بالنسبة للعربى مرحلة اولى طالب او مدرس بالله عليك ادخل [الأرشيف]

المساعد الشخصي الرقمي

مشاهدة النسخة كاملة : بالنسبة للعربى مرحلة اولى طالب او مدرس بالله عليك ادخل

lally adel

19-07-2012, 04:04 AM

..: Pink rose :..

19-07-2012, 04:08 AM

في نموذج الاجابة الرسمي مكتوب توزيع الدرجات و اكتر من اجابة للمفردات وعكسها بتتحسب صح .. و هو موجود في المنتدى

lally adel

19-07-2012, 04:13 AM

في نموذج الاجابة الرسمي مكتوب توزيع الدرجات و اكتر من اجابة للمفردات وعكسها بتتحسب صح .. و هو موجود في المنتدى

انا شفت النموذج وهو دة اللى هيجننى لانى مكنتش قلقانى خالص من نقطة المفردات دى لانى عارفة ان المهم ان الاجابة تكون مناسبة للسياق .. لكن لما لقيت نفسى ناقصة كدة ودة معناه انى ناقصة فى الورقة 5 درجات عشان كدة دة اللى خلانى اشك فى الحاجات دى ...

شكرا لردك

..: Pink rose :..

19-07-2012, 04:24 AM

لو واثقة اوي من اجاباتك اعملي تظلم
بس لو مش واثقة بلاش خالص و تتعوض ان شاء الله في تالتة

lally adel

19-07-2012, 04:34 AM

لو واثقة اوي من اجاباتك اعملي تظلم
بس لو مش واثقة بلاش خالص و تتعوض ان شاء الله في تالتة

هى دى اجاباتى اللى انا شاكة فيها واساسا دول ميعملوش درجتين ونص لان كل واحدة منهم عليها نص درجة تقريبا قبل القسمة ...
وباقى الاجابات كلها الحمد لله مطابقة للنموذج ومتاكدة منها فعشان كدة حبيت ان حد ياكدلى هل عمل دول كدة زى ولا لا ...
مع العلم ان انا صاحبتى عاملة اعراب ذى زيي كدة بالظبط وجايبه 29.5 يعنى كدة اكيد مش غلط ..

وشكرا مرة تانية لاهتمامك

..: Pink rose :..

19-07-2012, 04:44 AM

lally adel

19-07-2012, 04:50 AM

اكيد الدرجات ضاعوا في التعبير و خصوصا الرسالة لان الدرجة في التعبير بتبقى بتقدير المصحح و فعلا في ناس مستواهم عادي و جابوا 29.5 ...و مابتبقاش بعدد الصفحات الي كاتباها لانهم بيقروا المقدمه و الافكار و الخاتمة وبيحطوا الدرجة على اساسها ودا حال اغلبية المصححين في العربي للاسف

ومافيش داعي للشكر و الله دا واجبي

معقول 5 درجات فى الورقة تعبير بس .. ؟؟؟؟ .. انا عاملة الرسالة صح وباطار وحاطة زمان ومكان وتحية طيبة وبعد وكل حاجة فى الديباجة الاساسية دى ...

وفى التعبير العادى كاتبة حوالى 6 صفحات ومشكلة حوالى فقرتين منهم من اصل 9 فقرات كل واحدة حوالى 5 او 6 اسطر ... ومستشهدة بقران وشعر وحديث وحاجات كتيير كدة .. بمعنى ادق حاولت اظبط التعبير على قد ما اقدر الا ما رحم ربى انا بس عايزة اتاكد ان الحاجات دى صح عشان اعمل التظلم بقلب جامد .. ربنا يستر

..: Pink rose :..

19-07-2012, 04:56 AM

خلاص اتوكلي على الله واعملي تظلم وربنا معاكي

To Be Is To Do

19-07-2012, 11:40 AM

السلام عليكم ورحمة الله ...

السلام عليكم ورحمة الله وبركاته ..

بعد اذن حضراتكوا يا جماعة انا كنت عايزة اسالكوا على حاجة ..
انا كنت فى تانية ثانوى والحمد لله ربنا كرمنى وجبت 202 من 205
ناقصة من 3 درجات دول 2.5 لغة عربية بس !!!

