نصيحة خليك في صيدلة
او طب اسنان
وربنا يوفقك ويوفقنا

انا بحب الطب البيطرى طبعا انا نفسى ادخله من غير مشاكل مع عيلتى كلها كلهم ماسكين فيا تريقه

انا بس خايف معرفش اقنعهم

ادخله وتوكل على الله
وحاول تقنعهم بهدوء وتقولهم
ان انت حابب الكلية دي
واهم حاجة تتفوق في الكلية
وربنا يوفقك
واهم حاجة تستخير ربنا
وتتوكل على الله
الاستخارة لا تاتي الا بخير

بص يااحمد صلى استخاره واتوكل على ربنا واكتبها ومادام حاببها ان شاء الله هتتوفق وتبدع فيها ويبقى ليك الاوليه والكليه جميله والله ومستقبلها حلو وسيبك من اى كلام تانى
وتنورنا ان شاء الله يادوك

لا لا لا بيطرى ايه خليك اسنان ان شاء الله او صيدلة

انا هاصلى استخارة ان شاء الله زى ماصليت فى علمى علوم ورياضة والحمدلله ربنا سهل للواحد
انا نفسى ادخل الكلية لهدف انى اغير نظرة الناس عن الكلية دى واخليها ان شاءالله كلية القمة فى مصر
زى الدول الاوروبية

اهلا بيك يا ريس :))

ف البدايه الف مليون مبروك .... واحب اقولك انت مش عبيط ولا مجنون زى ما بتقول انت زى الفل ^__^
مجموعك حلو جدا وان شاء الله احتمالك كبير اوووى ( اسنان او صيدله )
بينى وبينك لازم تفكر ف واحده منهم !!!!!!
غير كدا لو انت حابب بيطرى ( صدقنى مش هتندم لو دخلتها ) بجد كليه روعه

ف الاول والاخر ( صلالالالالاه استخاره ) وقعده حلوه كدا مع نفسك وفكر :))
واسالك كمان .....

مره تانيه مبروك :))

اهلا بيك يا ريس :))

ف البدايه الف مليون مبروك .... واحب اقولك انت مش عبيط ولا مجنون زى ما بتقول انت زى الفل ^__^
مجموعك حلو جدا وان شاء الله احتمالك كبير اوووى ( اسنان او صيدله )
بينى وبينك لازم تفكر ف واحده منهم !!!!!!
غير كدا لو انت حابب بيطرى ( صدقنى مش هتندم لو دخلتها ) بجد كليه روعه

ف الاول والاخر ( صلالالالالاه استخاره ) وقعده حلوه كدا مع نفسك وفكر :))
واسالك كمان .....

مره تانيه مبروك :))

الله يبارك فيك
طبعا انا هصلى استخارة بس مستنى تبقى فى رمضان احلى

انا دلوقتى حطيت صيدلة اكلنيكال واسنان وبيطرى على مستوى واحد وهاكون حيادى فى اختيار الكلية ان شاء الله

انا كنت متعصب للبيطرى اوى بس بابا اتكلم معايا ونسانى انى متعصب للبيطرى
ودلوقتى انا هاختار من جديد

ولكنى ساظل احب البيطرى
وشكرا على الرد

انا من رايى اسنان احسن انا كان نفسى فيها وربنا ماردش وجبت 96.3 فشكلى انا الى هخش بيطرى

وعليكم السلام ورحمة الله

أولا ألف مبرك على مجموعك.

ثانيا: جميل انك تستخير وتستشير أهلك.

ثالثا: لا أوافقك على دخول بيطري لسبب بسيط مستقبلك. طبعا ربنا هو الرزاق ونعم بالله. لكن في مصر ضُرب سوق البيطري (على فكرة والدي بيطري) لذا أحدثك من واقع نعيشه.
اختار صيدلة أو أسنان وبإذن الله تبرع ولما تتخرج بإذن الله تجد وظيفة كويسة لا تعتمد لا على سوق ولا شيء.

بالتوفيق.

انا من رايى اسنان احسن انا كان نفسى فيها وربنا ماردش وجبت 96.3 فشكلى انا الى هخش بيطرى

على فكرة لوو مش حابب البيطرى كلية العلاج الطبيعى حلوة اوى بتخليك دكتور زيك زى بتاع الطب

وحتى لو دخلت بيطرى ناس كتير دخلت وقالت عليها جميلة
متخافش يعنى

وعليكم السلام ورحمة الله

أولا ألف مبرك على مجموعك.

ثانيا: جميل انك تستخير وتستشير أهلك.

