متزعلش من توضيح الحقيقة للناس علشان لما يكتبوا الرغبات يكونوا على بينة وعلم بالامور مع اننا بنقول ان فيه نسبة امل كبيرة ان شاء الله بتيجي من اللعب في النقط دي زي عدد الطلبة اللي هتدخل كلية تانية او زيادة عدد المقبولين ... والله كلنا نفسنا ان كل واحد تعب واجتهد ينال مايرضيه ... ولازم مهما كان الناس تؤمن بكلام ربنا سبحانه وتعالى
" ان الله لايضيع اجر من احسن عملا " وتكون مؤمنة من جواها بانهم طالما عملوا كل ماعليهم فالامر اصبح بيد الله جل وعلا وحده وان الخيرة بعد ذلك ستكون فيما اختاره الله .... يعني سبحان الله ممكن اي حد راحت عليه اي كلية يدور ويشوف مشاكل او مصائب مر بيها دكاترة او مهندسين وربنا اراد لك ولاهلك الخير وانه يبعدك عن شر كان قادم او حياة تعيسة او مستقبل مظلم او وفاة لاقدر الله او او او او .... لو اطلعتم على الغيب لاخترتم الواقع

اكيد الموضوع مش سهل تقبله او بسيط على كل حد عاش فترة زمنية وهو متخيل ويبني احلامه وطموحاته على انه يدخل كلية ما حتى لو كانت كلية عادية مش كلية قمة هو واهله وكل المقربين منه .... لكن لو بصينا على الكلام اللي فات هنلاقي ان ده قيمة ودرجة عالية من الايمان بالله والرضى باللي ربنا هيكتبه مش بس كده ...
ده كمان اليقييييييين التااااااااااااااام اللي مفيش فيه ذرة شك ان اللي حصل وعدم دخولي الكلية دي هو الخير في حد ذاته .... بشرط اني اكون عملت كل اللي عليا + اني طلبت التوفيق من ربنا سبحانه وتعالى واخلصت في ده لاني ممكن اكون ذاكرت بس للاسف بعيد عن ربنا وعن طاعته وعن طلب التوفيق منه وماشي كده وخلاص في الدنيا بعملي وبس مفكر ان عملي هو اللي هيوصلني من غير التوفيق
عموما اقل كلية ممكن الواحد يدخلها زي اعلى كلية لو كان الانسان عنده طموح
وعلى فكرة دكتور زويل لو كان دخل طب بردوا كان ممكن يوصل لنوبل في الطب
ولو كان دخل هندسة كان ممكن ياخدها في الفيزياء والعلوم
ولو كان دخل اداب او تربية او اعلام كان ممكن ياخدها في الاداب
ولو كان دخل سياسة كان ممكن ياخدها في السلام
العيب مش في الكلية والتخصص اللي بيؤهل لاننا نبقى زويل او نوبل ... العيب فينا وفي عجزنا وقدرتنا على قتل طموحنا واحلامنا بدرجة كبيرة وعلى جهلنا وتعلقنا بكليات قمة بينما العالم كله بقى اي حد مبدع في كليته ومجاله وعنده هدف بقى ده طالب قمة
احنا عايزين كل واحد فينا يبقى طالب قمة في اي كلية هيدخلها .... مش عايزين كليات قمة بطلبة خارج نطاق القمة

ربنا يخليكى
اللهم اننى رضيت بقضائك

أنا مش عارف اللي جايب 96 أو حتى 94 زعلان ليه أنا جايب 84 في السنتين مع العلم اني كنت جايب 97 السنة اللي فاتت

دى ثانوية عامية
وواضح ان التنسيق برضه هيكون اعمى ولصالح رجال الاعمال علشان الجامعات الخاصه بيهم تشتغل ده بيزنس واللى يقول غير كده بيضحك على نفسه
وسلم لى على الثورررررررررررررررررررررررررررررررررررررررررررررر ررررررررررررررررررة

كلام ممتاز ما شاء الله انا بحىى الاخت اللى كتبته

لان فعلا مش مهم الكلية اللى تدخلها مع انى اعلم ان كل واحد كان يتمنى امنية كبيرة ان يدخل كلية كذا ولم يحالفه الحظ

ولكن عندما تدخل الكلية وتكمل ماجيستير او دكتوراه بتصبح ليك فيها شأن عالى جدا

وجميعنا لا ينسى ان دكتور زوي لمتخرج من علوم مش من طب ولا هندسة

واعتقد لو حد خير فينا انه يبقى زويل او يدخل طب او هندسة لاختار جميعنا زويل
نعم هو مثل توضيحي مش اكتر ولكن اذا اخلصت الدراسة في الكلية اللى انت فيها فتأكد انك ستنسى حلمك القديم وتتمنى لو علمت من قبل ان الله كتب لك ان تكون هكذا بدلا من سعيك وراء كلية لم تستطع وصولها

