للأسف الأنانية بقت عنوان لنسبة من الطلبة اللى ربنا وفقهم ودخلوا كلية أو ضامنين يدخلوها ،
مع إنهم مش واعيين لفكرة ان ممكن واحد جاب مجموع أقل منهم يكون اتظلم فى تصحيح ومعرفش ياخد درجاته بسبب الروتين المعقد فى التظلمات

للدرجة دى بقينا مجتمع أنانى مش عايز الخير لغيره ؟

واكتر من كده وفوق ما تتصوري

طب انا اقولك على حاجه ,,, دلوقتي احنا لما نكون في الثانوية وتلاقي الطلبة بيعملو مقالب في بعض

عشان يعطلوا بعض عن المذاكرة ,,, تسمي ده ايه؟؟

يعني هوا انا مثلا هاخد مكانك في الكلية او انت هتاخد مكاني؟.؟

طبعا لا ملهاش علاقة بس للأسف الانانية بقت حاجه منتشرة

متشغليش بالك انتي بس ,,, واحنا اتظلمنا اه فعلا وانا من الناس اللي اتظلمت

بس الحمدلله مفيش في ايدنا حاجه تانية ,,,

والناس التانية اللي بتقولك طالما التنسيق عالي يبقا في ناس جايبة مجموع

وللأسف اللي جايبين مجموع دول يا اما ليهم قرايب في الوزارة او ليهم واسطة في التصحيح

وهما دول بقا اللي بيبهدلونا والتنسيق بيعلى بسببهم ,,,

بس تأكدي ان ربنا عمره ما هيسيبهم وحسبي الله ونعم الوكيل ,,

انا شخصيا حلمي ضاع وادمرت .. بس انا تعبت وعندي أمل كبير في ربنا

وارجع واقول ,, لو نيلك يا مصر صلصة مش هيكفي الكوسة اللي فيكي

... اسفة على الاطالة

والله ربنا مش بيبارك فى كدا
وبعدين احنا دلوقتى زمنا زمن فلسو معاك فلوس هتتعلم
يعنى مثلا لما تلاقى حد جايب 95 ومش لاحق حاجة فى الطب وحد تانى فى ال70
ويدخل خاص دا يتسما اية
والكل دلوقتى مجرد ما اعرف معلومة مش هقولها لحد علشان ميكونش افضل منى ويدخلها معايا
بجد حاجة تحزن فعلا

انا شفت اللى بيعطلوا بعض عن المذاكرة لكن اول مرة اشوف واحد بعد ما ضمن انه داخل الكلية اللى عاوزها مش عايز غيره يدخلها .. غرور وأنانية صعب اتخيلها !!
المجاميع بتزيد لان عدد الطلبة بيزيد كل سنة عن التانية .. والطبيعى ان اعداد المقبولين تزيد مش تقل
وكله فى مصلحة الجامعات الخاصة

بجد يا اسراء كلامك فى المضمون ولو شوفتى مشاركاتى فى موضوعين فى نفس المنتدى هنا*تنسيق 2012*هتلاقينى اتكلمت عن كدا بجد حاجه تقرف يعنى ناس خلاص فى الكلية ومش عايزين غيرهم يدخلها فاكرين نفسهم هما النخبة والصفوة الى مفيش زيهم وناس ضمنت مكان لها فى كليات الطب ومش عايزة غيرها يدخلحسبى الله ونعم الوكيل فى الانانية الى هتقتلهم

مابالكم لما يكون صاحبى بعد صلاة الفجر امبارح وبدعي ليا وليه اننا ندخل الكلية مع بعض ولما نطلع من الجامع يقولى انت متستحقش هندسة ، ان شاء الله تدخل حاسبات وبكل غل بيقولى كدة ع الرغم من ان انا اللى جبتلو النتيجة وكنت فرحان له اكتر ما فرحان لنفسى ! ياللا ربنا يستر انا مش عارف رايحيين على فين

مابالكم لما يكون صاحبى بعد صلاة الفجر امبارح وبدعي ليا وليه اننا ندخل الكلية مع بعض ولما نطلع من الجامع يقولى انت متستحقش هندسة ، ان شاء الله تدخل حاسبات وبكل غل بيقولى كدة ع الرغم من ان انا اللى جبتلو النتيجة وكنت فرحان له اكتر ما فرحان لنفسى ! ياللا ربنا يستر انا مش عارف رايحيين على فين
والله كل واحد بياخد نصيبة على قد نيته والى جواه ولاحظ انك لما بتعامل حد بنيه صافية انك بتعامل ربنا مش البشر لانها لو جت ع البشر فمفيش حد يستاهل منك حتى كلمة شكر

بصراحة الحكاية دى انا مش ملاحظها غير فى النت لكن فى الواقع
مشوفتش حاجة زى كدا ... يعنى هما هيتمنوا كدا ليه مثلا .... ممكن يكون ظن خاطئ او حاجة زى كدا

فعلا اللى بيشغل نفسه بتمنى الشر لغيره مستحيل ربنا يكرمه لان نيته مبتبقاش صافية .. ربنا يوفقنا جميعا فى اى مكان

تمني الخيـر للأخريـن اصبح عملة نادرة .. و شغل الغيرة و الحقد و الغل بقت حاجات شائعة و منتشرة المفروض نتعود عليها خلاص

اللى اعرفه لما اكون 15896 على شعبة علمى رياضة وان عدد المقبولين بالهندسة يكون 18000 اكون انا بقى منهم !!!!!!!!!!!!!!!!!!!!!!!!!!!!!!! ليه بقى لما الجمهورية يكتب ويقول هندسة حد ادنى 96 % ,,,,,,او لما ناس تقول 95 % الناس اللى جابت المجاميع دى تدخل وتكون فرحانة فى اشكالنا !!!!!!!!!!!!!!!!!!!! او يقفولها بقى فى وشنا خالص ويأكدوا ان كليات الهندسة هتخفض بشكل اكيد خلاص بنسبة 25 % من طلابها .....وتلاقيهم بيحاولوا يأكدوا على كدا او على الأقل ميخليكش مطمن عشان يوصلك ان أمثاله بس اللى تستحق !!!!!!!!!!! وانا عايز اعرف لو كل دا فعلآ صح يبقى أنا دخلت مرحلة أولى ليه اساسآ !!!!!!! .....وولهى الحمدلله على كل اللى يجيبه ربنا..ولهى هرضى.

مستحيل هندسة الحد الادنى ليها 96 لان السنه اللى فاتت 94.5 على ما اعتقد كانت اخر هندسة وكانت هندسة المنيا مش معقول الحد الادنى هيرفع 6 درجات مرة واحدة

اغلب الكلام ده بينطبق على البنات يعنى البنات فيما بعضهم للاسف

الحكاية دى كتيييييييييير وشوفتها كتير جدا واصعب من اللى بتحكى عنها دى بكتير لدرجة انها بقت بالنسبة ليا حاجة عادية جدا