اكمل علوم ولا احول رياضه [الأرشيف] - بوابة الثانوية العامة المصرية

مشاهدة النسخة كاملة : اكمل علوم ولا احول رياضه

rana rory

18-07-2012, 12:44 AM

انا طالبه 2 ثانوى و اتظلمت جدا فى التصحيح نقصت 4.5 انجليزى مع انى كان عندى درجه واحده بس وانا بابا مدرس انجليزى و قالى انه لو رخم هتنقصى 2 و فى العربى نقصت 2.5 مع انى مقفله الورقه و مش عندى اى غلطه انا هعمل تظلم و يارب الدرجات ترجعلى

المهم انى جبت 95% و انا حلم حياتى انى ادخل صيدله و انا بحب الاحياء جدا
انا مش عارفه اكمل علوم و يكون فى امل انى ادخل صيدله ولا احول رياضه و الحق هندسه؟
مع العلم ان كل المجاميع السنادى و حشه جدا

مريم السباعى.

18-07-2012, 12:55 AM

لا كملى ىعلوم دة رئى الشخصى علوم عندك حاجات كتير تلحقيها دة لو لقدر الله لو ملحتهاش مع ان شايفة مجموعك كويس جدا وكملى وانتى مطمن بس شدى حيلك جامد فى تالتة وانتى تلحقى طب كمان
الف الف مبروك وربنا يوفقك يارب

الاصابع الذهبية

18-07-2012, 02:11 AM

بصي لو انتي عارفة بس المسئولية اللي عليكي وانك بس محتاجة تتعبي في تالتة وانا مش اقصد تتعبي يعني تموتي نفسك لا بس المذاكرة اول باول المراجعات الاسبوعية والامتحانات الكتييير والحل الكتييييير فانتي انشاء الله مطمنة انشاء الله لاني شايفة انك عندك هدف فده حيخليكي تتعبي فعلا عشان تحققيه ........... فكملي علمي علوم وانشاء الله السنة الجاية تكتبي وتقولي انا دخلت صيدلة والجامعة اللي نفسك فيها بالتوفيق يا قمر ...... يارب انشاء الله يحققلك امالك ..... امين

rana rory

18-07-2012, 02:20 AM

اميين يا رب

A Muslim Girl

18-07-2012, 02:24 AM

ماشاء الله المجموع جميل وسواء جالك درجات من التظلم أو لا ف لو شديتي حيلك شوية هتجيبي صيدلة ان شاء الله
أعرف واحدة صحبة أختي كانت جابيبة في 95 % في تانية وجابت في تالة 98 %
ودخلت صيدلة

rana rory

18-07-2012, 02:30 AM

ماشاء الله المجموع جميل وسواء جالك درجات من التظلم أو لا ف لو شديتي حيلك شوية هتجيبي صيدلة ان شاء الله
أعرف واحدة صحبة أختي كانت جابيبة في 95 % في تانية وجابت في تالة 98 %
ودخلت صيدلة

ربنا يبشرك

A Muslim Girl

18-07-2012, 02:39 AM

ربنا يبشرك

يارب
ويارب إن شاء الله تدخلي صيدلة بس شدي حيلك بقي

rana rory

18-07-2012, 02:43 AM

ان شاء الله انا هعمل كل اللى اقدر عليه

*تائبة فى رحاب الله*

18-07-2012, 03:22 AM

انا شايفة ان المجموع كويس
وممكن تكملى علوم بس شدى حيلك بس
احنا عندنا العلمى علوم بياخد احياء فى تانية وقليل خالص يمكن واحد او اتنين اللى بياخد كيميا فى تانية وبعدين يحول
ودى احسن حاجة الواحد يحدد من الاول مش يبقى ماشى تبع الدرجات
ربنا يوفقك انتى وجميع الطلبة

rana rory

18-07-2012, 02:06 PM

يا رررررررررب

Engineer ..

18-07-2012, 02:47 PM

اعملي تظلم وكملي 3 علوم

بس كلمة انفخي نفسك ف الدراسة قليلة

أنا عايز 100% ف تالتة بس :d

ربنا يوفقك يارب

rana rory

18-07-2012, 02:55 PM

اعملي تظلم وكملي 3 علوم

بس كلمة انفخي نفسك ف الدراسة قليلة

أنا عايز 100% ف تالتة بس :d

ربنا يوفقك يارب

امين يا رب و ان شاء الله انا ناويه اموت نفسى من المذاكره فى 3

Engineer ..

