السلام عليكم

اولا رمضان كريم

ومبروك لكل الناس اللي خصلت ثانويه وربنا يكرمهم في الثانويه

انا يا شباب جبت 91.2 الحمدلله
طبعا اظن ان مجموعي ده مش الحق بيه حاسبات ومعلومات لو حد يعرف حته معينه لو في السودان يقولي عليها :)

المهم

دلوقتي انا ان شاء الله ناوي اخش حاسبات بس في جامعه خاصه او كده

طيب ايه المطلوب

انا كنت قرأت في حاسبات ومعلومات عن قسمين وهما اللي عجبوني جدا


1 - قسم نظم المعلومات الحيوية Bioinformatics Department :

والقسم ده موجود فقط في حلوان وبمصريف فهل القسم ده موجود في كليات خاصه تانيه اقدر اخشه ؟ واذا لآ هو موجود في حلوان بمصروفات هل اقدر اخشه بمجموعي ده ؟؟

والقسم التاني قسم هندسة البرمجيات Software Engineering Department = SE :

طبعا القسم ده عاجبني جدو يعني وانا نفسي اخشه فده موجود بره فين ؟ في الكليات الخاصه وهو بردوا ب مصاريف في حلوان هل اقدر اخشه ولا ؟؟؟

يعني ببساطه القسمين دول موجودين فين في الكليات الخاصه ؟؟ ( طبعا اذا نفس الدراسه موجوده بس تحت مسمى تاني مفيش مشاكل :) )


وبالنسبه للمعاهد العليا للهندسه والتكنولوجيا دي ايه نظامها ؟؟ وهل هيا دراستها نفس دراست الحاسبات ولا لا ؟؟

وشكرا مقدما :)

نصيحة مني مش تهتم بالأسامي لأن عندك فى مصر كليات كتير هندسية بس ماسمهاش هندسة زي تخطيط عمراني وفنون تطبيقية وفنون جميلة وبترول وتعدين ودفاع جوي وحاسبات ومعلومات وفنية عسكرية , قدم الشروق او العبور واتوكل على الله , وشهادتهم معادلة ومعترفة من المجلس الاعلى للجامعات سواء هندسة او حاسبات دراستهم قريبة من بعض لأن كل واحدة فيهم فيها تشغيل دماغ وحل للمشاكل وابداع فكري من خلال التصاميم المنطقية .

تمام يعني احسن حاجه العبور او الشروق تمام
طيب وايه فيها حاسبات ومعلومات ولا ؟ + اقسام التخصص بتاعتها ايه ؟

الشروق احسن , الاقسام الموجودة فى معظم المعاهد هي :-
1-computer science .
2-information technology .
3-information systems .

انا لو مكانك اروح المعهد الاقرب ليا لأن الاتنين كويسين ومستواهم قريب من بعض ومعترف بيهم فى المجلس الاعلى للجامعات .

وبما انك راجل في حاسبات ايه احسن قسم ف ال3 دول ؟

تكنولوجيا المعلومات احسن قسم دا من وجهة نظري مش معنى كدا , ان نظم المعلومات او علوم الحاسب وحشين لا طبعا , يمكن حد يقولك علوم الحاسب احسن قسم برده كلامه مظبوط عشان بتبقا وجهات نظر انما خلاصة الكلام الاقسام كلها شبه بعضها وكلها معادلة ببعضها وتقريبا شغلها واحد يعني لو طلعت علوم حاسب وعاوز تشتغل مهندس شبكات (قسم تكنولوجيا معلومات) عادي ممكن تشتغل مادام شهادتك معادلة بتكنولوجيا معلومات يبقا هتشتغل اهم حاجة تركز فى القسم اللى هتلاقي نفسك فيه وتشوف سوق العمل محتاج ايه وتعمله لأن ممكن تكون خارج من الكلية من احسن قسم وبتقدير امتياز بس مافيش شركة قابلاك ودا لأن سوق العمل بيحتاج متطلبات معينة لازم تكون عارفها كويس .

لا انا ان شاء الله computer sci
طيب بالنسبه للمصارف وكده كام ؟؟
+ الحد الادني للقبول بردوا بيبقى كام ؟

المصاريف بتبقا فى حدود 6-7 تلاف فى السنة , الحد الادنى لسة مش اتحدد بس هيبقا فى حدود 80% مثلا او اقل بشوية

جامعة النيل فيها قسم bioinformatics

والقسم التاني قسم هندسة البرمجيات Software Engineering Department = SE :
معلش يا باشا للتدخل في الموضوع بس عايز اسأل سؤال هوا القسم دا في حاسبات عين شمس و القاهرة ولا اية النظام ؟

و إلي abc123def

و يريت بس يا باشا تكتب لينا اقسام عين شممس و القاهرة و حلوان و الأقسام اللي بمصروفات ضروري يا باشا و يريت تكتبلي ايميل الماسنجر بتاعك علشان عايز اسألك شوية حاجات ضروري

