السلام عليكم ورحمة الله وبركاته
أنا طالبة بالصف الثاني الثانوي جبت 203 نقصت نص في العربي ونص في الكيمياء ودرجة انجليزي
ومليش غير اني اقول حسبي الله ونعم الوكيل
انا العربي كاتبه في 6 صفحات 6 صفحات ومنقصني نص درجة ممكن تقولي اعمل اكتر من كده ايه ده انا حتي التعبير راجعتوا وناس معايا مخلصوش وناقصين درجة واحدة بس يبقي حسبي الله ونعم
الوكيل ولا لأ

الانجليزي كله صح ما عدا واحده المستر هنا من المنتدي قالي ممكن لو لو نقصوكي يبقي نص
في حين والله العظيم البت بتقول في نقطة في تصحيح الخطا سابتها خالص وجابت 25 يبقي حسبي الله ونعم الوكيل ولا لأ

الكيمياء 4 مدرسين مراجعين معايا وقالولي ملكيش غير 50 انقص نص وعيال حالين اسئلة غلط يجيبوا 50 يبقي حسبي الله وعم الوكيل ولا لأ

انا والدي توفي قبل الامتحانات بشهر
ودلوقتي انا مقهورة علي الدرجتين اللي ضايعين ظلم دول ووالدتي بتقول نعمل تظلم
بس انا مش عايزة ادوخها ونصرف مصاريف عشان ناس حسبي الله ونعم الوكيل فيهم لمجرد انهم مش شايفين شغلهم كويس


فهل اعمل تظلم وخلاص ولا افوض امري لله واقول حسبي الله ونعم الوكيل في اللي ظلمني
عشان مش هاعرف اخد حق ولا باطل في اعادة التصحيح دي
يا ريت حد يريحني ويقولي اعمل ايه
لان البيت كله مسوط وانا الوحيدة المنهارة في البيت ومش عايزة انكد عليهم فرحتهم
اعمل ايه قولولي

السلا عليكم ورحمة الله وبركاته
بصى ياحبيبتى اللى انا اعرفه فى حكاية التظلم دى انه حتى لو كان ليكى درجات مش هتخديها فانتى اتوكلى على الله وفوضى امرك ليه وافتكرى دايما قول ربنا وعسى ان تكرهوا شيئا وهو خيرا لكم يمكن ربنا يكون شايلك الخير فى حاجة انتى مش شايفاها وبعدين انتى لسه داخلة تالتة شدى حيلك فيها وربنا ان شاء الله يعوضك خيرا

قوليٰ الحمدلله فيهٰ غيرگ إتظلم ونقص أگتر منّگ بْ گتير

وهمآ درچتين يعني وآحد ف الميّة .. ف يعني مش هتأثر

شدّي حيلگ ف تآلته .. والله معآكِ =)

بس على الرغم من كدة مجموعك ممتاز على فكرة

المفروض احنا اللي نحسبن عليكي ههههههههههههههههههههه
زعلانه علي انصاص
طب انا مقفل التاريخ ومراجع مع 3 مدرسين كله صح قالولي لو نقصت تنقص درجة
جبت 43 يعني 7 درجات ظلم !!
والجبر درجتين وانا معنديش ولا غلطة
احمدي ربنا

قولي الحمد الله ...
انا مظلوم ة في 4 درجات ..
انا حاسة بحرقة الظلم اللي انتي فيها لان الظلم مش بيفرق نص من اربعة
لكن حالك احسن من ناس كتير
الحمد لله على كل حال ...

فعلا حسبى الله ونعم الوكيل

طب انا كاتبة تقريبا 6 او 7 صفحات تعبير ومشكله جزء كبيير من الموضوع على قد ما الوقت كفى و9 عناصر وحالة باقى الامتحان الحمد لله كويس اوى ومع ذلك ناقصة 2.5 من اجمالى 3 درجات ناقصاهم فى المجموع الكلى تفتكرى اعمل انا ايه فى نفسى ؟؟؟

لأ مجموعك حلو ... ربنا يوفقك وابقي هاتي نصه ف الكلية بس هديلك اللي انتي عايزاه

طب اقولك حاجة وشوفي مين يحسبن
انا جارتي كاتبه 9 صفحات تعبير
وهي ما شاء الله بتكتب حلو اوي وقوية في اللغة مش كدة وبس
دي شكلت الكلام كله صح
ومعندهاش في الامتحان كله ولا غلطه
حتي النحو كله صح
وجابت 27
قولي الحمد لله

