انا لسه مخلصة ثانوية عامة و مجموعى الحمد لله يودينى صيدلة القاهرة او عين شمس بس انا محتارة اوى و عندى شوية اسئلة

1) هو فى توزيع جغرافى فى صيدلة ؟ انا من القاهرة
2) اه الفرق بين مواد صيدلة القاهرة و مواد صيدلة عين شمس؟
3) هو اه بالضبط الفرق بين صيدلة كلينيكال و صيدلة عادى و هل كلينيكال تفرق من القاهرة او عين شمس؟

و بجد جزاكم الله خيرا على اجاباتكم

بصى انا مش دكتور انا طالب زيك جبت 98 وان شاء المولى دكتور المستقبل ولاقيت نفسى فاضى قلت ارخم شويه
هههههههههه معلش اصل عندى فراغ
المهم اول حاجه لو مجموعك كبير هيجيلك صيدلة عين شمس لو عادى هيجيلك صيدلة القاهره والاتنين احسن من بعض
تانى حاجه المواد تقريبا زى بعض بس صيدلة القاهره اللى اعرفه ان مناهجها متطوره عن عين شمس
تالت حاجه صيدلة كلينيكال دى يعنى مثلا الدكتور يقول الشخص ده عنده مرض كذا بس ميدلوش اى علاج انتى اللى ليكى الحق تديله العلاج اللى يناسب حالته,,, تمام وخلى بالك دى فرصتها فى مصر ضعيفه جدا جدا مفيش الا مستشفى( 57357 )هى اللى فى مصر مطبقه النظام ده لحد علمى والله اعلى واعلم

طيب بقولك صيدلي كلينيكال فرصته حلوة في الدول العربية ؟؟؟؟؟؟؟؟؟؟؟؟؟؟؟؟؟؟؟؟؟؟

صيدله كلينكال لحد الان ماتعملش بيها فى مصر ولا الوطن العربى

هو فى توزيع جغرافى فى صيدلة ؟ انا من القاهرة


ف سنتى كان لا
القاهرة و عين شمس و حلوان كانو توزيع واحد تبدل فيهم براحتك


اه الفرق بين مواد صيدلة القاهرة و مواد صيدلة عين شمس؟


الفرق الجوهرى
ان صيدليه عين شمس فيها اعدادى و صيدليه القاهرة مفهاش اول سنه اولى ع طول اسمه نظام حديث
اعدادى دى انتى بتاخدى مواد من علوم زى الفيزيا و حيوان و بارا و كام ماده تانين كده بتوع صيدلها القاهرة مش بياخدوها
فبيبتدو مواد صيدله ع طول م اول سنه احنا بنبتدى من تانى سنه او من تانى ترم مواد و مواد
فبيبقو سابقنا بترم
انما كاتوتال تقريبا نفس المواد
ان مكنش صيدله عين شمي ازيد
ممكن كمان تلاقى الاختلاف فالمحتوى بتاع الكورس نفسه ياعنى اسم الماده هى هى بس حاجات زايده حاجات ناقصه ع حسب الدكاترة بقى

اللى كنت اعرفه ان ف عين شمس بياخدو كلينكال و القاهرة لا
بس كنت واقفه ف الصيدليه مع واحده خريجه القاهرة قالت ان هما خدوها ف اخر سنه
ممكن يكون الفرق ان ف عين شمس بناخدها سنتين مش سنه واحده
غير كده بتبقى


هو اه بالضبط الفرق بين صيدلة كلينيكال و صيدلة عادى و

الصيدليه العادى اللى هى عادى :d اللى انتى بتشوفيها ع طول
الكلينكال بقى ده بالعربى الصيدله السريريه
اللى هو ان يبقى وظيفه الدكتور انه يشخص بس و الصيدليى بناءا ع التشخيص هو اللى يكتب الدوا و يشوف بقى ايه ينفع مع ايه و الجرعات و الكلام ده
بس زى ما الدكتور بيقول النظام ده مش متطبق ف مصر و لو هيطبق فلسه هياخد وقته
بالنسبه للدراسه
فهى هى بس كلينيكال بقى بتاخدى زياده حبه مواد م طب
الشهاده
العادى
بيبقى بكالريوس العلوم الصيدليه
التانى
بكالريوس ف الصيدله الاكلينيكه

عن نفسي ما بنصحش بيه وخاصه لو مش من ضمن خططك ان تسافرى برة دوله اروبيه تشتغلى ف المجال ده
و ممكن بعد ما تخلصى لو حبيتى تاخدى فيه الكورسات بتاعته مفيش اكتر منها او تاخدى حتى دبلومه فيها
انما تخشيها م الاول شيفاها بعزقه فلوس ع حاجه مش هتجيب همها ف الاخر



هل كلينيكال تفرق من القاهرة او عين شمس؟




صيدلة القاهرة فيها قسم خاص للكينيكال بيبقى نظام ساعات معتمده
عين شمس مفهاش بس بتاخدى مواد منها ف اخر سنتين و بعد ما تخلصى لو عايزة ف دبلومه بتبقى سنتين و بتبقى بألف ألف و شويه حاجه كده
ده ان كان ليكى نفس بعد ال 5 سنين تعتبى الكليه دى تانى اصلا :d