user22
21-07-2012, 03:41 PM
أنا للأسف مجموعي بعيد عن التنسيق المتوقع لكليات الهندسة الحكومية فحابب استفسر إزاي يتم التقديم في الكليات والمعاهد الخاصة ؟
هل بتنزل في تنسيق المرحلة التانية وأنا أختارها ؟؟ ولا بروح أأقدم على طول طالما مجموعي فوق الحد الأدنى لتنسيق المعاهد الخاصة :lol:
ياريت اللي عنده معلومات عن الموضوع ده يتفضل مشكورا ويقولها :)
user22
21-07-2012, 05:01 PM
إيه يا جدعان معقولة ماحدش عنده فكره عن الموضوع !؟
شاعر العاطفة
21-07-2012, 06:13 PM
لأ ده بالنسبة للكليات الخاصة
لو عايز تحجز من وانت لسه فى بداية تانية ثانوى كمان
ده انت المفروض تستعجل نفسك وتلحق عشان الإقبال جامد جداً السنة دى وممكن ما تلحقش
تروح بدرى على أد ما تقدر
ولما تحجز ابقى قل لى حجزت فى جامعة إيه؟؟؟ أنصحك بفاروس الإسكندرية أو الشروق فى القاهرة
فرع محمد رجب اللى تبع فاروس وجامعة الشروق بياخدوا بالكتير خالص خالص خالص 10 آلاف فى السنة وممكن ينزل لـ6 آلاف بس فى السنة ولو شديت حيلك فى أولى كلية وجبت مجموع وطلعت من الأوائل حيخفّضوا ويعملولك خصم على اللى انت بتدفعه!
user22
21-07-2012, 10:48 PM
لأ ده بالنسبة للكليات الخاصة
لو عايز تحجز من وانت لسه فى بداية تانية ثانوى كمان
ده انت المفروض تستعجل نفسك وتلحق عشان الإقبال جامد جداً السنة دى وممكن ما تلحقش
تروح بدرى على أد ما تقدر
ولما تحجز ابقى قل لى حجزت فى جامعة إيه؟؟؟ أنصحك بفاروس الإسكندرية أو الشروق فى القاهرة
فرع محمد رجب اللى تبع فاروس وجامعة الشروق بياخدوا بالكتير خالص خالص خالص 10 آلاف فى السنة وممكن ينزل لـ6 آلاف بس فى السنة ولو شديت حيلك فى أولى كلية وجبت مجموع وطلعت من الأوائل حيخفّضوا ويعملولك خصم على اللى انت بتدفعه!
تمام , أنا ناوي أأقدم إما في الشروق أو العاشر من رمضان :d
بس لسه مش عارف الإجراءات هتم إزاي بالضبط , ربنا يسهل ويقدم اللي فيه الخير .
user22
22-07-2012, 12:54 PM
Anyone else can give us more details ?