حاجه غريبه جدا والله
ليه تقوللهابلاش تعملى تظلم
إنتم كده بتواجهوا الظلم ب ظلم أكبر

ويمكن عايزه تجيب اكتر من كده وده حقها
أنا شايف إنك لو مظلومه فعلا إعملى تظلم وربنا ح يكرمك ولو ليكى حق ح تخديه ع فكره
نظام التظلم إتغير
بقوا بيصححوا الورقه من جديد مش بيراجعوا التجميع زيى الاول

وبعدين يمكن لو خدتى درجه تفيدك إنك تطلعى من الأوائل
و بعدين م تضمنيش السنه الجايه فيها إيه

ربنا معهاكى وتوكلى عليه واعملى التظلم

اعملي تظلم وتوكلي على الله

الف شكر للناس اللي ردت بجد رفعتولي من معنوياتي
والاستاذ اللي بيقول اني المفروض احمد ربنا
والله العظيم حمداه وشكراه بس عارف لما تكون طووووووووول الاول وتيجي مرة واحدة تبقي تاخد مجموع بالظلم عارف لو غلطانة كنت عادي لكن اتظلم وناس انا متاكده انهم اقل بكتييييييييييير يبقوا زيي واكتر خاصة بعد الظروف اللي مريت بيها ....
احساس قاااااااااتل
عموما محدش رد اعمل تظلم ولا خلصت علي كده

الف شكر للناس اللي ردت بجد رفعتولي من معنوياتي
والاستاذ اللي بيقول اني المفروض احمد ربنا
والله العظيم حمداه وشكراه بس عارف لما تكون طووووووووول الاول وتيجي مرة واحدة تبقي تاخد مجموع بالظلم عارف لو غلطانة كنت عادي لكن اتظلم وناس انا متاكده انهم اقل بكتييييييييييير يبقوا زيي واكتر خاصة بعد الظروف اللي مريت بيها ....
احساس قاااااااااتل
عموما محدش رد اعمل تظلم ولا خلصت علي كده


طب م أنا رديت عليكى ع فكره

احمدى ربك ويعنى ماجتش ع الدرجتين مش هيعملوا حاجه
فانتى بلاش تظلم ولا حاجه سلمى امرك لربنا
ولاااازم تبقى عارفه انك لما تتوقعى هتجيبى كااام ف الامتحااان تتوقعى بالقليل
انا ياااااااما ناااس كتييير كانت بتقوللى هتجيبى النهائيه اكيييييييييييد لكن انا مكنتش بحط ف دماغى
بالرغم من انو بيبقى كله صح عندى بس برضو لازم احط ف دماغى القليل عشان ان حصل ماتصدمش

حاجة مستفزة جدا
جايبة 29.5 ومش عاجبك .... سبحان الله
كنت عايزة تجيبي 35 من 30 مش فاهم والله ....

غيرك اتظلم اكتر من 8 درجات و في الاخر مش هيرجعلوه حاجة:mad:

لا اعملى تظلمى ع الاقل ترضى ضميرك حتى لو مش هيرجعلك حاجة

اهو تفضلى فاكراها ان ورقتك مكنش فيها غلط والمصحح رخم

يعنى انا مثلا ف الكيميا اتظلمت ومعتبرة نفسى مقفلاها لانى روحت شفت ورقتى وعرفت انى مش غلطانة مع انى مارجعتليش الدرجة....بس العربى ما اظنش حد قفله السنادى فطنشيه لان التعبير وجه نظر المصحح
والف مليووووون مبرووووك على المجموع الحلو دا

الف شكر للناس اللي ردت بجد رفعتولي من معنوياتي
والاستاذ اللي بيقول اني المفروض احمد ربنا
والله العظيم حمداه وشكراه بس عارف لما تكون طووووووووول الاول وتيجي مرة واحدة تبقي تاخد مجموع بالظلم عارف لو غلطانة كنت عادي لكن اتظلم وناس انا متاكده انهم اقل بكتييييييييييير يبقوا زيي واكتر خاصة بعد الظروف اللي مريت بيها ....
احساس قاااااااااتل
عموما محدش رد اعمل تظلم ولا خلصت علي كده


انا عارف وفاهم
وعلي فكرة انا السنادي بهدلت نفسي مذاكرة عمري مذكرت كدة وجبت 90 وربنا يعلم اني مظلوم في التاريخ والجبر والفرنساوي
بس مفيش في ايدي حاجة قالولي التظلم ملوش لزمه