يا جماعه فى رايكم انهى افضل؟؟؟


هندسه قسم ميكانيكا ولا حاسبات ومعلومات

بالنسبه للدراسه و سوق العمل والمميزات وكدا

الاتنين كويسين ومستقبلهم كويس وشغلهم موجود وبمرتبات عالية وصعب افضل حاجة عالتانية بصراحة ,, بس لو حابب التكنولوجيا والتطوير المستمر ادخل حاسبات ولو حابب الميكنة والصيانة ادخل ميكانيكا :) , القرار فى ايدك

الفكره ان انا حابب الاتنين
وبصراحه لحد دلوقتى مش عارف افاضل بين الاتنين

فا بسال لو حد يقدر يعرض مميزات دى ومميزات دى
يساعدنى انى اقرر

ادخل حاسبات ومعلومات وخليك مميز ,, مهندسين الميكانيكا كتييييييييييير انما الحاسبات قليلين ف البلد :)


انت لو عرفت مميزات كل واحدة هتحتار اكتر

انا الى حد ما عندى معلومات عن الحاسبات

محتاج حد يدينى معلومات عن الميكانيكا

ما انا قولتلك لو حابب الصيانة والتفعيص فى المكن خش ميكانيكا :)

طب انت ف رايك بما انك حاسبات

انهى مستقبلها افضل ؟؟

تاعبك معلش

حاسبات ومعلومات :) , مستقبلها جامد , بس سيبك من الناس الهابلة الجاهلة اللى يقولك زي تجارة واللى يقولك هتفتح سايبر واللى يقولك هتوصل نت واللى يقولك هتنزل ويندوز :)

ده مجال وده مجال تاني مش فاهم إزاي عايز تفاضل بين حاجتين ملهمش علاقة ببعض
هندسة ميكانيكا ديه كليية هندسة قسم ميكانيكا
وحاسبات في كلية الحاسبات
يعني مفيش أي علاقة بينهم

اما عن هندسة الميكانيكا
لهندسة الميكانيكية هي فرع من فروع الهندسة يهتم بتصميم، وتصنيع، وتشغيل، وتطوير الآلات أو الأجهزة المستخدمة في مختلف قطاعات النشاطات الاقتصادية وبتعريف الموسوعة البريطانية فإن الهندسة الميكانيكية هي فرع من فروع الهندسة يهتم بالتصميم، وبالتصنيع، وبالتركيب، وتشغيل المحركات، والآلات، وعمليات التصنيع. وهي مهتمة بشكل خاص بالقوى والحركة وهو علم يهتم بدراسة الطاقة بكافة صورها وتأثيرها على الأجسام. وهو تخصص واسع له علاقة بكل مجالات الحياة. فالهندسة الميكانيكية تتعلق مثلا بصناعات الفضاء، والطيران، وبالإنتاج، وتحويل الطاقة، وميكانيكا الأبنية، والنقل، وتكنولوجيا التكييف والتبريد، وفي النمذجة والمحاكاة المعلوماتية.

مش معنى انهم مالهمش علاقة ببعض , انه مش يقدر يفضل واحدة عالتانية .