ثالثا: لا أوافقك على دخول بيطري لسبب بسيط مستقبلك. طبعا ربنا هو الرزاق ونعم بالله. لكن في مصر ضُرب سوق البيطري (على فكرة والدي بيطري) لذا أحدثك من واقع نعيشه.
اختار صيدلة أو أسنان وبإذن الله تبرع ولما تتخرج بإذن الله تجد وظيفة كويسة لا تعتمد لا على سوق ولا شيء.

بالتوفيق.

انا طبعا متاكد من ان البيطرى فى مصر مهضوم حقه
لكن معلش هسالك سؤال هو السفر بره مصر كطبيب بيطرى سهل ولا صعب

وشكرا على الرد

انا طبعا متاكد من ان البيطرى فى مصر مهضوم حقه
لكن معلش هسالك سؤال هو السفر بره مصر كطبيب بيطرى سهل ولا صعب

وشكرا على الرد
كشاب ممكن تسافر بره مصر هتختص غالبا تبع large animals المزارع كبيرة ومساحات شاسعة. محتاج توفيق ربنا أولا ثم تقديرك وكفاءتك في العمل.

هتسافر وتكون نفسك كويس جدا في فترة قليلة عشان المرتبات حلوة (واحد معرفة لنا سافر ونجح ماشاء الله في عام واحد) لكن تفتكر لما ترجع مصر هتعمل ايه؟ ولا طول العمر تظل في غربة؟
لو مخطط تفتح او تشارك في مصنع أدوية مع الشركات الكبيرة ماشي كويس جدا وبيكسبوا حلو. لكن لو هتعتمد عل نفسك بشركة صغيرة كدا عاوز جهد كبير ومثابرة عشان تنجح وترتقي.

الكلية حلوة بس صعبة وإن جيت للحقيقةكل الكليات صعبة اسأل حتى بتوع حقوق وتجارة هيقولوا الكلية صعبة. فلا أرى مقياس الصعوبة بكلام الطلاب طالما تحضر وتذاكر وتجتهد وتعتمد على الله هيوفقك.

أسأل الله لك التوفيق والسداد.

بص يا أحمد هات ورقة وقلم واكتب مميزات كل كلية من أسنان وصيدلة وطب بيطري وكمان العيوب.
واستشير ناس من كل الكليات دي وابحث عن تجارب الخريجين.

أنا أخويا في صيدلة والاول كان جاي له طب بيطري وعملنا تظلم عشان يلحق صيدلة والحمد لله لحقها بعد شهر من بدء الدراسة. بابا كان بيبص لما بعد التخرج. فرق بين الطبيب البيطري والصيدلي في فرص العمل.

حاول تسمع لكل الناس وتقارن وتستشير أهلك. وتشوف انت عاوز تحدد مستقبلك ازاي؟ أحيانا ممكن أتنازل عن حلم من أحلامي عشان أعيش الواقع.

وربنا يوفقك لكل خير.

اولا شكرا على الرد

انا بحب حكاية ورقة وقلم دى علشان كده هاعملها

انا بابا صعب عليا الموضوع لما قالى خش الكلية اللى انت عايزها بس متجيش فى سنو وتجيب مقبول

انا كان نفسى فى بيطرى علشان اطلع معيد ثم دكتور فى الجامعة وحاسس ان فرصتى فيها كبيرة عكس الاسنان

انا شايف الاسنان اكبر ميزة هى الواجهة الاجتماعية

الصيدلة اكلينيكال السفر برة فقط

والبيطرى مستقبلى وطموحى بس المشكلة انها مخاطرة وانا مش عايز اندم على كدة علشان فى حالة مشابهة فى عيلتى
كان جايب مجموع طب ودخل علوم

طيب ايه رايكوا فى صيدلة اكلنيكال؟

وانا اسف على الاطالة
بس انا قولت افضفض معاكوا

ربنا يوفقك يا أحمد.

أنا حكيت لبابا عليك قالي دا لو دخل بيطري هيطلع معيد إن شاء الله. (بيشجعك بقى) بس ماما قالت لا يدخل صيدلة أحسن.


شوف والدك مش بيصعب عليك لكن عاوزك تكون على قدر المسؤولية. هتاخد قرار يبقى تتحمل العواقب ومترجعش تندم.


انت عشان في دماغك البيطري شايف فيه كل المميزات. لما تصلي استخارة جرد فكرك من أي تفضيل لأي كلية.