والله انا كنت ناويه اكتب موضوع زي ده بس سبقتيني
جزاك الله خيراااااا

ربنا يجزي الجميع كل خير ... بس توضيح بسيط الحساب ده فعلا لاختي بس انا اخوها واخوكم يعني واوقات بلاقي نفسي وانا متابع الحالة دي اني اكتب بعض الكلمات لعل البعض يستفيد منها ان شاء الله ... وبالتوفيق ليكم جميعا

كلام روعة فعلا بارك الله فيك

أعوذ بالله رب العالمين من الشيطان الرجيم
بسم الله الرحمن الرحيم
الحمد لله انا جبت مجموع كويس والحمد لله وربنا يحفظنا
انا جبت في ثانية ثانوي %96.8
وجبت في ثالثة ثانوي مجموع السنتين بالمستوى الرفيع والحمد لله ربنا يحفظنا %98.65
وحلم عمري ان ارضي والدتي ووالدي وأفرحهما بدخولي لكلية الطب البشري جامعة الاسكندرية في نفس محافظتي
ولكن الحمد لله على كل شئ قدر الله وما شاء فعل
أنا مش عنكر ان لما سمعت ان الحد الأدنى للا لتحاق بالطب %99
بس الحمد لله وانا بحاول أصبر نفسي وأهلي
خصوصا بعدما رأيت بنفسي أجمل فرحة على وجوههم عندما علموا أنني قد وصلت تقريبا لمجموع الطب خصوصا كمان وقد كان مجموعها العام الماضي تقريبا %98.5
ورأيت والدتي تقول لوالدي فصل لابنك البالطو الأبيض
وعندما علموا بأمر التنسيق المتوقع لا أستطيع وصف ما حدث
خصوصا أنني والحمد لله تعبت والله العظيم في امتحانات هذا العام و أحرزت درجات عالية
أنا مكنتش متوقع ده ولكن حسيت من مجماميع زملائي العام الماضي حيث انني كنت متأخر عنهم
وفكرت في التحويل لرياضة فعسى أنا ألحق هندسة ولكن قررت العلمي بعد استخارة ربنا والحمد لله
وتقدمت كثيرا في دراستي حتى أصبحت أحب الفيزياء والاحياء بل وتفوقت على نفسي فيهم والحمد لله ربنا يحفظنا
أنا مش عارف أعمل ايه التنسيق ضيع الحلم الجميل بس الحمد لله
وما يزيد من أسفي ومن زعلي أن والدتي اعتادت أن تناديني يا دكتور محمد وتدعيلي
يا رب أشوفك زي دكتور .... أو زي دكتور ....
ولكن قدر الله وما شاء فعل
أنا عارف أن تقريبا مفيش غير ربنا معايا لكي ألتحق بهذه الكلية و أعيد بسمة الأمل على شفاه والديي
مستني ردودكم التنسيق تقريبا رسميا بعد ساعات أدعولنا يجي مرضي ويزودوا أعداد المقبولين بهذه الكليات يا رب امين
أدعولي
أخوكم في الله
محمد السيد على فكرة أنا حاسس أن أنا خرجت من داخلي حمل ثقيل جدا جدا
ردوا عليا أرجوكم ضروري بعد قرأتكم رسالتي حتى لا أفقد الأمل
ولا تنسونا من صالح دعائكم في هذه الأيام المباركة اللهم اعتق رقابنا من النار اللهم ارحمنا اللهم اغفر لنا ذنوبنا اللهم بلغنا ليلة القدر
والحمد لله واللهم توفنا مع الابرار الصالحين اللهم تقبل منا دعائنا

هل المستقبل هو كليات القمة فقط ؟




بداية أهنىء أبنائي الطلاب المجتهدين الذين حالفهم النجاح ولكن اصابهم القلق بسبب المجموع وهل سنوفق في اللحاق بالكلية المنشودة ام لا ؟

ارجو من طلاب علمي ذكر اسماء 5 أطباء معروفين !!!!
ارجو من طلاب الرياضيات ذكر اسماء 5 مهندسين معروفين !!!
أرجو من طلاب الادبي ذكر اسماء 5 خريجين من اقتصاد وعلوم سياسية!!!
.
.
.
.
.
.
اذكر 5 أسماء ولا تقرأ فقط
.
.
.
.
.

