السلام عليكم...
انا جبت 74.8% و عايز ادخل شعبة كمبيوتر ساينس ...ناس كتير نصحتنى بالشروق او العاشر لأنهم افضل جامعتنين على مستوى الخاص
انا أتصلت بأكاديمية الشروق و قالولى ان المصروفات حوالى 6300 جنيه و فى واحد قالى ان العاشر تقريبا 7000 بس انا خايف لحسن مجموعى ميكملش الحد الادنى للقبول بالكلية...ارجوكم اى حد يعرف معلومةى عن الموضوع ده يفيدنى و لو مجبتش الحد الادنى ...هل فى اى طريقة ممكن ادخل بيها الكلية؟
و اذا ربنا وفقنى ودخلتها...ياريت اى حد ف الكلية دى ينصحنى لو المفروض اخد كورسات معينه فالاجازة او اى حاجة ممكن تسهلى الدراسة لآنى بحب مجال البرمجيات جداً...ياريت اللى يعرف معلومة "يكون متأكد منها 100%" ياريت مايبخلش علينا بمعلومة و جزاكم الله كل خير

الكلام دا سابق لأوانه لسة شوية على ما المرحلة الاولى تبان وتعرف المعاهد نظامها ايه بس هقولك على حاجة لو مش لحقت الشروق والعبور والعاشر ممكن تدخل معاهد علوم حاسب معتمدة برده بس اقل تصنيف عشان مجموعك قليل , عشان المجلس الأعلى للجامعات محددها الحد الادنى للهندسة 67% ولعلوم الحاسب 62% .
تقبل مروري أخوك مؤمن الغمري , حاسبات ومعلومات الزقازيق

لو مش لحقت الشروق والعبور والعاشر ممكن تدخل معاهد علوم حاسب معتمدة برده بس اقل تصنيف عشان مجموعك قليل
اخى الكريم..تشرفت بردك على اول موضوع لى ف المنتدى الغالى...
لو تكرمت تفيدنى بأسماء بعض معاهد علوم الحاسب اللى ممكن تقبل مجموعى...و فى ناس قالولى ممكن اخد اول سنه ف اى معهد و لو جبت تقدير ممكن احول لأكاديمية الشروق بعدها او العاشر او اى معهد تصنيفه اعلى ... ياريت لو عندك فكرة تفيدنى...و هل اكمل ف المجال ده ولا ايه؟؟

طبعا كمل فى المجال واوعى تفكر انك تحول اي كلية او معهد تاني غير علوم الحاسب لو عاوز بجد تستمتع بالدراسة وتتخرج تشتغل على طول وبمرتب عالي , استنى التنسيق وبعدين نبقا نحكم وانت بتحط الرغبات حط كل معاهد علوم الحاسب اللى هتظهرلك من الاقرب للابعد او من الأكفأ للأقل كفاءة المهم تكون علوم حاسب معتمدة مش اي معهد حاسب وخلاص , ايوة صح ممكن تحول لأي معهد تصنيفه اعلى بس لو انت جايب تقدير واوقات مش بيطلبوا تقدير كمان .