السلام عليكم ورحمته الله وبركاتة

فى بداية موضوع ..
انا لسه مخلص ثانوية عامة 2012 وي مستني نتيجة التنسيق يوم السبت ان شاء الله
جبت فى الثاتوية العام مجموع 414.5 يعني 83.5% (علمي رياضة ) والصرايحة انا محتار اخشا اية ..
طبعا مجموع ده مدخلنيش اى كلية حكومة نضيفة ..
طبعا هخش خــــــــــــــــــــــــــــــــــــــــــآص بس الصراحية مش عارف اخشا اية كلية او معهد يكون دراسة كويسة ويكون بيطلع ناس بتعلموا بجد
فا كل الي بطلبوا من الناس الي هتشوف الموضوع وتقدر تنصحني وتساعدني ... يقولي اية انسب كلية او معهد خاص فى الحسابات والمعلومات .. واية احسن وانسب تخصص فى الحسابات والمعلومات ؟
و--1هل الشغل فى مجال الحسابات و المعلومات مطلوب فى مصر .. ؟
ملحوظة انا متوسط فى الانجليزي فا الكلية محتاجة اني الوحيد يكون ممتاز فى اللغة الانجليزية ولا لاء .. .؟



ومحتاج حد ينصحني اخشا فنوان تطبيقية ولا حسابات ومعلومات ولا هندسة معمارية .. ولية

وشكرآ

-هي كلية الحاسبات زي بقية الكليات من حيث التعيين ؟
يعني ممكن الواحد لو شد حيله يتعين فيها معيد؟ ولا صعبة ؟ ولا كوسة زي معظم الكليات ؟
2- يا جماعة
الكلية لها شغل محترم ولا هفتح سايبر في الاخر ؟
اتمنى لو حد يقولي انه خريج سنة ....... وبيشتغل .........
ومرتبه
1-عالي
2-متوسط (دوبه بيكفي لاخر الشهر)
3-تعبان

انا عارف ان الرزق على الله لكن برده لازم الاخذ بالاسباب والمشورة
عشان التنسيق بكره ومحتاج اقرر

ادخل "حاسبات ومعلومات" لأن مستقبلها حالياً الأفضل بين كليات الشعبة الهندسية , قدامك العبور والشروق والعاشر وغيرهم اهم حاجة يكون معهد ويكون علوم حاسب معتمدة مش اي معهد ادارة وحاسب وخلاص خلي بالك , خد كورس انجلش عشان الدراسة كلها انجلش مش هتلاقي كلمة عربي واحدة ف أي كتاب , ايوة المجال مطلوب جدا فى مصر وبرة مصر , وكل ساعة المجال بيزيد اهمية فى حياتنا وبيتطور اكتر واكتر بجد لو بتحب الابداع والتطور والتجديد المستمر ادخل علوم حاسب .

Yarat eL-rady 3aL Al-Asalh ..

بص نظام كلية حاسبات ومعلومات زي نظام كلية هندسة بالملي من حيث التعيين ونظام الامتحانات والترتيب بين الطلاب فى الدفعات وكل حاجة بتتقاس بالملي فيها مافيهاش حاجة اسمها كوسة , خريج الكلية بيشتغل مهندس برمجيات او مهندس شبكات على حسب تخصصه بتبدأ مرتبك على 1500 جنيه وبيبدأ يعلى على حسب الخبرة انا اعرف ناس شغالة كتيييييييييييير اللى شغال فى المصرية للاتصالات واللى شغال فى فودافون واللى شغال فى فوري واللى شغال فى شركات اتصالات وبرمجيات سعودية واللى شغال فى الكويت مطور oracle عنده خبرة 15 سنة وبيقبض 5 تلاف دينار كويتي ( 110 الف جنيه مصري ) , من الآخر اتميز فى المجال وهتاكل دهب وسيبك من كلام الجهلة بتوع هتفتح سايبر وهتفتح محل , يا عم نفض الحمد لله ان الناس دول بيعرفوا يمسكوا الموبايل اصلاً , وبالنسبة لعلوم رياضة وحاسب فدا قسم بيتم فيه تدريس مواد شبيهة بمواد حاسبات ومعلومات ومواد هندسة حاسب ولكن مش هي مواد حاسبات ومعلومات ولا هي مواد هندسة حاسب , كما ان شهادته بكالريوس علوم قسم رياضة وحاسب مختلفة تماماً عن شهادة الحاسبات والمعلومات وشهادة الهندسة المعتمدة والمعترف بها فى المجلس الاعلى للجامعات فى قطاع الحاسبات والمعلومات ومعترفة ايضاً بنقابة مهندسي البرمجيات .