ياجماعة انا علمى علوم وجبت94.15ومش عارفة اعمل ايه بجد انا مش عارفة انام هل احول علمى رياضة بس ده هى اللى نزلتنى انا كنت المفروض انقص درجة واحدة ولكن نقصت 5 درجات وبرده مظلومة فى العربى ولكن كل الناس قالولى متقدميش تظلمات لانك مش هاتخدى حاجة اناكان نفسى ادخل صيدلة لكن لو كملت فى علمى علوم ممكن الحقها ارجو الرد واسفة على الاطالة

حضرتك لو واثقة ومتاكدة ذ00 فى المائة ان بمجهودك ومذاكرتك هتجيبى 2 فى المائة على مجموعك كملى علمى علوم ولو مش واثقة ادخلى علمى رياضة مع العلم ان منهج رياضة 2 صعب جدا وعايز مخ يكون شغال كويس فى الرياضة ويكون بيحبها ويكون شغال فى المخلصات بس ملحوظة ان فى مثلا كلية علوم لها مجالات كتيررررر منها ممكن تعمل دبلومة بعد الاربع سنين وتفتحى معمل تحاليل وممكن مدرسة فيزياء وكيمياء ولها وظائف فى وزارة الدخلية لان لها قسم تبع الادلة الجنائية وها وظائف فى الجيش فى مجال الاسلحة الكيمائية وومكن منها تشتغلى مندوبة مبيعات ولها مجالات كتيرررررررر كلية علوم هي الكلية اللى تحت كليات الطب والصيدلة و بتوصل ل90 فى المائة وفى كليات كتير المهم مش نوع الكلية المهم حاجتان انك تكونى واثقة ومتاكدة ان مجهودك ومذاكرتك هيجيب مجموع (س مثلا ) والمهم تعرفى ان الكلية دى هتعدى فيها ومش داخلها عشان حد يقوللى يا دكتور مثلا وربنا هو اللى مدبر ومخطط كل حاجة

كملي علوم بس ابذلي مجهود في تالتة

لا انا الحمد لله واثقة فى قدراتى وده بتوفيق ربنا طبعا اقدر اجيب مجموع كويس ووالله الموضوع مش موضوع دكتورة انا شايفة انى اقر اعمل حاجة كويسة فى صيدلة ولو ربنا كرمنى ولحقتها مش هتوقف عند الكلية وخلاص وكمان انا بحب الاحياء جدا ومش بحب الرياضة وياريت تفيدنى انا المفروض اجيب كام فى تالتة وصيدلة عادة بتاخد من كام

لازم تقدم تظلم

المشكلة ان كل اللى سالتهم قالوا قدمنا تظلمات وفى الاخر مخدناش اى حاجة وانا كمان سالت مدرسين وقالولى ان لو عندى سؤال صح وهما حسبوا غلط مبيعلمهوش تانى وان المدرس بيعمل المستحيل علشان ميطلعش نفسه غلطان

ممكن تلحقي صيدلة
كملي علوم وذاكري كويس
انتي محتاجة تجيبي في تالتة لوحدها علي الاقل 99

ومتخافيش امتحانتكو هتكون سهلة

قدمي تظلم ( هذا حقك و وجب الدفاع عنه )
و رأيي تكملي علوم و ان شاء الله تلحقي صيدلة بس شدي على نفسك شويا

قدم تظلم لكن الاول نزلى من الموقع نماذج الأجابة لكل المواد .
كملي علمى علوم و اوعى تدخلى مجال لا تحبيه
كلية الهندسة غير محبذة للبنات لان فيها إختلاط بالرجال.

منسمعيش كلام حد وقدمى تظلم لان لو ليكر درجات تجميع هتاخدييها والله اعرف واحدة كانت جايبة 29 فى العربى السنه الى فاتت وقدمت تظلم وجايت29.5 ربنا يوفقك يا ربوعشان تكونى متاكدة من نفسك ومجهودك

انا نصيحتي لو متاكدة انك اتظلمتى اعمل تظلم ولو مش متاكدة ما تعمليش عشان هتتسلهكى فلوس ومشوار وتعب وانا انصحك كملى علمى علوم وهاتى 97 وتضمني مائة فى المائة صيدلة من غير المستوي الرفيع والمستوى الرفيع يرفعك 1 فى المائة يعني 98 وكده صيدلة في ايدك وكمان 60 فى المائة طب بشري هيكون في يدك وبالتوفيق