صيدلة إكلينيكال زي ما قلت بالضبط هتفيدك خارج مصر. علما ان دراستهم في نفس كليات صيدلة بمعنى انهم في نفس المعامل وبعض المعامل أي كلام. يعني لو هتختارها عليك بالصيدلة المميزة عين شمس وطنطا لهم نظام خاص مختلف عن كل كليات الصيدلة. اسأل ناس هنا أو هنا. ادخل منتديات الصيادلة شوف بيقولوا ايه. وأظن انها بفلوس صح؟ متهيألي وفر الفلوس الخمس سنوات وافتح بها صيدلية لما تتخرج من صيدلة عادية.


لما تكتب المميزات والعيوب في ورقة حط كمان قدراتك وخلي بالك مذاكرة الثانوي تختلف تماما عن مذاكرة الكلية. في ناس أوائل جمهورية بيدخلوا لكلية يشيلوا مواد ويعيدوا سنوات وفي ناس كانت تبقى داخلة الكلية يدوب مجموعها بالعافية وتبرع وتطلع من الأوائل.
لذلك ادخل كل منتديات الأسنان والصيدلة والبيطري وابحث عن قرايبك والجيران دخلوا ايه ونظام الكلية ازاي.
ولما تعمل المقارنة وتحتار روح لباباكخليه يساعدك برضه في الاختيار وهو هيفرح انك منظم وبتعمل مقارنة وعاوز تقرر صح.


ونقطة أخيرة لما تسمع لحد لا تتبنى رأيه بنسبة 100 %. يعني أنا مثلا حكيت لك عن بابا طبيب بيطري وأخويا صيدلة وعرضت وجهة نظري مش لازم تتطبق الكلام بحذافيره ولا تاخده كله. انت تعرض الكلام على عقلك وفكرك وطموحك وقدراتك وخذ منه ما ينفعك. وكذا بالنسبة لكلام أي حد تسمع له. وانت تكون فكرة وتقرر بناء على شخصيتك مش بناء على كلام حد.

كمان يا ريت كلم قريبك بتاع علوم قل له: لو رجع بك الزمان تدخل كلية ايه؟ شوفه زعل على قراره ولا لا وليه؟

وربنا يوفقك لكل خير.

انا الحمد لله بدات اقرر اول حاجة انا استبعدت اسنان خلاص

بقت الحيرة بين بيطرى وصيدلة اكلنيكال

انا حاسس ان صيدلة كلنيكال بدأت تحلو فى عينى
مش عارف ليه يمكن علشان العدد بتاعها قليل
فالفرص هتبقى احلى ومش هتبقى مملة علشان اظن فيها كشوفات وكدة

بس النهاردة باليل ان شاء الله الموضوع احتمال يتحسم

انا هاروح لبنت عمتى خريجة صيدلة

هى بقى تقنعنى بصيدلة وانا اختار

وشكرا على الرد

لا عبيط وستين عبيط الثانوية لعب عيال والنشوة واخداك مش اكتر يعنى ممكن تخش بيطرى تكره عيشتك وياريت هتنجح بمقبول انت ممكن كمان تشيل مواد

اسنان احسن ياعبيط سفرها حلو وفلوسها برة حلوة غير انك هتشتغل برايفت اربع ساعات بخمسين جنيه وانت لسه عيل فى امتياز على فكرة انا طبيب بشرى ممارس عام فمتزعلشى منى ابعد نهائى عن صيدلة وعن بيطرى اياك ثم اياك

اسنان احسن ياعبيط سفرها حلو وفلوسها برة حلوة غير انك هتشتغل برايفت اربع ساعات بخمسين جنيه وانت لسه عيل فى امتياز على فكرة انا طبيب بشرى ممارس عام فمتزعلشى منى ابعد نهائى عن صيدلة وعن بيطرى اياك ثم اياك

هاهاهاااها خلاص انا بدأت اقتنع بس صيدلة كلينيكال وحشة ولا ايه؟

انا سمعت انها مطلوبة كتير بره

وانا نفسى اسافر اوى

ومعلش ايه برايفت ده؟ محدش قالى عليه

طيب هي الطب البيطري واخدة من كام والحد الادني كام !!

