اولا ازيكو يا دكاترة ومبروك للخلص امتحانات واللى لسه مخلصش ربنا يوفقه
ثانيا انا كنت محتاجة رايكو ضرورى
بصوا يا جماعة المفروض التنسيق يوم السبت وانا لسه لغايه دلوقتى محتارة ادخل ايه
انا جبت 99.6 ومحتارة ادخل بشرى ولا صيدلة كلينيكال
بصراحة بالنسبة لبشرى انا خايفة من صعوبة الدراسه وكمان امل من طول المدة انا يا جماعة زهقت من كونى لسه طالبه نفسى اخلص بسرعة واشتغل بقى كمان انا شخصيه مهزوزة شوية ومعنديش ثقة ف نفسى ونتيجة لده حاسة انى مش هبقى دكتورة ناجحة ده كمان زائد انى مش بحب الحفظ والنظرى وسمعت ان فيها نظرى كتييرحتى الكلينيكال الناس بتحفظه
اما بالنسبه لصيدلة كلينيكال انا اصلا بحب الكيمياء اوى وكمان هيا 5 سنين يعنى مش كتير بس ناس كتير حذرتنى منها وان ملهاش فرص شغل فى مصر يعنى هفتح صيدليه وخلاص لكن انا مش حابة الروتين ده انا محتاجة رايكو اوى لانى انا الكبيرة ومعنديش حد اخد رايه وياريت بسرعة يا جماعة
وانا اسفة انى طولت عليكم

بالنسبة لطب ,, فكرتك عنه سليمة تماماَ

,,

مبروك علي المجموع الكويس اعتقد من كلامك انك شبه محددة لانك تقريبا مقلتيش اي ميزة في كلية طب يبقي حرام تدخليها وتندمي بعد كده اما بالنسبة لصيدله اكلينيك فهي كويسه ومكلفه بس في رايي طب احسن لان اكلينيك في مصر مش فارق اي حاجة عن صيدله العادية التمييز ممكن بيكون بره مصر شوفي انتي حابه ايه اكتر ومتسمعيش لكلام حد لان انتي الي هتذاكري فلو حابه مجال وشايفه نفسك فيه متتردديش وادرسيه مبروك مره تانيه وربنا يوفقك ف اختيار الاحسن

[صى انا راى اسنان 5 سنين وعندك عياده وشياكه وبرستيج اعلى بكتير من صيدله وكماديات فيها قرش جامد جدا وفرص عملها فى السعوديه تمام ولو بتخافى من الخلع وياى والحاجات دى خشى قسم تقويم ده قسم جامد جدا ...........بصراحه صيدلة مبقتش اوى خصوصا ان كل 3 متر فى صيدلية........لكن كمهنة صيدلى فى الخارج يعمل لها الف حساب واقصد فى الخارج امريكا وكندا المانيا وكده.....وبرده القرار ليكى

بصي

لكل كلية مساوئها وميزاتها بجد

زي مانتي بتحبي الكيمياء اكيد صيدلة اصلا كلها مش كيمياء

انا من نظري صيدلة كلينيكال كويسة ليكي عشان 5 سنين
بس بيتهيالي بتدفعي 5 او 10 الاف كل سنة والله اعلم

وبردو طب كويس و والله جامد جدا

وعمرك ما هتعرفي تحددي الكلية دي هتبقي كويسة فيها او لاء الا ما تدرسيها

وانتي عندك خوف دلوقت من طب....شيلي حتة الخوف دي و ايه يعني 7 سنين
توكلي علي الله وادخلي طب

ووالله انا نفس المشكلة بالضبط ونفس المجموع بس اهن اهن شئ انتى بتحبى ايه انتى اللى هتختارى وهتتحملى النتيجة مش الناس يعنى انا بيقولو ليا ادخلى صيدلة عشان احسن للبنات من طب بس انا بعشق طب وعشان كدا هصمم على رايي والله المستعان

قصدى اهم اهم شئ انتى حابة ايه؟:)

انا نفس المشكلة مش حابة طب وجايبة 100 في المية واحب ادرس في الفيزياء او ال dna
انا مش عارفة ادخل ايه

فيه dna في طب عادي وكتير كمان، وموضوع صيدلة أو أسنان علشان البنات إحنا عندنا تلتين الدفعة بنات.

يا رب استرها يا رب يا رب