يا جماعة يا ريت تساعدونى انا مشكلتى انى خجولة جدا حتى من الناس القريبين منى و ساعات بحط ماما وبابا فى مواقف محرجة جدا يعنى مثلا يكون فى ضيف او ضيفة عندنا ويندهو عليا عشان اسلم عليهم رجلى بتتسمر وافضل قاعدة فى مكانى لحد ما تيجى ماما تجرنى من دراعى بلاعافية وممكن مخرجش من البيت لمدة اسبوعين تلاتة اينعم ببقى مخنوقة بس بحس ان انا مرتاحة حتى الناس اللى ماشين فى الشارع بتكسف منهم بجد انا زهقت يا ريت تساعدونى طب هقةل لكوا على حاجة انا عايزة اكتب الموضوع دة من يجى شهر بس كنت مكسوفة جدا ;jواخيرا كتبته يا رب مكنش طولت عليكم او ضايقتكم مستنية حد يرد عليا

هوا جايز بس عشان مش عندك نوع من الاختلاط مع الناس
اكيد سن حضرتك صغير بعض الشىء ، ومش تقلقى مع الوقت باذن الله كل شىء يبقى كويس
وبالنسبة انك كنتى مكسوفة تكتبى الموضوع مافيش حد يكسف من اخواته

شكرا على ردك بس انا عندى 17 سنه و انا فعلا فى وسط اخواتى

على فكرة انا كنت زيك يمكن لان دراستى كانت ازهريه
مكنش فيه اختلاط فى الدراسه من اى نوع
وكنت بعانى من موضوع الخجل ده
بس على فكرة دى فتره مؤقته
وان شاء الله هتزول مع الوقت
لما تروحى الجامعه اكيد هتزول
واتمنى لكى التوفيق

شكرا على رد حضرتك استاذه رانيا ويا رب تبقى المشكلة مشكلة وقت وبس

اختى الكريمة


انا مش شايفه فيها حاجة


بالعكس الخجل والحياء ما فى اهم منهم خاصة فى حياة البنت


و خاصة انها اصبحت ذى العملة النادرة فى ايامنا الحالية


بس الشئ اذا زاد عن حده ينقلب لضده


يعنى مش توصل الخجل لدرجة البرود وتصبحى مثل لوح الثلج ميحركش


فيكى اى احساس سورى على الكلام ان كان جامد شوية


بس انا مثلا اكيد بتكسف من الناس الغريبة وخاصة لو اول مرة يزورونا


بس فى نفس الوقت اول ما بلاقى اى نقطة للحوار بتكلم وابين شخصيتى


ورائى

واظن انه مش لازم الكسوف الجامد قدام الاخوة او قدام الاقارب حتى علشان ما


ياخدوش فكرة سيئة بانك لا تبالى بما يدور حولك


واسال الله ان يبعد عنا البلاء ويجعلنا من الصالحين

بصي يا قمر
انا زمان وانا صغنونه زيك كده يمكن كنت بحس نفس الاحساس
وكنت بعمل نفس الحركات
لما كبرت فهمت ان ده كان قلة ثقة في نفسي
انتي محتاجه انك تثقي في نفسك اكتر من كده
اول لما ابتديت اتغير كان لما فكرت في حاجه كده هقولك عليها..
قلت لما انا ببقي ماشه في الشارع مثلا
ببص للناس اللي ماشيه او اقول هما ليه ماشيين؟
او ببص لحد فيهم بطريقه مش كويسه ؟
قلت لا
قلت يعني مشيهم في الشارع ده عادي ؟
قلت اه
قلت لنفسي طيب يبقي انا اكيد اني امشي في الشارع دي حاجه عاديه
ومع الوقت مبقيتش اتكسف انزل الشارع
و زيه ابالظبط لما كان يجيلنا ضيوف ده انا حتي ممكن خالتي ولا عمتي ولا خالي
او الناس القريبه دي كنت بتكسف اخرج ن اوضتي برده
طيب انا لو عندهم مش بيجوا كلهم يسلموا عليا؟
طيب ما هو ده شيء عادي اهو
انا كمان لازم اكون طبيعيه زي الناس دول
لازم ابقي زيهم
و برده ده تم بالتدريج بقيت مبتكسفش من الحاجات دي

