هل يوجد هندسه القاهرة بمصاريف للذين يقل مجموعهم عن هندسه القاهرة بمقدار 2% كحد اقصى

بص يا سيدى,أنا لسة زى زيك مخلص ثالثة السنة ديه بس أعرف شوية معلومات عنها و الله أعلم , أنا هكلمك على القاهرة لأن معلوماتى عنها هى بحوالى 18 ألف جنيه فى السنة و كل الساعات المعتمدة سواء قاهرة أو حلوان أو عين شمس فى الحدود ديه و كلها تنسيق داخلى السنة اللى فاتت هندسة القاهرة أخدت من 396 و الساعات المعتمدة قبلت ناس فى التحويلات من 391.5 فى القاهرة الساعات المعتمدة العدد من 360 ل 370 بيتقسموا ل 6 جروبات على حسب الدكاترة و المواعيد بحيث ان العدد فى كل جروب فى حدود 50 طالب بتأخد فى اعدادى 14 مادة منهم أربع مواد اختيارى بتختار اتنين تيرم أول و اتنين ترم تانى بحيث ان يبقى 7 مواد كل ترم منهم اتنين اختيارى الدراسة كلها انجليزى و القاعات مكيفة على حد علمى العدد القليل ميزة كبيرة لأن أنا أعرف ناس فى هندسة عادى العدد كبير مش بيسمعوا و لا بيشوفوا كويس و الساعات المعتمدة العدد القليل ميزة و طبعا فى رأى لو الواحد يقدر يتحمل تكلفتها تبقى أحسن بس أقسامها أقل من القسم العادى و لو فيه أسئلة أخرى اتفضل و الدراسة سواء عادى أو ساعات معتمدة لو جامعة القاهرة بتبقى اعدادى فى الشيخ زايد و الله أعلم نسيت أقول لن ال 4 مواد اختيارى بمعنى أى 2 ترم أول و أى 2 ترم تانى بس لازم يتاخدوا

الأقسام:الرياضيات و الفيزيقا الهندسية,الهندسة المعمارية,الهندسة المدنية,الهندسة الميكانيكية,هندسة الطيران و الفضاء,الالكترونيات و الاتصالات الكهربية,هندسة القوى و الالات الكهربية,الهندسة الكيميائية,هندسة المناجم و البترول و الفلزات,الهندسة الحيوية الطبية و المنظومات,هندسة الحاسبات

على حسب اللى قالهولى طالب فيها انك لازم تبقى جايب هندسة القاهرة فى الأول و بعد كدة بيفتحو التحويل و مش موضوع انك تبقى جايب الحد الأدنى زى م وضحت ان هندسة القاهرة السنة اللى فاتت أخدت من 396 و كريدت أخدت فى التحويل من 391.5 على ما أفتكر و ممكن يقبلوك قبل الدراسة مثلا بفترة بسيطة أوى مثلا أسبوع

في نظام كريديت , بياخد ناس جايبة اقل من القاهرة , استفسر بالظبط عنه من الموقع الرسمي