الطب البيطرى المتوسط 96%
يزيد ويقل حاجة بسيطة

لو كنت اخترت طب بيطري ع خوف من التشريح
ففي تشريح في بشري وبيطري وصيدلة
وصلي استخارة افضل

لو كنت اخترت طب بيطري ع خوف من التشريح
ففي تشريح في بشري وبيطري وصيدلة
وصلي استخارة افضل

انت بتهزر صح:o:o:o:o:o:o

اللى انا اعرفه تشريح ضفادع فيران ده اخر الواحد انما بشرى ده مصيبة

اولا مبروووووووك على النتيجة .
بس عاوزة اعلق على نقطة صغننة حكاية التشريح دى تعود وبس انا اولى طب عين شمس وكان معانا اولى جمهورية السنة اللى فاتت اسمها رهف واغمى عليها من اول سكشن تشريح بس بعد كده الموضوع بقى ايزى خالص يعنى الموضوع كله تعود بس

اولا مبروووووووك على النتيجة .
بس عاوزة اعلق على نقطة صغننة حكاية التشريح دى تعود وبس انا اولى طب عين شمس وكان معانا اولى جمهورية السنة اللى فاتت اسمها رهف واغمى عليها من اول سكشن تشريح بس بعد كده الموضوع بقى ايزى خالص يعنى الموضوع كله تعود بس

هاهاهاها اغمى عليها بس

فى هذه اللحظة انا محتار صيدلة كلنيكال واسنان بالرغم ان مجموعى ممكن ميجبش اسنان

بص انا جبت96.4 وباذن الله ياااااااااارب احصل علاج طبيعى بس بصراحة انا لو مكانك هختار اسنان لانى نفسي فيها من زمان
بس بردو شوف الى انت عايزه وحبه يعنى كلهم قعدوا يقلولى ايااااااااكى اوعى تدخلى اقتصاد واحصا علم نفس مضمون وكده ودخلت الى انا عيزاه والحمد لله جبت50/50 فى الاقتصاد بس فى الاول والاخر استخارة اهم حاجة وانا انصحك بصراحة تدخل اسنان او اكلينيكال ده طبعا وجهة نظرى بس

انا الحمد لله اقتنعت ب كلنيكال بس مكنتش متخيل انى ممكن اغير رأيى انا كنت متعصب اوى للطب البيطرى
وعلى فكرة علاج طبيعى هو طب المستقبل وله مستقبل جامد

بالتوفيق ان شاء الله :)

بالتوفيق ان شاء الله :)


شكرا جزيلا ُ ezel

وربنا يوفقك يارب

معلش مع احترامى بقى لحضرتك يعنى لا حضرتك اكيييييييد عبيط لان اللى يفكر يدخل بيطرى اساسا ده يبقى عبيط اخر حاجه يدخل بيطرى بيطرى ليييييييييييييييييييييييييييييييييييييه حرام بيطرى يعنى تهذيب واصلاح ولو كنت فاكر حضرتك انك لما تتخرج هتبقى دكتور والله ما فى الكلام ده انا واحده ما الناس اللى فى بيطرى والله ما نعرف نعطى حقنه حتى احنا فى سنه رابعه دلوقتى وما فيش موارد ولا اى حاجه يااااريت تفكر ربنا اعطى لحضرتك مجموع كويس حراااااااااااام حضرتك ممكن تدخل اسنان على الاقل مستقبلها مضمون والله عن بيطرى والله والله كمان لو حضرتك دخلت بيطرى هتعانى بجد وهتندم انك دخلت كليه زى دى بسبب المر اللى احنا شايفينه فيها والله ما كليه حلوه خالص يعنى وبالنسبه للشغل اكييييييييييييييييييييييييييييييد اسنان او صيدله احسن منها بمراحل يعنى ومجالات بيطرى فى الشغل ياما تتخرج وتشتغل مندوب مبيعات او تتشتغل فى الفيلد مزارع وكده يعنى او تفتح معمل تحاليل هى دى مجالات بيطرى فى الشغل بس غيركد ه ما فيش حاجه المستقبل بايد ربنا وكل حاجه بس والله بيطرى لالالالالالالالالالالالالالالالالالالالالالالالالا لالالالالالالالالالالالالالالالالالالالا والف لالالالالالالالالالالالالالالالالالالالالالالالالا لا كمان والله عذاب على الفاضى والله وهتندم لما تدخل ومش زى التوقعات اللى فى دماغ حضرتك خالص ياريت تفكر واكييييييييييد صيدله او اسنان افضل مليوووووووون مره من بيطرى

