ياريت يا جماعة تساعدوني وتفيدوني برأيكو [الأرشيف]

مشاهدة النسخة كاملة : ياريت يا جماعة تساعدوني وتفيدوني برأيكو

green_bird

19-07-2012, 12:18 PM

يا جماعه انا طالبه داخلة تالته ثانوي وجبت السنه دي 99.02% ومعرفش لحد دلوقتي اكمل احياء ولا رياضه 2 مع العلم انا كان نفسي ادخل هندسه بس خوفوني من امتحانات رياضه 2 اوي وكل المدرسين بتوعي قالو كملي احياء بس انا معنديش رغبه اني ادخل طب مش حباه يعني ومحتاااااااااااره اوي وخايفه وكمان بيقولو ان الاحياء سهل ان الواحد يجيب فيها درجه حلوة عكس الرياضه ممكن حد كان في تالته السنه دي علمي رياضه يفيدني اكتر وياريت يا جماعه اسمع رأيكو وتساعدوني والف مبرووووك للجميع

soosoo_kotp2000

19-07-2012, 12:51 PM

مستر إسلام حمدي

19-07-2012, 03:15 PM

ماشاء ع المجموع
واللي زيك جايب مجموع زي ده ميفكرش في الخوف والطلبة اللي دخلو هندسه دخلواها ازااااااي اكيد امتحنو ف رياضه 2
توكلي ع الله ولاتسمعي لاحد

minoforever

19-07-2012, 03:35 PM

انا كنت رياضة 2 السنة دى وخلت مجموعى ينزل بسبب صعوبة الامتحانات
نصيحتى ليكى كملى احياء لان صعب ايجاد اسئلة صعبة على عكس math2

green_bird

20-07-2012, 12:44 PM

اولا مليون مبروك وما شاء الله على المجموع الجامد دا .... انا زيك رايحه 3 ثانوى لسه بس نصيحه طالما انتى نفسك تدخلى هندسة ادخلى رياضه ومتسمعيش كلام حد ممكن امتحانات رياضة تيجى سهله على حظك وحطى ف دماغك انه حتى لو جاب امتحانات صعبه ان شاء الله تقدرى تحليها وصممى على هدفك ... ولو متردده برده صلى استخاره وتوكلى على الله.......... بالتوفيق

اولا بشكرك على اهتمامك وردك عليا
الله يبارك فيكي ومبروووووووووك ليكي وان شاااااااء الله هصلي استخااارة وربنا يسهل الموضوع ان انا من زمااان شايفه نفسي في هندسه بس لما مجموعي الحمدلله كان حلو كل الي حواليا قالو طب بس انا هستخير ربنا والي فيه الخير ربنا يقدمو

green_bird

20-07-2012, 12:48 PM

ماشاء ع المجموع
واللي زيك جايب مجموع زي ده ميفكرش في الخوف والطلبة اللي دخلو هندسه دخلواها ازااااااي اكيد امتحنو ف رياضه 2
توكلي ع الله ولاتسمعي لاحد

بشكرك جدا على اهتمامك وردك وفعلا لازم الواحد مايخافش وفي كتييير جدا دخلو هندسه ان شاااااء الله هتوكل على الله وصلي استخارة

green_bird

20-07-2012, 12:51 PM

انا كنت رياضة 2 السنة دى وخلت مجموعى ينزل بسبب صعوبة الامتحانات
نصيحتى ليكى كملى احياء لان صعب ايجاد اسئلة صعبة على عكس math2

اولا بشكرك على مشاركتك وردك طيب انا خايفه اكمل احياااء وانا مش حباها وفي الاخر اندم او اجيب مجموع وحش واظن ان المتحانات كانت صعبه على الكل يعني كل الناس الي في رياضه 2 مجاميعها قلت مش حضرتك بس وان شاااء الله التنسيق كمااان هيقل ولا ايه؟؟؟؟؟؟؟؟

Mr.Mohamed Mahmoud

20-07-2012, 01:42 PM

green_bird

20-07-2012, 08:35 PM

اولا الف مبروك وربنا يوفقك دائما
ثانيا : لو بتحبي الرياضة فعلا وشايفه انك متميزة فيها توكلي علي الله وكملي رياضة بس انا بقولك الاحياء فعلا اسهل من الرياضة لأن الرياضة ممكن يجيب فيها افكار جديدة شوية بس عادي هي مش حاجة مستحيلة مدام بتحبي المادة يبقي اكيد هتذاكريها كويس وربنا مش هيضيع تعبك
فمثلا امتحان رياضة 2 السنة دي الكل بيقول صعب بس الناس نسيت ان فيه مسائل كتير درجتها اتوزعت ودي رفعت مجاميع كتير وعلي فكرة الامتحان كان في مستوي الطالب فوق المتوسط الا امتحان التفاضل فعلا يعتبر امتحان قوي
مجموعك كويس وحتي لو نزلتي شوية في تالتة برده هتلحقي هندسة بس ان شاء الله هاتزيدي مش هاتقلي وبالتوفيق ان شاء الله

