شفتها نازلة من بيته 4 الفحر..!! [الأرشيف] - بوابة الثانوية العامة المصرية

مشاهدة النسخة كاملة : شفتها نازلة من بيته 4 الفحر..!!

**تسابيح**

19-07-2012, 05:05 PM

السلام عليكم ورحمة الله وبركاته
كل سنة وانتم طيبين
ورمضان مبارك عليكم كلكم..
كنا قاعدين قعدة بنات ومااداراكم ما هذه القعدة :d
زي الفل يعني
المهم بنت بتقول : فلانة كانت نزلة من بيت فلان الساعة 4 الفجر
الكل عمل :o:o:o:o
طبعا احنا مسكتناش..
واحدة رديت عليها قالت لها: ها كملي:d:d
مش لازم نعرف بردو :d
فأنا قلت لها : انت شفتيها بعينك..؟؟
قالت: لا أختي شفتها
قلت لها: اختك شفتها بعينها ..قالت: لا ..دا اختي صاحبة أخت الولد دي...
عارفين الدجاج اللي دخلت في ودن الراجل
هي عاملة زيها بالضبط
الحكاية ان فيه ريشة دخلت في ودن راجل
فزوجته حكيت لجارتها ...فقالت ان جوزي دخل في ودنه ريشة
جارتها حكيت لواحدة تانية بس حطيت توابل في الحكاية
يقوم البلد كلها عندما لما الاشاعة توصل تكون بدل ريشة فرخة..!!

.........
موقف تاني
كان فيه واحد بيحكي ع بنت كل شوية التليفون بتاعها يرن
وتروح تتكلم فيه
بيقول استغفر الله العظيم ياتري بتكلم مين !!
ما يمكن بتكلم ابوها..
ابوها بردو..........

هو ضرب في أعراض المسلمات وكمان قذف للمحصنات
..لمجرد إشاعة ..الله أعلم صحيحة ولا لا..!!
ليه نعمل كدا في ناس احنا منعرفهاش ونتهمهم في شرفهم ...
لمجرد تقضية وقت والسلام وأخنا نأخذ ذنوب بالهبل..يعني...
ياتري ليه الناس بتعمل كداا؟
مع ان الناس بتتكلم ع الناس وهما في النهاية ناس ...!!

طالبة الجنة 2012

19-07-2012, 05:23 PM

صح والله معاكى حق بس تقولى ايه فى الناس الفاضية الى مفيش وراها حاجه غير سيرة غيرها

Hesham Shafek

19-07-2012, 05:24 PM

المعروف ان الحاجة الوحشة هى اللى بتكون ظاهرة على الوش لان الناس بقت بتحب الحاجة الوحشة لان هى اللى بتسليهم لان حياتهم اساسا وحشة مش حلوة

يعنى هناك صنف من البنات مشوه البنات وده مننكروش وفيه شباب بردو بيحبو يبانو اوووووووووى فيقوم قايل على دى اشاعة ودى شوفتها كتير اووووووووى
واللى عايش فى الدور اووى عامل فيها انو هو ملاك مش بيغلط زى منتى قولتى كده يقول يا ترى هى بتكلم مين وهى اساسا مجتش جامبة ويقوم رميها بالباطل ودى حكها فى الاسلام كبيره اووووووووووى

وبعدين المجتمع اللى احنا فيه والافلام الزبالة اللى بطلع يقول ان مفيش بنت محترمة ومش عارف هما اللى عالمو الافلام دى مش عندهم بنات مش متجوزين

ومحدش بقى بيهتم بالدين كلو مشغول بالدنيا ربنا يسترها ويصلح حال المسلمين ويهدى الضالين والكافرين وغيرهم

Just a Person

19-07-2012, 05:26 PM

ههههههههههههه
والله الشعب المصري ده عسل
بس ..........................
No comment

**تسابيح**

19-07-2012, 06:32 PM

صح والله معاكى حق بس تقولى ايه فى الناس الفاضية الى مفيش وراها حاجه غير سيرة غيرها

