|
مشاهدة النسخة كاملة : هل التنسيق بينزل الاول وبختار علي اساسه ام العكس افيدونا aaans 20-07-2012, 03:38 PM هل التنسيق بينزل الاول وبختار علي اساسه ام العكس افيدونا انا محتار هل انا بخش اسجل رغباتي الاول وانا معرفش الكليات هتاخد من كام ولا المفروض اسجل رغباتي وانا عارف الكليات وخده من كام افيدونا بكره تسجيل الرغبات مش المفروض التنسيق ينزل اليوم اسلام اسو 20-07-2012, 05:37 PM انت بتخش تسجل رغباتك الاول وانت مش عارف الكليات هتقبل من كام وبعد اسبوع مثلا النتيجة تطلع وتعرف انت دخلت ايه وينزل ساعتها تنسيق المرحلة الاولى basma 2010 20-07-2012, 08:54 PM مش عارفه:::::::::::::::::::::::::::::::::: hih2 20-07-2012, 10:28 PM كما أفاد الاستاذ/اسلام انت بتختار الاول وبعدين التنسيق بيحدد الخلاصة : التنسيق بيتم بناءاً على رغبات الطلاب ولذلك معرفة الحد الادنى للقبول بكل كلية تظهر بعد الانتهاء من التنسيق وليس قبل التنسيق. وفيما يلي فكرة التنسيق: نفترض ان هناك 1000 مكان في كلية طب مثلاً المنطق بيقول ان ال100 الاوائل على الجمهورية حيختاروا ال 1000 مكان دول بكده يبقى الحد الادني للطب هو أقل مجموع في الالف شخص دول يعنى المجموع اللي حصل عليه الطالب اللي ترتيبه ال 1000 علشان كده لو المجاميع كلها عالية يبقى الحد الادنى عالي ولو المجاميع منخفضة يبقى الحد الادنى منخفض، ولذلك تتغير نتيجة التنسيق من عام لاخر تبعا للمجاميع والاعداد المقبولة لو النظام ماشى على كده كانت الوزارة رتبت الكليات ورتبت المجاميع وكل واحد راح الكلية اللي تمشى مع مجموعه وخلصنا ولكن هناك بعض المتغيرات كالتالي: 1) نفترض ان البعض يفضل صيدلة وطب اسنان فإختاروها كرغبة اولى وليكن عددهم 200 يبقى في الحالة دي حندخل ال200 طالب اللي ترتيبهم بعد ال 1000 الاولانيين وبكده حيقل الحد الادنى للقبول في الطب. 2) المجموع التكراري يعني لو افترضنا ان الطالب رقم 980 له نفس مجموع الطالب رقم 1050 يعني عندي70 طالب لهم نفس المجموع !! مش حينفع اختار منهم 20 بالقرعة او أبجدياً يبقى حضطر أقبل 1050 بدلاً من 1000 وبالتالي تزيد اعداد المقبولين اجباريا مما يتيح فرصة اكبر للطلاب. وفقكم الله H 0 s s A M 20-07-2012, 11:59 PM الله ينور عليك sayedkamal 21-07-2012, 01:13 AM طب مثلا واحد جايب 98.41 % وعلمي علوم ومن الشرقية هيروح كاتب الرغبات في توزيعه الجغرافي في أ و بعدين ب وبعدين جميع كليات الطب والاسنان والصيدلة في مصر واعتقد ان كلو بيعملل كده يبقي هيحددوا ازاي بقي ولو علي اساس الي انتم بتقولوه يبقي كل طالب هيكتب رغبة واحده بس hih2 21-07-2012, 01:58 AM كل واحد بيكتب رغباته زي ما قلت ثم يبدأ برنامج التنسيق في العمل يشوف الراجل اللي ترتيبه الاول يحقق له رغبته الاولى وبعدين يشوف اللي ترتيبه الثاني حيلاقي 8 اشخاص مكررين بنفس المجموع فيحققلهم رغبتهم الاولى يبقى عندنا كده 9 أماكن اتملوا يشوف اللي ترتيبه العاشر حيلاقي 25 واحد بنفس المجموع فيحققلهم رغبتهم الاولى طالما هناك أماكن وهكذا لحد اما كل الاماكن تتملى يبقى التوزيع بيتم على اساس المجموع الاكبر ثم الاقل منه مباشرة وهكذا علشان كده مهم جداً ترتيب الرغبات مثال للدكتور سيد كامل الكمبيوتر بيشوف مجموعك بعد ما خلص المجاميع اللي اعلى منك وحقق لها رغباتها كام مجموعك 98.41% وبعدين يشوف انت رغبتك الاولى ايه؟ ولتكن طب المنصورة يروح يشوف طب المنصورة فيها مكان ولا لأ؟ لو فيها مكان يحقق لك رغبتك الاولى وبكده يبقى موضوعك انتهى بالنسبة له ثم يأخذ المجموع الاقل منك مباشرة ويتعامل معه سؤال لو طب المنصورة امتلأت ماذا يحدث ؟ يشوف رغبتك الثانية ولتكن طب القاهرة لو ممتلئة يشوف الرغبة الثالثة وهكذا وفقكم الله |