يا جماعة حرام عليكم
كفاية توقعات وتخمين
كل شوية يطلع موضوع عن التنسيق والناس يسألوه هنلحق ولا لأ
يعني هو ده اللي في ايده التنسيق ؟!!
لو كلامه صح وهتلحق الل انت عايزه يبقى انت وجعت دماغك ولو كنت صبرت كنت دخلت الكلية من غير توقعات
ولو طلع غلط يبقى اداك امل كاذب وعيشك في وهم كبير وساعتها الصدمة هتكون اشد
وفي الاخر الله اعلم ايه اللي هيحصل
واللي هيحصل هيحصل ومش ممكن تغيره توقعات وتخمينات
لذلك
ريح دماغك واستنى التنسيق واعرف ان كل واحد بياخد اللي مكتوب له وان اللي انت بتسأله مش وزير التربية والتعليم وهيغير التنسيق
لكن واحد زيك واحتمال يكون بيفتي كمان
يا اخي سبها على الله
افرض انك مدخلتش مثلا
هتموت مثلا ؟او الدنيا هتنتهي !
اكيد لأ
هتخش كلية تانية وهتزاكر وتشد حيلك عشان تعمل حاجة
الله اعلم الخير فين وانت عملت اللي عليك يبقى سيبك من التوقعات...

كلامك صح بس فى ناس وانا منهم معلقة امل على كلية معينة ونفسها تعرف هتلحقها ولا لا قبل ما التنسيق يصدمها

كلامك صح بس فى ناس وانا منهم معلقة امل على كلية معينة ونفسها تعرف هتلحقها ولا لا قبل ما التنسيق يصدمها
مانا قولتلك
اللي بيقولك هتلحقي ولا لأ مش من ذوي القرار وانما تخمينات
اذا فيها احتمال صواب او خطأ

واخيرا
يا جماعة محدش يفتكر انه لو مدخلش الكلية اللي عايزها هيموت
بالعكس
انا اعرف ناس كتير المجموع منعهم من الوصول لرغبةو كان ده في مصلحتهم

مثلا دكتور زويل
حسب ما سمعت ان اهله كانوا بيكتبوا على مكتبه دكتور زويل وبما انهم من الارياف يبقى غالبا ناس بسيطة قصدهم بكلمة دكتور (طبيب)
لكن مدخلش اي كلية من كليات الطب
على العكس دخل علوم اللي ناس كتير بتبصلها باحتقار وانها بتخرج مدرسين
وفي النهاية
بقى اشهرمن اشهر طبب وخد نوبل
ولو كان دخل طب
معتقدش انه كان هيعمل حاجة وانما كان هيبقى فاتحله عيادة او ماشابه وخلصت الليلة

مانا قولتلك
اللي بيقولك هتلحقي ولا لأ مش من ذوي القرار وانما تخمينات
اذا فيها احتمال صواب او خطأ

واخيرا
يا جماعة محدش يفتكر انه لو مدخلش الكلية اللي عايزها هيموت
بالعكس
انا اعرف ناس كتير المجموع منعهم من الوصول لرغبةو كان ده في مصلحتهم

مثلا دكتور زويل
حسب ما سمعت ان اهله كانوا بيكتبوا على مكتبه دكتور زويل وبما انهم من الارياف يبقى غالبا ناس بسيطة قصدهم بكلمة دكتور (طبيب)
لكن مدخلش اي كلية من كليات الطب
على العكس دخل علوم اللي ناس كتير بتبصلها باحتقار وانها بتخرج مدرسين
وفي النهاية
بقى اشهرمن اشهر طبب وخد نوبل
ولو كان دخل طب
معتقدش انه كان هيعمل حاجة وانما كان هيبقى فاتحله عيادة او ماشابه وخلصت الليلة

معاك حق بس احنا بنقول الكلام دا عشان نصبر نفسنا بس لما تلاقى حلم العمر بيضيع بجد بيبقى احساس صعب جدا ربنا يسترها معانا

انا مخمنتش انا حسبتها بالورقه والقلم

مانا قولتلك
اللي بيقولك هتلحقي ولا لأ مش من ذوي القرار وانما تخمينات
اذا فيها احتمال صواب او خطأ

واخيرا
يا جماعة محدش يفتكر انه لو مدخلش الكلية اللي عايزها هيموت
بالعكس
انا اعرف ناس كتير المجموع منعهم من الوصول لرغبةو كان ده في مصلحتهم