قسم هندسة البرمجيات فى حاسبات حلوان وقسم المعلوماتية الحيوية bioinformatics موجود فى عين شمس دا القسم اللى بفلوس بحوالي 10 تلاف ف السنة , بالنسبة لأقسام اي حاسبات ممكن تدخل على جوجل وتكتب "حاسبات عين شمس ويكيبيديا" وهتلاقي كل المعلومات اللى جاية على بالك واللى مش جاية والاقسام ولو عاوز تبحث عن حاسبات القاهرة مثلا تغير عين شمس وتخليها القاهرة :) , تقبل مروري
مؤمن الغمري , الزقازيق

طيب قسم المعلومات الحيويه انا اقدر اخشه ف عين شمس ولا وانا اساسا مش جايب مجموع الهندسه ؟

لا مش ينفع تخشه لازم تكون جايب مجموع الكلية عشان تدخل الكلية الاول وبعدين تخش القسم بفلوس

انا كنت مع واحد مهندس النهرده بس هو خريج 6 اكتوير حاسبات بردوا وبيشكر فيها
انا بأمانه احترت انا عايز اقوى شهاده و ف نفس الوقت حاجه تعليمها هستفيد منه وهينفعني ك شغل وكده
فانا ادخل ايه ؟؟ وبعدين اللي بيتخرج من حاسبات خاصه بيلاقي شغل ولا ؟ وحضرتك تعرف حد خريج حاسبات خاصه ؟ وياريت اذا عندك msn او ياهو ابعتهولي

ايوة طبعا اللى بيتخرج من حاسبات خاصة بيلاقي شغل مادام معترفة من قبل المجلس الاعلى للجامعات انها معادلة بحاسبات الحكومية , معايا فى الفريندز ناس خريجي خاص وشغالين تمام اوي وبيقبضوا ومية مية والحياة زبادي فى الخلاط , ابحث عن اسمي عالفيس Eng Mo'men Al-Ghamry هتلاقي صورة الاكونت هي صورة الحساب بتاعي عالمنتدى وابعتلي آد .

تمام اشطه لأ كده الواحد يتكل على الله ويخش
طيب معلش بقى حاجه اخيره احسن الكليات او المعاهد ايه ؟ احسن و اعلى حاجه خالص ايه ؟؟
الشروق ولا 6 اكتوبر ولا العاشر ولا ايه بالضبط ياريت لو ترتبهملي معلش

الشروق بعدين العاشر بعدين 6 اكتوبر ,, الفروق بسيطة كلها .

طيب ايه رايك ف الجامعه الكنديه او الروسيه واسعارهم كام ؟

لا لا سيبك , واسعارهم عالية اوي , اسمع كلامي وروح الشروق

اشطه تمام ندوس ف الشروق ^_^
طيب بالنسبه للكورسات ف حاجه اخشها دلوقتي قبل ما الدراسه تبتدي ولا بعدين احسن ؟؟
و ع فكره انا بعتلك اد واسمي ahmed abdul fatah

وهو تنسيق الشروق حاسبات بيكون نفس تنسيق الهندسه ف الشروق بردوا ولا اقل ؟

وايه رايك كمان ف الجامعه المصريه للعلوم والتكنولوجيا

على حسب الاقبال عالاتنين , بس ما تخافش علوم الحاسب هتكون اقل من هندسة ف المجموع وهتخشها ان شاء الله , كويسة .

يعني اخليني ف الشروق وخلاص ؟
لان النهرده انا كنت مع دكتور ف حاسبات شبين وقالي ان كل الخاص ف الحاسبات زباله ووحش وان احسن الوحشين مصر للعلوم والتكنولوجيا انا بأمانه قربت اتجنننننن

يعني اخليني ف الشروق وخلاص ؟
لان النهرده انا كنت مع دكتور ف حاسبات شبين وقالي ان كل الخاص ف الحاسبات زباله ووحش وان احسن الوحشين مصر للعلوم والتكنولوجيا انا بأمانه قربت اتجنننننن

مش تسمع كلام الدكاترة , انا مش عاوز اغلط فيهم عشان صايم بس , اتوكل على الله وادخل الشروق واجتهد فيها ومش تكتفى باللى هتاخده ف المعهد بس خد كورسات خارجية برده يعني عيييييييييش .

انا بعتلك اد ع الفيس لما تفتح هقولك ع كل حاجه ^^

طيب وايه رايك ف العبور ؟؟
+
هو ايه الفرق بين حاسبات وهندسه اتصالات ؟؟
ولو انا دخلت هندسه ايه اقرب حاجه للحاسبات cs من ناحيه البرمجه وكده ؟؟

العبور كويسة
حاسبات قريبة من هندسة اتصالات , الفرق ان حاسبات بتتعمق فى البرمجة والداتا بيس والشبكات والتصميمات انما هندسة اتصالات بتتعمق فى اتصالات الأقمار الصناعية والشبكات برده وشبكات المحمول وهكذا , بس الاتنين بيتخرجوا يشتغلوا نفس الشغل إما مهندس شبكات واتصالات إما مهندس حاسبات , لو دخلت هندسة ادخل قسم كهربا ومنه ادخل شعبة حاسبات بس ساعتها هتدبس فى الهاردوير وهتاخد برده بعض مواد حاسبات بس على خفيف من غير تعمق .