فكان عندى شوية استفسارات لو تتفضلوا وتجاوبنى عليها

- اولا : انا فى نص تربية الابناء كنت كاتبة مرادف القهر : الظلم الذى ينتج عن الضرب ، وكام معنى تانيين مناسبين للسياق معاها بس للاسف مش فاكراهم فهل دة انقص عليه ولو اه انقص اد ايه ؟؟ وكمان فى مضاد القهر كنت كاتبة الرحمة واللين والعطف والشفقة .. هل دة غلط ؟؟؟
المعانى بتعدى فيها كذا إجابه حتى لو مش ف النموذج ع فكره
- ثانيا :فى سؤال " سبق بن خلدون علماء عصره وضح ذلك وبين رايك "
انا وضحت وكتبت حوالى 4 او 5 اسطر كتبت فيهم كل حاجة عن بن خلدون كانت متعلقة بالجزء دة .. بس مبينتش رائي للاسف بوضوح " بمعنى انى مكتيتش وانا ارى ..... " فهل دة انقص عليه ولو اه اد ايه ؟؟؟
لو كان طالب رأيك وإنتى مش كتبتيه يبقى ممكن تنقصى عليه ع فكره
- ثالثا : هل اللى اعرب المتعجب منه ذى : فاعل مرفوع محلا مجرور لفظا لوجود حرف الجر الزائد .. من غير ما اكتب علامة الاعراب الموجودة فى النموذج نقص ؟؟؟ ولو اه اد ايه ؟؟
إعرابك تمام 100 % لإنها ليها إعرابان إنتى كاتبه واحد والنموذج فيه 1 تانى بس إعرابك صح
رابعا : انا فى الكشف فى المعجم كتبت نكشف عن تراث فى مادة ترث وتحتها بسطرين كتبت تانى نكشف عن تراث فى مادة ورث وكنت ناوية اشطب على الاولى بس للاسف الوقت مخدمنيش ونسيت اشطب عليها .. هل فى التصحيح كانوا بياخدو الصح ويسيبوا الغلط ولا بيشيلوا درجة السؤال ؟؟؟
دى ترجع للمصحح ع فكره ، بس تقريبا بياخدوا الصح
وممكن واحد رخك عملها غلط
دى بس الحاجات اللى انا اجاباتى فيها مختلفة عن النموذج
اخر سؤال ليكو - واسفة على الاطالة - هل لازم اعمل تظلم واشوف بيه ورقتى زى ما مدرسى و والدى قالولى ولا خلاص قدر الله وما شاء فعل وكدة كدة مش هاخد درجات ؟؟
حاسه إنك مظلومه تعملى تظلم بسرعه عشان ع الأقل تريحى نفسك وترتاحى نفسيا كمان ، يمكن تاخدى درجه إنتى أولى بيها
ارجوكو لو حد كان عامل حاجة مشابهة للاجابات دى وجاب درجة كويسة يقولى ضرورى
وشكرا جزيلا ليكو .. ارجو الرد سريعا

ربنا يكرمك إن شاء الله تعالى

SwOrD OF JusTice

19-07-2012, 11:51 AM

متعملش تظلم مش هتاخد حقك صدقنى الا لو غلطانين ف التجميع

التصحيح بيبقى اعلى كوسه انا واخد اعلى من حقى درجتين ف الفرنساوى وقالل 5 ف الجبر والمفروض مقفله

والعربى ظالمنى فيه جامد

still think of you

19-07-2012, 02:47 PM

متعملش تظلم مش هتاخد حقك صدقنى الا لو غلطانين ف التجميع

التصحيح بيبقى اعلى كوسه انا واخد اعلى من حقى درجتين ف الفرنساوى وقالل 5 ف الجبر والمفروض مقفله

والعربى ظالمنى فيه جامد
تصدق بقا
انا واخده اقل من حقى ف الكميا و العربى
و الباقى واخده حقى
كان نفسى تبقا بزياده
بس مفروض الورق يتراجع كويس عشان كدا ناس خدت حقها و ناس اترمت للاسفل:mad::mad::mad:

lally adel

19-07-2012, 03:20 PM

ربنا يكرمك إن شاء الله تعالى

اولا : شكرا جدا لردك ...

ثانيا : بالنسبة للجزء بتاع السؤال اللى طالب فيه رائي .. السؤال دة اصلا عليه درجة وهو مكون من جزئين كل جزء بنص درجة .. انا مجاوبة الجزء الاول اللى هو بتاع التوضيح بس مجاوبتش التانى بتاع الراي .. يعنى لو هنقص هنقص درجة الراي بس اللى هى نص درجة تتقسم تبقى ربع ....

قول نقصونى فى التعبير درجة .. مع النص دة بقت درجة ونص .. وانا كان فى مدرس قالى انهم لما يجو يقسمو لازم يكون المجموع يقبل القسمة على 2 .. و فى الحالة دى انا هبقى ناقصة تلت اربع درجة والربع دة بيتجبر بتبقى نص بس ...