الفاضي يعمل قاضي...!!
ربنا يهدي
شكراا حبيبتي

**تسابيح**

19-07-2012, 06:34 PM

إليزابيث

20-07-2012, 02:46 PM

اه والله عندك حق مبآش ورانا غير ندخل ف خصوصيات الناس وكأن بأى من الطبيعي ان اي قعدة يبأى فيها هتك عرض والا متبآش القعدة اللي هيه
ربنا يهدي الناس وبستر فتيات المسلمين امين يارب العالمين

عبير الشذى

21-07-2012, 04:32 PM

لو كل واحد فالدنيا دية جرب الاحساس بالظلم
عمر اى حد ما حيجيب فسيرة حد ولا يقول عنة كلمة وحشة

farkoka95

21-07-2012, 04:42 PM

اه والله بجد حاجه وحشه اوي في المجتمع المصري
وخاصه حكايه الموبيلات دي بجد كبير وصغير بيفهمها غلط
الشعب فاضي واتعود على كده

BaNZeR

21-07-2012, 05:06 PM

moon light2012

21-07-2012, 05:17 PM

موضوع جميل جدا
ربنا يحمى بنات المسلمين اجمعين

**تسابيح**

21-07-2012, 11:59 PM

ههههههههههههه
والله الشعب المصري ده عسل
بس ..........................
No comment
عسل انه بيتكلم ع الناس يعني ولا ايه:d:d:d

اه والله عندك حق مبآش ورانا غير ندخل ف خصوصيات الناس وكأن بأى من الطبيعي ان اي قعدة يبأى فيها هتك عرض والا متبآش القعدة اللي هيه
ربنا يهدي الناس وبستر فتيات المسلمين امين يارب العالمين
الموضوع مش موضع خصوصيات الموضوع موضوع اعراض ...
الكلام كبير ودي بنت وسمعة ..
يعني فعلا ربنا يهدي

لو كل واحد فالدنيا دية جرب الاحساس بالظلم
عمر اى حد ما حيجيب فسيرة حد ولا يقول عنة كلمة وحشة

مش لازم نجرب بس نراعي الناس شوية
يعني منفكرش اننا بردو عندنا ناس خايفين عليهم من نفس الموضوع
ان كما تدين تدان
ربنا يهدي فعلا

اه والله بجد حاجه وحشه اوي في المجتمع المصري
وخاصه حكايه الموبيلات دي بجد كبير وصغير بيفهمها غلط
الشعب فاضي واتعود على كده
ممكن فاضي فعلا
بس مش للدرجة دي
يبقي يشغل وقته احسن
ربنا يهدي

**تسابيح**

22-07-2012, 12:05 AM

مهو مينفعش بردو هي تنزل من بيت غريب 4 الفجر
وبعدين نحسن الظن :d

هو المشكلة اننا دلوقتي بنرغي عالفاضي والمليان

يعني ممكن يكون الخبر اصلاً 4 العصر
بس مع الانتشار كلمة العصر بتختفي
وبتحل محلها الخيال الواسع للافراد :d

عشان كدا الواحد مبيحبش ياخد الخبر منقول عن اكتر من شخص بالكتير

والكلام عن البنات بالذات زي ما قلتي قذف بالمحصنات
بس البنات حيقعدوا ساكتين يعني .. لا يونكن :d

وبعدين بالنسبة لموضوع التليفونات
بتبان الواحدة لو بتكلم ابوها ولا بتكلم حد تاني :d

سبحان الله...!!
هو احنا شفنا عشان نقول نحسن الظن ولالا
لما يكون الموضوع انت مش شفته بعينك
وعمال تقول فلان قالي عن فلان عن علان..
ويبقي مجرد إشاعة وضرب في أعراض الناس..!!
مفروض عن نفسي مؤمنة بأن الكلام طالما فيه ضرر لحد
مش ننقله....وكمان طالما مش شفنا بعيوننا
وحتي لو شفنا...ما يمكن الموضوع فيه حاجة غير...وأهلها معاها مثلا
الله اعلم...!!
بالنسبة للكلام ف الموبايل عادي اعرف ناس اسلوبها واحد ف الكلام
لما بتكلم خطيبها زي ما بتكلمني ..:):)

