بسم الله الرحمن الرحيم
أنا الصراحة جبت 96.7% فكنت عايز أسئل هل يمكن ألحق بيها هندسة القاهرة .. لأني قريت على موقع اليوم السابع ان التنسيق هيعلى بالنسبة لكليات القمة و فعلا انا متضايق جدا لأن بجد كان حلم حياتي أدخل هندسة جامعة القاهرة ..

بص محدش يقدر يقولك حاجة زى ديه لأن أى كلام هيبقى مجرد توقعات و محدش لحد دلوقتى يقدر يقولك أه ولا لأ لأن ديه حاجة ميعرفهاش غير ربنا و متصدقش أى حد يقولك أه أو لأ ادعى ربنا و ده كل اللى تقدر تعمله دلوقتى و على فكرة لو مجبتش القاهرة حلوان و عين شمس موجودين ان شاء الله

و نعم بالله انا معاك في كل حاجة بتقولها .. و أنا المشكلة مش عايز أروح حلوان بالذات لأن مش معقول أروح كلية خطوتين من البيت :) :) عايز أنزل بره المنطقة بتاعتي بقى :) ههههههههههه :) بس أكلمك بجد انا معنديش مانع عين شمس او قاهرة خصوصا الأولى بيقولوا المناهج فيها أصعب و بيخرجوا مهندسين بجد

صدقنى الفكرة ان ده سؤال الوزير ذات نفسه ميعرفش يجاوبك عليه :d فأى حد هيقولك أى حاجة هتبقى فتى

انا معاك لأن فيه عامل تاني بيتوقف عليه التنسيق غير المجاميع و هي الرغبات

يا عم الحج ... تنسيق القاهرة ما بيبقاش عالى اصلا + حتى لو حصل حاجة التحويل بقى سهل جدا

متقلقش

مش فاهم الجزئية الأخيرة يعني ايه التحويل بقى سهل !!