بصو يا معلمين :mad:

انا مش هطول فى الكلام

دلوقتى انا جايبة مجموع 408 يعنى 99.5 % والحمد لله :022yb4:

أهلى مصممين انى أدخل طب بشرى :mad:

وانا نفسى أدخل طب أسنان:rolleyes:

أهلى مش موافقين وبيقولو خسارة تضيعى مجموعك وتعبك طول السنين دى وتدخلى أسنان :mad:

المشكلة أنى لا قادره اقنعهم ولا هما راضين يسيبونى أعمل الى نفسى فيه

وكمان بقيت محتارة هو انا فعلا لو دخلت أسنان يبقا انا كده بضيع تعب السنين الى فاتت ؟:slap1qk6:

بجد مش عارفه اعمل ايه :(

ومش عارفة ايه الافضل ليا

ومحتاجه نصيحة من سيادتكم سواء طلبة او مدرسين او اولياء أمور

المهم حد يقولى اعمل ايه وايه الصح

وشكراً جداً مقدماً:av4056bb7jp3:

اوعى تسمعى كلام اى حد شوفى انتى حابة اية ونفسك تكونى اية
ومتخليش اى حد يتحكم فى مستقبلك ومصيرك . . وعلى فكرة اللى اعرفة اسنان كويسة جدااااااا 5 سنين
عكس الطب بشرى 7 سنين غير 3 ماجستير تقريبا عشان تقدري تفتحى عيادة
بالتوفيق

ف البدايه مبروووووووووووك :)

المشكله دى بتحصل كتييييير للاسف
اسنان وبشرى انا شايف ال 2 قمه مع بعض
وعن نفسى بميل للاسنان وكتير اوى بيدخلوا اسنان ..

لو حضرتك حابه اسنان ومصممه عليها حاولى تقنعيهم برايك وسبب تمسكك بيها

بس انك لو دخلتى اسنان تبقى ضيعتى تعب السنتين ( لا ) اسنان كليه جامده وزى ما قلتلك مستقبلها مضمون وكتير اوى بيدخلوها ...

والاهم صلاه استخاره ...
واسالى عن الكليتين وافضل اسنان من اللى بسمعه عن ال 2

دى وجه نظر مش اكتر ....
وان شاء الله دى او دى ال 2 قمه :bosyht9:

اشكركم جدا بجد ريحتونى كتير ع الاقل حسيت انى ماشية صح مش مجنونة زى ما بيقولو شكراً جزيلاً

طبعا طبعا طبعا ادخلي الكلية اللي حابة انك تكملي فيها علشان تبدعي فيها .... ده قرار يتوقف عليه مستقبلك كله وحياة كاملة هتعيشي في نطاق اختيارك ومدى حبك للاختيار ده هيخليكي تكملي فيه بابداع ونجاح اكبر من اي حاجة تانية ممكن تدخليها علشان بس مجموعك ..... متخليش مجموعك يحددلك هدفك واختيارك ... المجموع هو وسيلة لتحقيق غاية اني اقدر اختار بحرية من ضمن اختيارات كتير مش العكس ....:cool:

وبعدين هو انتي هتدخلي كلية واخدة من 60 ولا 70 في المية ( مع الاحترام لكل التخصصات والكليات لان كل كلية ليها دور في حياتنا ومن غيرها متمشيش الحياة ) انتي داخلة كلية في نفس المجال الطبي والاسنان جزء من الطب البشري ولاهميته وخصوصيته وطبيعته بقى في مكانة منفصلة عنهم ... مش اي حاجة يعني ;)

ده غير بقى هم الطب 7 سنيييييييييين وامتيااااز وتكليف ونيابة وقرف وهم مش اقل من 10 سنين وماجستير وبعد قد اييييييييييييه افتح عياااااااادة وبعد قد اييييييييييه يبقى ليا اسم .... وافضل اذاكر طول العمر وفي الاخر نسافر بره يقولك لا لازم نعمل اختبارات علشان نتاكد من المستوى :d
لكن سكة اسنان اسهل وابسط من كل التعقيدات دي الحياة احلى واقصر من انها تروح كده والواحد لسه مبقاش دكتور بجد :) شدي حيلك وصممي على رايك وحاولي تقنعيهم ووريهم عيوب طب كلها مقابل مميزات اسنان كلها وان شاء الله هما اللي يدخلوكي اسنان ... والف مبروووووك

انا تقريبا فكرت نفس تفكيرك وجايبه 100.24 % واخويا طب بشري وهو الوحيد للي بيقولي خشي اسنان طب متعبه بس انا بصراحه مقتنعه ببشري جدا ومش هتفرق السنين الزياده في الدراسه دا الواحد والله بيزهق من الاجازة بس المهم في الاخر سواء طب بشري او طب سنان المهم نعمل اللي ربنا حطنا فيه يعني نرضي ربنا في عملنا ونتقيه في المرضي والله المهنتين رائعتين والفيصل حبك للكليه اختاري اللي انتي حباه بس ارضي والديكي برده ربنا يوفقك ويوفقنا جميعا

إعملى لهم مفجأة و إدخلى طب بيطرى ^_^

.
.
.
.
.