وحتى لو قلنا مش هيجبروا الربع دة وهيكملوه هبقى ناقصة درجة .. فين بقى الدرجة ونص التانيين ؟؟؟ اللى هم تلاتة فى الورقة او اكتر كمان ؟؟؟

دة اللى مجننى ومجنن المستر بتاعى وبابا كمان .. عشان كدة سالت الناس ..

عامة انا قدمت التظلم النهاردة وربنا يستر بقى

lally adel

19-07-2012, 03:26 PM

متعملش تظلم مش هتاخد حقك صدقنى الا لو غلطانين ف التجميع

التصحيح بيبقى اعلى كوسه انا واخد اعلى من حقى درجتين ف الفرنساوى وقالل 5 ف الجبر والمفروض مقفله

والعربى ظالمنى فيه جامد

والله العظيم انا كنت بقول زيك كدة وقلت خلاص دة نصيب وحقى عند ربنا وهو اللى ان شاء الله هيعوضنى خير .. بس للاسف بابا والمدرس بتاعى ضاغطين عليا جامد .. وبابا قالى روحى شوفى الورقة و اتاكدى لو مكنتيش غلطانة فى حاجة وليكي حق انا هعرف ازاى اجيبهولك .. وانا قلتله خلاص ومش مشكلة والحمد لله انها جت على قد كدة ولكن لا حياة لمن تنادى ...

زائد بقى انى صراحة سمعت راي اقتنعت بيه الى حد ما .. وكان راي مدرس الكيميا بتاعى ..
قالى متنسيش ان العربى مادة لسه مستمرة معاكى السنة الجاية .. ولسه هتقعدى قدام ورقة اجابة تانية فيها .. روحى شوفى ورقتك ودة هيديكي خبرة كبيرة وصدقيني هتستفيدي كتيير حتى لو مخدتيش درجات .. على الاقل هتبقى عرفتى الورق بيتصحح ازاى ولو كان عندك قصور فى نقطة او فرع معين خلاهم يتلكوو لك عليه هتتكى عليه السنة الجاية وتاخدى بالك ومتقعيش فى نفس الغلطة ..

وصراحة انا قلت كدة كدة انا مش خسرانة حاجة .. واللى يجيبه ربنا انا راضيه بيه .. دة بس عشان ابقى عملت اللى عليا لحد اخر لحظة

amothman123

19-07-2012, 05:58 PM

السلام عليكم ورحمة الله ...

السلام عليكم ورحمة الله وبركاته ..

بعد اذن حضراتكوا يا جماعة انا كنت عايزة اسالكوا على حاجة ..
انا كنت فى تانية ثانوى والحمد لله ربنا كرمنى وجبت 202 من 205
ناقصة من 3 درجات دول 2.5 لغة عربية بس !!!

فكان عندى شوية استفسارات لو تتفضلوا وتجاوبنى عليها

- اولا : انا فى نص تربية الابناء كنت كاتبة مرادف القهر : الظلم الذى ينتج عن الضرب ، وكام معنى تانيين مناسبين للسياق معاها بس للاسف مش فاكراهم فهل دة انقص عليه ولو اه انقص اد ايه ؟؟ وكمان فى مضاد القهر كنت كاتبة الرحمة واللين والعطف والشفقة .. هل دة غلط ؟؟؟

القهر هو الغلبة و الإرغام .. و لو كتبتيهم يبقى انت صح

- ثانيا :فى سؤال " سبق بن خلدون علماء عصره وضح ذلك وبين رايك "
انا وضحت وكتبت حوالى 4 او 5 اسطر كتبت فيهم كل حاجة عن بن خلدون كانت متعلقة بالجزء دة .. بس مبينتش رائي للاسف بوضوح " بمعنى انى مكتيتش وانا ارى ..... " فهل دة انقص عليه ولو اه اد ايه ؟؟؟

إجابة السؤال لأفكاره الجديدة و ابتكاراته لعلم الاجتماع و هى سطر واحد فى الكتاب .. لو كتبتيه يبقى انت صح .. إنما فى وسط الكلام و من غير تمييز ممكن مايخدش باله لإنه بيصحح ألف ورقة و لازم نراعى المصحح برضة .. و الرأى نفس الكلام

- ثالثا : هل اللى اعرب المتعجب منه ذى : فاعل مرفوع محلا مجرور لفظا لوجود حرف الجر الزائد .. من غير ما اكتب علامة الاعراب الموجودة فى النموذج نقص ؟؟؟ ولو اه اد ايه ؟؟

بعيداً عن الى حصل من النموذج فى السؤال دة لكن
علامة الإعراب أهم حاجة فى الإعراب !
هو أحنا لما نقول مضاف إليه مجرور
طيب ما ممكن يبقى مجرور بالكسرة !!
و ممكن يبقى بالياء !!
و ممكن يبقى مجرور بالفتحة !!
و ممكن و ممكن
لازم العلامة تتحدد .. دة دلوقتى لثالثة مش لثانية لإن ثالثة النحو بتاعها open ...

