انا دلوقتي جايب 93 ومكنتش باخد دروس لدرجة اني مكنتش بطلع من البيت كان 24 ساعة مذاكرة وطلعت من المرحلة الاولي ونفسي ومني حياتي ادخل هندسة ومش عايز اكلف اهلي بس اعمل اية وخايف احسن يتشالو من الناقبة بس في واحد طمني فاعيز اعرف ارخص هندسة خاصة اية وتكون كويسة بس رخيصة مش غالية وان شاء الله اجتهد فيها وممكن يعفوني من المصاريف

ربنا معاك
اعتقد هندسة العاشر

أكاديمية الشروق , المعهد العالي للهندسة في العاشر من رمضان

لو تفوقت وطلعت من 3 الأوائل ممكن تأخذ إعفاء من المصاريف

مصاريف الاثنين تقريبا 12 ألف في السنة , وبما إنك جايب 93% ممكن تأخذ خصم كويس بس مش عارف كام بالضبط :)

عموما انا حالتي مشابهة ليك تماما ولسه ببحث وبقارن بين الاثنين ...

في جامعه بريطانيه مصريه اسمها MSA مصاريفها حوالي 15 كل سنه و ليك خصم عشان مجموعك
بجد جامعه كويسه اوي
http://msa.eun.eg/
دا موقع الجامعه

لو مكانك ادخل حسابات ومعلومات

على فكره نصيحه منى هندسه ملهاش مستقبل يعنى حتى لو وفرت على أهلك انت في الاول والاخر محتاج وظيفه كويسه والكليه الى فرصها حلوه جدا حاسبات ومعلومات وأنشاء الله هتجيب تقدير وممكن تسأل عن الكليه وتتأكد من ده بنفسك لان تخصصات حاسبات ومعلومات مطلوبه جدا جدا جدا وبمرتبات عاليه وبيطلوبوا في شركات كتير قطاع خاص وكمان قطاع حكومى وباللأخص البنوك وطبعا مرتباب البنوك والشركات الخاصه غنية عن التعريق ومرتباتها عاليه جدا لان الكمبيوتر أصلا لغة العصر

انا دلوقتي جايب 93 ومكنتش باخد دروس لدرجة اني مكنتش بطلع من البيت كان 24 ساعة مذاكرة وطلعت من المرحلة الاولي ونفسي ومني حياتي ادخل هندسة ومش عايز اكلف اهلي بس اعمل اية وخايف احسن يتشالو من الناقبة بس في واحد طمني فاعيز اعرف ارخص هندسة خاصة اية وتكون كويسة بس رخيصة مش غالية وان شاء الله اجتهد فيها وممكن يعفوني من المصاريف
**بسم الله الرحمن الرحيم **
نصيحتى لك اخى العزيز ان تبعد عن الهندسة الخاصة لانهم بيقولوا مصاريف ولما تروح هناك بتكون جاحة تانية وبيقولوا دى عشان الباص ودى عشان اللى مش عارف ايه وفى الاخر وبعد التعب دا كله والمصاريف اللى حتروح على الفاضى مش حتتوظف لكن ادخل حاجة عامة وحلوة زى التربية بانوعها مثلا دى اسهل ومش متعبة وممكن تتوظف ان شاء الله لكن الهندسة دى اسم على الفاضى ان ماكنتشى عامة خلاص متبقاش حلوة او ممكن تتدخل برضوا بمجموعك دا علوم ان شاء الله وخصوصاانت علمى رياضة دا مجموع مش وحش وبرضوا زى ما قال الاخ الحاسبات والمعلومات كويسة جدا ودا عن رايى وممكن حضرتك لو عاوز هندسة واملك انك كنت تتدخلها فاعمل استخارة وربنا معاك ويوفقك ان شاء الله تعالى

مجموعك ممكن يدخلك حاسبات ومعلومات وفنون تطبيقية وهتطلع مهندس منها بدل متتدخل ندسة خاص وبردوا العاشر والشروق بردوا معهد حتى لو هتاخد بكالريوس فى الوظايف مش هتكون من الاولوية انصحك بفنون تطبيقية او حاسبات تطلع مهندس كمبيوتر او ديكور او مهندس جرافيك وابقى قلنا عملت اية بلتوفيق

معهد عالى هندسة العاشروالشروق والعبور ممتازيين