18-07-2012, 03:05 PM

امين يا رب و ان شاء الله انا ناويه اموت نفسى من المذاكره فى 3

ان شاء الله ربنا معاكي يارب :) :) :)
وتقدري تحققي أحلامك كلها

rana rory

18-07-2012, 03:10 PM

امين يارب هو حضرتك دكتور ولا مهندس ؟؟؟؟؟؟؟؟؟؟؟؟؟؟؟؟

GHOST_LioNeL AndRes MesS

18-07-2012, 03:26 PM

انتى ان شاء الله صيدلة ما تخفيش خالص مجموعك ما شاء الله ساندك وهتجيبي ولعلمك رياضة 2 اصعب كتير من احياء وانا والله كان نفسى فى صيدلة جدابس قدر الله وما شاء فعل انتى بس استعينى بالله وكملى و ان شاء الله تجيبيها انا اصلا كنت بردو فى 2 وربنا موفقنيش وجبت 92% وضعت خلاص بس والله انا حاسس انى اتظلمت فى 2.5 درجة فى الفرنساوى انا كنت الفمروض اقفل بس خلاص وملحوظة بلاش تراجعى لانها زى عدمها

rana rory

18-07-2012, 03:29 PM

فعلا قدر الله و ماشاء فعل بس المراجعه مهمه يعنى انا 3.5 انجليزى ظلم و 2.5 عربى ظلم

Hager Adel

18-07-2012, 03:48 PM

شيدى حيلك وحققى حلمك
كملى علوم

Engineer ..

18-07-2012, 04:05 PM

امين يارب هو حضرتك دكتور ولا مهندس ؟؟؟؟؟؟؟؟؟؟؟؟؟؟؟؟

لأ أنا في كلية هندسة لسه :d

Engineer ..

18-07-2012, 04:06 PM

rana rory

18-07-2012, 05:24 PM

لا ناس كتير بتقول رياضه 2 اصعب كتير لان ممكن يجيب افكار للمسائل اول مره تشوفها
لكن الاحياء اللى درسته هتلاقيه مفيش جديد

دودو 95

18-07-2012, 09:21 PM

لا ناس كتير بتقول رياضه 2 اصعب كتير لان ممكن يجيب افكار للمسائل اول مره تشوفها
لكن الاحياء اللى درسته هتلاقيه مفيش جديد

عملتى تظلم ولالا؟؟؟؟

rana rory

19-07-2012, 01:53 AM

لا لسه انا بابا متردد لان ابن صاحبه السنه اللى فاتت كان ليه 12 درجه كيميا و ماخدهومش فى الاخر
عشان كده متردد انا هقنعه و انشاء الله هعمل تظلم

بنت الأزهـر

19-07-2012, 12:32 PM

رنون أولا ألف مبروك لى النجاح.

ثانيا روحي اعملي تظلم. اخويا كان اقل من مجموعك ب0.2 % وبرضه ناقص في الانجليزي وعملنا تظلم كان سؤال القصة quotation وبيسأل أيمن فين؟ أخويا كتب في العناية المركزة. والنموذج بيقول في المستشفي والمدرس المصحح عامل الاجابة غلط! طبعا انا كتبت له ملاحظاتي في التصحيح هي يعني العناية المركزة فين أليست في المستشفى؟
كمان لقينا أخويا حل سؤال صح ف القطعة وعملوه غلط. والparagrapg منقصه مع انه كاتب حلو جدا.
كتبت له كل الملاحظات دي وطلعنا بدرجة.
والحمد لله في 3 اجتهد وقفل بالمستوى وبرض كشفنا على الفيزياء أخدنا نص درجة والحمد لله جاب يدوب 97% دخل بهم صيدلة.

شدي حيلك واقنعي بابا يالتظلم طالما متأكد من إجابتك واحكيله قصة اخويا.
والله النصف درجة بتفرق.

وربنا يوفقك لكل خير.

rana rory

19-07-2012, 12:48 PM

الله يبارك فيكى وانا ان شاء الله بعد تشجيع حضرتك هعمل التظلم

Dr.Nariman

19-07-2012, 03:45 PM

بصي يا نونة ياجميلة

مجموعك ماشاء الله كويس كملي علمي علوم وشدي حيلك جامد فيه واحد كان جايبت 95في2 وجاب 98ف3 وكدا مجموعه ماشاء الله بقا 97
انتي شدي حيلك بس وبعدين الفستان للي يلبسك ميدخلش غيرك يعني متحكميش بكلام غيرك
شوفي ايه الاسهل ليكي

ونصيحة إذا هتاخدي احياء
احفظي المادة حفظ والرسمات تذاكريها اول باول ماتكسليش فيها خالث مالث

وبالتوفيق يارب

انا كمان جايبة 95.16 % ومكملة علمي علوم ان شاء الله والمستوى الرفيع هيعوض الخسارة دي بإذن الله

ماتنسيناش من دعائك بئا :)

rana rory

20-07-2012, 12:53 AM

ربنا يوفقك ان شاء الله و يوفق كل طالب

falcon2011

20-07-2012, 01:38 AM

انتى لو مستعدة بجد
ومصممة ادخلى علوم
بس لو انت ممكن تحبى الهندسة ادخلى هندسة
بس رايى
انتى اعملى الى عليكى وصلى ركعتين استخارة
وان شاء الله هيوفقك

rana rory

21-07-2012, 12:38 AM

ان شاء الله انا اللى مشجعنى لعلوم اكتر انى بحب الاحياء جدا و بحب الرياضه بس الاحياء اكتر