ولما كبرت شويه فهمت اني مكنتش بثق في نفسي بما فيه الكفايه
اذن هي الازمه ازمة ثقه
لو و ثقتي في نفسك مش هتحرجي من الحاجات الطبيعيه دي

انتي يمكن بتخافي من مواجهة الناس خايفه حد ينتقدك او يتكلم عليكي
ويا خبر يا خبر لو ولد عاكسك وانتي ماشيه تروحي تعيطي اسبوع بعدها
هههه اكيد انا كنت كده زمااااااااااان انا عجزت دلوقتي
ده بقه مش صح انتي بشر زي الباقيين بس بشر رقيق زياده عن الزوم
الرقه الزياده دي مش حلوه
اسالي مجرب
ادخلي بقه كده ع الناس بكل ثقه
متتكسفيش من اي حاجه طول منتي صح
واضح انك مهذبة و طالما مهذبه يبقي هتتصرفي في حدود الادب
يبقي متتكسفيش من اي حاجه
ربنا يوفقك وحاولي تعملي زيي
حطي نفسك مكان اللي مكسوفه منه
هتلاقي انه عادي وهتتصرفي عادي

اسفه علي حاجتين
الاولي اني طولت
والتانيه لو كنت مش قادره اوصلك معلومات تساعدك اكتر
بصراحه اللي جه علي بالي قلتهولك
لو افتكرت او لقيت طريقه احسن
هقولك عليها علطوووووووول


ربنا معاكي ومتقلقيش الموضوع هيجي بالراحه
بس متشغليش بالك بيه خالص ولا تحطيه في دماغك
ومع الوقت هتلاقي نفسك احسن

اختى الكريمة


انا مش شايفه فيها حاجة


بالعكس الخجل والحياء ما فى اهم منهم خاصة فى حياة البنت


و خاصة انها اصبحت ذى العملة النادرة فى ايامنا الحالية


بس الشئ اذا زاد عن حده ينقلب لضده


يعنى مش توصل الخجل لدرجة البرود وتصبحى مثل لوح الثلج ميحركش


فيكى اى احساس سورى على الكلام ان كان جامد شوية


بس انا مثلا اكيد بتكسف من الناس الغريبة وخاصة لو اول مرة يزورونا


بس فى نفس الوقت اول ما بلاقى اى نقطة للحوار بتكلم وابين شخصيتى


ورائى

واظن انه مش لازم الكسوف الجامد قدام الاخوة او قدام الاقارب حتى علشان ما


ياخدوش فكرة سيئة بانك لا تبالى بما يدور حولك


واسال الله ان يبعد عنا البلاء ويجعلنا من الصالحين





هيا بتعانى من الخجل فى مقابله اقاربها وليس الغرباء
هذه هى المشكله طبعا الحياء مطلوب
لكن الخجل من الاقارب والنساء من الاقارب تلك هى المشكله
اردت فقط التوضيح

بسبوسة انــا


وانا برضهـ معاكى فى ان الكسوف مش الحلو


وفعلا لو فى حاجة ان شاكه فيها احط نفسى فى مكان اللى


بيكون قدامى اشوف ايه فكرته وايه نظرته لهذا التصرف


واكيد الانسان يحب يكون مميز وله الطلة الحلوة والاسلوب المميز مع الاخرين


وانا بقول لفيفا انها تطمئن خالص لانها حاجة مش مضطربه لها ولا تشغل بالها خالص


بالوقت يحدث التغيير


لو كان التغيير بالسرعة كهذه لما دامت الدنيا


تقبلى مرورى وتعقيبى الثانى :rolleyes:

بصى يا بسبوسة كانك بتتكلمى عنى بالضبط انا فعلا معنديش ثقة فى نفسى خالص فى كل حاجة بس انتى كدة طمنتينى انها

