كل ما احل امتحان ايطالى بعرف احلوا
كلوا الا سؤال اكمل وانا قلقان جدا من السؤال دا
وخلاص الامتحانات قربت
ومش عارف اعمل اية
ارجو الرد ضرورى جدا

معلش بقى انا شفت الموضوع متأخر بس ححاول اساعد على قد مقدر ان شاء الله
بص ياسيدى انت اهم حاجة تبقى عارف الكلمات عشان تعرف تفهم القطعة بتتكلم عن ايه
ثانيا عادة بيقى الموضوع كالاتى :
ياما بيبقى محتاج حروف جر / ياما حسب الزمن الفعل بيبقى محتاج حاجة من الكلمات الدالة على زمن الفعل زى ieri او لو مستقبل domani
ياما ساعات القطعة بس مش كتير بيبقى عايز ادوات تعريف وتنكير
ومتنساش تحفظ الحرف الى بتاخده الافعال بتيجى برضه زى imparare a / decidere di
وبرضه ركز على ci sono / c'e' وعندك كمان sotto / sopra وخلى بالك من الفرق بين sopra / sul
بص لو الجملة فيها اداة تعريف زى lo scaffale ساعتها حتستخدم sopra انما لو جت scaffale بس من غير اداة تعريف قبلها حتستخدم sul وتضيف لها اداة التعريف
وعندك che حتيجى اسم موصول زى مثلا (ho un fratello che parla molto bene l'inglese)
وركز برضه على المقارنة piu-di / meno-di / come
والصفات لانه ممكن يجبلك جملة مثلا la lettura e' molto importante او اى صفة زى مانت عايز
وبرضه خد بالك من صفات الملكية والضمائر و ادوات الاستفهام
وخد بالك من الاتجاهات زى vicino a / lontano da / destra di / a piedi
واهم حاجة بقى خد بالك من prima وحالاتها وبرضه ساعات بيسأل على الافعال وكده يعنى امتى تكلم بمستقبل وماضى مستمر وكده
وبرضه اهم حاجة تانى تركز على se امتى بتيجى لانها بتيجى كتير هيا و prima فى الاكمل وعلى فكرة بدل ماتحط se ممكن تستخدم quando .. تقريبا دى كل حاجة ان شاء الله ويارب اكون عرفت اساعدك بس انت اهم حاجة حل اكمل كتير عشان تتعود وحل من النماذج .. ربنا يوفقك و يوفقنا جميعا

شكرا على مساعدتك وجارى التطبيق

العفو يارب بس اكون ساعدتك ولو احتاجت اى حاجة ابقى قول يمكن اعرف اساعدك ولو مكنش ادينا بنحاول بس انت اهم حاجة حل كتير عشان تتعود وربنا يوفقنا فى الامتحانات جميعا

شكرا لك جدا جدا جدا جدا