رابعا : انا فى الكشف فى المعجم كتبت نكشف عن تراث فى مادة ترث وتحتها بسطرين كتبت تانى نكشف عن تراث فى مادة ورث وكنت ناوية اشطب على الاولى بس للاسف الوقت مخدمنيش ونسيت اشطب عليها .. هل فى التصحيح كانوا بياخدو الصح ويسيبوا الغلط ولا بيشيلوا درجة السؤال ؟؟؟

المفروض ياخد الصح لكن من الممكن من ضغط الورق عليه خد أول واحدة و المفروض تبتعدى تماماً عن كتابة إجابتين فى النحو .. أولاً تضييع وقت .. ثانياً ممكن المصحح مايشوفش الثانية .. ثالثاً النحو مفيهوش إجابتين بطبيعيته إلا فى حاجات معينة خاصة الكشف عن المعجم .. ينفع تكشفى عن كلمة فى اتجاهين ؟

دى بس الحاجات اللى انا اجاباتى فيها مختلفة عن النموذج
اخر سؤال ليكو - واسفة على الاطالة - هل لازم اعمل تظلم واشوف بيه ورقتى زى ما مدرسى و والدى قالولى ولا خلاص قدر الله وما شاء فعل وكدة كدة مش هاخد درجات ؟؟

ارجوكو لو حد كان عامل حاجة مشابهة للاجابات دى وجاب درجة كويسة يقولى ضرورى
وشكرا جزيلا ليكو .. ارجو الرد سريعا

الحمدلله جبت 29.5 و طلعت التانى على المدرسة الحمدلله
و الإجابات الى فوق دى هى الى انا كتبتها
مش عايز أقولك إن في ناس تحدتنى فى موضوع التراث و قالتلى إنها شافوها فى المعجم بعد الامتحان ترث !!

lally adel

20-07-2012, 02:30 AM

الحمدلله جبت 29.5 و طلعت التانى على المدرسة الحمدلله
و الإجابات الى فوق دى هى الى انا كتبتها
مش عايز أقولك إن في ناس تحدتنى فى موضوع التراث و قالتلى إنها شافوها فى المعجم بعد الامتحان ترث !!

اولا شكرا لردك ..
ثانيا : بالنسبة للتراث انا عارفة ان ورث هى اللى صح بس بقولك انا كتبت الاتنين وقولت لما ارجع فى الاخر اراجع هحاول اركز وافصل لواحدة منهم واشطب على التانية لكن للاسف الوقت ما سعفنيش

وبالنسبة للمعانى انا سؤالى هل اللى انا كاتباه ده غلط يخليني انقص عليه ؟؟؟ لانى على حد علمى المعانى دى لغويات وكنا بنشوف الكلمة الواحدة فى كذا كتاب ليها اكتر من اجابة ومعنى .. فمش عارفة هل ممكن يكون هو دة اللى نقصنى

بالنسبة للراي انا كاتبه اللى انت كاتبه دة وكمان مزودة انو مؤسس علم الاجتماع وانو عبر عن الافكار العملية باسلوب ادبى سلسل ويسير وكلام كتيير تانى .. بس مكتبتش رائي بوضوح زى ما قلت انى ماكتبتش وانا ارى .... فهل دة ينقص فى وسط غمرة الورق دة كلو

اما بالنسبة للاعراب طبعا انا مقتنعة جدا ان علامة الاعراب شئ مهم بس اللى انا بتكلم فيه انك لو فتحت كتاب المدرسة او الدليل مش هتلاقى ولا متعجب منو واحد فى الصيغة دى محطوط له علامة اعراب ولا اصليه ولا فرعية ولا اى حاجة "يعنى عمرى ما قريت فاعل مرفوع محلا مجرور لفظا بالكسرة " ودة انا اتاكدت منو بعد ما خرجت من الامتحان .. وكمان عندى اصحابى عاملنها زىى كدة بالظبط وجايبين ما شاء الله 29.5 برضه فدة اللى خلانى اسال ..
واساسا السؤال دة عليه درجة وهو مكون من جزئين استخراج اسلوب التعجب واعراب المتعجب منه .. دة عليه نص ودة عليه نص يعنى لو نقصت المنطقى انى انقص ربع درجة ودة جوة الورقة " اللى هو نص درجة اعراب المتعجب منه "!!!!!

وتحياتى ليك وشكرا مرة تانية لاهتمامك ومرورك .. وبالتوفيق ان شاء الله فى تالتة