معلش مع احترامى بقى لحضرتك يعنى لا حضرتك اكيييييييد عبيط لان اللى يفكر يدخل بيطرى اساسا ده يبقى عبيط اخر حاجه يدخل بيطرى بيطرى ليييييييييييييييييييييييييييييييييييييه حرام بيطرى يعنى تهذيب واصلاح ولو كنت فاكر حضرتك انك لما تتخرج هتبقى دكتور والله ما فى الكلام ده انا واحده ما الناس اللى فى بيطرى والله ما نعرف نعطى حقنه حتى احنا فى سنه رابعه دلوقتى وما فيش موارد ولا اى حاجه يااااريت تفكر ربنا اعطى لحضرتك مجموع كويس حراااااااااااام حضرتك ممكن تدخل اسنان على الاقل مستقبلها مضمون والله عن بيطرى والله والله كمان لو حضرتك دخلت بيطرى هتعانى بجد وهتندم انك دخلت كليه زى دى بسبب المر اللى احنا شايفينه فيها والله ما كليه حلوه خالص يعنى وبالنسبه للشغل اكييييييييييييييييييييييييييييييد اسنان او صيدله احسن منها بمراحل يعنى ومجالات بيطرى فى الشغل ياما تتخرج وتشتغل مندوب مبيعات او تتشتغل فى الفيلد مزارع وكده يعنى او تفتح معمل تحاليل هى دى مجالات بيطرى فى الشغل بس غيركد ه ما فيش حاجه المستقبل بايد ربنا وكل حاجه بس والله بيطرى لالالالالالالالالالالالالالالالالالالالالالالالالا لالالالالالالالالالالالالالالالالالالالا والف لالالالالالالالالالالالالالالالالالالالالالالالالا لا كمان والله عذاب على الفاضى والله وهتندم لما تدخل ومش زى التوقعات اللى فى دماغ حضرتك خالص ياريت تفكر واكييييييييييد صيدله او اسنان افضل مليوووووووون مره من بيطرى

حضرتك جيت فى وقتك انا كنت مستنى حد من الكلية يحمل وجهة النظر الاخرى

بعد ايام من المناقشات عرفوا يقنعونى بعدم اختيار كلية طب بيطرى بس طبعا مش عارف انا اختار اى كلية تانية مرة اقول اكتب كلنيكال و المرة دى هاكتب طب على اساس ان مجموعى اصلا هيجيبوه

بس اللى ربنا كاتبوه هاشوفه

مفيش فرق بين اى كليه والتانيه يعنى لوخيروك يا
د\تدخل بيطرى وتكون عالم تلقى علاج للكوليرا ولا تكون زى الدكتور الى على باب الشارع
زويل من علوم
وبرده منساش مجدى يعقوب
بس كده انت هتكون مؤهل للتميز
بس العقل ومصر والظرف لااااااااااااااااااااااااااااااااااااااااااااااااا ااااااااااااااااااااااااااا اوعه خليك فى المضمون

انت ليه اتخليت عن حلمك انت كنت بتحب بيطرى يبقى بيطرى ما تسمحش لحد يغير وجهة نظرك
ما هو كل واحد ف كلية ح يقولك ما تدخلهاش
لو كان فعلا حلمك بيطرى توكل على الله وسيبك من كلام الناس

والله الناس دى بتقول كلام زى الفل

لاء طبعا مستقبل صيدلة احسن بكتير من بيطري
بس انت لو مايل ليها اوي وهتتفوق فيها ممكن تتعين فيها معيد
ربنا معاك

من رأيي أن صيدلة أفضل من بيطري من أوجه عدة

أولها : صيدلة لها تكليف ,,,,,,, إنما بيطري لأ .

ثانياً: شغل صيدلة في الخارج كويس جداً .

ثالثاً : أسمع إن في عين شمس و طنطا صيدلة كلينيكال و دي تعتبر زي الطب البشري و منها بتشخص الحالة المرضية و بتوصف العلاج .

و جميع كليات الصيدلة على مستوى الجمهورية ,,, ممكن خريجها يأخذ دبلومة كلينيكال بعد التخرج و يعرف أيضاً يشخص الحالة المرضية .

صيدلة أفضل من وجهة نظري .

مع احترامي لطلاب الطب البيطري وفقنا الله و إياهم لكل خير .

كمان الطب البيطري الي ناس كتير بتتريق عليها دي ممكن تبقي دكتور تحاليل او تبقي دكتور طب شرعي ولواني بقولها وانا مغصوبة علشان شكلك بتخاف من التشريح وممكن تبقي صيدلي وعارفين بتفتح مجالات كبيرة اكتر من الطب البشري والصيدلة انت عارف انا طب بشري 99.3 والله وعاوز احول بيطري بس اختي دخلت بيطري وتقول حاوة جدااااااااا وتشرح حيوان اليف احسن ما تشرح جثة قدامك

اناطالب جديد فى بيطرى الزقازيق وناس بيشورو عليا احول المنصورة ارجو من حضراتكم المشورة

انا اسمى احمد حسن من السنبلاوين واكون سعيد لو اتعرفت على حضرتك