بسم الله الرحمن الرحيم
لو سمحتوا انا من المنوفيه وجايب الحمد لله 97.5 وانا علمى رياضة
فى التنسيق بيقولوا لازم تختار الكليه الاقرب ليك الاول
وانا جايب اعلى من درجة الكلية القريبة منى ومن الكلية اللى انا عايز ادخلها
انا عايز ادخل القاهرة او عين شمس واقرب حاجة ليا شبين الكوم وفى التنسيق لازم اكتب شبين رغبة اولى وكده هيقبلونى لان مجموعى اكبر منها على حسب تنسيق السنة اللى فاتت وانا عايز ادخل القاهرة او عين شمس احول ازاى ؟. انا مش عايز احضر سنة اولى فى شبين اصلا
ارجوكم الافادة.
وبخصوص القاهرة وعين شمس مين فيهم احسن خاصة قسم الكترونيات او ميكاترونيكس او ميكانيكا ؟

بسم الله الرحمن الرحيم
نفس المشكله اللى عندى يا ريت حد يدخل و يقول لنا هنعمل ايه
انا برده من المحله و عاوز اروح هندسة القاهره يا ريت حد يدخل و يوقل لنا ايه المطلوب مع العلم انى جايب98.5 و كتبت غصب عنى المنصوره و طنطا و كفر الشيخ و شبين و بنها الاول و بعدين القاهره طيب ايه المطلوب مننا
يا ريت حد يعبرنا و يقولنا ايه المطلوب لو اوراق او كده و ازاى نحول للقاهره؟؟؟؟

ما هو حسب التوزيع الجغرافى ...... يعنى لو اقرب حاجة ليك هندسة شبين يبقى لازم تكتبها الاول ...... لو عاوز تحول يبقى تجيبلهم ورق انك غيرت محل الاقامة عند مدينة الكلية اللى عاوزها ....... يعنى طالما جبت تنسيق الكلية القريبة منك او عديته يبقى كدا كدا لابس فيها :)
انما انت لو جبت اقل من تنسيق شبين ورحت كلية غيرها بعيدة عنك فسهل انك تحول وترجع شبين وربنا يوفقكم ان شاء الله

شكرا يا هدى على الرد

وده كان رد مشرف القسم عليا يا ميدو

(( عشان تحول لازم يكون معاك اثبات سكن في المنطقة الي هتحول ليها , مثلا جيزة او القاهرة و ما ينتمي ليهم ,
بتكتب تنسيقك عادي الكلية الي هي قريبة منك و بعد ما نتيجة التنسيق يبان تحديدا في أواخر سبعة اوائل شهر تمانية , بتبدأ الجامعات التحويلات , بحيث ممكن تحول من الكلية الي جاتلك لكلية في القاهرة و القاهرة بالتحديد بتطلب زي ما قلت اثبات سكن و يفضل بإسم الوالد , + بيصفوهم على حسب المجموع الجدير بالذكر انها السنة الي فاتت قبلت التحويلات من مجموع 397 , عين شمس أظن ما طلبتش مجموع زي القاهرة كدا و كان يكتفي فقط انك تجيب حد أدنى مجموع الكلية , او حد ادنى كليات هندسة مش متذكر .))

الشكر لله بس انا حوده مش هدى :)