موضوع جميل جدا
ربنا يحمى بنات المسلمين اجمعين
اللهم آمين يارب

روووووز

22-07-2012, 04:34 PM

ههههههههههههههههههه والله عندك حق بتحصل كتير
كلمة واحدة ممكن تدمر الدنيا :mad:
وفى ناس مش بتسيب حد فى حالها
ولما كنت فى الثانوية الله يرحمها للى خلصت من كام شهر د :d
كانت دروسى وانا اصحابى بعد الفجر على طول الناس تشوفنى واحد يقولى انتى بتهربى من البيت
وواحدة تقولى انتى كنتى بايتة برة البيت طيب بالله عليكم اقولهم ايه :excl:
كل اللى اقدر اقوله اقولهم اه كنت برة البيت من بليل :cool: دى حاجة غريبة والله

BaNZeR

22-07-2012, 04:50 PM

سبحان الله...!!
هو احنا شفنا عشان نقول نحسن الظن ولالا
لما يكون الموضوع انت مش شفته بعينك
وعمال تقول فلان قالي عن فلان عن علان..
ويبقي مجرد إشاعة وضرب في أعراض الناس..!!
مفروض عن نفسي مؤمنة بأن الكلام طالما فيه ضرر لحد
مش ننقله....وكمان طالما مش شفنا بعيوننا
وحتي لو شفنا...ما يمكن الموضوع فيه حاجة غير...وأهلها معاها مثلا
الله اعلم...!!
بالنسبة للكلام ف الموبايل عادي اعرف ناس اسلوبها واحد ف الكلام
لما بتكلم خطيبها زي ما بتكلمني ..:):)

ايوه انا ضد انه الواحد يتكلم في حاجة مشفهاش
وضد اكتر انه يتكلم عن واحدة بسوء حتى لو كان صح وحتى لو هو اللى شافه

بس الناس مبتعرفش تسكت بردو :d

وبالنسبة للموبايل
الناس المحترمة اه بيكون اسلوبها واحد في الكلام
لكن مش الكل بيبقو كدا
وانا عن نفسي مش بركز وبشغل نفسي بحاجة زي كدا اصلاً
بس اللى حواليا بيبقو مركزين :d

modym2020

22-07-2012, 10:53 PM

موضوع جميل

قال الخليفة العادل عمر بن الخطاب رضي الله عنه
: “من أقام نفسه مقام التهم فلا يلومن من أساء به الظن”

الاسلام يدعو إلى اتقاء كل أسباب التهم ومواضع الشبهات فإن الناس إذا عصوا الله بذكر الإنسان وكان الإنسان سببا في ذلك فهو شريك في الإثم

وقصة صفية بنت حيي رضي الله عنها مع رسول الله صلى الله عليه وسلم خير مثال
تقول صفية في الحديث الصحيح:
كان النبي صلى الله عليه معتكفا فأتيته أزوره ليلا فحدثته ثم قمت لأعود فقام معي ليردني إلى منزلي وكان مسكنها في دار أسامة بن زيد فمر رجلان من الأنصار فلما رأيا النبي صلى الله عليه وسلم أسرعا
فقال النبي( مناديا عليهما ): على رسلكما إنها صفية بنت حيي
فقالا : سبحان الله يا رسول الله
قال: “إن الشيطان يجري من الإنسان مجرى الدم، وإني خشيت أن يقذف في قلوبكما شرا”، أو قال شيئا

وقد علمنا رسولنا الكريم صلى الله عليه وسلم من خلال هذه الواقعة ألا يضع الإنسان المسلم نفسه في مواطن الشبهات ومقام التهم حتى لا يساء به الظن، ولذلك بين لهما رسول الله حقيقة الموقف خشية عليهما مما قد يقذفه الشيطان فى نفوسهما

هـمسة

26-07-2012, 01:50 AM

ربنا يستر ويهدى جميع المسلمين والمسلمات