مستر / محمد محمود مدرس الرياضيات

اولا شكرا لحضرتك على اهتمامك وردك
ثانيا الله يبارك فيك طيب حضرتك لو انا كملت احياء هل اقدر اجيب زي مجموعي السنه دي عشان الحق طب او صيدله وانا كويسه في الرياضه بس طبعا في فرق بين رياضه 1 ورياضه 2 يعني مقدرش احكم على نفسي اذا كنت هكوون متميزة في رياضه 2 ولا لأ ودي الحاجه الي مخلياني متردده وخايفه ياريت حضرتك تفيدني برأيك

rana salem

20-07-2012, 09:13 PM

انا خلصت تالتة السنة دى
كنت علمى علوم
ونصحيتى ليكى
كملى الحاجة اللى بتحبيها
لان الاحياء مش هتبقى سهلة
لو انتى مش بتحبيها
وليا صحاب كتير وفعو فيها
وربنا يوفقك

hazemhosny

20-07-2012, 09:52 PM

انا مخلص تالتة ثانوى احياء
ومش عارف اوصفلك اد ايه تعبت فى الاحياء ومفيش حاجة اسمها سهلة لعلمك
وليا اصحاب كانوا فى رياضة وجابوا 50 و 49
يعنى فى الاخر لازم تدخلى للى انتى مييالة ليه اكتر
وبأكدها تانى احياء مش سهلة

hih2

21-07-2012, 01:09 AM

ألف مبروك التفوق

إحسبيها بالعكس

أفضل هندسة حتاخد على اسوأ الفروض 97% يعني ممكن ننقص 3% = 12 درجة

نقصتي درجتين السنة دى يبقى قدامك 10 درجات تلعبي فيهم وضيفي عليهم 3 أو 4 مستوى رفيع يبقى عندك حوالى 14 درجة ممكن لاقدر الله لو نقصتيهم برضه تدخلي هندسة وهذا غير متاح في الطب

واحسبيها بنفس الطريقة بالنسبة لطب

ليست هذه بالطبع دعوة للتراخي والتواكل ولكن نظرة للامر من جهة مختلفة

حاولى دائماً تستشيري من سبقوكي وتدرسي الشىء اللي تحبيىه حتى تبدعى فيه ان شاء الله.

وفقك الله وجعلك من المتفوقين دائماً

Mr.Mohamed Mahmoud

21-07-2012, 11:39 AM

موضوع رياضة 2 محتاج بس حل كتير واطلاع علي افكار كتير انا مش بقول انها زي رياضة 1 طبعا في فرق بس كل حاجة بالتعب والمذاكرة والحل المستمر بتكون سهلة ان شاء الله

بالنسبة انك لو كملتي احياء هاتجيبي مجموع زي السنة دي طبعا مفيش حد يقدر يقول هاتجيبي كام لأن دي حاجة في علم الله انا كان عندي طالبة جابت في 2 نفس مجموعك والسنة دي كانت في 3 جابت 99.15 % وكانت احياء يعني الموضوع سواء احياء او رياضة مش مستحيل احنا بس بنقول الفرصة الاكبر بتكون فين
وسواء علمي رياضة أو علمي علوم لازم تهتمي جدا
بالرياضة و الفيزياء لو علمي رياضة
والاحياء والفيزياء لو علمي علوم
وطبعا باقي المواد لازم تاخد حقها مينفعش ابدا تكون مادة علي حساب مادة بس في مواد بتكون سهلة عن مواد

( المشكلة انك لو مش بتحبي مادة ممكن متديهاش حقها وتكرهي مذاكرتها )
أنا مش بقولك ادخلي علمي رياضة انا بس بوضحلك الصورة والاختيار في الاول والأخر ليكي لأن ده مستقبلك انتي وانتي المسؤولة عن اختيارك سواء علوم أو رياضة لأن مينفعش نلقي باللوم علي أي حد سواء الأهل أو الاصدقاء أو غيرهم لأن ده مستقبلنا ولازم يكون عن قناعة تامة في اختيارنا

وربنا يوفقك دائما وواضح انك متردده جدا ربنا يخترلك الأفضل ان شاء الله