مثلا دكتور زويل
حسب ما سمعت ان اهله كانوا بيكتبوا على مكتبه دكتور زويل وبما انهم من الارياف يبقى غالبا ناس بسيطة قصدهم بكلمة دكتور (طبيب)
لكن مدخلش اي كلية من كليات الطب
على العكس دخل علوم اللي ناس كتير بتبصلها باحتقار وانها بتخرج مدرسين
وفي النهاية
بقى اشهرمن اشهر طبب وخد نوبل
ولو كان دخل طب
معتقدش انه كان هيعمل حاجة وانما كان هيبقى فاتحله عيادة او ماشابه وخلصت الليلة



بعد اذن حضرتك ياريت محدش يصبرنا بموضوع دكتور احمد زويل كل واحد يقول اللى مدخلش كليته اللى نفسه فيها نقوله المثال ده ياريت تلاحظ احمد زويل هو الوحيد اللى بنقول عليه كده واكيد حضرتك عارف انه مسافر من السبعينات شوف من السبعينات لدلوقتى ملايين دخلوا كليات مش عاوزنها ومبقو ش احمد زويل !!!!!!!!!!11:mad::mad::mad::mad::mad:

اتفق معاك جزئيا
لان في علماء كتير خرجوا من علوم ومنهم اللي عمل انجازات في مجال الطاقة النووية او علاج السرطان مثلا
للاسف مش فاكر اسماء لاني مش متابع
على الجانب الاخر
هاتلي اسم دكتور او مهندس عمل حاجة
اخرنا كان مجدي يعقوب وهو الوحيد اللي سمعنا عنه

متزعلش من توضيح الحقيقة للناس علشان لما يكتبوا الرغبات يكونوا على بينة وعلم بالامور مع اننا بنقول ان فيه نسبة امل كبيرة ان شاء الله بتيجي من اللعب في النقط دي زي عدد الطلبة اللي هتدخل كلية تانية او زيادة عدد المقبولين ... والله كلنا نفسنا ان كل واحد تعب واجتهد ينال مايرضيه ... ولازم مهما كان الناس تؤمن بكلام ربنا سبحانه وتعالى
" ان الله لايضيع اجر من احسن عملا " وتكون مؤمنة من جواها بانهم طالما عملوا كل ماعليهم فالامر اصبح بيد الله جل وعلا وحده وان الخيرة بعد ذلك ستكون فيما اختاره الله .... يعني سبحان الله ممكن اي حد راحت عليه اي كلية يدور ويشوف مشاكل او مصائب مر بيها دكاترة او مهندسين وربنا اراد لك ولاهلك الخير وانه يبعدك عن شر كان قادم او حياة تعيسة او مستقبل مظلم او وفاة لاقدر الله او او او او .... لو اطلعتم على الغيب لاخترتم الواقع

اكيد الموضوع مش سهل تقبله او بسيط على كل حد عاش فترة زمنية وهو متخيل ويبني احلامه وطموحاته على انه يدخل كلية ما حتى لو كانت كلية عادية مش كلية قمة هو واهله وكل المقربين منه .... لكن لو بصينا على الكلام اللي فات هنلاقي ان ده قيمة ودرجة عالية من الايمان بالله والرضى باللي ربنا هيكتبه مش بس كده ...
ده كمان اليقييييييين التااااااااااااااام اللي مفيش فيه ذرة شك ان اللي حصل وعدم دخولي الكلية دي هو الخير في حد ذاته .... بشرط اني اكون عملت كل اللي عليا + اني طلبت التوفيق من ربنا سبحانه وتعالى واخلصت في ده لاني ممكن اكون ذاكرت بس للاسف بعيد عن ربنا وعن طاعته وعن طلب التوفيق منه وماشي كده وخلاص في الدنيا بعملي وبس مفكر ان عملي هو اللي هيوصلني من غير التوفيق
عموما اقل كلية ممكن الواحد يدخلها زي اعلى كلية لو كان الانسان عنده طموح
وعلى فكرة دكتور زويل لو كان دخل طب بردوا كان ممكن يوصل لنوبل في الطب
ولو كان دخل هندسة كان ممكن ياخدها في الفيزياء والعلوم
ولو كان دخل اداب او تربية او اعلام كان ممكن ياخدها في الاداب
ولو كان دخل سياسة كان ممكن ياخدها في السلام
العيب مش في الكلية والتخصص اللي بيؤهل لاننا نبقى زويل او نوبل ... العيب فينا وفي عجزنا وقدرتنا على قتل طموحنا واحلامنا بدرجة كبيرة وعلى جهلنا وتعلقنا بكليات قمة بينما العالم كله بقى اي حد مبدع في كليته ومجاله وعنده هدف بقى ده طالب قمة
احنا عايزين كل واحد فينا يبقى طالب قمة في اي كلية هيدخلها .... مش عايزين كليات قمة بطلبة خارج نطاق القمة