فترة وهتعدى

على فكرة يا فيفا انا لسه برده بعانى من الموضوع ده
تصدقى انا عمرى فى حياتى محضرت فرح وكل الناس زعلانة منى
لو رحت بحس ان الناس سابت العريس والعروسة وبتفرجوا عليا
وفى الدرس معرفش اتكلم خالص ولو الاستاذ سألنى مش أقولك على بيحصلى
عارفة انا مرعوب من امتحان الشفوى (انا ازهرى للاسف ) خايف ارتبك تبقى مصيبة
ولما يكون عندنا ضيف بحاول اهرب بأى طريقة عشان مسلمش عليه
بس الكلام ده مع صحابى لا مش بيحصل
انا مع أصحابى سواء كانوا اولاد او بنات جرئ جدا
بس مش عارف ليه لما يكون حد اول مرة اشوفه او مش صحاب بيحصلى كده حاجة تكسف والله
وتعرفى كمان يوم العيد مش بصليه
وأفضل نايم لبعد الظهر لحد ما الكل يمشى
بس انا المفروض ولد والموضوع البايخ ده مش يحصل معايا



انا عايزك أقولك ان الموضوع ده بالنسبة ليكى مش مشكلة بالعكس ده شئ لذيذ اوى فى البنت
وعلى العموم فترة وحتعدى
بص يا عندليب انا اول مرة اسمع اللى انت بتقوله ده انا عمرى ما تخيلت ان فى ولد كده وانا برضه مش ببقى كده مع صحابى البنات بس الموضوع مش لذيذ اوى كده زى ما انت فاكر انا الموضوع عندى زاد اوى لدرجة الصعوبة فى التعامل مع الناس وربنا معاك فى امتحانك الشفوى :)

يعنى مش توصل الخجل لدرجة البرود وتصبحى مثل لوح الثلج ميحركش


فيكى اى احساس سورى على الكلام ان كان جامد شوية


قدام الاخوة او قدام الاقارب حتى علشان ما


ياخدوش فكرة سيئة بانك لا تبالى بما يدور حولك

شكرا على ردك يا اية يس هو وصل للبرود فعلا ودى المشكلة

بجد شكرا على النصيحة دى فعلا فادتنى و ان شاء الله هحاول انفذها

على فكرة الخجل والكسوف حاجة جميلة
لكن الشئ لما يزيد عن حده يتقلب ضده
حاولى تكونى صحاب صحاب كتير اوووووووى
حتى صاحبى الى هنا
حاولى تختلطى بالناس كتير
حاولى تكسرى الحاجز الى جواكى
وخلى املك فى ربنا كبير

(انا عند ظن عبدى بى فليظن بي ما يشاء)
الجألى لربنا واكيد ربنا هيسعدك
بس برضه خليكى محتفظة بخجلك وحياءك
بس قللى منه شوية صغننين

شكرا يا ملك اليمن على النصيحة دى وشكرا لمرورك

مش عارفة يا فيفا بعد اللى الكلام دا كلة اققولك اية بس انا ممكن اققولك حاجة ممكن تكون سبب فى كدة الحاجة دى ممكن تكون من قعدتك الكتير على النت وانة يكون معظم تعاملك مع الناس يكون كتابة فبالتالى هيحصلك انك معتيش عارفة تواجهى الناس ولا تتكلمى معاهم زى ما قالوا باقى الاعضاء انك لازم تكثرى من التعامل مع الناس وتكونى علاقات معاهم وانك لازم تفرضى رايك فى الحوار وتتناقشى معاهم معلشى انى طولت عليكى وتقبلى مرورى اختك (((زهرة البنفسج)))

بصى انا عايزة اقولك ان كل حاجة بتيجى فى وقتها وانتى مع الوقت هتحبى انك تتغيرى وتخرجى من اللى انتى فية هتتخنقى من حياتك وهتحبى تغيريها انا كنت زيك كدا كنت بتكسف حتى من مامتى يعنى اقرب الناس ليا كنت بتكسف من كل الناس ومش كنت بكلم حد خالص لدرجة ان الناس فضلوا يقولوا عليا انى متكبرة وكدا فانا اتخنقت من نفسى وقولت لية مش احاول اتعامل مع الناس هقولك على حاجة انتى عارفة انا كنت بتكسف اروح اصلى فى المسجد كنت بحس ان الناس كلها بتفضل تبصلى بس بعد كدا لما دخلت الجامعة وكدا وحاولت انى اتغير هو الموضوع مش سهل بس انتى حاولى وان شاء الله هيجى مع الوقت سورى انى طولت عليكى

