السلام عليكم ورحمه الله وبركاته
بسم الله الرحمن الرحيم

عايز اقدم معهد العالى نظم ومعلومات بالعاشر

انا جايب فى الثانويه العامه 64% http://www.thanwyaonline.com/vb/images/smilies/frown.gif
وعايز اقدم فى العاشر من رمضان نظم ومعلومات او تكنولوجيا ومعلومات :D
بس انا سامع ان واخد المعاهد الخاصه فى القسم التكنولوجيا والحسابات من 65% وانا مش عارف اعمل ايه .. هدخل ازاى وانا جايب 64%

ممكن تفسيرات وحلولو

نظم معلومات ادارية ولا تقصد علوم الحاسب ؟؟ لو تقصد نظم معلومات ادارية دي مش ليها علاقة بحاسبات ولا بعلوم الحاسب ومعادلة بكلية تجارة وخريجها يعتبر محاسب وبتبقل من ادبى وعلمي ومن الصنايع انما علوم الحاسب بتقبل من العلمي رياضة بس ومن الثانوية العامة بس , المجلس الاعلى للجامعات محدد الحد الادنى لعلوم الحاسب 62% يعني انت هتخش ان شاء الله بس عالحركرك .

طب ممكن اعرف ايه المواد اللى بتدرس فى نظم ومعلومات
طب وعلوم حاسب بتاخد من علمى ليه ؟

نظم معلومات "ادارية" بتاخد فيها كل مواد التجارة والادارة بجانب مهارات الحاسب الآلى والاكسيل يعني بتخرج محاسب شاطر فى الكمبيوتر يعني بيعرف يعمل حساباته عالكمبيوتر ويتعامل عليه .

علوم الحاسب اللى هي حاسبات ومعلومات شعبة هندسية لذلك من الطبيعي تاخد من علمي

طب انتا متأكد ان هى ممكن تاخد العاشر من
64%
او 63 %
او 60 %
ولا ايه ؟؟؟؟؟

لا العاشر لأ عمرها ما تاخد من المجموع دا , خش معهد تاني وبعدين حول للعاشر

يعنى مثلا لو دخلت الفرع بتااع العاشر اللى فى 6 اكتوبر عادى
لو لقيته واخد اقل من مجموعى مثلا
طب متعرفش 6 اكتوبر واخده من كام

لسة التصنيف مش نزل , مادام المجموع قليل قدم على المعهد الاقرب ليك فالأبعد وهكذا وان شاء الله هتقبل .

اسف يا باشا ع الازعاج بس عايز اعرف هو تصنيف هينزل امتى

وبيكون اخر معاد للتقديم امتى

اما المرحلة التالتة تخلص هتعرف التصنيف , بس انت هتقدم الرغبات فى وقت المرحلة التالتة , ماعرفش اسأل صحابك , او ابحث عالنت وماتخافش خير ان شاء الله

انا معايا ماده دور تانى وخايف أقدم
فهل ده عادى أقدم دلوقتى ولا ايه
اانا خايف السنه ضيع عليا :(

مش عارف اصلي مش مريت بالموقف دا بصراحة , بس قدم واتوكل على الله وماتخافش

شكراا ع تعبك معايا بس ليك خبره كده
ايه رايك ادخل الكليه دى ولا لاء

مستقبله حلو قدام ولا ايه

ايوة ادخلها طبعاً , بس انت قول يارب مجموعي يجيب علوم الحاسب .

بس انت قول يارب مجموعي يجيب علوم الحاسب .د


مش فاهم ادعى لمين

ادعى ربنا مجموعك يدخلك حاسبات و معلومات حكومى و لو مدخلتاهاش أدخل خاص

طب ياجماعة انا جايب 84.5% ياترى ممكن الحق حاسبات ومعلومات؟؟ وايه الجامعة الكويسة اللى تدخلني بهذا المجموع؟

لو عايز حاسبات ومعلومات بالمجموع ده
مفيش غير جامعة سينا الجامعه الوحيده
اللى بتقبل حاسبات ومعلومات ب60 فى الميه

طب ياجماعة انا جايب 84.5% ياترى ممكن الحق حاسبات ومعلومات؟؟ وايه الجامعة الكويسة اللى تدخلني بهذا المجموع؟


لا مش هتلحق حاسبات ومعلومات , ادخلها خاص الشروق او العاشر او العبور .

طب ايه احسن جامعة فيهم وبكام وايه احسن قسم يشغلني واقبض فيه مرتب محترم

العاشر والشروق الافضل , اي قسم شغال لوز وهتقبض وهتاكل شهد بس لازم تكون مميز .

طب ماقولتش بكام في السنة وكدة؟ وهل يمكن التقسيط؟

7-8 ف السنة , ايوة فيه نظم تقسيط وفيه تخفيضات بس كل سنة وليها نظامها , اتصل بيهم واعرف .

انا روحت العاشر وسألت بيقولو السنه اللى فاتت واخدين من 55 %
---
بس انا نسيت اسأل عن الشهاده .. بس قبلت واحد كان نظم ومعلومات بس المنصوره .. بيقول الكليه دى ملهاش فايده لانه مكتوب فى الشهاده خريج تجاره يعنى اى حاجه انا درستها فى الكمبيوتر مش ليها اى لازمه . هو الكلام ده مظبوط؟؟
-----
طب فى فرق بين نظم ومعلومات .. نظم معلومات اداريه ؟؟

ايوة طبعا .
نظم معلومات هذا تخصص بكلية الحاسبات و المعلومات و يدرس دراسات حاسوبية
اما
تخصص نظم معلومات ادارية فهو تخصص تجارة شعبة ادارة اعمال و ليس دراسة حاسوبية

بخصوص تنسيق اى تخصص من كليات الحاسبات فهو 65% و ليس أقل من ذلك

يرجى التاكد من الدرجة العلمية اللى هتحصل عليها او المعادلة

طب نظم ومعلومات دى بدرس فيها ايه ؟
وبينكتب ايه فى شهاده حاصل على ايه

نظم المعلومات بتدرس فيها بتدرس فيها حاسبات و معلومات و بتحصل على الشهادة مكتوب فيها بكالوريوس الحاسبات والمعلومات شعبة نظم المعلومات

اما نظم معلومات ادارية فبتدرس فيها ادارة اعمال و بعض العلوم التجارية كالمحاسبة و بتحصل على الشهادة مكتوب فيها بكالورويس التجارة شعبة ادارة اعمال

انا غاوى كمبيوتر وكده ايه رايك ادخل ايه نظم ومعلومات ولا نظم ومعلومات اداريه
----
نظم ومعلومات دى مستقبله حلو قدام فى شغل

انت مجموعك كام اصلا ؟

64%
--
بس ممكن تقولى هخد مواد ايه فى نظم معلومات

زى ماقلتلك لو عايز نظم معلومات تبع حاسبات ومعلومات
ومش تبع تجاره
مفيش قدامك غير جامعة سينا بالمجموع ده
لان دى الجامعه الوحيده اللى بتقبل باقل ب5%
عن باقى الكليات وباقى الكليات الحد الادنى 65%
وجامعة سينا الحد الادنى 60 % وبالتوفيق

بس انا سأل فى معهد العاشر ان نظم ومعلومات اداريه واخده من 55% السنه اللى فاتت
اما نظم ومعلومات مش عارف واخده من كام