السلام عليكم ورحمة الله وبركاته

انا طالب داخل 3 ثانوي باذن الله وكنت واخد علمي علوم من تانيه يعنى احياء وجبت مجموع مش وحش ومش عالى اوى وكده عندى 5 مواد باذن الله هى

كيمياء
فيزياء
عربي
علم نفس
انجليزي

غير المستوى الرفيع العربي

ممكن اعرف طريقة مذاكرة هذه المواد والكتب الافضل وكيفية المراجعة لان الاحياء تعبتنى جامد لانى مكنتش براجعها وباذن الله انا هحاول بقدر ما اقدر منقصش عن درجة فيهم كلهم فممكن نصايحكم ارجوكم عن الكتب والكلام ده

روح اقسام المواد دى هتلاقى اللى انت عايزه
لان ولا واحد فينا الا وكان مشغول بالتنسيق

بص يا سيدى العربى تذاكره من ملازم المستر عادى انا كنت بعمل كده بس كنت احب اقراه الاول من الاضواء بعد كده ملازم المستر اسئلة باجابات ..وفى موقع مدحت فودة لو تعرفه ممتاز ..
بالنسبة للانجلش كتاب top students مفيش غيره اصلا و ميقارنش بيه اى كتاب و فيه كل حاجة و اسئلة جميلة و كتيرة جدا هو غالبا فى الفجالة و بينزل منه مراجعة نهائية
كيمياء الامتحان حلو اوى مراجعة و اسئلة
الفيزياء لا بديل عن الوسام صدقنى افضل كتاب فيزياء و بمراحل والله .. و ده اهم حاجة فى القلتوهولك .. (الوسام فيزياء)

نصيحة, بلاش علم نفس, خد اقتصاد و احصا.

وانا مع النصييحة ده .. انا خدت اقتصاد و احصاء مش عايزين اى مجهود والله و مادة مضمونة جدا جدا جدا

شكرا لكل من رد وربنا يوفقكو