مرسى ليكو يا جماعة بجد
شكرا زهرة البنفسج وشكرا ليكى ........معلش مش عارفة اسمك
بس انا عايزة اقول لكو انى اتغيرت فعلا من حاجة مريت بيها عرفت انى لازم ابقى صاحية على
على طول وان الاسلوب بتاعى ده مينفعش فى الحياة اللى احنا عايشنها
ومتشكرة اوى كمان مرة

بصى انا عايزة اقولك ان كل حاجة بتيجى فى وقتها وانتى مع الوقت هتحبى انك تتغيرى وتخرجى من اللى انتى فية هتتخنقى من حياتك وهتحبى تغيريها انا كنت زيك كدا كنت بتكسف حتى من مامتى يعنى اقرب الناس ليا كنت بتكسف من كل الناس ومش كنت بكلم حد خالص لدرجة ان الناس فضلوا يقولوا عليا انى متكبرة وكدا فانا اتخنقت من نفسى وقولت لية مش احاول اتعامل مع الناس هقولك على حاجة انتى عارفة انا كنت بتكسف اروح اصلى فى المسجد كنت بحس ان الناس كلها بتفضل تبصلى بس بعد كدا لما دخلت الجامعة وكدا وحاولت انى اتغير هو الموضوع مش سهل بس انتى حاولى وان شاء الله هيجى مع الوقت سورى انى طولت عليكى

بصى الكسوف ده شىء عادى بس لازم تسا لى نفسك انتى بتتكسفى من ايه

ولو لاقيتى انه مفيش حاجة تتكسفى منها خلاص كدة مفيش مشكلة

حطى فى اعتبا رك ان مفيش حد يقدر يعملك حاجة وحاولى تزودى ثقتك

بنفسك واتصرفى بطبيعتك

انا زيك لحد دلوقتى حتى لو مين قدامى لايمكن ابصله حتى وطبعا بيضحكوا عليا كتير اوى بسبب كدة حتى لو اخويا حتى اقاربى .................. حاولى تكترى خروجاتك مع ناس كتير وتعاملى مع كل الناسعلشان الزيادة دى تروح خاصة مع اقاربك وحاولى تزوريهم كتير اوى...................لك سلامى
بيلا

ههههههههه انتي بتفكريني بيا السنه اللي فاتت بس بعد دخولي مدرسه الثانويه ههههههههه
اتغيرت وبالذات في المدينه اللي انا فيها ربنا يهدي بنات المسلمين

متزعلش من ردى بس انتى عشتى 17 سنه بالطبع ده مستحيل يتغير بين يوم وليله , انتى ان شاء الله تقابلى ناس يقدروا يغيروكى بس المهم الصبر عشان المسأله دى عايزه وقت مش اكتر

ابنتنا
فيفا
بداية
طالما نعترف بمشكلة
اذن هى ليست بمشكلة


واضح من ردودك
على السادة الافاضل انك فتاة لبقة
ومهذبة
ومتكلمة
وتستطيعين تبادل الحوار بطلاقة
وهذا كله يوضح ان ما تشعرين به
هو خجل وقتى وحياء أنثوى

ولى اثبات بسيط

اختبرى نفسك مع
إخوتك البنات
أو صديقة مقربة لكى

ستجدين نفسك غاية فى الطلاقة معهم

وفقك الله ومع مرور الوقت وسن الجامعة

سنجدك
كما تتمنين تحياتى

" إخصائى اجتماعى "

ياه هو الموضوع ده لسه موجود
ده انا نسيته خالص اصله من زمان اوى

ومرسى للمشاركات دى كلها
بس الحمد لله انا لما دخلت ثانوى واندمجت فى الدروس والمدرسين
بقيت احسن من الاول كتير
وربنا يكمل بقى
ومرسى مرة تانيه على الردود