تعالوا نعمل العكس

اذكر 5 اسماء لاي من المشاهير من حولك
.
.
.
.
.
ما هى تخصصاتهم؟

بتقول ايه ؟


مافيش فيهم غير واحد دكتور او واحد مهندس والباقي ماتعرفش تخصصه ؟؟

طيب وسع الدائرة وانظرحولك وخليهم 10 اسماء وخمن تخصصاتهم




ايه ده !!!!!!!!!!!!!!!!!!

*المذيعين اللي هم اشهر الناس ليسوا خريجي طب أوهندسة.

*الممثلين والمغنيين ولاعبي الكرة ملناش دعوة بيهم لانهم اصحاب مواهب وليس بالدراسة.

*المستشارين والسادة القضاة خريجي كليات الحقوق.

*السادة الوزراء أكثر من 30 شخص بينهم طبيب واحد و3مهندسين وحوالي 30 من تخصصات مختلفة.

*أساتذة الجامعات كل منهم خريج تخصص مختلف وخريجى كليات القمة منهم لايتعدوا 10% بأي حال من الأحوال.

*د/أحمد زويل العالم المصري الحاصل على جائزة نوبل خريج كلية العلوم

هل النماذج السابقة فاشلة؟

من المؤكد أن أي منهم لم يحصل على 90% في الثانوية العامة فهل انتهى الامر بالنسبة إليهم؟

كلا

كان الامر بداية لمرحلة جديدة أثبتوا فيها تفوقهم وتميزهم في المجال الذي إختاروه ثم اجتهدوا في دراسته فتفوقوا فيه.



التفوق ليس الثانوية العامة فقط. التفوق هو هدف واسلوب حياة


ونجاحك بتفوق في الثانوية هو دلالة على اكتسابك لاسلوب حياة المتفوقين من وضع هدف والعمل على انجازه.



فإن فاتتك الكلية المرجوة فلا تحزن ولاتيأس فلربما كان الخير في غيرها وأساتذة الجامعات الذين لهم منا كل إحترام وتقدير 90% منهم لم يتفوقوا في الثانوية العامة وفاتتهم كليات القمة ولكنهم عند التحاقهم بكلياتهم إجتهدوا وتفوقوا فاستحقوا هذا المنصب الرفيع.



فتوكلوا على الله وادعوه ان ييسر لكم الخير حيثما كان وكيفما كان وأقبلوا على كلياتكم الجديدة اياً كانت واجتهدوا مرة أخرى حتى تتفوقوا وتحققوا أمانيكم.


وفقكم الله

ربنا يستر ها

انا جتلي صدمة نفسية

أعوذ بالله من الشيطان الرجيم
بسم الله الرحمن الرحيم
الحمد لله قدر الله وما شاء فعل
أنا راضي والله بس كان نفسي أفرح والديي مش أكتر
خصوصا بعد ما دخلت الجامعة وشفت المباني والطلاب والمعامل
زاد حزني وزاد قلقلي بعد ما سمعت أن الطب الأقل ممكن تكون 405 يعني أكتر من مجموعي بنص درجة وأنا حاسس لو عملت اعادة تصحيح فيزياء ممكن ممكن أخذ نصف درجة بس مش متأكد أنا كاتب ايه في الاجابات بتعتي أنا مش عارف ده توتر ولا ابه بس نفسي والله العظيم الحق طب بشري ولو في ليبيا

طمنونني أرجوكم لا تمروا على مشاركتي مرور الكرام
أخوكم في الله محمد
اللهم ارحمنا اللهم اغفر لنا ذنوبنا اللهم اعتقا رقابنا من النار اللهم تقبل صيامنا اللهم تقبل دعاءنا اللهم تقبل صلاتنا اللهم تقبل صلاتنا اللهم تقبل منا اعمالنا اللهم توفنا مع الابرار الصالحين
اكسبوا ثوابي وادعولي وادعولنا جميعا ربنا يسترها معانا وندخل الجامعات اللي بنحبها وبنتمناها
و أخر الكلام اللهم صلي على نبيك الكريم وعلى انبيائك الصالحين وسلم

لسه في أمل ربنل معانا

موضوع طيب في هذا الوقت العصيب

ربنا يكرمنا جميعا

دى ثانوية عامية
وواضح ان التنسيق برضه هيكون اعمى ولصالح رجال الاعمال علشان الجامعات الخاصه بيهم تشتغل ده بيزنس واللى يقول غير كده بيضحك على نفسه
وسلم لى على الثورررررررررررررررررررررررررررررررررررررررررررررر ررررررررررررررررررة
كلام من الاخر. سلملى على المستمرة.