الأهم شوفى إنتى حابه إيه و حاولى تقنعيهم بردود مُقنعة و لو تمسكتى برغبتك أكيد فى النهاية هيوافقوا إنك تدخلى طب أسنان و ألف مبروك

خسارة ليه أسنان قسم من طب وانا شايفاها أحسن كلية مع انى ناوية صيدلة ان شاء الله ، حاولى تفهميهم وهيقتنعوا

طبعا طبعا طبعا ادخلي الكلية اللي حابة انك تكملي فيها علشان تبدعي فيها .... ده قرار يتوقف عليه مستقبلك كله وحياة كاملة هتعيشي في نطاق اختيارك ومدى حبك للاختيار ده هيخليكي تكملي فيه بابداع ونجاح اكبر من اي حاجة تانية ممكن تدخليها علشان بس مجموعك ..... متخليش مجموعك يحددلك هدفك واختيارك ... المجموع هو وسيلة لتحقيق غاية اني اقدر اختار بحرية من ضمن اختيارات كتير مش العكس ....:cool:


وبعدين هو انتي هتدخلي كلية واخدة من 60 ولا 70 في المية ( مع الاحترام لكل التخصصات والكليات لان كل كلية ليها دور في حياتنا ومن غيرها متمشيش الحياة ) انتي داخلة كلية في نفس المجال الطبي والاسنان جزء من الطب البشري ولاهميته وخصوصيته وطبيعته بقى في مكانة منفصلة عنهم ... مش اي حاجة يعني ;)

ده غير بقى هم الطب 7 سنيييييييييين وامتيااااز وتكليف ونيابة وقرف وهم مش اقل من 10 سنين وماجستير وبعد قد اييييييييييييه افتح عياااااااادة وبعد قد اييييييييييه يبقى ليا اسم .... وافضل اذاكر طول العمر وفي الاخر نسافر بره يقولك لا لازم نعمل اختبارات علشان نتاكد من المستوى :d

لكن سكة اسنان اسهل وابسط من كل التعقيدات دي الحياة احلى واقصر من انها تروح كده والواحد لسه مبقاش دكتور بجد :) شدي حيلك وصممي على رايك وحاولي تقنعيهم ووريهم عيوب طب كلها مقابل مميزات اسنان كلها وان شاء الله هما اللي يدخلوكي اسنان ... والف مبروووووك


انا هخلى ماما تقرأ الكلام ده يمكن تقتنع

وشكرا جدا لمروركم جميعاً

انا جايبه 100.34% و ان شاء الله هدخل اسنان دى احسن كليه فالمجموعه الطبيه بشهاده الطلبه اللي في طب سواء بشري او اسنان ... طب 7 سنين و 3 باكلوريوس يعنى 10 سنين علي الاقل عشان تبدأى سغل لان البكالوريوس هو التخصص .... و بعدين اسنان جزء من كليه الطب و لكنها انفصلت عن كليه الطب البشري لانها اعمق تخصص فكل التخصصات و في النهايه اللي بيدخل طب بشري بيتخصص في حاجه واحده و مثلا عيون او قلب او. و انا اخترت اتخصص اسنان يبأه ايه المشكله ..... ده مستقبلك متخليش حد يفكرلك و ربنا يوفقك

بسم الله الرحمن الرحيم

اسنان افضل للبنت لسببين
1) فترة دراسة اقصر (5 سنوات) وتبدأ بعدها حياتها العملية كأخصائية اسنان مقابل 7+3 للطب البشري يعني 10 سنوات للتخصص
2) مواعيد عمل منتظمة فنادرا ما يكون هناك طبيب اسنان نوبتجي في المستشفى بخلاف البشري

اكيد هناك فروق اخرى يمكن معرفتها بمجرد الدخول على جوجل واكتبي بشرى ولا أسنان

وانتقيت لك هذا الراي للاستاذة Monamode


طب بشري مشواره طويل جدا 6 سنين - اة الاصح 7 - عقبال ما تاخد الباكلريوس

و لما تخلص الباكلريوس و تتخرج , انت كده ممارس عام و تقريبا كده مالوش لازمة

لازم بقي تحضر ماجستير

و دا ياخد منك كمان سنتين لما تكون ممتاز

عقبال بقي ما تاخد خبرة و تعمل اسم في مجالك و تبدأ شغلك الخاص - اللي بيجيب الفلوس - فيها كمان كذة سنة



بس في الاخر ان شاء الله ربنا هيعوضك





اما بقي طب الاسنان

فهي طب برضو

و بتدرس كل المواد اللي بيخدوها طب بشري لكن بصورة مختصرة شوية

و المشوار بتاعها اقصر

خمس سنين الكلية

اول ماتخلص و يبقي معاك باكلريوس ممكن تفتح عيادة من تاني يوم , و اسمك اخصائي اسنان .

ممكن برضو تحضر لو عايز

و شغل اسنان مافيهوش طوارئ زي طب بشري , شغلك ليه مواعيد ثابتة و حياتك ان شاء الله تكون منظمة

و مش هتكلم كتير لو طلعت اشتغلت برا في اي دولة عربية مرتبك هيكون عامل ازاي ؟؟ يا بقي لو كمان محضر و معاك ماجستير او دكتوراه , بتعديييييييييييييييييييي