سلام عليكم

لو سمحتوا يا جماعة كنت عايزة استفسر عن تنسيق المصريين بالخارج
واحدة قريبتي كانت في مدرسة في الكويت وامتحنت في مدرستها عادي مش في السفارة
وجابت 92% وختمت النتيجة بتاعتها من السفارة ورجعت على مصر وخلاص كدة
هي مش فاهمة بقى ازاي تقدر تقدم للجامعة هنا في مصر يعني تسجل بيانتها فين
والتنسيق ازاي والخطوات ايه هي حد يفهمني لو سمحتوا

?????????????????????????

و عليكم السلام ورحمة الله وبركاته
هي إن شاء الله هتستنى لما يفتح باب التنسيق للمصريين في الخارج
و بعدين تروح القاهرة تجيب ملف من هناك فيه أوراق هتسجل فيه بياناتها
وتدخل تكتب الرغبات على النت وبعدين تسلمه هناك تاني على شباك الكويت لأن كل دولة لوحدها
وتستنى النتيجة وده بعد ما ينزلوا التنسيق الخاص بكل كلية ثم يتم ترشيحها للكلية اللي هتدخلها بعد معادلة مجموعها

والله ولي التوفيق

جزاك الله خيرا بس ليا سؤال
اولا تنسيق المصريين في الخارج بيبدأ امتى ؟
والملف ده من فين في القاهرة؟
وهي اصلا من الفيوم فهل تسحب الورق برضوا من القاهر؟

تنسيق الشهادات المعادلة بيبدأ بعد تنسيق ما نتيجة تنسيق مصر تطلع، هتروح مكتب التنسيق تقدم ورقها و تسحب ملف التنسيق و تعمل إجراءات التنسيق عالنت عادي بس مهم إنها في الفترة اللي قبل ما باب التنسيق يتفتح تكون وثقت الشهادات بتاعتها، أنا كنت شهادة معادلة بس مش من الكويت و كان مطلوب مني التوثيق من الملحق الثقافي للسفارة و التوثيق من وزارة الخارجية تقريباً كمان المهم إنه في مكاتب في محيط مكتب التنسيق بتعمل الحكاية دي، حضرتك بتسلميهم الشهادة و بتستلميها متوثقة و عليها كل الأختام بعد كام يوم و أنصحك بده لأن اللفة كبيرة و هما بيبقوا فاهمينها (أخدوا الشهادة الواحدة تقريباً 150 جنيه على ما أذكر)، بعد كده هتروح بقى عادي لما باب التنسيق يتفتح (غالباً الشهادات العربية بتبقى في الأيام الأولى) و تسحب الظرف بتاعها و تعمل التنسيق الإلكتروني و ترجع تسلم نسخة من الرغبات للمكتب و تستنى النتيجة، و بالتوفيق.

بالنسبة لمكتب التنسيق تقريباً أسمع إنه في 3 فروع في مصر بس معرفش مكانهم و أعتقد إن الأقرب للفيوم هي إنها تنزل بتاع بين السرايات اللي عند جامعة القاهرة

شكرا جدا جزاك الله خيراااااااااااااااااااااااااااااا